مبدئيا كده... وعشان نبقى متفقين..

اللي هيضرب هازعل منه...

شتيمة بس..

ده أولا... ثانيا الشتيمة تبقي في السر.. ماشي؟؟

عشان انا مش هاسمح لأي حد يشتمني بصوت عالي...

المهم...

أنا النهاردة عاوز اتكلم عن المشكلة اللي عاملاها جرايد المعارضة..

قال أيه... اغتيال الصحافة وتكميم أفواه ومعرفش ايه ده اللي بيسموه... !!!!

مين قال ان احنا عندنا كبت حريات ولا عندنا مشاكل ولا عندنا أيتها حاجة....

احنا بعون الله البلد الوحيد اللي في العالم معندوش مشاكل...

وأيه رأيكوا بقى .... خالص

الصحافة بتمارس حريتها تمام.. بترفع أسعار الجرايد وقت لما تحب..

حرية دي ولا مش حرية...؟؟؟!!!!

والصحافة تقدر تقابل أي هلاّس من هلاسين الفن والهشك بشك...

وتعمل الريبورتاج اللي ييجي علي مزاج مزاج وكيف كيف اللي اخترع الصحافة....

حرية صحافة ايه اللي بتبكوا عليها..

يعني عاوزين يبقى عندكوا حرية وشعبكوا مقهور.. اخواتكوا في الله اللي مقطّعين نفسهم لعب كوتشينة عالقهاوي..

ولو راح صلى ركعتين في الجامع يتقبض عليه....

اشمعنى انتو اللي عاوزين حرية...

الحرية ده مصطلح معمول في مطبخ التهجيص والفشر والضحك عالدقون...

الحرية دلوقتي مفهوهما اتشقلب وبقت خلاص رجليها فوق وراسها برضه فوق..

حرية بيع البلد.. حرية الخصخصة ورفع الأسعار وتدمير البنية التحتية والفوقية والوسطانية للشعب الكسيح أصلا...

وعلي رأي الفنان فريد شوقي (وتريدون أن تدخلون الجنة... يا أخي...... ولا بلاش)....

حرية اللبس المحزء والملزء وشباب تطويل الشعر والسالف لحد صدره...

حرية احط احمر واخضر وأزرق.. وفيها أيه؟؟؟

حرية ايه يا ولاد الـ....... يا ولاد الـ...... آآآآآآآآآآآآآآه

هاقول أيه.. يا خلق هووووووووه

ركزوا معايا من حكمة العدد....

إن الله لا يغير ما بقوم حتى يغيروا من أنفسهم...

هاقوم اعيط واجي... ماشي..

سلامو عليكوا

السلام عليكــم ورحمـة الله وبركاتــة ،،

بص يا عم الثورجي
هوة دة الواقع
اذا كان عاجبك
و لو مش عاجبك غصب عنك هيعجبك
عشان انت في مصر

و الحل انت قلته
" إن الله لا يغير ما بقوم حتى يغيروا ما بانفسهم "
و كمان عايز اقولك آية كمان من القرآن الكريم
بس المعني أشمل شوية
" ذلك و أن الله لم يك مغيراً نعمةً أنعمها على قوم حتى يغيروا ما بأنفسهم " سورة الأنفال

و ربنا يستر من اللي جاي

MARO

عيط براحتك

والى يسأل عنك

لا حياه لمن تنادى

ميمونيستا:



أبدعت بحق ...

إقتباس

إن الله لا يغير ما بقوم حتى يغيروا من أنفسهم...

لا أكثر

اقول ايه بس ما انت قولت اللى مش عارفين نقوله

مش عارفه الناس هتصلح من نفسها امتى

بجد الواحد تعب لا واللى يتعب اكتر السلوكيات بتاعت الناس نفسها

ربنا يهديهم ويهدينا جميعاً ويصلح الأحوال

بص يا مروان يا صديقي...

أنا ما فتحتش بوءي يا عم....

عاجبني وآدي البلغه أهيه في بوءي

لبخنبخ حتختطيخ خشهت هسيت

خلاص... ارتحت

تسلم يا سندباد...

أنت الوحيد اللي ريحتني

جزاك الله خيرا...

Nostolgia to Love

اثلجت صدري بردك....

جزاك الله خيرا..

Classic

وجودك دايما بيسعدني

شكرا وجزاكم الله خيرا

ماشى يا عم عضماوى

بس إنتا كنت شايفنى وانا مسخسخ عليك ولا ايه

إنتا برضه مقولتليش .. فى رأيك الناس ممكن تتغير إزاى ؟؟

قارئة الفنجان قالت حاجة جميلة أوى وهى إن كل واحد يبدأ بنفسه وانا معاها مليون فى المية فى الحل دا ..

فيه حاجة تانية ممكن تقترحها علينا

على فكرة أنا بس عايز انشط موضوعك علشان عاجبنى أوى مش عايزه يكون مجرد إن الناس توافق على كلامك وتشكرك وبس

وهاتابعك برضه واشوف ردك

أخوك .. خالد

انا اكيد معاكى يا قارئة اننا لازم نبدأ بنفسنا

انا قريت مرة ان واحد قرر يغير العالم معرفش

فقرر يبدأ ببلده معرفش

فقرر يبدأ بقريته معرفش

فقرر يبدأ بأهله معرفش

و لحد م اكتشف انه لازم يبدأ بنفسه كان عمره خلص

اكيد كل واحد هيقول طيب منا هابدأ بنفسى لكن غيرى لأ يبقى خلاص

لا انت ملكش دعوة بغيرك انت تبدا بنفسك زى الشاطر كده

وتخلص النية لربنا حتى لو محدش اتغير ف العالم كله غيرك

المهم تكون عملت اللى عليك قدام ربنا وقدام نفسك كمان

مش علشان الناس كلها مثلا وحشه تقول اشمعنى انا ابقى حلو

ده ف نظرى يبقى ...ذكاء

قارئة الفنجان...

أخي خالد بيه

تغيير الناس سهل جدا...

والله أسهل مما يمكن ان يتخيل عقل بشري..

عارف ليه؟؟

لأن الله عز وجل قال في شأن تغيير قلوب الناس:



صدق الله العظيم

يا جماعة أحنا محتاجين سلوكنا يبقى القرآن...

يبقي الإسلام...

يبقي سلوكنا سلوك خير من مشي علي الأرض.. وخير من نظر إلي السماء

سلوك النبي المصطفي صلي الله عليه وسلم..

وقريب أوي هاحكيلكو حكاية تبين معني كلامي .. وتظهره.. وتوضحه