مسمعتهاش بصراحة يا حنان

بس لو مصريين او غير مصريين

فأنا مش بشجع الاسلوب ده

فى اساليب كتيير نعترض بيها غير كده

شكرا لطرحك الموضوع ومعلش انا مش قادرة احكم فيه لأنى مسمعتهاش فعلا ..

صح كلامك يا حنان بس انا لما اتكلمت فى الحكاية دى اتكلمت من زاوية عامة شوية

يعنى موقفتش عند الأغنية دى تحديداً ودا لأن الناس عموماً فى الشارع المصرى هاتسمعى منهم كلام زى دا

كلامى مش على المسخرة اللى معمولة دى لأنها مش حاجة يتوقف عندها

حاجة زى دى لما نقول حصل كذا وكذا ونتكلم ووسائل الإعلام تظهرها مش هايحصل اكتر من إنها هاتنتشر اكتر والناس هايبقى عندها فضول إنها تسمعها أكتر .. وبالتالى طبعاً الفريق دا لو كان فريق أصلاً هايشتهر اكتر

عارفة الموضوع دا بالظبط عامل زى إهانة الرسول عليه الصلاة والسلام اللى حصلت فى الدانمارك
حصل قلق جامد علشان الموضوع دا والقلق دا فى حد ذاته كان فايدة للجريدة اللى عملت الكاريكاتيرات لأنها باعت أكتر

وعلى اساس الفايدة دى طلعت جرايد تانية فى بلاد مختلفة وعملت حاجات شبيهة بس غرضها هنا مش الإهانة ذاتها قد ما غرضها الشهرة والمبيعات .. وبالنسبة للإهانة دى لو قولنا البلد الفلانية عملت ولا الفريق العلانى عمل هاتلاقى ناس تانية طالعة بتعملى زيهم علشان يتشهروا ولا يقولوا احنا عملنا حاجة قلبت الدنيا .. حتى لو افتخارهم دا هايبقى بينهم وبين نفسهم

اصل دول فى النهاية بتبقى ناس مكبوتة وعندها نقص فى حاجة وبتعمل كدة علشان تلفت الإنتباه

يعنى من الأخر كدة "إذا نطق السفيه فلا تبالى" .. مش عارف هى كدة صح ولا لأ

فغرض كلامى هنا اننا منقفش عند حاجة زى دى لأننا لو اديناها اهتمام زايد يبقى هاندى للى عملها نفس الإهتمام دا ومعتقدش ان شوية عيال زى دول اياً كانت جنسياتهم بقى هايستحقوا الإهتمام دا

يعنى حتى لو سعوديين زى ما بتقولى الموضوع متعملش بصورة رسمية .. يعنى مش هانقول السعودية عملت مثلاً
مش زى الفيلم اللى أساء للإسلام اللى اتعمل مؤخراً مش فاكر فين وبرضه كانت نتيجة ان الفيلم دا اتسلط عليه الضوء واتقال انه فيه اهانة للإسلام بقت الناس كلها عايزة تشوفه علشان تشوف هو بيقول ايه على الإسلام .

سلسلة الإهانات مش هاتنتهى لا على المستوى القومى ولا العالمى .. المهم احنا نفسنا نغطى القصور اللى عندنا فى بلدنا ونشوف الناس اللى جوا البلد نفسهم بدأوا يكرهوا بلدهم ليه .. دول اللى يستحقوا الإهتمام .. الناس اللى بجد جواها كتير ومش بتتكلم ولا تغنى زى ما دول عملوا .. هما دول الأهم واللى لو فضلوا مكبوتين كدة هاييجى يوم ينفجروا ويقولوا كتير اوى

فاهمة قصدى