الفكره عايزه تخمر شويه....وعايزه تكاليف اقامه مركز للحزب وبرنامج عمل

وناس سنهم من اربعين وطالع عشان ندخل مجلس الشعب...عايزه وقت

عايزه مخ

عايزه قائد


ممكن نعمل بديل بسيط على قدنا...,,,
بس مش حزب...

الفكرة حلوة جداً

بس لازم تحديد الاهداف اللى عاوزين نحققها

نشاط الحزب هيبقى شكله ايه؟ وازاى ؟

حاجات كتيرة قوى محتاجة تفكير ومخ والاهم قائد

بس ايه

قائد مش مفروض الله يكرمكم

قائد منتخب

وعموماً انا معاكم بس افهم الاول لاننا عاوزين حزب يبنى ويعمر

مش حزب يتخانق ويتكلم والسلام

ومش بالضرورة يبقى حزب

ممكن اى حاجة صغيرة على قدنا وتكبر مع الوقت لغاية مانوصل

ومشوار الف ميل يبدأ بخطوة

بص يا عم ميمونيستا يا جامد انت

انت فعلا بتخرف ... بس ممكن جدا تكون صح

الفكره حلوه طبعا مفيش كلام

و ممكن اقولك انا معاكو و موافق و يلا بينا و تمام التمام

بس انا شايف ان الموضوع مش سهل اطلاقا و مش بالبساطه اللى الواحد ممكن يفكر بيها اول مايقرا الموضوع

و طبعا فى نفس الوقت الموضوع مش صعب ... بالرغم من اللى ممكن يواجه الحزب دا من "السلطات" و ما الى ذلك

بس الموضوع عاوز تفكيــــــــــــــــــــر عميـــــــــــــــــــــق

الصراحه مش هقدر ارد عليك الرد التمام دلوقتى

لازم الموضوع يتفكر فيه جامد ... جامد اوى

هعد مع نفسى و اظبط الجمجمه ... و ارجعلك باللى فى دماغى


مبدئيا بس كده الموضوع دا محتاج ناس ... بتفهم فى السياسه ... مش بتتكلم فى السياسه

الفرق كبيييير ... و اكيد انت فاهم

ممكن اه تلاقى ناس هنا زى زيك و زى ناس كتير بتدردش مع بعض فى السياسه

بس فى الاول و الاخر .... دى "دردشه"

اه ممكن توصل لحاجه ... بس مش مع كل الناس

فى ناس كتير " و انا منهم" لما بنتكلم بنبقى مجرد بنتكلم ... بندردش

مش واخدين الموضوع بتعمق ... اه بنتكلم بحرقه سعات و عصبيه ... بس فى الاخر ... بنتكلم

عاوز اقول ان الموضوع عاوز فعل ... مش كلام

و لو لقيت اللى يعرف "الفعل" مش "الكلام" و بس ... يبقى ميه ميه

هفكر مرتين و تلاته ... و ارجعلك ان شاء الله

و ربنا يوفقنا ... مدام النيه نيه سليمه خالصه لله سبحانه و تعالى

سلام مؤقت

موضوع تمام


بس لينا راجعة لانى دلوقتى مش قادرة اركز

طيب قول جمعيه خيريه الاول

مش حزب وسياسه وكلام كبير عايز حجات كتير جدا جدا ... ومعظمنا ان مكنش كلنا مش عارف في الكلام ده حاجه ..

ميمونيستا : شكراً مرة تانية لإتاحتك مجال النقاش فى الموضوع ده

انت بتتكلم جد

انا مش قادره لاتخيل لاني بطلت احلم احلام صعبه واصدقها

بص

بجد انا كنت نازى ولسة عايز اقولك لمرة ده انت بتخرف

لحد رأى بسمة

وده اللى اسمه حاجة زى نموذج مصغر للفكرة

بنعمل محاكاة لة نجحت ممكن نفكر فى التنفيذ العملى

ربنا معاكوا

سلام عليكم

معلش ياميمو نظرا لظروف الامتحانات مش مركزة خالص

استنانى يومين كدة اروق شوية وهرد على رواقة

بس تسلم ع الافكار

معلش يا ميمو انى اتأخرت عليك فى الرد شوية

بس الشغل اكل دماغى خلاص

والموضوع محتاج تفكير وتخطيط

بما اننا اتفقنا على اننا عاوزين نبنى

واحنا كلنا مافيش فى ايدينا حاجة دلوقتى

ممكن نبتدى بنفسنا كبداية صغيرة

بمعنى.....

الشباب دلوقتى مش لاقى شغل

ممكن لو حد مننا عارف مكان محتاج ناس تشتغل يكتب موضوع هنا على حلمنا

ونبقى الى حد ما حلنا مشكلة حتى لو كانت بسيطة

ممكن نساعد بعض

اللى اخد كورسات كويسة وتفيد الباقى

ممكن نوفر مكان للتعليم للاعضاء وغير الاعضاء

ولو حتى بمبلغ رمزى

اهى حاجة

المشكلة فعلاً اللى ممكن تواجهك فى الموضوع ده هى المكان

لاننا مش كلنا فى مكان واحد

احنا من اماكن مختلفة

اللى من اسماعيلية واللى من القاهرة وغيره.......

بمعنى اننا صعب نكون فى مكان واحد

مش عارفة هنحلها ازاى دى يا ميمو

وعموماً استنى منى افكار ان شاء الله بس افضى شوية من الشغل

فكرة مجنونة ومكنتش اتخيل انها تطلع منك كدة عادى
وكمان قرار صعب
وكان لازم التفكير فيه
وانا فكرت كويس
فكرتك لو ماشية زى ما هى فى بالك حتبقى فكرة ونجاح دمار
بس محتاج اعرف الكتير عن الفكرة !!!
او بندا نفكر مع بعض ايه حتكون اهدافها وايه هما الاعضاء اللى ممكن يتحملو الفكرة
وكمان مين حيقدر يكمل
موضوع كبير جدا يا حوده
وكمان صعب بس مش مستحيل
وانا معاك فى الفكرة وياريت التواصل من الكل علشان نشوف اخرنا ايه ؟!!!
وربنا يستر

والله فكره جميله وجامده جدا بس الاجمل انها تكون على أرض الواقع

بس هى بس محتاجه يجى 30 سنه على ما تحقق نص أهدافها

الاول يعنى كده من غير تكسير للمعنويات فيه حاجه عاوز ااقولها

فكره زى دى لو متوفرلها كل مقومات النجاح الماديه والمعنويه فهل ياترى متوفرلها حريه تسمحلها انها تنجح؟؟

طيب ما علينا خلينا بردو نفكر سوا او نخرف سوا

لو هنبدأ فى تحقيق الفكره دى يبقى لازم يكون فيه دراسه وخطط مدروسه ومندخلش شمال كده فى الاول ونقول

هنعمل حزب وكلام كبير علينا اوى ممكن يودينا نصيف فى سجن طره

ممكن تحقق الفكره من البدايه عن طريق تكوين جمعيه ليها اهداف محدده وصغيره على ادها ولازم تحقق الاهداف المبدئيه

بنجاح وبعد تحقيق الاهداف المبدأيه دى نقدر ننتقل للاهداف اللى بعدها وتكون أهداف أكبر ويتم تحقيقها وهكذا

يعنى نحدد مراحل وكل مرحله يبقى ليها أهدافها المحدده ونحقق الاهداف دى وطبعا المراحل دى هتكون مدروسه بعنايه

وواحده واحده مع كل مرحله هتتحول الجمعيه الى منظمه كبرى فى الدوله وليها كيانها واهدافها الكبرى وتأثيرها على الشارع المصرى

وبعد كده بسهوله جدا هتتحول لحزب غصب عن التخين

يعنى الموضوع محتاج صبر ووقت واصرار

وطبعا المراحل دى كلها محتاجه اكتر من 100 سنه على ما تكمل يبقى ولادنا يخرفو بعدنا فيها بقى

هناخد زمانا وزمن غيرنا

يالا ربنا معانا ان شاء الله فى المعتقلات

بســم الله الـرحمــن الرحيــم


شكرا على طرح الموضوع وأحب اذكر الناسي إن كتير كتير عملوا أحزاب كتيرة من أجل الإصلاح وفيها الإسلامي

وغير الإسلامي ومن سنين طويلة وكلها اتحاربت وما زالت بتتحارب ولا ننسى حزب الشعب من كام سنة

اقتحم مقره في المنصورة واتحرق عن اخره أنا لا ادعو الى الإحباط ولا كن هذا هو الواقع وأنا رايي

مع أحترامي الشديد لكاتب الموضوع إن الأصلاح نبدأ بيه من بيوتنا لو كل واحد أصلح نفسه وأهل بيته

وأولاده وجيرانه واقاربه وعمل على نشر الثقافة بينهم وعلى التقوى أكيد هنعمل كثير من الاصلاح

واكيد ربنا سيامر لنا بحكام اصلاحيين لانه لا يغير الله قوما حتى يغيروا ما بانفسهم والادله في السنة تدل على

ان الله يؤمر علينا امراء صالحين أذا نحن اصلحنا أنفسنا وعملنا بشرع ربنا في حياتنا يبقى الخطوة الاولى

الان ان نبدا الان ننظر في حياتنا وحياة من حولنا ونحاول اصلاحهم هذا مجرد راي فقط وفكرة عمل جماعي للاصلاح فكرة

طيبة لكن الذي قلتة لان هو الذي نستطيع عمله وفي مقدورنا بتوفيق الله لكن مهمه عملنا اشياء لمصلحة البلد

واحنا محتاجين اصلاح لا اظن سيوافقنا التوفيق وفي الاول والاخر كله بتوفيق الله وبإذنه وكل الاعضاء مشكورين

على مشاعرهم الجميله نحو إصلاح بلدهم خاصة كاتب الموضوع وفعلا نحن نحزن اشد الحزن

عندما نشعر بالعجز في عمل اي شيء إزاء ما نسمع من أحداث مؤلمة ولا نملك الا الدعاء

لانك لو حاولت تعمل حاجة انت عارف مصيرك هيكون فين وشكرا على طرح الموضوع