منتديات جزيرة الاحلام > عودة حوار عـ نار هادية بنجم كبير

المساعدة - البحث - قائمة الأعضاء - التقويم

منتديات جزيرة الاحلام > شاطئ أحلامنا سوا سوا > تحت المجهر

1, 2, 3, 4, 5

المتمرد

May 6 2008, 06:14 PM

السلام عليكــم ورحمـة الله وبركاتــة ،،

أخيراً وبعد غياب طويل ...

ازيكم الأول يا حلماوية يا رب تكونوا دايماً بخير ..

فاكرين حوار عـ نار هادية ...والحلقات النارية دى حلقة كعبول ـــ

ودى الحلقة العسل مع عسووولة حلمنا

النهارده وبعد غياب طويل لبرنامجنا الشهير ...حوار عـ نار هادية _______ بنرجع

وعلشان فترة الغياب طولت بجد ..وسورى عـ الغياب الطويل ده

فراجعلكم بحلقة ضرب نار بجد

مع شخصية جميلة جدا بنحبه كلنا ....عمود أساســــى فى حلمنــــا

هــــــــو

^
^
^

^
^
^

نجم كبير بمعنى الكلمة

مش هتكلم عنه كتير أصلكم هتعرفوا منه عنو الكتير ...انتظـــــــرونا

cute gurl

May 6 2008, 07:28 PM

احساسى انه .............

وهاتبهدل منى

لو كنت الى فى بالى

العقرب

May 6 2008, 10:34 PM

يا ترى مين يا اس اس

ممكن يكون ...................

هو صح
ههههههههههه

TheQuEeN

May 7 2008, 04:31 PM

ايه هو ده..

كل شويه ..

هو صح ومش عارف ايه

ما تقول اى حاجه يعنى كده..

متابعينك

sugar

May 7 2008, 08:45 PM

ياترى مين مين فكروا شويه

snowwhite20

May 7 2008, 08:58 PM

ياسلام لو كان اللى فى بالى

دة هيموووووووووووووت اشتة ياسمسم

Mo2mEn

May 7 2008, 09:23 PM

لما انشوف مين

Bassam

May 7 2008, 09:28 PM

دا شكله هيطلع عينه

منتظرين حوارك يا نجم

فرحة

May 7 2008, 09:51 PM

متابعينك

JaGuAr

May 8 2008, 01:01 AM

إنجز

نور الشمس

May 8 2008, 03:18 AM

حاسة انة هوة الى فى بالى هههههههههههههه يارب يارب
و متظرين

semsema

May 9 2008, 02:30 AM

السلام عليكم ورحمة الله وبركاته،،

منتظرين

ساحرة القلوب

May 9 2008, 02:46 AM

السلام عليكــم ورحمـة الله وبركاتــة ،،

منتظرينك يا اسامة

المتمرد

May 9 2008, 03:01 AM

حمد الله على سلامتك يا ساحرة القلوب

إقتباس(cute gurl @ May 6 2008, 07:28 PM)

احساسى انه .............
وهاتبهدل منى

لو كنت الى فى بالى

إقتباس(snowwhite20 @ May 7 2008, 08:58 PM)

ياسلام لو كان اللى فى بالى
دة هيموووووووووووووت اشتة ياسمسم

ايه ده هى مطحنة فى الحوار ومطحنة مستنياه هنا كمان ومطحنة الكواليس

الحلقة ولعت قبل ما تنزل

منورين يا شباب ...

المتمرد

May 9 2008, 03:02 AM

إقتباس(bassam @ May 7 2008, 09:28 PM)

دا شكله هيطلع عينه

منتظرين حوارك يا نجم

تقريبا يا بسوووم

المتمرد

May 9 2008, 03:13 AM

انا عارف ان فى ناس حاسه ضيفنا مين ...لو بسمة هنا كانت قالت علطول
عموما لانى مبحبش أعلق حد فهنزلكم مقتطفات من الحوار علشان تتأكدوا انه مش هو
وبعد كده نزيل الستار نهائيا عن الحوار الرائع بجد مع النجم الجميل ....

مقتطفات من الحـــــــوار

* كنت برنس وانا صغير ، الله يرحم ايام الخديوي

* صراحة هو بان انه غصب عني

* وبعد فترة جالي عقد عمل في قطر عن طريق والدي
روحت عملت انترفيو وقبلت في الشغل والحمد لله علي كل شئ

* بمليون حاجة عن اهل وبلد وشارع واصحاب وشغل وغربة وناس وبيوت وحياة وقلق لحد الموت

* يا عم كانت اكتر من عندكم في مصر وممكن تشوفها علي يو تيوب كل البلد كانت متقفلة

* واشتريت العلم وطلعب من شباك العربية بتاعت خالي

* عايز افتح محلات cezar

* اه بنت امير كوكب زحل

مبحبش حد يصادر صوتي

* هاقوله ربنا يعينك يا ابو عمر وانا اكتر حد عارف يعني ايه لما تكون مسئول وعندك شغلك وعندك اولويات ولازم اعذرك علي ان حلمنا في النازل بس كان ممكن ...........

* دول أفضل أعضاء حلمنا فى 2007

* تحب تقعد تتحاور معاها بس هيا جميلة لو تبطل حكاية شاروخان

* سنو وايت وكيوت ....عدو لدود ليا

شاكو 7 أقرب صاحب ليا

^
^
^

عرفتوووووووووه ولا لسه

snowwhite20

May 9 2008, 04:16 AM

تبعا عرفناه وانت عارف انى اعرف من قبل متنزل

ومتبقاش تضحك على سنو تانى عشان انت عاررررررررررررررف انه مش سهلللللل

JaGuAr

May 9 2008, 04:31 AM

انزل بالتتر ياعم المتمرد منورنا يا بسام باشا

Mo2mEn

May 9 2008, 05:30 AM

هاتتقطع يابن عمى

متخفش وراك رجالة

مشموشة

May 9 2008, 12:53 PM

كفايا التعليق على رده .. في رد منفصل

دي لوحدها كفاية مش محتاجة مقتطفات

العقرب

May 9 2008, 01:33 PM

هتنورنا يا باشا

تحياتى

Bassam

May 9 2008, 03:15 PM

هو مين الضيف بقي؟

huda allah

May 9 2008, 03:36 PM

إقتباس(bassam @ May 9 2008, 03:15 PM)

هو مين الضيف بقي؟

السلام عليكم

هو مين هو:هو

فرحة

May 9 2008, 09:09 PM

متابعينك يابسام

snowwhite20

May 9 2008, 09:34 PM

متيلى بقة ياسمسم الله نزل الحلقة عشان نتفرج على الفضايح

TheQuEeN

May 10 2008, 12:43 PM

ما كنتش متوقعه صراحه..

بس نجم وكده..

وبعدين الكلام من اول كلمه..

بسام..

منور يا بسام..

last_ninja

May 10 2008, 06:09 PM

والله زمان يا بسام

ساحرة القلوب

May 10 2008, 07:22 PM

السلام عليكــم ورحمـة الله وبركاتــة ،،

مستنينك يا بسام

انجز بقى يا اسامة

Mo2mEn

May 10 2008, 07:33 PM

منتظرينك بفارغ الصبر

cute gurl

May 10 2008, 09:20 PM

بقا انا عدو لدود ليك

اوووووووووووووووووووووووك وجانت مراكش على نفسها

المتمرد

May 11 2008, 01:17 AM

والان نزيح الستــار عن نجمنا الثالث من برنامج ..

حِـــــــوار عــ نار هادية

الحلقة إعداد وتقديم وإخراج ..المتمـــ osama ــرد

ضيف الحلقة ..bassam

شكــــــــر خاص لنجم الجرافيكـ ..العقرب

الحلقة فقط وحصرياً لحلمنا دوت كوم

^
^
^
^

المتمرد

May 11 2008, 01:19 AM

بسم الله الرحمن الرحيم ...

النهارده وبعد غياب طويل للبرنامج ...وبناءا على حبكم وطلباتكم
لعودة البرنامج بنرجع ، وعلشان الفترة طولت

كان لازم أرجعلكم بنجم بتحبوه كلكم..
نجم كبير بمعنى الكلمة.. عمود أساسى فـ حلمنا
مش هتكلم عنه كتير بس هنعرف منه عنه الكتير ...

بسام أهلا بيك وحوار عــ نار هاديه

اهلا بيك يا سمسوم
يا رافع ضغطى

هو لسه بيرتفع يا بسام

والله اليومين دول في العالي

انا غيرت الشركة يعنى ان شاء الله هيفضل فى العالى

طيب علشان الناس متفهمش غلط عرفهم ضغطك بيرتفع منى ازاى

علشان ايميلك بيفضل يفتح ويقفل وبيخيلني

ادفع فلوس النت بقي

ههههههه دانا زعيم الشبكة هنا .......إذن الحوار مع إحدى ضحايا نتوت المتمرد

ادخل في الحلقة علشان ضيفك بينام بدري

لو بدأت معاك بسؤال تقليدى ...وقلتلك بسام من أنت ؟

بسام علي من الشرقية فرد من عائلة مكونة من اب وام وولدين وبنتين انا اكبرهم
عندي 22 سنة وشهور

منين فى الشرقية ؟

كفر صقر
قرية اسمها الشعراء (فلاح يعني)

نشأتك وطفولتك فاكر منها ايه..

فاكر اني كنت بروح الكتاب وانا صغير احفظ القران وكنت بلعب كورة كويس
وكنت واد عسل علي رأي خالتي

التعليم فى الصغر كالنقش على الحجر يا ترى قدرت تحفظ أد ايه من القران
فى طفولتك وهل انتهت رحلتك مع الحفظ ولا مستمر حتى الان..

حفظت من القران ربعه تقريبا بس حاليا احفظ سور متفرقة ،
بس الحمد لله لو جيت عند اييه في القران بقدر اكمل الايه وحاليا انا مقصر مجرد قراءة

طيب قبل منسيب طفولتك اللى كنت فيها واد عسل قوللى كنت بتنضرب كتير ولا أول بيبى فمدلع؟

كنت برنس وانا صغير ، الله يرحم ايام الخديوي

لو سبنا بسام العسل ورحنا لمرحلة مهمة جدا فى حياتك وهى التعليم
قوللى تعليمك ..كان حلمك ولا القدر لعب دوره..

التعليم انا كنت مهمل جدا
عمري ما افتكر اني ذاكرت
في الابتدائي جايز كنت من المتفوقين بس بعد كده اهملت

كمل يا فاشل ..انهيت دراستك فين
دخلت كلية تجارة الازهر قعدت سنتين وبعدين زهقت حولت حاسب الي سنتين
واخدت كورسات حاسب الي وبعدين انجليزي

زهقت ولا معرفتش تنجح فى تجارة ؟

هو انا لقيت كلية الازهر بالذات نظامها غبي وما استفدتش اي حاجة من اي دكتور .
وبالتالي لو كنت كملت كان هيبقي الفشل بعينه
وبدليل اني حاليا عندي خبرات في الحسابات اكتر من خريج كلية التجارة

بردو مقلتش نجحت فى تجارة ولا التحويل من الكلية كان غصب عنك ؟

صراحة هو بان انه غصب عني

ايون كده اعترف

كشاب مصري بننهى دراستنا بندور على فرصة فـ بلدنا (والفرص بتكون قليله) أو بنتغرب.. بسام خد أى طريق

بدايتي مع الشغل ابتدت في مصرتحديدا في شرم الشيخ
وبعد فترة جالي عقد عمل في قطر عن طريق والدي
روحت عملت انترفيو وقبلت في الشغل والحمد لله علي كل شئ ده بعد ما اخدت تاجيل من الجيش

لو مكنش جالك العقد كنت هتكمل في شرم ولا هى أصلا مرحلة انتقالية..

كان ممكن اكمل خصوصا اني جالي عروض كتير هناك

طيب ليه اخترت الغربة ؟

فرصة افضل والواحد لو مكنش يتعب في شبابه هيتعب امتى
وبعدين العرض ده احسن من العروض اللي في مصر بكتير

بسام بعد الانترفيو جهز شنطه وسافر احكيلى عن أول يوم ليك فى قطر ؟

اولا انا مش فاكر تفاصيل اليوم الاول غير ان والدي قابلني في المطار وروحت علي السكن
وكانت دماغي مشغولة بمليون حاجة

كانت مشغوله بايه
بمليون حاجة عن اهل وبلد وشارع واصحاب وشغل وغربة وناس وبيوت وحياة وقلق لحد الموت

وازاى قدرت تتكيف مع الوضع الجديد
وجود والدي و عمرو اخويا واندماجي في الشغل وانشغالي في الاندماج خلاني اخد عالجو

بما ان المرحلة العملية هى مستقبل الانسان ...
نقدر نقول ان والدك له الفضل عليك بعد ربنا فى حياتك خاصة المستقبلية

اه طبعا

شكل التعامل أكيد مختلف.... المصريين والقطريين مدى العلاقة فى التعامل عن قرب

شعب طيب جدا وبيحبوا يتكلموا مصري

طيب خلينى ارجع بيك حوالى شهرين أو أكتر واكلمك عن موقف
يبينلنا مدى العلاقة بين قطر ومصر ..بعد فوزنا بأمم أفريقيا فـ غانا الصورة فـ مصر كانت كالاتى ..
فرحة هستيرية وحضارية فى كل شبر من أراضى مصرنا الحبيبة
عندى هنا أبوكبير كلها كانت في الشارع
انقللى بقى المشهد فى قطر ...

يا عم كانت اكتر من عندكم في مصر وممكنى تشوفها علي يو تيوب
كل البلد كانت متقفلة القطريين قبل المصريين

بسام المصرى ازاى احتفل بالبطولة ....ويا ترى كنت متوقع ناخدها ولا كانت صدمة بالنسبة لك
لا كنت بتمني وعندي امل انما مكنتش مستبعد
واحتفلت بيها بفرحة كبيرة واشتريت العلم وطلعت من شباك العربية بتاعت خالي

هو خالك كمان فى قطر شكلكو استوليتو عـ البلد

اه نص البلد دي بتاعتنا
وهنشتري النص التاني

ناس كتير بتعيش حياتها فى الغربه انت مخطط لايه

عايز افتح محلات سcezar

فى مصر ولا قطر .....وايه فكرة محلات سيزار دى

في مصر طبعا
فكرة المحلات دي لسه بدرسها متحرقهاش ياااااد

عايزين انفراد للبرنامج

لا

طيب نقدر نعتبره حلمك الكبير يا بسام

لا حلمي اسرة بسيطة وراحة بال ده الكبير

أسرة بسيطه دى عارفها وراحة بال دى بردو عارفها وعارف بتيجى ازاى ..
قوللى هو انت لقيت اللى هتريح بالك ولا لسه ؟؟

لقيتها بس لما انزل هاخطبها ومحدش يعرفها

تقصد ايه بمحدش يعرفها من عالم تانى مثلا ....

اه بنت امير كوكب زحل

افهم من كده انك عرفتها على سفينة فضائية

لا قريبتنا من بعيد

وقصدت بمحدش يعرفها انها مش موجوده معانا على حلمنا صح ؟

ولا عالنت ولا بتعرف شكل الكيبورد

فى علاقة حب بينكم ولا هتتفاجئ هى بموضوع الخطوبة ده

لا مش حب بس هيا بنت طيبة

طب ولو رفضتك

يا عم انا عادي يعني كل واحد حر وطالما حد مش عايزك اكيد هتشوف حد تاني هنغلب يعني؟

ومش هتأثر فيك يا بسام انك تختار حد وهو يرفضك

لا القبول لازم يكون من طرفين

طيب واحساسك ان فى قبول من الطرفين ولا طرف واحد

يا عم الحاج بقولك هاتجوز بطريقة تقليلدية مفبش واحدة معينة
فبالتتالي مش هتفرق سونيا من سناء بس المهم تكون طيبة مؤدبة بنت ناس وجميلة
...بدور علي عروسة اللي تحب تتقدملي تبعتلي رساله علي الخاص

لا ان شاء الله ربنا يسعدك ويديك سونيا
يا جماعه بسام بيدور على عروسه يعنى يا تلحقوه يا متلحقوهوش

لو فتحت إميلى مرة وملقتكش فاتح بعرف ان النت فصل فى قطر
النت بيمثل ايه ف حياتك؟

_شغلى
_اصحابى
_حلمنا
_اخبار ميدو
_وهو اللي مصبرني في الغربة

مين ميدو ؟

أحمد حسام ميدو نجمى المفضل ....

ميدو أكتر نجم بتحبه

بعد العميد طبعا

بعنى حسام حسن هو نمبر ون عندك؟

اه
وحازم امام وميدو وجمال حمزة

حسام حسن أسطورة فى اللعب شايفه ازاى فى التدريب..

هو روح مدرب لاعب محلل انسان هو روح

شايف نجاحه فى التدريب هيوازى نجاحه الأسطورى كلاعب كرة

ان شاء الله اتمني

وانا كمان يا بسام بتمنى زى ما وصلنا كاس عالم وهو لاعب يكون سبب فى وصولنا كاس العالم بس بفكره
قوللى انت أهلاوى ولا زملكاوى..

اهلاوى

بتهتم بالكرة القطرية ولا لأ ..

اه باهتم اليومين دول بس لان فيه واحد صاحبي رئيس رابطة مشجعي
نادي ام صلال وبروح اساعده وعندنا يوم الخميس نهائي كاس الامير
واستنوني علي قناة الدوري والكاس يوم الخميس الساعه7 ان شاء الله

مستنيينك ان شاء الله عايزك تولع المدرجات قوللى صحيح بيبقى دورك ايه كمساعد لرئيس الرابطة
الدوري هنا من غير جماهير وبيبقي دوري اجيبلي مثلا 100 مشجع وبس
ولو فيه اجانب جايين يتفرجوا اديهم هدايا النادي وبقعد انا صوتي واطي اساسا مبعرفش اشجع

اشهر جملة بتقولوها فى التشجيع لام صلال ايه ..
اهليىىىىىىىى

اهلىىىى

اهلي

انت شكلك هتفضل ورا ام صلال لما تنزلهم درجة تانية..
والله الماتش اللي فات كنا بنقول اهرب يا حضري

طيب رأيك الخاص فى مسلسل الحضرى ..

يا عم الراجل عايز يأمن مستقبل ياسين

وهو مكنش مأمنه فى الأهلـى كأهلاوى تقبل عودة الحضرى للأهلى مرة تانية؟

لا كان حسام أولي

فرق كبير بين الأسطورة وأى لاعب ...
قوللى الشعبية الأكبر فى قطر أهلى ولا زمالك بما ان الدورى عندكو بلا جماهير؟

الاهلي

من كلامك حسيت ان اهتمام القطريين بالكرة المصرية أكتر من اهتمامهم بالكرة القطرية ....احساسى صح ولا غلط

لالالا ..
هما اهتمامهم اكتر بسباق الهجن

ايه سباق الهجن ده ؟

جِمال

قلت ان حلمنا من أولويات وجودك ع النت ..عرفت حلمنا ازاى

بالصدفة لما كنت بادرس تجارة في القاهرة وكنت باتصفح وجه معايا بالصدفة اشتركت وبس

حلمنا ضافلك ايه وانت ضفتلو ايه؟

ضافلي اصدقاء كتير بعتز بصداقاتهم ومعلومات ووقت ضاع في حاجات اعتبرها مفيدة
انا مضفتش حاجة

لا ضفت يا بسام وانت من الشخصيات اللى بحبها واحترمها بجد عـ حلمنا

ربنا يخليك

بسام بيحب حلمنا وعضو مؤثر جدا
ايه اللى يخللى عضو بيحب حلمنا زيك وانا بعتبره عمود أساسى فـ حلمنا يقول انا هسيب حلمنا..

لما تلاقى قلة احترام

قلة احترام من مين

!!!!!

من اللي مسح ردي في موضوع الغامض ايا كان

طيب وعرفت سبب المسح ايه ...

فيما معناه ازاي اكون واقف مع الغامض وزبادي

قبل ما أقولك كنت ليه واقف مع الغامض وزبادى .....
تفسر بايه ان اللى مسح الرد مش عايزك تقف مع الغامض وزبادى ...معنى كده ان مفيش حرية اراء

مبحبش حد يصادر صوتي..

هى الإدارة بتصادر الأصوات ؟؟

هو مفيش ادارة اساسا
خليها في السيكرت

متقلقش محدش شايف حاجه

لو قلتلك وجه رسالة لسيسو هتقول فيها ايه

هاقوله ربنا يعينك يا ابو عمر وانا اكتر حد عارف يعني ايه لما تكون
مسئول وعندك شغلك وعندك اولويات ولازم اعذرك علي ان حلمنا في النازل
بس كان ممكن تسيب حد بيفهم في الي manegment

حلمنا هيقع بسبب عضوه ...
رسالة من بسام مع سنووايت وصلتهالنا على حلمنا لما قرر بسام ترك حلمنا .........تعليقك..

ده سبب تاني ان كوين كانت بتستفز غامض وزبدة

يعنى الرسالة كانت موجهه لكوين ؟
وقولتها لكوين في وشها ان مبعرفش امسك نفسي ومعنديش صبر

رفضت الاشراف علشان انت مش كفء ليه ولا القسم اللى اختارك ليه سيسو
مكنش عاجبك ولا علشان اتأخروا جدا فى اختيارهم ليك كمشرف

لا علشان انشغالي
ومبحبش ابقي مشرف

ليه رشحت نومى مكانك؟

عادي.. كانت زعلانة الفترة دي لانها سابت الشغل وعندها ملل من قعدة البيت وكنت
بحاول اخرجها من الحالة دي وهيا تستاهل وعملت اللي عليها

هى فعلا عضوه جميلة وبقولها من خلال الحوار مفتقدينك يا نومى ....

وباحب اباركلها علي خطوبتها

ألف مبرووك يا نومــى وربنا يسعدك انتى وكل اخوتنا على حلمنا

اعضاء كتير ليهم وزنهم ومؤثرين ع حلمنا بس لو قلتلك عضو وعضوه
انت شايفهم انهم نجوم حلمنا فى 2007 وبدون ممجاملة.....

عضوات: بسمة امل _جيجي_سمسمه_ساحرة القلوب
اعضاء_ المتمرد والعقرب ود. احمد توجرا

تقول لمين أسلوبكم رائع ؟؟

نادر_جارة القمر_د.أحمد

موضوع ليك عمرك ما هتنساه؟

...ملهمتي
صعب تلاقي صاحب بجد؟
تدفع نص عمرك وتعمل أيه؟
مشتاق لمين
خايف اقلق
يوميات واحد كنت هو

وأهم موضوع كتبته ع حلمنا ....؟

يا حلماوية
دعوة للتسامح

موضوع أو فكرة بتقول لصاحبه الله ينور بجد ؟

..برنامجك اللذيذ..

فنكوش المنكوش ، العسل ، فرحة ، كعبول ، سنووايت ، كيوت جيرل ، بسمة أمل
شايفهم ازاى وبيمثلوا ايه لبسام

فنكوش المنكوش شاب زي العسل ربنا يوفقه يارب مشغول دايما انما عضو مكبر دماغه
العسل عسولة
فرحة .عضوة جميلة وهيا اساسا شخصية تحب تقعد تتحاور معاها بس هيا جميلة لو تبطل حكاية شاروخان
كعبول دمه زي العسل اتكلمنا فترة قليلة ..عضو كسوووووول.
سنو وايت .سمسمه دي بقي عدوي اللدود
كيوت جيرل .برضه عدوي اللدود
بسمة أمل أخت غالية وافضل عضوة في 2007 .

أقرب عضو لبسام ع حلمنا ؟

شاكو7

وأقرب صديق ليك خارج النت؟

شاكو وماريو

ايه وجه الشبه والاختلاف بين بسام ع النت وبسام فى الواقع؟

مفيش شبه خالص بجد

لو سبنا الشبكة العنكبوتيه وحلمنا وسألتكـ
بتهتم بالسياسة ولا مش فى دماغك؟

.باهتم يا عم هو انا من كوكب تاني

قرار سياسى نفسك يتاخد ؟

تطبيق الشريعه بدل الدستور

اللى بتشوفه كل يوم من قتل وإهانة لاخواننا فى غزة بيعمل ايه فى بسام؟

...

امته دموعك بتنزل بحرقة وامته بتضحك من قلبك؟

... باضحك دايما
ودموعي بتنزل لما بكون باتخانق مع نفسي

مين اللى جرح بسام وياترى بتقوله الله يسامحك ولا سأعود لانتقم؟

مفيش
ولو فيه هاسامح

مين قدوتك فى الحياه؟

ماليش حد معين بس فيه كام شخصية بحب اخد منهم صفات معينة

كل واحد فينا له نقاط ضعف ونقاط قوة ...ايه نقاط الضعف والقوة عندك؟

معرفش اجاوبك علي اول جزء ..
عنيد وكلمتي واحدة ودماغي ناشفة

ممكن نقطة ضعفك اللى مقلتهاش تخليك تتنازل عن مبادئك

لا . عنيد لدرجة وحشة

قبل ما أنهى الحوار الممتع قوللى ..
تحب تشوف مين من أعضاء حلمنا مكانك فى برنامجنا حوار عــ نار هاديه ؟

مؤمن حبيبي
فرفور

اجهز يا واد يا مؤمن هجيبك واطحنك بس اخد ......الأول (فاهمنى يا مؤمن )

.....بسام نورتنى في الحلقة الجميلة الصريحه اللى انا استمتعت بيها
ويا رب حلمنا كلو يستمتع بيها وأكون قدرت أخرج من بسام حاجات كتير عرفتنا على شخصيته الجميلة

....الله يخليك يا حاج اسامة
اشرب العصير

هنشربه لما تنزل

...نورتنـــــــى يا بسيو

أسيبكم بقــى مع الحلقة ..وأشوفكم على خير لو قدر الله لنا البقاء واللقاء فى..
حِــوار اخر نارى ولكنُه من القلب للقلب

snowwhite20

May 11 2008, 01:59 AM

الله الله على الحوار الجامد دة

لا بجد حوار جميل اوى

وبعدين خد هنا ياواد يابسبس بقة انا عدوك اللدود والبت وزة الغلبانة

ليه ياخويا عملنالك ايه كنا اكلنا ورثك ولا ايييييييييييييييييييييه يعنى ؟؟؟

بس ااما اشوفك ياباسيو وبعدين انت شوفت واحدة تانية خلاص فسخت ختوبتك معايا

اخسى عليك

اهو دة بقة مسموش كلام

ربنا يوفقك يابسبس انت تستاهل كل خير

شاتر ياسمسم كلامك عسل من يومه

بس رخم بردك

فرحة

May 11 2008, 02:02 AM

جميل يابسام انت ومتمرد

كان نفسى اكتشف فى بسام حاجة جديدة انا مش عرفاها

كان نفسىىىىىىىىىىىىىىىىىىىى (بسام الطيب)وفى نفس الوقت شخصية مش سهل فهمها

بجد حوار جميل جدا والتحاور اكنى قاعدة قدام شاشة تليفزيون بالظبط وبتفرج

انا بقى مستنية اهم حاجة الكواليس

الدغدغة يامتمرد اوعى تنسى

ساحرة القلوب

May 11 2008, 03:25 AM

السلام عليكــم ورحمـة الله وبركاتــة ،،

بجد حوار جمييييييييل جدا اسلوبك رائع يا اسامة و متناسق

و بسام بجد ردوده تلقائية ولذيذة

ليك حق يا اسامة تسيبنا مستنيين كتير

وشكرا ليك يا اسامة عرفتنى حاجات كتير فى شخصية بحترمها وبحب اقرا مواضيعها

امتعتونا جدا

JaGuAr

May 11 2008, 05:32 AM

بسام يابرنس

عى فكره يا بيسو

انا كان أعز اصحابى فى اولى جامعه اسمه بسام على

بسام على ابراهيم

marawan

May 11 2008, 05:55 AM

السلام عليكــم ورحمـة الله وبركاتــة ،،

حوار رائع بجد
كالعادة المتمرد متميز جداً ف أسلوبه
و بسام ضيف جميل و ردوده أجمل
بجد استمتعت جدا بحوار راقي جداً

last_ninja

May 11 2008, 06:04 AM

فاصل من التلقائية والتألق

حوار لذيذ بحد

العقرب

May 11 2008, 06:11 AM

السلام عليكــم ورحمـة الله وبركاتــة ،،

الله

الله

الله

انت و بسام ضيافة رائعة
ليك حق يا اسامة باشا حوار ع نار هادية

انا بحس انك بتعصر الى ادامك ههههههههههههههههههههههه

يا اسامة يا جاااااااااااااااااااااااااااااااااامد
والله تسسسسسسسسسسسسسسسلم ايدك

انا حسيت انى قاعد فى برنامج

سؤال و جواب على

الهوا مباشرا

بشكرك من كل قلبى على الحوار الجامد دة

ربنا يخليك دايما لحلمنا

و طبعا

بشكر نجم حلمنا

بسسسسسسسسسسسسسسسسسسسسسسسسسسسسسسام باشا

و بقولة من قلبى ربنا معاك فى الغربة و يقويك يا رب و ترجع بالف سلامة لبلدك و اهلك و اخواتك

ان شاء الله على خير يا رب

حوااااار اكثر من رائع دايما متميز
دمتم لحلمنا بكل ود

Bassam

May 11 2008, 09:47 AM

إقتباس(snowwhite20 @ May 11 2008, 01:59 AM)

اخسى عليك

اهو دة بقة مسموش كلام

ربنا يوفقك يابسبس انت تستاهل كل خير

شاتر ياسمسم كلامك عسل من يومه

بس رخم بردك

شوفي بقي المتمرد هيوقعني في خطيباتي
يا بت انا هاتجوز 8 متقلقيش والدبل خليها زي ما هيا
وبعدين هو اللي طلع الاشاعه دي بدليل انه طالب ليا عروسة في اخر الحوار

ماشي يا سكينة.؟ ولا أيه|؟

ومنورة التوبيك ومستني اسئلتك الرخمة ؟
وبعدين مين قالك انها غلبانة دي عايزة ال....

Bassam

May 11 2008, 09:52 AM

إقتباس(فرحة @ May 11 2008, 02:02 AM)

منورة البرنامج يا فرحة

وبعدين فسه سطر انا مش فاهمه في ردك

إقتباس

كان نفسىىىىىىىىىىىىىىىىىىىى (بسام الطيب)وفى نفس الوقت شخصية مش سهل فهمها

وبعدين ايه اللي استمتعتي بالحوار ده طلع عيني علي ما خلص الحوار ده

دا احنا بدأنا فيه من سنتين وكل شوية يضيع الاسئلة ويسألها تاني

والنت بتاعه متصلحش لسه بيفصل ورفعلي ضغطي

وبعدين لو أي حد عنده أسئلة يتفضل يسأل

Bassam

May 11 2008, 09:58 AM

إقتباس(ساحرة القلوب @ May 11 2008, 03:25 AM)

ساحرة القلوب

شكرا علي مرورك الطيب

ونورتي البرنامج

وشكرا علي كلامك في حقي وحق أسامة

وربنا يبارك فيك

والف حمد لله علي سلامتك

ويارب دايما منورانا بردودك المميزة

Bassam

May 11 2008, 10:00 AM

إقتباس(JaGuAr @ May 11 2008, 05:32 AM)

بسام يابرنس

عى فكره يا بيسو

انا كان أعز اصحابى فى اولى جامعه اسمه بسام على

بسام على ابراهيم

شكرا يا جاجوار علي تشريفك للموضوع
ويارب دايما منورنا بردودك اللذيذة

وعقبال ما اشوفك متعذب مع اسامة

Bassam

May 11 2008, 10:03 AM

إقتباس(marawan @ May 11 2008, 05:55 AM)

السلام عليكــم ورحمـة الله وبركاتــة ،،

حوار رائع بجد
كالعادة المتمرد متميز جداً ف أسلوبه
و بسام ضيف جميل و ردوده أجمل
بجد استمتعت جدا بحوار راقي جداً

مروان منورنا وبتفق معاك ان المتمرد بيعرف يدير الحوارات
بس برضه متعب والحلقة قعدت 10 سنين و13 شهر و366 يوم علشان تطلع للنور

وشرفتنا بمرورك يا مؤمن

Bassam

May 11 2008, 10:05 AM

إقتباس(last_ninja @ May 11 2008, 06:04 AM)

فاصل من التلقائية والتألق

حوار لذيذ بحد

شكرا يا سمسم علي مرورك
ونورت البرنامج

وبانتظار أسئلتك يا نجم

Bassam

May 11 2008, 10:13 AM

إقتباس(العقرب @ May 11 2008, 06:11 AM)

السلام عليكــم ورحمـة الله وبركاتــة ،،

الله

الله

الله

انت و بسام ضيافة رائعة
ليك حق يا اسامة باشا حوار ع نار هادية

العقرب

منور التوبيك يا جميل
وعقبال ما اشوفك كده مع اسامة ان شاء الله

وبانتظار اسئلتك يا غالي

sarsoura

May 11 2008, 10:30 AM

Hwar lazez awy ya bassam.....3rfna hagat 3nak

2olena yomak el tabe3y byt2da ezay f Qatar 3ala 2sas eny m3rfhosh y3ny

w lama betnzel masr eah 2hsasak ?

w emta ya ebny hafrah feek w 2shofak 3res w eah hya mwsftha ?

rod ba2a

Memonesta

May 11 2008, 10:50 AM

عاوزين دم..

عاوزين دم..

عاوزين دم..

هييييييييييه...

بسام الجامد!!!

إقتباس

والله الماتش اللي فات كنا بنقول اهرب يا حضري

أنا اللي اخترعت النداء ده.. حرام عليكو يا عالم!!

هو مفيش احترام لحقوق الملكية الفكرية؟؟

حوار هايل كعادة اللي في بالي..

يآتيك بنصيبة ياللي في بالي

cute gurl

May 11 2008, 01:12 PM

لا بجد جااااااااااااااااااااااامد يا سمسم فى حوارك ايه ده مجدى مهنا الله يرحمه ياولاد

اما الحلو الامور الصغنن كميل امه ده يجلى بقا

انا عدو لدود ليه ان شاء الله كنت عملتهالك ايه ده غلبانه ومنكسرة ولا بعرف اهش ولا انش

معلش يا بت ياسماء بكرة اجوزك سيد سيده ماشن يا بسام ال .....بتكسر قلب البونيه كده

وبعدين ياسماء انتى مشكلتك بسيطه جت على خطوبه امال الى عندها محسن بقا تعمل ايه

وحياة ....... يا بسام ما هاسيبك ومن هنا ورايح فى معامله خادمين خااااااااااااااااااااااااااتر

سمسم بجد وربنا كنت جاااااااااااااااااااااااامد واسئلتك جميله وانت اصلا جميل تسلم يا عسل

TheQuEeN

May 11 2008, 01:28 PM

حلو اوى جدا طحن..

ومش هقول اكتر من كده