منتديات جزيرة الاحلام > تعديل الدستور

المساعدة - البحث - قائمة الأعضاء - التقويم

منتديات جزيرة الاحلام > شاطىء ما وراء الاحداث > احداث مصريه

emad beader

Sep 14 2007, 01:55 PM

السلام عليكــم ورحمـة الله وبركاتــة ،،

كل عام وانتم بخير

ورمضان كريم

فى سؤال ارجو المناقشة فيه لماذا قرر مبارك بتعديل الدستور فيما يختص بانتخاب رئيس الجمهوريه ان يكون رئيس حزب بدلا من عسكريا حيث عندما قامت الثورة تم تطبيق قانون ان يكون رئيس الجمهوريه يجب ان يكون من ضباط الجيش لماذا غير مبارك هذا القانون

فى انتظار رائكم

وسوف ارد على اسفساركم

Memonesta

Sep 17 2007, 03:23 PM

أيه ده يا ولد؟؟؟

مبارك حاف كده؟؟

يا ليلة بني...

سلاموا عليكوااااااااااا

قارئة الفنجان

Sep 18 2007, 05:14 PM

والله احنا عارفين ان سيادة الرئيس عمره ما هيعملنا حاجه غلط

فامش مشكله اننا نسأل ليه

اكيد فى مصلحه بس احنا اللى مش عارفين

K h @ L e D

Sep 18 2007, 09:46 PM

السلام عليكم ورحمة الله وبركاته

ملاحظة كويسة منك يا عماد ولكن معتقدش إن دى الحاجة الوحيدة فى التعديل اللى موضع نقاش

أولاً التعديل الدستورى لغى تقريبا كل اللى قامت عليه الثورة وأبسطها النظام الإشتراكى فيعنى مش هاتيجى على اللى يحكم مصر يكون من ضباط الجيش أو مش منهم .

أنتا ممكن تكون بتعرض السؤال دا علشان تقول مثلا إنه عايز يخلى إبنه الرئيس المنتظر والله أعلم يعنى انتا تقصد إيه بس صدقنى فيه حاجات كتير ممكن تناقشها أهم من دا .. وأبسطها هى ليه قام هوا بتعديل الدستور فى التوقيت دا بالذات وهوا حاكم مصر من فترة طويلة أوى !!

بس بعيد عن النقطة اللى عرضتها دلوقتى فيه حاجة صغيرة لاحظتها هاقولها وربنا يستر

إنتا مش ملاحظ إن التعديل الدستورى وتحويل مصر من النظام الإشتراكى للنظام الرأسمالى سبقته شوية أحداث خلت التعديل دا حاجة عادية جدا عند الناس ومفرقتش معاهم .. وأهم هذه الأحداث هى حركة الخصخصة اللى حصلت قبل التعديل واللى بسببها هيئات كتير كانت تابعة للحكومة ومكرسة لخدمة المواطنين اتباعت لجهات خاصة

حركة الخصخصة دى حولت مصر من النظام الإشتراكى للنظام الرأسمالى ولكن على المدى الطويل وبشكل خلى الناس اعتادت على النظام الرأسمالى قبل ما ينزل تعديل دستورى بتطبيقه

ولما معظم الهيئات والمصانع العامة اتخصخصت قام الريس بتعديل الدستور وحول مصر من النظام الإشتراكى للنظام الرأسمالى ومصر أصلا كانت ماشية على النظام الرأسمالى ولكن بشكل غير مباشر ..

خلينى اقولك حاجة والله أعلم هى صح ولا غلط بس فى إعتقادى الشخصى إن حركة الخصخصة دى كانت قانوناً غلط قبل التعديل لأن دى كانت ممتلكات عامة و لكن التعديل الدستورى خلاها قانونية .

حسنى مبارك عرف ازاى يتعامل مع الشعب المصرى .. بيخليه يعتاد على النظام أولاً وبعد كدة يفرض قرار بتطبيقه و بكدة لا تحصل مشكلة ولا الناس تثور عليه .

المشكلة الحقيقية هنا إننا حالياً بلد رأسمالى والسلع الإستهلاكية بتغلى لأنها بقت بتطلع من مصانع رأسمالية ومع ذلك الموظفين مازالوا حتى الأن بيقبضوا مرتباتهم البسيطة أوى على النظام الإشتراكى .. بالذمة مش حاجة تضحك

أقولك على حاجة كمان ويارب أكون غلط فيها .. بيتهيألى إن قدام شوية مجانية التعليم هاتتلغى ودلوقتى بيتحضر ليها فعلا عن طريق المصاريف اللى بتغلى كل سنة عن اللى قبلها لحد ما توصل لحد معين وبعد كدة هايعلن إلغاء مجانية التعليم فى مصر بس بعد ما تكون الناس اعتادت على النظام فمتحصلش مشاكل ولا ثورة زى ما قولت قبل كدة .. هوا توقع شخصى منى للمرحلة اللى جاية وأتمنى إنى أكون مخطىء فيه ولكن للأسف كل شوية بحس إن كلامى صح ..

وشكرا ليك على إثارتك للموضوع دا يا عماد وأهلا بيك معانا