السلام عليكــم ورحمـة الله وبركاتــة ،،


مصر الفرعونية

بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية..
مبروك يا تاح

مصر فى عصر الرومان

تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا

مصر بعد الفتح الاسلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى ..

وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' ...

قيموا الافراح

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا

مصر 1960

بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية . وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى

مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

مصر 1990

البنت: بابا ريكو حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى

مصر 2008

بابى دودى على اللى اتعرفت عليه من الشات مشغل الويب كام و عايز يكلمك علشان يقراء معاك الفاتحه اصله ملتزم اوى و مصمم يدخل البيت من ماسنجره قصدى من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و الميك واناهلبس انا و مامتك ونجى نقرا الفاتحه مش انتوا اتفقتوا على كل شى يا روحى يلا ربنا يتمملكم بخير


ويا عالم هايبقى بعد كدة ازاى

هههههههههههههه

والله موضوع جامد أوي ولذيذ

موضوع دمه خفيف والله فعلا

هههههههههههههههههههههههههه

كتر خيرك على الابتسامه دى الواحد والله الايام دى مش عارف يبتسم

بنورك بس انا : بنت :

شكرا لمرورك الجميل

ربنا يحمى الجميع
شكرا ليكى على مرورجل الطيب

ربنا يكرمك
منور

الحمد الله انى عرفت اسعد شخص

شكرا ليك على مرورك

لا ولايهمك
فعلا عندك حق
بس للاسف ماحدش بقى يشغل مخة كلوا ماشى كدة
شكرا ليكى

هههههههههههههههههههههههههههههههههههههههه

تسلم ايدك اخــــــــــــــتى الكريمة

على الموضوع الجميل

بجد موضوع طريف جدا

تحـيـــــــــــــــــــــــــــاتى

الحمد الله انه اسعدك
وا نتطلقت هذة الضحكة

شكرا لك اخى الفاضل
ومتواجد دائما

( من اعمالكم سلط عليكم )

ويا ما هانشوف
كتير جدا من دة
ربنا يلطف بينا

شكرا لك علىىهذا التواجد الرائع