بسم الله الرحمن الرحيم
منتهى . . . . منتهى التناقض
التناقض كلمه كلنا بنحسها فى حاجات كتير حوالينا
فى وقتنا ده حياتنا بقى فيها متناقضات كتير اوى
وبعيدًا عن التناقض اللى شايفه فى حاجات كتير
تناقض فى الاعلان والاقتصاد والبيزنس وغيره
مش هتكلم فى حاجات كبيره لانى ممكن دلوقت بفهمى او بطريقة تفكيرى او بمعلوماتى
أكون مش فاهم اوى او الصوره مش واضحه بالنسبالى وممكن افهم أكتر بعد كده وممكن اكون انا فاهم صح
لكن هتكلم فى موقفين انا مريت بيهم وكانوا فى منتهى التناقض ومش عارف اسميهم ايه لغاية دلوقت
هما أكيد تحت مسمى واحد بس ايه . . . مش عارف
اول موقف
فى يوم من ايام الجامعه ومن احسن سنين الجامعه بالنسبه لينا قولنا نعمل رحله
الرحله كان منها اربعه موجودين هنا معانا فى حلمنا
JaGuAr
THEGHOST
NON - PERSON
SHEKO
وكان معانا اتنين اصحابنا كمان
بعيدًا عن تفاصيل الرحله كنا عاملين برنامج كويس المهم فى آخر البرنامج عشوايه فى الحسين
وده أخر البرنامج اللى كانت الساعه حوالى 1 او 2 بالليل
ركبنا تاكسى من التحرير رُحنا الحسين وصلنا لفينا شويه فى خان الخليلى ومنطقة الحسين وقعدنا فى مطعم علشان
نطلب أكل
فعلا طلبنا الأكل وكله تمام
وبالصدفه كان فى التربيزه اللى جنبنا جماعه خلايجه
بالتحديد ستات حوالى 6 او 8 ستات خلايجه مش معاهم راجل حتى
قاعدين فى منتهى البزخ والاسفاف بيصرفوا بعبط على حاجات مش عارف اقول ايه يعنى بس بجد منتهى البزخ
خلصنا أكل وكله تمام والساعه دخلت على 3 الفجر الخلايجه جابوا مطرب وقعد يغنيلهم أغانى حليم
من الناس اللى موجودين فى الحسين دول
احنا قاعدين ولاد حلال قاعدين معانا بدون ذكر أسماء
رخموا عليهم من غير مايوجهوا لهم اى رخامه مننا فينا كده
بس مع نفسنا مالناش دعوه بيهم
احنا جنب الحسين شويه وخلاص الكُل بدأ يشطب واحنا حاسبنا وقولنا نصلى ونرجع المدينه تانى خلاص بقى الرحله
خلصت
فعلا اتوضينا وصلينا الحمد لله
بعد ماخلصنا كلهم كانوا مقتولين وقالوا هنريح شويه انا كنت تعبان فعلا بس عادى ممكن استحمل ر يحت شويه كده
ولمحت ناس بتجرى
ليه . . . شوفت ست طيبه كده بتفرق سندوتشات وكده تقريبًا ندر او كده حاجه لله يعنى
شويه فوقتهم علشان نتوكل على الله خرجنا من الجامع
وكأنى خارج لعالم تانى تمامًا ناس غلابه اوى شحات على باب الحسين
ناس شايفهم بس من ملامحهم تعرفهم من الوهله الاولى انهم مصريين
ناس خارجه الصبح قبل زحمة المواصلات . . . طالعين من بيوتهم علشان لقمة العيش
ساعتها فكرت كتير طيب والعالم اللى كان هنا من حوالى ساعتين تلاته
يمكن مالحظتش قبل كده علشان كنت بروح بدرى من الحسين
ليه لاحظت المره دى بالتحديد
شوفوا منتهى التناقض فرق فى التوقيت 3 ساعات يعمل ايه
عالم عايش ولا فى دماغه اى شئ فلوس بتتصرف بالعبيط فى كلام فارغ
البيه بيشرب شيشه بعشره جنيه الهانم جايه واحد يغنيلها بميت جنيه
وشوفوا كام بيه وكام هانم ( وما خفى كان أعظم ) ودى اسعار تقديريه منى لانى بصراحه معرفش البيه المطرب بياخد
كام ولا الشيشه ثمنها كام بس تقريبًا ده الحد الأدنى
وبعد 3 ساعات يظهر المصريين يظهر اصحاب البلد . . .
قليلين الحيله تحسهم طيبين مخلصين رجاله لكن ظروفهم كده تحس بينهم بالدفئ
بالامن بالأمان . . . وكل واحد عايز يركب القطر قبل مايفوته القطر وياريت هيفوته وبس ده لو عداه هيدوس على رقابته
ساعتها فكرت كتير فى الموقف ده بس ماعرفتش اسميه ايه او بسبب مين
خلاه فى بالى كتير لغاية مافيوم كده كتبت زى قصيده كده بس يمكن على نظام الرباعيات او بطريقة الجميل فاروق جويده
بعنوان " عايشين ومش عايشين " وتقريبًا مفيش حد شافها . . .
حتى يومها كتبتها فى مُفكره صغيره كده ومنقالتهاش لغاية دلوقت
منتهى التناقض
الموقف التانى شبيه جدًا بالموقف الاول لكنه حصل قريب اوى
كنت عند خالتى فى 6 أكتوبر وفيوم كنت هقابل non - person وطلع خلاص بس اعتذرتله لاننا كنا هنخرج فى اليوم ده
خرجنا كُلنا صلينا العشاء فى مسجد الشيخ الحصرى وبعد الصلاه قضينا الليله فى منطقة الحصرى أخر حاجه تقريبا قبل
مانروح
كانت فى مول كده مش فاكر اسمه بس ابن خالتى قالى انه بتاع عادل امام جامد اوى وعليه شقق سكنية لطلبة
الجامعه تُحفه
وطبعا توكيلات كُله وعالى اوى
المول ده اول ماتخرج منه هتلاقى سينما رنيسانس. . . نار على علم يعنى ( مع انى كنت اول مره اشوفها )
بعدين اتجمعنا وخلاص ماشيين
الملفت للنظر انك تحس ان الناس اللى انت شايفهم دول من عالم تانى وتحس ليه هما فعلا كده ؛ كلهم عرب
طلاب وطالبات عرب مغتربين بيدرسوا فى جامعة 6 اكتوبر . . . نار على علم برده
الساعه كانت حوالى 12 بالليل وتحس انها 12 الظهر واللى نزل منطقة الحصرى أكيد عارف اللى بحكى عنه ده وحتى كمان اللى محكتش عنه
خلاص ماشيين بنعدى شارع كده وبالصدفه بلتفت ورايا ليقيت ست انا مدققتش اوى بس هى ست لابسه اسود
وماسكه حاجه فى اديها حاطاها تحت دماغها
ونايمه على رصيف فى حمى سياج من الشجر اللى ممتد على الرصيف ده . . . شوفوا التناقض . . . شوفوا على بعد
كام متر منها ناس عاملين ازاى
. . . تخيلوا كم الفلوس اللى بتتصرف على بعد أمتار منها وعلى حاجات خايبه عبيطه
تخيلوا لو كل واحد وواحده من اللى يبعدوا عنها أمتار دول اداها جنيه ولا هيفرق معاهم
او حتى خمسه جنيه ولا هيحسوا بنقصها اصلا
لو كل واحد اداها جنيه واحد بس (ده لو صادف وكان يعرف حاجه اسمها جنيه اصلا)
لو كانت نامت من غير ما تتعشى كانت هتتعشى
لو كانت مش لاقيه فلوس تروح بيها كانت هتروح , لو كانت مش لاقيه حاجه تجيبها لأولادها وهى مروحه كانت هتجيب
او كانت هتأجر اى مكان تنام فيه مكان يسترها ويأويها تحس فيه بالخصوصيه والامان . . وتقريبًا ده ابسط حقوق اى بنى آدم
شوفوا منتهى التناقض
انا طولت عليكم بس حقيقى مش عارف مش عارف اسمي المواقف دى ايه
مش عارف اقول هى مصر بقت قاسيه على ولادها كده ليه
مش عارف مع ان الناس دى هما اصحاب البلد هما اصل البلد دى
مش عارف بجد مش عارف . . . قولت احكى معاكم يمكن انتوا تعرفوا
منتهى . . . . منتهى التناقض
التناقض كلمه كلنا بنحسها فى حاجات كتير حوالينا
فى وقتنا ده حياتنا بقى فيها متناقضات كتير اوى
وبعيدًا عن التناقض اللى شايفه فى حاجات كتير
تناقض فى الاعلان والاقتصاد والبيزنس وغيره
مش هتكلم فى حاجات كبيره لانى ممكن دلوقت بفهمى او بطريقة تفكيرى او بمعلوماتى
أكون مش فاهم اوى او الصوره مش واضحه بالنسبالى وممكن افهم أكتر بعد كده وممكن اكون انا فاهم صح
لكن هتكلم فى موقفين انا مريت بيهم وكانوا فى منتهى التناقض ومش عارف اسميهم ايه لغاية دلوقت
هما أكيد تحت مسمى واحد بس ايه . . . مش عارف
اول موقف
فى يوم من ايام الجامعه ومن احسن سنين الجامعه بالنسبه لينا قولنا نعمل رحله
الرحله كان منها اربعه موجودين هنا معانا فى حلمنا
JaGuAr
THEGHOST
NON - PERSON
SHEKO
وكان معانا اتنين اصحابنا كمان
بعيدًا عن تفاصيل الرحله كنا عاملين برنامج كويس المهم فى آخر البرنامج عشوايه فى الحسين
وده أخر البرنامج اللى كانت الساعه حوالى 1 او 2 بالليل
ركبنا تاكسى من التحرير رُحنا الحسين وصلنا لفينا شويه فى خان الخليلى ومنطقة الحسين وقعدنا فى مطعم علشان
نطلب أكل
فعلا طلبنا الأكل وكله تمام
وبالصدفه كان فى التربيزه اللى جنبنا جماعه خلايجه
بالتحديد ستات حوالى 6 او 8 ستات خلايجه مش معاهم راجل حتى
قاعدين فى منتهى البزخ والاسفاف بيصرفوا بعبط على حاجات مش عارف اقول ايه يعنى بس بجد منتهى البزخ
خلصنا أكل وكله تمام والساعه دخلت على 3 الفجر الخلايجه جابوا مطرب وقعد يغنيلهم أغانى حليم
من الناس اللى موجودين فى الحسين دول
احنا قاعدين ولاد حلال قاعدين معانا بدون ذكر أسماء
رخموا عليهم من غير مايوجهوا لهم اى رخامه مننا فينا كده بس مع نفسنا مالناش دعوه بيهم
احنا جنب الحسين شويه وخلاص الكُل بدأ يشطب واحنا حاسبنا وقولنا نصلى ونرجع المدينه تانى خلاص بقى الرحله
خلصت
فعلا اتوضينا وصلينا الحمد لله
بعد ماخلصنا كلهم كانوا مقتولين وقالوا هنريح شويه انا كنت تعبان فعلا بس عادى ممكن استحمل ر يحت شويه كده
ولمحت ناس بتجرى
ليه . . . شوفت ست طيبه كده بتفرق سندوتشات وكده تقريبًا ندر او كده حاجه لله يعنى
شويه فوقتهم علشان نتوكل على الله خرجنا من الجامع
وكأنى خارج لعالم تانى تمامًا ناس غلابه اوى شحات على باب الحسين
ناس شايفهم بس من ملامحهم تعرفهم من الوهله الاولى انهم مصريين
ناس خارجه الصبح قبل زحمة المواصلات . . . طالعين من بيوتهم علشان لقمة العيش
ساعتها فكرت كتير طيب والعالم اللى كان هنا من حوالى ساعتين تلاته
يمكن مالحظتش قبل كده علشان كنت بروح بدرى من الحسين
ليه لاحظت المره دى بالتحديد
شوفوا منتهى التناقض فرق فى التوقيت 3 ساعات يعمل ايه
عالم عايش ولا فى دماغه اى شئ فلوس بتتصرف بالعبيط فى كلام فارغ
البيه بيشرب شيشه بعشره جنيه الهانم جايه واحد يغنيلها بميت جنيه
وشوفوا كام بيه وكام هانم ( وما خفى كان أعظم ) ودى اسعار تقديريه منى لانى بصراحه معرفش البيه المطرب بياخد
كام ولا الشيشه ثمنها كام بس تقريبًا ده الحد الأدنى
وبعد 3 ساعات يظهر المصريين يظهر اصحاب البلد . . .
قليلين الحيله تحسهم طيبين مخلصين رجاله لكن ظروفهم كده تحس بينهم بالدفئ
بالامن بالأمان . . . وكل واحد عايز يركب القطر قبل مايفوته القطر وياريت هيفوته وبس ده لو عداه هيدوس على رقابته
ساعتها فكرت كتير فى الموقف ده بس ماعرفتش اسميه ايه او بسبب مين
خلاه فى بالى كتير لغاية مافيوم كده كتبت زى قصيده كده بس يمكن على نظام الرباعيات او بطريقة الجميل فاروق جويده
بعنوان " عايشين ومش عايشين " وتقريبًا مفيش حد شافها . . .
حتى يومها كتبتها فى مُفكره صغيره كده ومنقالتهاش لغاية دلوقت
منتهى التناقض
الموقف التانى شبيه جدًا بالموقف الاول لكنه حصل قريب اوى
كنت عند خالتى فى 6 أكتوبر وفيوم كنت هقابل non - person وطلع خلاص بس اعتذرتله لاننا كنا هنخرج فى اليوم ده
خرجنا كُلنا صلينا العشاء فى مسجد الشيخ الحصرى وبعد الصلاه قضينا الليله فى منطقة الحصرى أخر حاجه تقريبا قبل
مانروح
كانت فى مول كده مش فاكر اسمه بس ابن خالتى قالى انه بتاع عادل امام جامد اوى وعليه شقق سكنية لطلبة
الجامعه تُحفه
وطبعا توكيلات كُله وعالى اوى
المول ده اول ماتخرج منه هتلاقى سينما رنيسانس. . . نار على علم يعنى ( مع انى كنت اول مره اشوفها )
بعدين اتجمعنا وخلاص ماشيين
الملفت للنظر انك تحس ان الناس اللى انت شايفهم دول من عالم تانى وتحس ليه هما فعلا كده ؛ كلهم عرب
طلاب وطالبات عرب مغتربين بيدرسوا فى جامعة 6 اكتوبر . . . نار على علم برده
الساعه كانت حوالى 12 بالليل وتحس انها 12 الظهر واللى نزل منطقة الحصرى أكيد عارف اللى بحكى عنه ده وحتى كمان اللى محكتش عنه
خلاص ماشيين بنعدى شارع كده وبالصدفه بلتفت ورايا ليقيت ست انا مدققتش اوى بس هى ست لابسه اسود
وماسكه حاجه فى اديها حاطاها تحت دماغها
ونايمه على رصيف فى حمى سياج من الشجر اللى ممتد على الرصيف ده . . . شوفوا التناقض . . . شوفوا على بعد
كام متر منها ناس عاملين ازاى
. . . تخيلوا كم الفلوس اللى بتتصرف على بعد أمتار منها وعلى حاجات خايبه عبيطه
تخيلوا لو كل واحد وواحده من اللى يبعدوا عنها أمتار دول اداها جنيه ولا هيفرق معاهم
او حتى خمسه جنيه ولا هيحسوا بنقصها اصلا
لو كل واحد اداها جنيه واحد بس (ده لو صادف وكان يعرف حاجه اسمها جنيه اصلا)
لو كانت نامت من غير ما تتعشى كانت هتتعشى
لو كانت مش لاقيه فلوس تروح بيها كانت هتروح , لو كانت مش لاقيه حاجه تجيبها لأولادها وهى مروحه كانت هتجيب
او كانت هتأجر اى مكان تنام فيه مكان يسترها ويأويها تحس فيه بالخصوصيه والامان . . وتقريبًا ده ابسط حقوق اى بنى آدم
شوفوا منتهى التناقض
انا طولت عليكم بس حقيقى مش عارف مش عارف اسمي المواقف دى ايه
مش عارف اقول هى مصر بقت قاسيه على ولادها كده ليه
مش عارف مع ان الناس دى هما اصحاب البلد هما اصل البلد دى
مش عارف بجد مش عارف . . . قولت احكى معاكم يمكن انتوا تعرفوا
