السلام عليكم ورحمة الله

أولاً ميرسى عالتوبيك يا فنكوش

ويارب تكون حلقة خفيفة عليكوا


بسم الله..




الأسم : بسمة حمدى شاهين

السن : 17 سنة إلا 12 يوم

العنوان : كفر صقر _ الشرقية

المؤهل : طالبة بالسنة الاولى فى كلية لسه ما اعرفش هتكون ايه




بنت عادية جداً ..نشأت فى أسرة ملتزمة ..أكبر اخواتها ..عاشت طفولة لا بأس بها ..

بتحب الناس اووى وما تقدرش تعيش من غيرهم..

ساعات بتكون عاقله وهادية وساعات بتكون مجنونة حسب الحالة المزاجية يعنى

احلامها وطموحها بسيطة ..خيالية حبتين ..بس بتعرف تتعامل مع الواقع كويس

بطبيعتها متفائلة وشايفة ان الجاى بأذن الله افضل من الى سبقه ..





ايه الفضايح دى بس

راس البر جميلة عموماً ..الطبيعة فيها حلووة اووى

بحرها جميل بأستثناء الموج الى بيقلبنى

فيها الغروب والشروق روووعة بجد ..



اجمل مكان بحبه فيها شارع النيل ..

او مهرجان السياحة والتسوق الصينى زى ما بسميه

كل المنتجات المعروضه من البلد الشقيق ((الصين))



وطبعاً من باب شجع انتاج وطنك فيه بعض السلع المصرية

المصابة بالشلل والاعاقة المزمنة ودى متوفرة فى مكان واحد

مهرجان ( تعالى بص.. كله ب 2.5 )


يارب الاجابات تكون وافية بقى

المتمرد :




ربنا يكرمك يااارب ..كل واحد له يوم ولا يهمك





كوين :




هدى النفوس يا نيرمو

والله يا ستى راجعة وشى عامل زى كيك الفراولة

لا ابيض ولا أسود ..علق على الأحمر

منورة يا بوسى

انا كمان مش محتاجة اسألك

اعتقد صداقتنا اعمق من كده

بسام:



انت عارف انى مانسيتش بس كنت مسافرة

واكيد ده نورك معانا




5 بسسسس

ايه البخل ده ..

اقرب الناس ليا هنا ..

جارة القمر .....ملاكى الحارس وكل حاجه طعمها حلو فى حياتى

كلاسيك ...القلب الطيب الى بيسمعنى ويطبطب عليّا

بسام أفندى ...أخويا الكبيييير الى دايماً بيقف جمبى وينصحنى

semsema : خالتى الصغنونة واطيب خلق الله الى عرفتهم فى حياتى

دولـــــــــى : بنت عمتى وصاحبة عمرى الى عمرى مانسيتها رغم غيابها


وناس كتير كمان : هدى الله وصافى واونلى دا انا وفرحة وسلمى سلطان وفير و نومى وبيبو ومشموشة و...و...ومش عايزة انسى حد


اى خدمة ابقى تعالى ب ثانياً سهلة كده

فنكوش :



تأثير كلى وجزئى بجد ...

عرفت ناس طلعتنى سابع سما وناس نزلتنى سابع أرض

من أول ماما وبابا وتأثيرهم الكبير اووى عليا

لحد (((اصحابى))) واسمحلى احط الكلمة دى بين مليون قوس لأهميتها

وكمان أساتذتى واهلى وجيرانى..

فيه ناس شدتنى لربنا وعلمتنى الخير

وناس تانية كان ممكن تضيعنى ..

كل حد واى حد عرفته كان له بصمة بجد فى حياتى

سواء كانت ايجابية او سلبية ..


مجموع البصمات دى هو الى كون شخصيتى دلوقتى




هههههههههههههههههه مش لدرجة عواصف يعنى

انا معظم لحظات جنونى بتبقى فرحة على فكرة



منكن برضه

بس انا يدوب بكتب على قدى شاعرة ايه بس



شكلك بتتريق !!

كلاسيك :



ايه النور ده

نورتى يا قمرى

اكيييد احنا معرفتنا ببعض عمييقة جداا

بس وجودك بالنسبالى فعلاً مهم

ماتحرميناش من مرورك




فرحة:



اتفضلى يا قمر




فنكوش المنكوش




المتمرد

عاشق الساهر :



ربنا يخليك يا عاشق



براحتك على الاخر



اقولك يا سيدى انا عرفت حلمنا عن طريق بسام

كان اهتمامنا مشترك من ناحية الشعر

وعرفنى على المنتدى هنا عشان انزل فيه الحاجات الى بكتبها


نورت بجد..

وياريت تشرفنا من تانى

كوين :



اغسلى براحتك يا حبيبتى




يعنى يا ستى اكتشفت انى لا أسيرة ولا أميرة

انا بسمة بس.. بسمة

والأمل هو سر وجودى وطبيعة فى شخصيتى

فجه اسم (بسمة أمل ) أقرب ليا من اسيرة الحب

لأنى كتير فهموا شخصيتى غلط من خلال الأسم




هما اربع ايام مقاطيع وكنتوا هتموتونى هنا

تخيلى لو قعدت اكتر من كده !!

كانت معايا خالتى الصغننه سمسمه وجدى وجدتى وخالى

كنا كتيير يعنى وانا واخواتيتى وبابتى ومامتى وكده




برضه حبة صغننين

عايزة اشوف

لا ده انا اموت واشوف

جارة القمر

وصافى

وهدى الله

واونلى دا انا

ورونى

وفير

وفرحة

و كلاسيك

وسنو

وانتى كمان يا كوين ابقى زورينا

سنووايت :



ولا يهمك يا قمر الله يكون فى العون



هتحسدينى على حبة التفاؤل كمان يا بنت

اقولك يا ستى ..

ما انكرش انه من فترة غير قليلة كنت فعلاً بصطنع الضحكة والتفاؤل عشان اهرب من الحزن والأكتئاب

بس حالياً والله مفيش اى اصطناع انا فعلاً سلمتها لله فى حاجات كتيرة وبقيت احس بكل مشكله على انها ابتلاء

مابقيتش اتعب نفسيا ولا اعيط على كل حاجة صغيرة . مابقيتش اعمل حساب حد مايستاهلش

حاولى تشوفى النص المليان زى مابيقولوا والله والله الدنيا حلوة اووى بس احنا الى جايبين لنفسنا الهم

خليكى مع ربنا وهتحسى قد ايه انها بسيطة وماتشغليش نفسك غير بمشاكل الاخرة هى كفيلة بالانشغال





اكييد تغيير كبير ومتهيألى انه للأحسن انتى شايفة ايه ؟

عقلت شويه بعيد عنك ..بقت اهتماماتى اكبر م الاول

بعمل حساب اكتر لكل حاجة اعملها وكل كلمة اقولها ..

يعنى بحاول دايماً اصلح من نفسى واقلل من عيوبى ..ادعيلى





مممم ده انتى سوسة يا بنت هو فيه حاجه ماتعرفيهاش

يمكن سر التفاؤل مش هقولك عليه

اتحايلى عليا شوية ..





اوتى

اولا المميزات :

بنت لذيذة جداا دمها خفيف اووى طيبة بجد وجدعة يعنى بمعنى الكلمة

وبتحب اصحابها ودايما بتساعدهم

بالنسبة للعيوب :

يمكن عصبية شوية و بتزعل بسرعة وصعبة الارضاء

هستناكى على باب الجامعة تخلصى طارك منى




الحمد لله

رديت عليكى والله يا فرحة

اطلعى وركزى كده هتلاقيهم


مفيش لسه غير رد مؤمن

هرجعله حالا

بعد أذنك يا مؤمن طبعاً هرد على المتمرد وارجع تانى لردك

المتمرد :





اولا : اسفة اذا كان كلامى ضايقك

ثانيا : انا قصدى :

حضرتك انسان محترم بجد و مشاركاتك متميزة فى حلمنا

بس يمكن ردودك بتكون فيها هزار زايد شويتين

بيخلى بعض الأعضاء ياخدوا عنك فكرة غلط


والله ده كان قصدى اما قلت انى شايفة انك لازم تاخد بالك من ردودك

كنت عايزة الفت نظرك لحاجه بمكن ماتكونش خدت بالك منها

وربنا العالم انى قلت كده لمصلحتك مش بقلل من شأنك ابداااااا

انا اسفة مرة تانية ..

ولو لسه مضايق ممكن نلغى الرد تماما ..

اتمنى قصدى يكون وصلك

تم تدارك الموقف

وتوضيح اللبس

والحمد لله النفوس صافية

ربنا يديم الود يا اسامة




خليك منتظر برضه يا مؤمن

ايه الحاجة اللي عملتيها خلال آخر 6 أشهر وبتعتبريها انجاز؟؟


مش شرط تكون حاجة مادية .... وبرده مش شرط انها حاجة كبيرة اوي

ادخلى المغسلة يا بسمة
فى وقت حسيتى فيه انك مضغوط عليكى و مش عارفة تطلعى اللى جواكى؟
لو فيه مين اللى كان السبب ؟
و مين اللى وقف جنبك ؟
و ايه اكتر حاجة ضايقتك فى حياتك؟

مؤمن :



اكيد منور




لا ابدا ربنا مايجيب ضيق

إقتباس

(((بـــــســـــــمة امــــــــــل)))


1_ مين اختارللك الاسم دة؟؟؟

انا اخترته ..

فى يوم كنت بتريق وبقول:

بسمة أمل ..اتصل ب 57357 لصالح مستشفى سرطان الاطفال

بس وبعدين عجبنى الاسم وقررت اغير ..

إقتباس

_ انتى مين من الشخصيات دى (( عاطفية _ انتهازية _ حساسة زيادة عن اللزوم _ كئيبة ساعات ))

ولو انتى مش من الاختيارات دى

ممكن تقوليهلنا انتى (( شخصيتك اية ))

ممممم يمكن ولا واحدة

انا طبعى عاطفى متعقل ...زى علمى متأدب كده

يعنى بفكر بقلبى وبحس بعقلى بحيث اوازن بينهم

إقتباس

3 _ مين مثللك الاعلى فى المنتدى

حقيقى هما كذا حد ..

سيسو ..قدوة فى النجاح

د.أحمد ..قدوة فى التدين

أزهرى صميم ..قدوة فى الثقافة

فنكوش .. قدوة فى الأخلاق

يارا وسمسمة ..قدوة فى الإلتزام

فير ..قدوة فى تحمل المسئولية

دول الى افتكرهم دلوقتى

إقتباس

_ لو انتى اتمنيتى حد من المنتدى اخوات ليكى . اختارى 7 اولاد و7 بنات؟؟ علشان انا بحب رقم 7 بعد 22:d

البنات :

جارة القمر _ يارا _ هدى الله _ فرحة _ اونلى _ نومى _ سلمى سلطان


الأولاد :

بسام _ نادر _ أزهرى _ د.أحمد _ د.ميدو _ eng.amr zaki _ وانت يا مؤمن كمان عشان تبقى اخر العنقود

إقتباس

_ لو اخترتى بلد غير بلدنا تختارى بلد اية ؟؟؟ ولية ؟؟؟

لو اخترت بلد غير بلدنا ..

فى مصر ..بحب اسكندرية جداااا وبعشق كل مكان فيها..

خارج مصر ..بحب فينيسيا فى ايطاليا ..بعيش فيها كتير فى احلامى

إقتباس

_ رأيك اية فى شباب المنتدى ؟؟؟ وبنات المنتدى

بالنسبة لشخصيات الاعضاء ..

اكيد من الصعب انى احكم على كل الاعضاء هنا بطابع واحد

لان المنتدى فيه ناس مختلفين تماما ..

في البعض محترم جداا جداا وصاحب عقلية ممتازة بيفيد ويستفيد فعلاً

وفى البعض صاحب رأى ناقد واهتمامات واسعة

وبعض اخر مكبر دماغه جامد يعنى ..

و أى مكان لازم يبقى فيه ده وده ..

إقتباس

7 _ رأيك اية فى الاعضاء دول

ايه الناس الجامدة دى

أولا :

فنكوش المنكوش

عضو محترم جداااا ..

وصاحب اخلاق عالية

متدين . عصامى . طموح

طيب لأبعد الحدود

ويستاهل كل خير

المتمرد

هو عارف رأيي فيه كويس

عاشق الساهر

عضو محترم برضه

لبق فى كلامه ..

احساسه عالى جدااا

من أفضل الناس الى بيكتبوا فى حلمنا

من خلال ردوده بحس انه مكسور

بدعى ربنا يفرح قلبه ويريح باله


مؤمن

معرفوش




لا طبعاً بهرج ..

أخويا الصغير ..

عضو نشيط

موضوعاته لذيذه

دمه خفيف

وبلدياتى

شاكو

يمكن ما اعرفش احمد كويس لقلة مشاركاته

بس انا بسمع عنه كل خير من بسام (صاحبه الانتيم)

اعرف انه ..

جدع اووى وصاحب صاحبه

طيب جداااا

وأهلاوى صميم

بسام

اخويا الكبير .. شخص محترم وطيب

رخم فى بعض الاحيان

ومن يوم ماعرفته وهو بينصحنى بالخير

وقف جمبى فى مشاكل كتير وقفة اخ بجد

وأخيرا ..

هو اول حد عرفته هنا وهو سبب معرفتى بحلمنا


د.ميدو

من الاعضاء الى بقدر رأيهم جدااا

وبفرح اوى بنقضهم

عضو مثقف جداا

لا يجيد المجاملات او النفاق

وشعاره : لايصح الا الصحيح

اكن له كل احترام وتقدير ..


كلاسيك

يارا من اطيب البنات الى عرفتهم هنا فعلاً

بحبها جداا وهى بتخاف عليا جداا ودايما تقولى انتى شبهى بس على صغير

انسانة عاقله اوووى وبتنصحنى دايما وتوجهنى للصح


الشمس المشرقة

بنوتة زى العسل ..

رغم انها صغيرة بس عمرى ماحسيت كده فى كلامى معاها ابداا

هى واعية واكبر من سنها بكتير وانا بعزها اووى والله

وكنت هتجنن واشوفها مع سمسمة

جارة القمر

مفيش كلام يوصف حبى للبنت دى..

ان كنت عايشة ..فأنا عايشة بيها

بس..

هدى الله

الطيبة فى هيئة انسان ..

بنت ملتزمة ومحترمة جداا

محبوبة من الكل عشان ربنا بيحبها

ليها عندى معزة خاصة جداا

بستريح اما بكلمها جداا

سمسمة

خالتى وأختى وأمى وأنور وجدى

زى العسسسسسسسسل

كنا دايما واحنا صغيرين زى ناقر ونقير

بس اما كبرنا عقلنا بقى وقربنا من بعض كتييييييييييييير

ملتزمة ماشاء الله عليها

وعاقلة جداا

ربنا يكرمها ياااااااااااااارب


(نستولجي)

حبيت نستو من الكلام الى سمعته عنها زمان

ولسه متعرفين على بعض قريب

شخصية جميلة تستحق الاحترام

وعقلية تستحق الانحناء





يااااااااااااااااااااه خلصت

ابقى تعالى تانى يا مؤمن

نستولوجى



منورة يا نستو وسؤالك جميل

بالنسبة للحدث الملموس:

فهو نجاحى فى الثانوية العامة

والانجاز الى بتكلم عنه والخاص ب 6 شهور الاخيرة

هو انى بفضل الله جبت السنادى 97% (بالنسبة لسنة ثالثة بس)

ورفعت مجموعى من 90% (فى تانية) الى 94.6% (فى السنتين)


بالنسبة للحدث المحسوس :

فبرضه بفضل الله قدرت الفترة الأخيرة اتغلب على جزء كبير من مشاكلى

زى الخوف من بعض الحاجات ورهبة المواجهة وضعفى

وخرجت من جو اكتئاب سخيف ..

ايه دا نفضتيلى ليه؟؟؟؟

هابى جيرل :



الله يسلمك يا قمر

وده نورك معانا



اوك يا جميل..

أغسلى براحتك



الصاقة بالنسبالى حاجة كبيرة اووى وبما انك بتقولى صاحبة عمرى

يعنى عمرى ماهسيبها بسهولك حتى لو هى الى باعتنى

هحاول مرة واتنين وتلاتة انى ارجعها واصلح علاقتنا ببعض

وان رفضت فى الحالة دى عمرى ما هغصبها

بس برضه ما اقدرش اكرهها وهفضل أسأل عليها من بعيد..




اقولك:

هو صراحة حسب الموقف لو كان حد منهم مضايق او متعصب بسبب ضغوطه وكده

غالباً انا بسكت لحد ما الجو يهدى وبعدين اتكلم معاهم ..

لو الموضوع كان زيادة شوية او حسيت انى تظلمت جامد او حد زعق جامد يعنى

بدخل اوضتى واديها عياااااااااااااااط لحد ما اخرج كل الى جوايا ..

وبعدها اخرج البلكونة او انام شوية

واصحى ولا كأن شئ حصل ..

ولو ليا رأى او دفاع عن نفسى بيبقى بعد ما يهدوا تماماً

اصل هقولك دول ماما وبابا مهما حصل لا هقدر اعاتبهم ولا اخاصمهم

يبقى انسى احسن وما اشيلش فى نفسى فهمانى ؟




جارة القمر ..أكسير الحياة بالنسبالى



اوك يا قمر ماتحرميناش من وجودك