أنا مصرى أبن مصرى وليا الشرف

برغم المهانة برغـــــــــــــــم القرف

برغم الزبالة اللى مالية الشــــــوارع

برغم الفســـــــــــاد اللى بيه أعترف

سمو معـــــــــــــــالى رئيس الوزارة

نتيجة موظف بسيـــــــــــــط أنحرف

برغم المجاعة اللى داخلين عليهــــــا

وفينا اللى عـــــــايش حياته فى ترف

برغم البطــــــــالة فى أوضة وصالة

برغم أن أخر جنيـــــــــــــه اتصرف


برغم طـــــــــــابور الصباح السخيف

وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا

وأقول مش مهم يــــــــــا واد نام خفيف

برغم إنى شايف بــــــــــلاوى وساكت

وعايش مطنش كـــــــــــــــــأنى كفيف

برغم وزارة رئيسهـــــــــــــــا حرامي

وشوفوا البجاحـــــــــــــة يقولوا نظيف

برغم الســـــــــــلام اللى غرقت بناسها

برغم العيـــــــال اللى ساكنة الرصيف



برغم حكومة شعـــــــــــــارها الكلام

ورغم رئيسنــــــــــــــــا عليه السلام

ورغم أن كله يــــــــــــــا عالم بيغلى

إلا كرامتى بترخص قــــــــــــــــوام

برغــــــم إنى عايش في بلدى فريسة

ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى

فعهد جنابه كـــــــــــــلام فوق رخام

برغم ده كله يــــــــــــا مصر بحبك

وطظ فيهم ودا آخر كلام

جامد جدا

الراجل دة زى العسل

تسلمى يانونة

والله حالنا اخر ارف

تسلم ايدك يا فوؤش

ميرسي ليكي يا حنان

منورة يا سمسمة

هو فعلاً اشعاره جامدة جدا

وفيها جرئة فظيعة

منور يا بركان

وميرسى لردك

السلام عليكــم ورحمـة الله وبركاتــة ،،



اسلوبه طبعا رائع برغم انه احيانا يجيب اكتئاب


تسلمى يا حنان

منورة يا ايمى

ليه بس اكتئاب؟

بالعكس دة انا بحسه بينقض بدم خفيف جدا

هههههههههههههه ...... ملوش حل فؤاد نجم ده ..... مش هيهدا اللا اما يتنش رصاصه ب 15 قرش
بس والله عندو هق ....

موضوع جامد جدا يا حنان ... تسلمى

منور الموضوع يا جالكسى

وسعيدة بمرورك وردك

السلام عليكــم ورحمـة الله وبركاتــة ،،



جميل جدا افؤاد نجم يا حنان


اختيار موفق

منورة الموضوع يا هند ومنورة المنتدى كله