من غير لا سلام ولا كلام...

السلام عليكم ورحمة الله وبركاته الأول..

احيانا بيخبط الواحد في نافوخه أحلام عبيطة متعرفش.. هبلة يمكن..

بس أهي أحلام وخلاص..

النهاردة جتلكو بحلم انما ايه.. عبيط عبط.. ما اقولكوش..

اسمعوه واحكموا..

قال أيه خير اللهم اجعله خير..

قال انا يا اخوانّا.. صحيت من النوم مرة وبقرأ الجرائد (كعادتي )

لقيت خبر في الجرنان الاهبل بيقول (فتح باب الترشيح لرئاسة الجمهورية)..

الخبر شدّني جدا.. أصل أنا طول عمري بحلم أبقى رئيس..

أي رئيس.. مش هتفرق.. رئيس عمال.. رئيس مجلس إدارة.. رئيس مراجيح مولد النبي..

مش فارقة.. أي حاجة أي حاجة..

قوم قلت أنا لازم أحزم أمري.. ولازم اقرر إذا كنت ناوي أحقق حلم حياتي ولا هاكش زي كل مرة..

أنا يدوبك.. قلت كلمة اكش دي.. والدم غلي في عروقي..

قلت لازم ارشح نفسي.. يعني هي بلدنا هتلاقي رئيس جمهورية حليوة ومسمسم زيي كده فين تاني!!!!

وجريت جري علي البتاع اللي هاسحب منه الورق (محدش يدقق علي اسمه!!!)..

ورحت لقيت البتاع فاضييييييييييييي... مفيش صرّيخ ابن يومين..

والموظفين قاعدين يشتغلوا.. (اوعي تقوللي بيشتغلوا أيه!!!!)...

رحت داخل علي موظف منهم.. وبكل ذوق وأدب.. قلتله (عمو... ممكن استمارة ترشيح)..

قاللي (عينيا يا فندم) وراح مدّيني استمارة ترشيح صغيرة كده وحلوة..

قلتله (ايه ده؟؟ ده فيها حاجات انا مش فاهمها..) قاللي (خير يا بابا!!!)..

قلتله علي كل اللي مش فاهمه والراجل يشكر الصراحة يعني فهمني كل حاجة من غير ما افتح خشمي..

واختارلي الرمز بتاعي كمان.. قاللي أرجع ورا كده شوية.. رحت راجع راح قايلي (الله!!! انت احسن رمز يناسبك رمز العضمة)..

وراح كاتب وخاتم ومأشر..

ورحت نمت.. وبعدين وانا نايم سمعت هيصة بقى تحت البيت وكلاكسات وزمبليطة..

قلت أيه ده.. فرح ده ولا أيه.. لقيتهم بقى عملوا الانتخابات وقعدوا يشوفوا الناس المترشحة كلها..

ما لقوش احلي ولا أجمل ولا أعقل ولا أذكي ولا ولا ولا مني أنا.. (شفت السرعة!!!)

وبقيت رئيس جمهورية.. أأمر وانهي وأشخط وانطر وازعق واعمل اللي بدا ليا..

لدرجة أني افتكر أول حاجة عملتها لما رحت المكتب.. جمعت الموظفين وقلتلهم هاديكو علي قفاكو..

قالوا ده شرف لينا يا فندم... قلت هارزعكوا شلاليت معتبرة.. قالوا شلوت سيادتك دفعة للأمام يا فندم..

وكنت في غاية الانبساط.. واحد رئيس بقى.. مش جادون عجلة..

وأنا باقوم مالنوم انام.. واصحي مالنوم انام تاني.. والدنيا ربيع والجو بديع..

وشعبي كله كان عايش بسلام ووئام والمواصلات سهلة والعيشة مرتاحة والفلوس علي قفا مين يشيل..

هيييييييييه... دنيا..

انا بقول الهبل ده ليه؟؟

أنا شخصيا مش عارف.. بس ده ان دل علي شيء..

ولو فرضنا جدلا أن في شيء متخبي بين السطور... (ولو أني أشك جدا)..

هنلاقي أن كل ما علينا هو انتظار البلاء المحقق وقوعه بسبب غياب الشباب وانهيار قيمهم وتفكيرهم..

ضياع المخ والاحساس السطحي التافه بقضايا مجتمعهم وهمومه..

شباب ضيّع في الأوهام عمره.. في الصرمحة والخروج والتنطيط..

واعرف دي شوية.. واعرف ده شوية.. واهو وقت وبنقضيه..

شباب عمرو دياب وفؤش واللذي منه..

شباب العنب العنب العنب.. والبلح البلح البلح..

واسيبكوا مع الأغنية دي...

وسؤال أخير؟؟

لو بقيت رئيس جمهورية - غلطة يعني - عندك أي أحلام احسن من دي؟؟

ياااااااااااااااااااااااااه

ده انا اول واحد هرد على الموضوع ولا ايه

ولا يمكن الموقع بيشتغلنى زى كل مره



بجد يخربيت اسلوبك

فوق الفظيع

بجد جامد اوى زى ما اكون انا اللى كاتب الموضوع

ساعات فعلا الواحد بيغيبب كده ويعيش فى الدور

ويحلم ويقول ياسلام

عارف ياميمو كنت قريب بتمشى انا والواد الفرماوى

هو معنا هنا فى حلمنا بس مابدخولش كتير

وكنا بنتكلم والله فى موضوع رئيس الجمهوريه ده

واتخيلنا نفسنا بقى ايه مسكنا البلد

وحطينا حل لكل مشكله موجوده دلوقت

لينا اصحابنا على كل لون فيم الواد الحورتجى

والواد اللى يكلك بالكلام والواد الجد ووووووو .................

مسكنا كل واحد الوزاره اللى تليق بيه

الداخليه لواحد معلم ايه لايقه عليه تمام

الشئون الاجتماعيه والصحه والماليه

وحلينا اى مشكله ممكن تقابلنا

بس اهو كلام


وفييييييييييييييييييييييين

صحينا من النوم واحنا ماشيين قدام بتاع عصير القصب

اتنين قصب وخلصت الحكايه وميه ميه ريسنا

والناس اللى بقالهم قرون ماسكينا احسن ناس وكلمتين حلوين يابلدى وتصبحوا على خير

بس بقى.. باتكسف!!!



معلم؟؟ هتمسك الداخلية لمعلم؟؟

لا.. انا كنت ممسكها لرئيس عصابة سابق!!!



علي فكرة.. القصب مفيد جدا للكليتين!!..

واهو اتنين قصب احسن من... واخد بالك؟؟

مكانك؟؟ بتفسري في وشي كده!!!

هو انا لو مسكت هيبقي في احتمال حد يمسكها بعدي؟؟

هههههههه أحلام هههههههه

وبعدين اسمها مكان سيادتك.. انا رئيس مش فردة كاوتش..



ايه ده؟؟ هي هترجع تاني بعد ما اشيلها؟؟

طيب.. كل ما رئيس جديد يمسك يشيل الوزارة دي.. انا موافق!!

ومنوره!!

يا خرااااااااااااااااااااااااااااااااااااااااااااااااااااااابي

كعبول الأكول.. بعد طول انتظار وغيبة وشوق ووحشه..

يشرفنا السيد كعبول الأكول الشهير بحسام...

مش مصدق بؤي.. حقيقي.. انا عمال اغمض بؤي وافتحه يمكن اكون بحلم!!

منور يا واد.. هما طلعوك من المعتقل امتى؟؟

عالعموم مش مهم.. حمدالله علي سلامتك وخلاص..

نيجي بقى لفطشك وفشرك المعتاد..



انا شامم في كلامك ريحة اشاعات...

يعني قصدك تقول أني أصلا فرخة..

ماشي.. هو انا اخر مرة كنت اديتك كام لوكاميه؟؟ اه.. 36 لوكاميه..

طيب المره دي اعمل حسابك انها هزيمة بالضربة القاضية!!



احم احم.... بسم الله الرحمن الرحيم..

والله انا شايف ان المعتقل اللي انت خارج منه من شوية ده لم يؤثر فيك..

طيب.. يا شاويش.. يا عمو يا عسكري...

الولد ده بيخبط في الحلل..

امسكوووووووووووووووووووووووووه!! حلق ياض.. حلق من هنا!!

العيش والحلاوة عندي يا مان.. اعرف واحد متعهد تغذية مدرسية هيظبطني فيها بسعر كويس..

وبالهنا والشفا!!



ممكن افهم قصدك أيه؟؟

قصدك يعني تقولي ان احنا ما عندناش ديموقراطية؟؟

معندناش انتخابات حرة نزيهة؟؟

بسسست.. بسسسسسست.. أنت يا عمو العسكري ياللي ماسك الولد كعبول..

خد طنطك سنو كمان معاك.. وبعد كده ليا عمولة يا عمو.. ماشي؟؟

السلام عليكم ورحمة الله وبركاته،،


احلام سيادة حضرتك احلام واقعيه جدا جدا جدا

واكيد ممكن تتحقق يعنى متيأسش

حلوه حكايه رئيس مراجيح مولد النبى دى

ههههههههههههههههه

وبعدين استنى هنا

انت فاكرنا يعنى مثلا مثلا يعنى بنفكر ده مثلا يعنى

بعد الشر كده وبنفكر نستغنى عن ريسنا

علشان حضرتك تفكر انك تفكر انك تفكر يعنى انك تحلم الحلم ده

لا لا لااااااااا حضرتك غلطان

اشطه..

مسكتك وزارة الطبطبة..

ما اهو احنا لازم نطبطب عالشعب الغلبان..

وانت من هنا ورايح وزير الطبطبة..

اشطه يا مان!!!؟؟



أخ!!!!

وقعت في شر أعمالي!!!!!



عشان اسجنك..

مزاجي بقى.. حد شريكي؟؟



بتغطي...

وبرضو مفيش فايدة!!!