السلام عليكــم ورحمـة الله وبركاتــة ،،
-ازيك يا محمد؟
- الحمد لله يا أبلة
-انت ف سنة كام يا محمد؟؟
-أنا مش ف مدرسة يا أبلة..
-ليه يا محمد؟؟
-أصل ابويا و أمي مختلفين و أمي طلعتني من المدرسة و خلتني أشتغل...
يقولها بابتسامة بريئة تحمل حزن رجل ف الخمسين علي الرغم من انه لا يتعدي الثانية عشر من العمر..
محمد..صبي المكوجي..وجه طفولي برئ
فتي صغير ضعيف البنية و تحمل عينه من الحزن الغير مقصود و الغير معروف سببه الكثير
ابتسامة هادئة علي وجه شاحب..و نظرة عين تعبر عن ذكاء فطري و أدب خلق فطري أيضا!
عندما تنظر اليه تحبه بدون مجهود و يجعلك تتسائل دائما ماذا لو كان محمد ولد في غير بيئته تلك!
ماذا لو كنت أنا محمد!!..طبعا علي بنت يعني
ازاي بننام في بيوتنا و مش حاملين هم اي حاجة ف الدنيا و ولد صغير زي دة شايل هموم أسرة بأكملها علي رغم حداثة سنه!
مين يقول انه يتمنع من حقه ف التعليم و في طفولة طبيعية سوية؟؟؟
مين يقول ان يستحمل كلام الزباين اللي منهم كويس و اللي منهم مفتري و اللي منهم لا ينظر لامثال محمد الا بعين الطبقية و ان دول ولاد شوارع!!
دورنا ايه تجاه محمد و اللي زيه؟؟؟
أنا متأكدة ان دي مسئوليتنا...
فكرت أقوله تعالي يا محمد أعلمك..و فعلا اعلمه القراية و الكتابة...بس هيسيب الشغل!!! أمه مش هترضي
هتصرف منين الست!!
و حتي و لو قدرت أساعد محمد..ما فيه غيره كتير! مين ممكن ياخد باله منهم؟؟
أسئلة كتير أوي ملهاش اجابة..
زي ما مصير محمد و اللي زيه مجهول برضه....
-ازيك يا محمد؟
- الحمد لله يا أبلة
-انت ف سنة كام يا محمد؟؟
-أنا مش ف مدرسة يا أبلة..
-ليه يا محمد؟؟
-أصل ابويا و أمي مختلفين و أمي طلعتني من المدرسة و خلتني أشتغل...
يقولها بابتسامة بريئة تحمل حزن رجل ف الخمسين علي الرغم من انه لا يتعدي الثانية عشر من العمر..
محمد..صبي المكوجي..وجه طفولي برئ
فتي صغير ضعيف البنية و تحمل عينه من الحزن الغير مقصود و الغير معروف سببه الكثير
ابتسامة هادئة علي وجه شاحب..و نظرة عين تعبر عن ذكاء فطري و أدب خلق فطري أيضا!
عندما تنظر اليه تحبه بدون مجهود و يجعلك تتسائل دائما ماذا لو كان محمد ولد في غير بيئته تلك!
ماذا لو كنت أنا محمد!!..طبعا علي بنت يعني
ازاي بننام في بيوتنا و مش حاملين هم اي حاجة ف الدنيا و ولد صغير زي دة شايل هموم أسرة بأكملها علي رغم حداثة سنه!
مين يقول انه يتمنع من حقه ف التعليم و في طفولة طبيعية سوية؟؟؟
مين يقول ان يستحمل كلام الزباين اللي منهم كويس و اللي منهم مفتري و اللي منهم لا ينظر لامثال محمد الا بعين الطبقية و ان دول ولاد شوارع!!
دورنا ايه تجاه محمد و اللي زيه؟؟؟
أنا متأكدة ان دي مسئوليتنا...
فكرت أقوله تعالي يا محمد أعلمك..و فعلا اعلمه القراية و الكتابة...بس هيسيب الشغل!!! أمه مش هترضي
هتصرف منين الست!!
و حتي و لو قدرت أساعد محمد..ما فيه غيره كتير! مين ممكن ياخد باله منهم؟؟
أسئلة كتير أوي ملهاش اجابة..
زي ما مصير محمد و اللي زيه مجهول برضه....