last_ninja
May 25 2008, 01:52 AM
أنا مابخفش وحفضل أقول
كلمة حق عليها مسؤل
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها .....نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟
Bassam
May 25 2008, 02:04 AM
مجرم ....
مع انه جاي علي الريس شويتين
بس راجل زي العسل
فاجومي انتبتعرف تتكلم وتقول
بس في الاخر . . . .
تسلم يا سمسم
وشكرا علي مجهودك
TheQuEeN
May 25 2008, 02:05 AM
للاسف ..
فعلا طالع واكل نازل واكل..
شكرا يا نينجا على عرض الموضوع
yaameedo
May 25 2008, 05:03 AM
انا كمان مابخفش
الغلطه دي غلطتنا يا عالم
إن مجبناش كرسي تيفال
Mo2mEn
May 25 2008, 05:26 AM
بموووووووووووت فى حاجة اسمها احمد فؤاد نجم
فعلاً الريس مدللعنا على الاخر
العقرب
May 25 2008, 05:45 AM
تسلم ايدك يا جميل
موضوع شديد و متميز
خد بالك المنتدى متراقب
بس محدش يعرف
هههههههههه
تحياتى
MoNy
May 25 2008, 09:56 AM
إقتباس
إن مجبناش كرسي تيفال
جامده موووووووووووووت تسلم ايدك يا اسلام
JaGuAr
May 25 2008, 02:23 PM
تمام ياسمسم
بس أعتقد ان احمد فؤاد نجم كان قايل الشعر فى السادات
لانه بيكره حاجه اسمها السادات
واللى عايز يتمتع بنجم صح
يسمع الشيخ امام
كلمات نجم وتلحين وغناء ( انشاد ) الشيخ امام
وفيه واحده اعتقد مش هتلاقوها كتير على المواقع الا فى مواقع محدده
هى عزه بلبع اللى كانت زوجة نجم اللى كانت بتغنى فى فيلم احنا بتوع الاوتبيس
عملته فى الدنيا دى اه ياولادى
اغنيه حلوه اوى
واللى عايز المواقع اللى عليها اى اغنيه او حتى طقطوقه قديمه
يقولى وانا ابعتهمله
بس بشرط يكون بيحب القديم فعلا
لان اصحابى شافونى مره بنزل حاجات للشيخ امام وسمعوها قعدوا يضحكوا
بس بحب القديم بقى هعمل ايه
تسلم ياسمسم وربنا مايحرمناش من مواضيعك ونفسك معانا فى المنتدى
ساحرة القلوب
May 25 2008, 04:18 PM
السلام عليكــم ورحمـة الله وبركاتــة ،،
جميلة اوى
احمد فؤاد نجم فعلا جميل
شكرا يا اسلام
MoNy
May 26 2008, 12:31 AM
إقتباس
بس أعتقد ان احمد فؤاد نجم كان قايل الشعر فى السادات
سادات ولا غيره
دي تعبر اكتر عن الحال دلوقت اوىىىىىى
محمد منير
May 26 2008, 06:18 AM
اناااااااااااااااااااااااااااااااااااااا ما بخفش