ساحرة القلوب
Jun 30 2008, 03:47 AM
السلام عليكــم ورحمـة الله وبركاتــة ،،
إزيكم يا حملنا ..يا رب دايما بخير ..ومتجمعين فى طاعة الله
ان شاء الله مشروع حفظ القران الكريم واللى بدأ فى رمضان اللى فات
وربنا قدر اخوانا على الحفظ ..ربنا يجعله فى ميزان حسناتهم جميعا
بإذن الله وتوفيقه هنبدأ عودة المشروع الأسبوع ده
فيا ريت اللى كانو مشاركين قبل كده وهيفضلوا فى المشروع يسجلو اسمائهم
واللى مكنش مشارك وحابب ان يدخل فى رحاب حفظ كتاب الله يسجل اسمه
علشان يتعملو صفحة خاصة بتسميعه
والتفاصيل بإذن الله هينزلها أسامه (المتمرد)
منتظرين تفاعلكم ....بارك الله فيكم
اللهم اجعل القران الكريم شفيعا لنا يوم القيامة
Salma
Jun 30 2008, 06:50 AM
السلام عليكــم ورحمـة الله وبركاتــة ،،
بارك الله فيكم وجعله في ميزان حسناتكم..
انا معاكم ان شاء الله بس ينفع بالنسبالي احفظ سورة "يس"
JaGuAr
Jun 30 2008, 12:34 PM
جزاكى الله خير ياساحرة القلوب
وانا معاكم ان شاء الله
ولو مادخلتش حلمنا انتى بتشوفينى فاتح الميل من الموب
فياريت تتكرمى وتنبهينى لحظة البدء
شكرًا يا سيد أسامه يا متمرد 
وفى انتظار التفاصيل يا كبير
مشموشة
Jun 30 2008, 01:18 PM
أنا معاكم بس ياريت يستمر ،،
المتمرد
Jul 1 2008, 06:28 AM
السلام عليكم ورحمة الله وبركاته ..
الحمد لله على العودة ...وان شاء الله ربنا يقدرنا ونستمر فيه علطول سواء انا موجود أو غيرى
المهم خير المشروع يفضل مستمر على حلمنا يفيد كل اخواتنا ....
سلمــى :: منوره وطبعا صفحتك موجودة .....وبالنسبة لـ هنحفظ ايه ؟؟
ان شاء الله يا نكمل جزء تبارك ....يا نحفظ سور متفرقة ومنها سورة يس
وده هيبقى بناءاً على استفتاء للمشاركين فى المشروع
ججوار :: منورنا يا جميل وربنا يجعلو فى ميزان حسناتك ...وان شاء الله البدء خلال أسبوع
مشموشة :: جزاكى الله خيراً وان شاء الله زى ما قلت مستمرين بإذن الله ..
اللهم اجعل القران الكريم شفيعاً لنا يوم القيامة
رجاااااااء من الناااس القديمة فى المشروع اللى هيستمر معانا يتفضل برد هنا
أو عضو أول مرة يشارك أهلا بيه معانا علشان هنبدأ فى أسرع وقت
وما أحوجنا جميعاً أن نعيش فى رحاب كتاب الله ....الله المستعان
نـور القمر
Jul 1 2008, 06:35 AM
انا كنت موجودة قبل كدا و معاكو ان شاء الله
eng/shimooo
Jul 1 2008, 06:27 PM
جزاكم الله خيرا
وربنا يجعله فى ميزان حسناتكم
انا معاكم ان شاء الله
المتمرد
Jul 3 2008, 04:36 PM
نور القمر : منوُرة طبعاً وان شاء الله هيبقى فى مراجعة للحفظ القديم للناس اللى كانت معانا قبل كده ...ربنا يوفقك
شيمو : جزاكى الله خيراً ....وتابعينا بإذن الله علشان تفاصيل الحفظ
فين باقى الناس بقى ..عايزين نبدأ ولا الناس مش عايزه تعيش مع القران !
اللهم اجعل القران العظيم ربيع قلوبنا ....ونور أبصارنا ..وزوال همومنا ......
اللهم امين
الله المستعان .
العقرب
Jul 7 2008, 06:50 PM
طبعا انا مكنتش اعرف بس لما اسامة قالى
طبعا مقدرش اتاخر على حفظ كتاب ربنا
وانا ان شاء الله
معاكم بفضل لله تعالى
جزاكى الله ك خير يا ساحرة القلوب على الموضوع الجميل
تسسسسسلمى
وجزاك الله كل خير يا المتمرد
تقبل مرورى
اخوك
فايز
العقرب
Jul 7 2008, 06:54 PM
طبعا انا مكنتش اعرف بس لما اسامة قالى
طبعا مقدرش اتاخر على حفظ كتاب ربنا
وانا ان شاء الله
معاكم بفضل لله تعالى
وجزاك الله كل خير يا المتمرد
تقبل مرورى
اخوك
فايز
مشموشة
Jul 12 2008, 07:27 PM
اتمنى اننا نبدأ في أقرب وقت
الوقت اللي عدى ده كله كان ممكن نخلص فيه سورة
واحنا أولى بكل يوم من أيام الأجازة نحفظ فيه
ومستنية التشجيع والبداية
semsema
Jul 13 2008, 03:12 AM
السلام عليكم ورحمة الله وبركاته
انا معاكم بإذن الله تعالى
بالنسبه لى علشان بحفظ حاليا فأنا ممكن احفظ معاكم من الجزء السابع والعشرين لحد التلاتين
والله المستعان
Salma
Jul 13 2008, 03:46 AM
ايوة يا جماعة ياريت فعلا تبداو عشان الصيف هيخلص كده وبعد كده مش هقدر اجي فخلونا نلحق نعمل حاجة
المتمرد
Jul 13 2008, 06:54 AM
معذرة عـ التأخير ..وان شاء الله هنبدأ النهارده العقرب : بارك الله فيك وربنا يكرمك بالحفظ ويكون خالصاً لوجه الله
سمسمة : هو ان شاء الله بنحفظ فى الأجزاء الأخيرة ولو هنحفظ حاجه انتى حفظاها تبقى مراجعة ليكى ان شاء الله معانا
....اللهم اجعل القران العظيم شفيعاً لنا يوم القيامةمشموشة ،
سلمـــى :: حاضر
الله المستعان
المتمرد
Jul 13 2008, 11:44 PM
تم البدء ....والله المستعانطبعاً زى ما كلنا عارفين بنتابع الورد الأسبوعى اللى هنحفظه
وده له موضوع خاص هنـــا
وكل مشارك فى المشروع له صفحة خاصة
اللى لسه أول مرة اتعمله صفحة للتسميع ومراجعة تسميعه من خلالها
وطبعا اللى معانا قبل كده صفحاتهم موجودة وجارى فتحها
احنا بنحفظ فى سورة ق ..........سورة مؤثرة جدُاً
ربنا يتمم علينا حفظها
وان شاء الله الموضوع ده هيبقى لأى استفسار عن اى ايه حاجه فى السورة
سواء اسباب نزول ...شرح للايه ....تفسير ... يعنى اى سؤال لاى حد يتفضل والله الموفق فى الإجابة
عايزين بجد نخرج من السورة دى مستفيدين بكل معانى الإفادة
مش عايزين يكون مجرُد حفظ يا جماعه ....وان شاء الله نعمل بما فيها
السورة تذكرنا بالمووووووووت والاخرة اللهم أحسن ختامنا ودى
خواطر رائعة جدُاً للشيخ محمُد حسان حول سورة ق هنا
المتمرد
Aug 1 2008, 02:21 AM
طبعا فى ناس بتسمع وانا متابعهم كويس
وبقولهم بجد ربنا يبارك فيكم ويجعله شفيعا لكم يوم القيامة
وفى ناس معرفش كانت متحمسة ومش شايفها دلوقتى 
ليه كده يا جماعه .... يا ريت نقرب اكتر من القران
وخاصة احنا داخلين على شهر رمضان
واكيد هنزود الحفظ فيه واحتمال يكون يومى
يا ريت الحماس مينقطعش يا شباب بجد
وبشكرك يا ايمان على المتابعة المستمرة
ربنا بجعله فى ميزان حسناتك الله المستعان
مشموشة
Aug 2 2008, 01:13 AM
السلام عليكم
انا كنت من الناس المتحمسة جدا وما زلت
وبحفظ والله مش ناسية .. وان شاء الله هسمع في اقرب وقت
مشموشة
Aug 4 2008, 01:17 PM
تم التسميع
في انتظار ورد الأٍسبوع ده إن شاء الله
المتمرد
Aug 4 2008, 05:51 PM
مشموشة ، semsema ، eng/shimoo
ما شاء الله ...بجد تسميعكوا رائع ججوار ، نور القمر ، salma
شوفى ايه العقاب اللى يمشى مع كل واحد منهم يا إيمان وانا مستعد 
وباقى الناس يا ريت نهتم أكتر يا جماعه
وان شاء الله فى هدية قريب .... حاجه بسيطه كده يعنى
أما الهدية الكبرى فهى
فى ميزان حسناتكم بإذن الله والورد هتنزله ايمان النهارده ان شاء الله يا مشموشة
الله المستعان
Dr.beboo
Aug 8 2008, 12:59 AM
السلام عليكم
أنا مكنتش اعرف ان الموضوع من السنة اللي فاتت..
اظاهر اني فاتني كتييييييير...
ياريت أبقي معاكم ان شاء الله
و انا هستمر ف الحفظ عادي حتي لو ما اتاحتليش الفرصة اني أدخل أسمع كتابة لظروف النت..
معاكم يا شباب..ربنا يكرمكم و يجعله في ميزان حسناتكم
المتمرد
Aug 8 2008, 03:22 AM
إقتباس(Dr.beboo @ Aug 8 2008, 12:59 AM)
السلام عليكم
أنا مكنتش اعرف ان الموضوع من السنة اللي فاتت..
اظاهر اني فاتني كتييييييير...
ياريت أبقي معاكم ان شاء الله
و انا هستمر ف الحفظ عادي حتي لو ما اتاحتليش الفرصة اني أدخل أسمع كتابة لظروف النت..
معاكم يا شباب..ربنا يكرمكم و يجعله في ميزان حسناتكم :
أهلا بيكى فى مشروع الحفظ ... وربنا يجعله فى ميزان حسناتك
وان شاء الله هيتعملك صفحة خاصة بالتسميع
بس بالنسبة للورد الأسبوعى فانتى فى الاول مش هتبقى ماشيه معانا
ان شاء الله هتبدئى من أول سورة ق .... احنا تقريبا فى نصها ... حاولى تحفظى على قد ما تقدرى
واللى تحفظيه ادخلى سمعيه مترتبطيش بعدد ايات معين لحد ما تبقى ماشية معانا ..
ومفتش كتير .. يعنى ان شاء الله تحفظيهم بسرعه
ويا ريت قبل رمضان تكونى ماشية مع الورد الاسبوعى تمام ..
علشان ان شاء الله هيبقى الحفظ فى رمضان مختلف وبصورة أكبر ..
جزاكِ الله خيراً ... والله المستعان
ساحرة القلوب
Aug 12 2008, 10:05 PM
السلام عليكــم ورحمـة الله وبركاتــة ،،
معلش Dr.beboo اتأخرت فى انى اعمل الصفحة الخاصة لتسميعك
بس مش بعرف ادخل نت اليومين دول
و ربنا يكرمك وتكملى معانا الحفظ بازن الله
المتمرد
Aug 20 2008, 06:23 AM
بسم الله ..ده موقع أروع ما يمكن للحفظ ..يا ريت تقولولى رأيكو فيه ؟http://quran.muslim-web.com/وان شاء الله الحفظ فى رمضان هيبقى يومى
علشان نقدر نستغل الشهر العظيم افضل استغلال
فيا ريت اراءكم نحفظ سور متفرقة ولا نكمل جزء تبارك
واى حد عنده اى اقتراح يتفضل اللهم بلغنا رمضـــــــــــانمنتظر ردود
safi
Aug 20 2008, 06:32 PM
السلام عليكم ورحمة الله
موقع الحفظ ده ممتاز فعلا وأول مرة أشوف تنفيذ الفكرة دي على النت
جزاك الله خيرًا
بالنسبة للحفظ .. أنا معاكم بإذن الله في أي اتجاه سواء كملتو حفظ جزء تبارك أو اخترتم سور تانية
ربنا يتقبل منا ومنكم ويجعله في موازين الحسنات
مشموشة
Aug 22 2008, 03:21 PM
السلام عليكم
ايه رأيكوا لو نحفظ الموانع
يعني مثلا الملك مانعة من عذاب القبر والحمدلله حفظناها ( بس ياريت نراجع عليها )
الفاتحه تمنع غضب الرب
وسوره الكوثر تمنع الخصومه
وسوره الكافرون تمنع الكفر عند الموت
وسوره الاخلاص تمنع النفاق
وسوره الفلق تمنع الحسد
وسوره الناس تمنع الوسواس
سورة يس تمنع عطش يوم القيامة
سورة الدخان تمنع أهوال يوم القيامة
سورة الواقعة تمنع الفقر
ومنهم سور صغيرة بالتأكيد كلنا حافظينها
المتمرد
Aug 22 2008, 06:00 PM
طيب ده معناه سور متفرقة يا مشموشه
والسور القصيرة منها أكيد كلنا حافظنها
وحفظنا سورة الملك ....
يبقى سور ( يس، الدخان ، الواقعة) من السور المتفرقة ان شاء الله لو الاراء كانت سور متفرقة
وصافى رأيها واضح معانا فـ أى اتجاه
جزاكم الله خيراً ويا ريت يا صافى تسميع سورة ق قبل رمضان فى صفحتك الخاصة
فين باقى الاراء .... الحفظ فى رمضان
سور متفرقة ولا نكمل جزء تبارك ولو سور متفرق عايزين سور ايه ؟؟ ....
والله المستعان
ساحرة القلوب
Aug 23 2008, 03:13 AM
السلام عليكــم ورحمـة الله وبركاتــة ،،
انا بقترح نبدأ بسورة يس
semsema
Aug 25 2008, 02:31 AM
السلام عليكم ورحمة الله وبركاته،،
وانا بقترح سوره الواقعة
جزاكم الله خيرا
Hend
Aug 26 2008, 02:49 AM
السلام عليكــم ورحمـة الله وبركاتــة ،،
انا بقترح سورة يس
المتمرد
Aug 26 2008, 02:56 AM
سمسمة ،، إيمان
جزاكم الله خيراً ... واللهَ اسأل ان يكون هذا المشروع فى ميزان حسناتنا جميعاًإقتباس(Hend @ Aug 26 2008, 02:49 AM)
انا بقترح سورة يس
لا انتى متقترحيش ..
علشان انتى مش معانا
soffia
Aug 26 2008, 10:38 AM
الحمد لله انا حافظه كل اللي ذكروا في الموانع
الا الدخان والان انا باحفظ سورة البقره نفسي امشي معاكم بس لن اتراجع عن البقره
ياااااااااااااااااااارب اتمها في رمضان وتكون ثابته في مخي
ادعو لكم بالتوفيق
المتمرد
Aug 27 2008, 10:37 AM
إقتباس(soffia @ Aug 26 2008, 10:38 AM)
الحمد لله انا حافظه كل اللي ذكروا في الموانع
الا الدخان والان انا باحفظ سورة البقره نفسي امشي معاكم بس لن اتراجع عن البقره
ياااااااااااااااااااارب اتمها في رمضان وتكون ثابته في مخي
ادعو لكم بالتوفيق
جزاكِ الله خيراً
وربنا يثبتك على الحفظ ..
وطبعاً كنا نتمنى انك تكونى معانا بس طالما بتحفظى وفى سورة البقرة
فربنا يكرمك بجد وتكمليها فى رمضان
وان شاء الله تبقى معانا من بعد رمضان
makmo0o0ka
Aug 28 2008, 12:43 AM
انا عايزه اكون معاكو فـ رمضان ان شاء الله
واسمع معاكو
Dr.beboo
Aug 28 2008, 04:00 PM
أنا حفظت علي فكرة سورة ق كلها بس مش بعرف ادخل نت
بس انا معاكم يعني بحفظ مع نفسي و ماما بتسمعلي...
المتمرد
Aug 30 2008, 12:39 AM
إقتباس(makmo0o0ka @ Aug 28 2008, 12:43 AM)
انا عايزه اكون معاكو فـ رمضان ان شاء الله
واسمع معاكو
ومش هيتعملك صفحة جديدة لان صفحتك القديمة أعتقد انها موجودة
لانك كنتى معانا فى أول المشروع
فهشوفها وأنشطهالك وتسميعك هيبقى فيها ..ولو مش موجوده هيتعملك صفحة جديدة
جزاكِ الله خيراًإقتباس(Dr.beboo @ Aug 28 2008, 04:00 PM)
أنا حفظت علي فكرة سورة ق كلها بس مش بعرف ادخل نت
بس انا معاكم يعني بحفظ مع نفسي و ماما بتسمعلي...
طيب تمام كده يا بيبو المهم عندنا هو الحفظ
أما التسميع فى صفحتك فده حسب ظروفك
بس يا ريت تتابعى معانا بقى فى رمضان علشان الحفظ هيبقى يومى
ربنا يجعله فى ميزان حسناتك
Hend
Aug 30 2008, 02:57 AM
السلام عليكــم ورحمـة الله وبركاتــة ،،
اكيد يعنى بقترح سورة
علشان عايزه اكون معاكو فـ رمضان ان شاء الله
مش بقترح علشان افـرض رايى يعنى
المتمرد
Aug 31 2008, 04:50 PM
متقدريش أصلا تفرضى رأيك منورانا ياهند وجارى عمل صفحة خاصة لتسميعك
ويلا ربنا يوفقك ويجعل حفظك فى ميزان حسناتك وبكده بعد اراءكم ان شاء الله نحن مع سورة يس فى رمضان
الحفظ بمشيئة الله يومــــــــــــى ومفيش مشكلة لو حد اتأخر فى التسميع يوم اتنين أسبوع
لاى أعذار بس المهم يكون بيتابع بالحفظ ويسمع فى اقرب فرصة كل اللى فاتوا
إنتظـــــــــــــرونا غداً بإذن الله مع الورد اليومى
يا ريت مننساش اننا فى رمضان الماضى أتممنا حفظ سورة يوسف
عايزين حماس مع نفحات هذا الشهر العظيم
كل عام وأنتم بخير
semsema
Sep 1 2008, 02:23 AM
السلام عليكم ورحمة الله وبركاته
الله المستعان ... ان شاء الله
بسمة أمل
Sep 1 2008, 06:16 PM
معاكم ان شاء الله
وايمان عملتلى الصفحة فى الخياثة امبارح
(محدش يقول للمتمرد
)
Mo2mEn
Sep 1 2008, 06:23 PM
ربنا يتمم حفظة ع خير ليكوا يارب
فرحة
Sep 2 2008, 02:39 AM
انا معاكم باذن الله
واتمنى انى استمر واكون قدها
المتمرد
Sep 2 2008, 05:59 AM
سمسمة : فى انتظار تسميعك ان شاء الله ..والله المستعان
بسمة أمل : محدش قاللى ..انا شفتها بنفسى
وكنت لسه بفكر أحذفه علشان ليكى صفحة ..لانك من الاعضاء اللى بدأوا معانا من الاول
بس انتى سمعتى فيها فان شاء الله ندمجه مع صفحتك الرئيسة
وكان المفروض تعرفى ايمان ان ليكى صفحة..
أصل إيمان لسه جديدة (لا بجد ربنا يكرمها إيمان على مجهودها الجميل ..وان شاء الله فى ميزان حسناتها)
مؤمن : بحبك كده وانت بتشجعنا دايماً
يا رب ابقى اشوفك فى صفوف المشاركين ..وليس المشجعين فقط
فرحة : منورانا بجد .. وطبعاً قدها ان شاء الله
يلا فى انتظارك تواجدك المستمر بقى ...ربنا يجعله فى ميزان حسناتك
Dr.beboo
Sep 2 2008, 04:31 PM
طيب جميييل جدا
أنا كنت حافظة سورة يس قبل كدة الحمد لله..
أهو تبقي مراجعة
اعذروني بجد لو مقدرتش اسمع هنا بس انا معاكم يعني...
السلام عليكــم ورحمـة الله وبركاتــة ،،
جزاكم الله خيرا ربنا يبارك فيكم ويجعله فى ميزان حسناتكم
وانا عاوزة انضم معاكم لمشروع الحفظ ان شاء الله
ساحرة القلوب
Sep 7 2008, 05:09 AM
السلام عليكــم ورحمـة الله وبركاتــة ،،
اهلا بيكى يا تقى
جزانا واياكم
و ان شاء الله هعملك صفحة عشان تبداى تسمعى فيها
soffia
Sep 27 2008, 09:34 PM
انا كنت فاكره ان الحفظ اسهل من كدا
واتمنيت اني احفظ في رمضان سورة البقره بس
الحمد لله ربنا اعطاني من عطفه وكرمه جزء واحد منها
الحمد لله طبعا هاستمر مش عارفه يعني ايه يبقالي صفحه
فهموني.....من فضلكم