رئيس جامعة حلوان يرفض "مجددا" دخول المنتقبات المدينة الجامعية



أزمة المنتقبات داخل جامعة حلوان لم تجد حلا بعد

: أكد الدكتور عبد الحي عبيدمجددا رفضه السماح بدخول أي طالبة منتقبة للمدينة الجامعية ، وذلك في تصعيد جديد للأزمة التي تفجرت مؤخرا بعد طرد عدد من الطلاب والطالبات من المدينة الجامعية بينهم منتقبات.

وقال عبيد في لقاء مفتوح عقده ظهر الثلاثاء داخل الحرم الجامعي مع عدد كبير من الطلاب والطالبات : "يجب على الطالبات خلع النقاب داخل المدينة الجامعية نظرا لأنها خالية من الرجال ولا يوجد أي حرج من خلع النقاب داخل المدينة".

كان مسئولو المدينة الجامعية قد قاموا بطرد ٤٢٥ طالبا وطالبة بينهم 15 فتاة منتقبة من المدينة ، وإرغامهم على توقيع إخلاء طرف خاصة بعد أن رفضت الطالبات المنتقبات طلب يحيى مدكور مدير إدارة المدن الجامعية بخلع النقاب والسير بدونه في مباني الشباب كشرط للبقاء داخل المدينة!
وأضاف عبيد خلال اللقاء الذي حضره نحو ألف طالب وطالبة في أحد مدرجات الجامعة : "يوجد الكثير من الغرباء عن الجامعة يدخلون المدينة الجامعية بداعي القيام بالأعمال الإنشائية هناك ، ويمكن لأحدهم التنكر في زي إحدى المنقبات والدخول وسرقة أي شئ القيام بأي عمل تخريبي داخل الجامعة".

وكان عدد كبير من الطلاب قد تجمعوا في وقت سابق من الشهر الحالي داخل الجامعة احتجاجا على قرار الطرد ، وهددوا بتنظيم اعتصام مفتوح داخل الحرم الجامعي في حالة عدم عودة جميع المستبعدين.

السلام عليكــم ورحمـة الله وبركاتــة ،،

دكتور عبد الحى عبيد عنده كل الحق فى قراراه ده

انا على فكرة فى جامعة حلوان واللى راح جامعة حلوان هيشوف اد ايه الجامعة واااسعة جدا ومن الصعب السيطرة عليها

وده راجل مسئول المفروض انه يحافظ على امن وامان الجامعة وهو المسئول الاول عن اى حاجة تحصل فيها

وعلى فكرة الراجل عنده حق لعدة اسباب

1- دكتور عبيد طلب ان المنتقبات تشيل النقاب بس داخل مبانى المدينة الجامعية لبيان شخصيتهم مع العلم انها مبنى البنات وكمان كل العاملين فيها سيدات

2-اللى راح جامعة حلوان هيشوف اد ايه هى واسعة وفيها مناطق زى ما بيقولوا كده صحرا ومقطوعة يعنى لو اى جريمة حصلت فها محدش هيحس

3-محدش يفتكرنى ببالغ لما بوصفلكوا الجامعة ووسعها ده لدرجة ان احنا اهو اللى طلبة فيها والله كنا بنروح ساعات فى الاجازة الامن ميرضاش يدخلنا وكمان طول ايام الدراسة ممنوع لاى حد مش فى الجامعة انه يدخل حتى لو عمل ايه

4- للعلم بس قبل كده حصلت حادثة اغتصاب فى الجامعة وده طبعا يوضحلكوا اد ايه المسئوليه كبيرة ويبرر طبعا المبالغة فى الاهتمام بالناس اللى يدخلوا الجامعة

5-عندنا كمان ممنوع اى طلبة تبقى موجودة بره المدرجات والسكاشن والمعامل بعد الساعة 3 عصرا او 4 بالكتير اوى وعساكر الامن لو لقوا اى طلبة بره بيطردوهم لاوايه بيقعدوا يصفروا بصفارة علشان نخرج كأننا فى جنينة الحيوانات


معلش طولت عليكوا
بس انا حبيت اعلق عالموضوع علشان اوضح للى ميعرفش جامعة حلوان شكلها ايه
وبلاش يا جماعة كده تأويل الاخبار واننا على الفور نصدر بيان باههادر دم رئيس الجامعة وده راجل خاين وعميل للحكومة وعاوز يبقى وزير
وانا واثقة ان لو حادثة حصلت فى الجامعة كل المواقف ده هتنقلب 360 درجة

لو كلامك صح يا جى جى يبقى لازم الدكتور عبدالحى يعمل كدة واكتر كمان
شكرا يا اماندا عالموضوع

ايه اللى يخليك تشك فى كلامى يا سوفت
عموما حلمنا فى ناس كتير من جامعة حلوان تقدر تتأكد منهم
وبعدين انا الحمد لله بقول كلمة الحق لوجه الله يعنى مش برد مثلا علشان ادافع عن اى حد

ومين قالك انى شاكك فى كلامك ؟! وردى باين ومفهوم
عالعموم اسف
بس انتى فهمتينى غلط

مفيش داعى للاسف يا سوفت
الحكاية مش مستاهلة
واحنا كلنا اكيد اخوات

وانا بجد اللى اسفة اذا كنت فهمت ردك غلط

ازيك يا اماندا
مفيش زعل ولا حاجة
ربنا ما يجيب زعل ابدا
احنا كلنا اخوات وفيش حاجة تزعلنا من بعض
وااختلاف فى الرأى لا يفسد للود قضية
ومشكورة على مجهودك

السلام عليكم ورحمة الله وبركاتة

اولا مشكور على الموضوع الرائع دة

وبعدين لو بجد بيحصل تخريب من الناس النقبين يعنى بيدخوا الجامعة فى زى المنقبين

دة مش زنب المسلمين و لا الاسلام دة زنب على الناس نفسها
و حرام انك تجبر مسلم انة يعصى ربنا فى شى

وزى ما احنا عرفين ان النقاب دة فرد
ومن زمان بيحاولوا ياجموه بكل الطرق
عشاان بعد النقاب يقوللا الللا لبسة طارحة ماتخشش
وهاكذا فا اعداء الاسلام كتير
ومن اول هذه البلد

فا ربنا يهدى جميع المسلمين ويثبت المؤمنين منهم

شكرا لك اخى الفاضل