عسل يا سمسم يا كبيرة انتى ..

بما انا لسه 18 سنة ومش عجوزة زيك

منكرش انى لسه بعمل بعض الحاجات الى انتى كنتى بتعمليها

معظم الوقت عالنت بين المنتدى والقراية

من ناحية حلمنا مقدرش اقصر فيه ..بياخد كتير من وقتى ..بس شئ خارج عن ارادتى


و نويت الصيف ده اقرا اكبر مجموعة من الادب الانجليزى عشان تساعدنى فى دراستى

وبدأت الحمدلله من فترة ،،


وكمان عملت اختبار دورة icdl والحمدلله نجحت وهبدأ الدورة قريب


وعندى تدريب صيفى فى الجامعة (للشعر والزجل والقصة القصيرة) لمدة اسبوع هيبدأ الأحد الجاى ان شاء الله


و بتعلم اطبخ حاجات كتير مش زيك يا بتاعة الرز بلبن


و بحاول اروح جمعية لتحفيظ القرآن بالتجويد بس لسه الوقت مش مناسب ربنا يسهل


بس يا ستى ده المخطط بتاعى حتى الان

ومن المحتمل يجد جديد بس على الاقل اما انهى بعض الحاجات دى


انتى بقى ناوية على اييه ؟

اعتقد هتقضى وقتك كله فى التفكير فى طريقة تقضى بيها على العنكبوتات من بعيد لبعيد

جميلة وبريئة يا سمسم طول عمرك


انا عن نفسى من النهارده اعتقد انى هدخل فى حالة اكتئاب

لأجل غير مسمى لحين إشعار آخر

وبعدين انا خلاص أجازة إلى مالا نهاية


بس انا ناوية والنية لله انى أروح احفظ القرآن إن شاء الله من بداية الشهر ده

طبعاً إلى جانب تضييع الوقت على النت وحلمنا

والقراية طبعاً شىء أساسى عايزة اقرا اكبر كم من الكتب وخاصة الأدب

نفسى أخد دورة لغة تانية غير الأنجليش

وبعدين شوية كده واخد انجليش إن شاء الله

بس

نفسى اعمل حاجة مفيدة او حد يدلنى على حاجة اعملها

اتمنى اشوف منكم افكار

بما انى اصغركم سناً
لكن برضه عايز اشغل وقتى فى حاجة مفيدة لانى هتسأل عليه
ان شاء الله هاخد كورس ايطالى وهشترك فى نشاط كده فى مكتبة اسكندرية
وناوية اتعلم هيروغليفى
وانمى نفسى شوية فى الجرافيك
واكتسب مهارات جديدة فى الحياة
أما عن حلمى الكبير اللى نفسى أحققه الأجازة دى
فنفسى أبدأ بأول خطوة وأعمل حاجة أسيب فيها بصمة ليا
موضوع جميل يا أسماء
وإن شاء الله نقضى كلنا أجازة سعيدة نجنى من خلالها أهدافنا