موضوع جميل جدا ...

والاجمل من كده ............ انا مش بحب اساسا موضوع الافراح ده ... لا اسلامى ولا غيره ...

هو فى مسجد .... وانتهى الموضوع وكل واحد يروح على بيته

سمسمه بجد مش عارف اقولك ايه

بس صدقينى والله كنت هعمل نفس المناقشه على حلمنا

بس طبعا مش بالروعه دى

لانى الموضوع ده شاغل بالى بطريقه

وبجد انا مستعجل اوى

ان شاء الله راجع تانى ارد واكتب اللى كنت هعمله فى موضوع

والى هذا الحين ادعوا لكى اختى الكريمه من صميم قلبى

ربنا يرزقك الزوج الصالح والذريه الصالحه

راجع تانى ان شاء الله

موضوعك أكثر من رائع يا سمسمة بجد بارك الله فيكي

بس ليا تعليق

الاسلام أناشيد وليس أغاني

والفرقة الاسلامية يا اما D.J أناشيد إسلامية

يا إما فرقة إسلامية بالدفوف ودي بتكون رائعة رائعة بجد .. أنا حضرت فرح بالدفوف كان جميل أوي ما شاء الله

قال رسول الله صلى الله عليه وسلم : { أعلنوا هذا النكاح واجعلوه في المساجد واضربوا عليه بالدفوف }

السلام عليكم ورحمة الله وبركاته،،

موضوع تحفه بجد ياسمسمه

تسلم الايادى

فعلا ياسمسمه بنروح افراح كتير بنشوف فيها الكلام ده
انا رايى اجمل شئ هو ان العريس والعروسه يفرحوا
يعنى ممكن يعملوا عزومه لافراد العيله فى مكان كويس
وطبعا يوفروا فلوس الفرح دى لجهازهم او لو هما مبسطوين يكون احسن يتبرعوا فيها
ولا فرح ولا الحورات دى كلها
وربنا يسعد الجميع ويوفقهم يارب
جزاك الله خير سمسمه للموضوع حلو كتير

السلام عليكــم ورحمـة الله وبركاتــة ،،



جزاكى الله خير يا سمسمة


فعلا انتشرت الافراح الاسلامية دلوقتى عن الاول كتير


وبقى فى قاعات كتير متاحة


لسه من كم يوم كنت فى خطوبة وكان اللى شغال اناشيد اسلامية عارفه اغلب الوقت بتصلى على سيدنا محمد


او بتسمعى كلمات راقية جدا و فيها دعاء للعروسين

بس هو لسه مش كل الناس بتقتنع بيه

يعنى واخده صحبتى كانت عايزه تعمل فرحها اسلامى

واهلها اللى رفضوا وشافوا انهم عشان يفرحوا بيها يعمل فرح فى مطربين كبار وحاجات كده

و ربنا يهدى

وتسلمى يا سمسمة على اسلوبك المميز

انا عن نفسى مبحبش الأفراح نهائى

وده لآنها مش افراح دى مسابقات ف الرقص والأغاني

وانا عن نفسى استحاله ان ابدأ حياتي بمعصية

غير انى اشيل ذنوب كل الناس دى

ما هو فرحى وانا اللى مجمعه الناس دى كلها

فبجد حاجة صعبه جداً

انا محضرتش افراح اسلامية كتير للأسف

بس حضرت واحد ف صالة ف مسجد العروسة مع اصحابها

و معاها فرقه بنات بالدفوف كان كويس

بس حضرت فرح بنت عمتى

بصراحة ده كان مختلط بس فرقه اسلامية والمنشد مصطفى محمود

الفرح ده من اجمل الافراح اللى حضرتها

محترم جداً ومفيش حتى واحده بشعرها

والعروسة قاعده ف مكانها والعريس اصحابه محاوطينه

حاجة جميلة جداً

ربنا يبارك ف الجميع ويهدينا يارب ويزرقنا بالزواج والذرية الصالحة

رأيك جميل

وفيه ناس كمان بتعمل كتب كتاب بس وبتكلفة الفرح يعملوا عمرة

موضوع رائع فعلا واقعي فعلا
لم اقرأ الردود لكن اقول ما يكون في بلدي فلسطين
الفرح الاسلامي يكون طبعا باناشيد اسلامية ويدخل العريس لقاعة العرس فقط في الزفة وحين تلبيس الشبكة وفي نهاية العرس لاخذ العروس وفي تلك الفترة يدخل محارم العروس من الرجال ليباركوا للعروسين
وفي البقية الباقية التي لا يكون فيها العريس تكون الفتيات فقط في القاعة يفعلن ما يردن
لكن احيانا ما تجد بعض الفتيات يقومن بارتداء ملابس كاشفة للعورة كان يكون اللباس فوق الركبة بقليل او غير ذلك
ايضا العروس تكون غير محجبة في العرس لكن في الفترات التي يدخل فيها المحارم وحين خروجها ودخولها للقاعة تكون مرتدية لرداء يسمى البرنص يغطي جميع البدن
لكن للاسف احيانا تجد البرنص قصير او يطير مع الهواء وهذا يرجع لمدى تمسك الفتاة بحجابها لاخر لحظة او لزلة وقعت فيها خطا لا اراديا
اما ان تكون العروس محجبة فلم تحدث والله اعلم وادعوا الله ان تحدث
حياكم الله اعذروني على الاطالة
سلام عليكم

بجد ياسمسمه موضوع جميل جدا ولازم كل الناس تاخد بالها منه
يعنى الفلوس الل هتتصرف فى الافراح دى اكيد هتبقى حرام
كان من الممكن يعملوا بيها حاجه افضل او يوفروها ويطلعوا عمره بيها
اقولك على حاجه تستغربيلها
من كام يوم سامعه ناس اعرفهم العروسه اشترت فستان ب300000 جنيه
كنت باجنن وانا باسمع كده!!!!!!!!
بس مش فى احلى من الافراح الاسلاميه هاديه ومش بتتغضب ربنا
مع العلم انى مش باحضر افراح
لانى مش ليا فى الدوشه خالص
بس لو كان اسلامى
احضره اكيد لان الاناشيد اللى بتبقى فيه جميله جدا جدا
وعقبال الجميع

سلام عليكم

موضوع جميل يا سمسمه

وانا بصي من غير زعيق

عامه مش مقتنعه بفكر الفرح

اللي هوا العروسه والعريسه قاعدين

والناس تتفرج وتصور

وتفعص فيهم وتطلع القطط الفطاسنه


بس اللي مش بقتنع بيه زياده وزياده بقى

ان يبقى فرح

والعريس فحته والعروسه فحته

معلش يعني

مافيش اي حاجه غلط

في ان العريس يبقى مع عروسته

فقعده محترمه

ومزيكا هاديه

من غير رقص واكيد فجو زي ه ماحدش هيلاقي حاجه يصورها

بس افلام الفصل

والستاره دي انا مش مقتنعه بيها

وشايفه ان مالهاش اي لزوم بجد

اولا توبك هايل يا سمسمة


انا من راى زى ماقال الاستاذ احمد
لا فرح اسلامى ولا غيرة

وقالت مشموشة
كلام جميل قالة الرسول صلى الله علية وسلم

بس الرسول قال :أعلنوا هذا النكاح واجعلوه في المساجد واضربوا عليه بالدفوف

قال اعلنوه
ودفوف
ماقلش اناشيد او اغانى اسلامية
عشان مافيش حاجة اسمها اغانى اسلامية او غير ذلك
دة مبدئيا
وممكن تسالى حد من المشايخ


تانى حاجة هدف الفرح ايه
فرحة العروس والعريس
والاشهار

طب ماهى فى بيت اهلها هايبقى فى اشهار والعريس هايفرح والعروسة كذالك

الفرح دة حتى لو كان بسيط فى استنذاف للمال مع ان العريس فى اشد الحاجة لهذا

انا عارفة ان كل بنت نفسها فى ليلة العرس وبتتمناها طول عمرها
بس لو ماعملتش فرح مش هاتموت ولا الجوازة هاتتاخر او مش هاتم


انا مراى ان الجواز كاكتب كتاب يبقى فى مسجد شيك كدة والاهل والاقارب يحضروا
و عربيات بقى وهيصة
وكل واحد يروح لحالة

وتانى مرة توبك هايل
وليا عاودة باذن الله

توبيك اكتر من رائع

مهو الأغاني اللي بيقولو عليها اسلاميه دي برضو أحيانا بتكون مصحوبة بمعازف تكفي لفتح استوديو صوت كامل وده في حد ذاته غير إسلامي ..




الصح اللي انا اعرفه ..

العقد في المسجد ..

إطعام الضيوف من باب الكرم ليس إلا .

وخلاص .



في فرح واحد صديق ليا جابوا أحد المشايخ المشهورين تكلم عن الهدف من الزواج في الإسلام وقارئ قرأ بعض الآيات القرآنية وخلاص ..


إفرح زي منت عاوز لكن تجنب المعاصي ودعك مما يفعل الناس فقد صدق الله حين قال ( وإن تطع أكثر من في الأرض يضلوك ... ) وحين قال ( وما أكثر الناس ولو حرصت بمؤمنين ) .

الحمد الله ان راى طلع زيك

يارب البنات تعقل بقى
عاجبنى جدا توبكك يا سمسمة

السلام عليكم


فعلا انا كمان مش بقتنع بالافراح و الدوشة و الكلام دة و لو مثلا فى فرح و الكل بيتحايل علية انى اروح ا
لو روحت كانى قاعدة فى وادى لوحدى كدة مش معاهم خالص

و فى افراح اسلامية ما شاء الله عليها زى الفرح الى قالتلك علية كلاسيك بجد فرح كان حلو اوى

و لينا ناس صحبنا من السويس خدوا قاعة على البحر و مفتوحة و فرقة طول القعدة اناشيد و قران و الكراسى و الترابيزات متقسمة اليمين للنساء و الشمال ررجالة و كل الفرح منقبين

طيب استنى احكيلك على حاجة
مرة جارتى اختى بالظبط قعدين انا و هية بنحكى و كدة قلتلى انا مرة حضرت فرح القاعة كانت مقسومة طبعا جزء للرجال و جزء للنساء
جارتى بتقولى شوفنا العروسة خارجة بقى من العربية و داخلة القاعة و منقبة و لابسة حاجة فوق الفستان عشان مش يبان و حاجة زى الطرحة كدة عشان مش شعرها يبان
بتقولى اول ما دخلت الفرح خلعت النقاب و الطرحة و البتاع الى لابسها دة عشان الفستان مش يبان و لاقيتها بتقول شغلوا الاغانى و عملت الى مش عملتة
دة بردو فكرة حلوة
بس انا من عادتى مش بحب الدوشة
يعنى نعزم اصحبنا و قريبنا فى البيت على عشا او غدا اى حاجة يعنى و نفرح كدة بينا و خلاص لكن هيصا و الكلام دة لالالالا

و بجد موضوع حلو
تسلم ايدك يا عسل

أنا حابب بس أعقب تعقيب بسيط على الأخت العزيزة سمسمه ..

الخلاف بالطبع لا يفسد للود قضية وإذا توفرت نية الإصلاح فقد خطونا أكبر الخطوات نحو الصلاح ..

بدون الخوض في آراء حول الأغاني والمعازف وما حلالها وما حرامها ..

ياريت بس نقدر ننفذ نص اللي بنقوله .

موضوعك رائع وربنا يبارك فيكي ويجزيكي خير .

السلام عليكم و رحمة الله و بركاته



سمسمة :جزاكِ الله خيراً لإثارة الموضوع ده .. وعرضك ليه كويس جداً

طبعاً في حاجه اسمها فرح إسلامي



لا لا لا فرح اسلامى ايه احنا اساسا ما نعرفش عنه حاجه
اعمل فرحي في الجامع .. اهو ده اللي كان ناقص .. انت عايز الناس تقول علينا ايه ؟!
لا .. حجاب ايه يوم الفرح ؟! .. عايزين نفرح يا عمنا
وأنا مالى انا عايزة راقصة و المطرب الفلانى اشمعنى بنت عمي
طول عمرنا واحنا بنطيع ربنا .. ما جتش على النهارده يعني .. دي ليلة العمر .. وبعدين ربنا روؤف رحيم

ده اللي بنسمعه من كتير من الناس لما تسألهم عن رأيهم فى الفرح الاسلامى .. الفرح الاسلامى هو بداية لحياة ينوي أصحابها جعلها في طاعة الله .. هو زفاف يتم فى مسجد أو في قاعتين منفصلتين .. وبكده وداعا للاختلاط و تحمل ذنوبه

ما دام لا شخص غير المحارم او النساء يرى العروسة فلها ان تخلع الحجاب و تلبس ما تشاء فى حدود تغطية العورة ( عورة المرأة أمام محارمها كالأب والأخ وابن الأخ هي بدنها كله إلا ما يظهر غالبا كالوجه والشعر والرقبة والذراعين والقدمين ) .. وهكذا ارتدى ما تشائين و من ارقى بيوت الازياء العالمية .. لكن مع الحرص على الا يكون هناك تصوير بالفيديو او الكاميرا .. وايضا يجب التنبيه في كلمة بسيطة للنساء المدعوات عن أنه حراما ان تصف امراة امراة اخرى لاى رجل

من الممكن الإستعانه بالطبع بفرق الافراح الاسلامية وهناك فرق للنساء واخرى للرجال .. ولا حرج من سماع الأناشيد الإسلاميه للرجال بلا معازف قطعاً .. ويسمح بالدف فقط للنساء والأطفال .. والفرق دي بتقدم اسكتشات و استعراضات رائعة جدا فكاهية وبتدي جو جميل

وابقوا شوفوا اللينك ده .. بس ياريت قبل الفرح بأسبوع مش قبل كده
إضغط هنا

ربنا يفرح الجميع ويجمعنا وإياكم على خير في الجنة بإذن الله

تحياتي