﴿ مسجد الحصرى مغلق للصلاة ﴾
طبعا مع اقتراب شهر رمضان
ومع الاستعدادات المختلفة والمتنوعة لاستقبال هذا الشهر الكريم
ما بين تجديد وتنشيط الحالة الايمانية والاستعداد لجو رمضان الايمانى ومحاولة استغلال هذا الشهر ....
وبين الاستعداد الضخم للفضائيات لاستقابل هذا الشهر الكريم والخيم الرمضانية العظيمة
(( والجديد دلوقتى بما اننا فى الصيف .. الفطار على البيلاج ))
وكل شخص بيستعد لرمضان بطريقته
المهم .. ندخل فى الموضوع
وهو مسجد الحصرى ..... ومساجد اخرى كتييييييير
كانت من ضمن الاستعدادات التى ذكرنا بعضها
استعداد الجهاز الامنى لاستقبال الشهر الكريم (على طريقته الخاصة )
المهم
كان برنامج استعداد ... جيد الى حد ما (( طبعا للارتقاء بالجو الايمانى لاهالى مدينة 6اكتوبر ))
يعنى مثلاااا ... مفاتيح كل الابواب اتغيرت الكوالين يعنى ... وطبعا المفاتيح معهم (( دور جيد للامن عشان ميتعبوش ادارة الجامع والعمال))
يعنى دلوقتى اللى بيفتح وبغلق المسجد ... الامن (( تسهيلا على المصليين ... دا اذا حد عتب الجامع اصلااا بعد كدا ))
طبعااا اكيد كان فى سبب قوى .. لاتخاذ هذه الاجراءات
طبعا الاول المسجد كان تقريبااا مفتوح طول اليوم ... عشان دروس تحفيظ القران اواى دروس اخرى
دلوقتى الادارة .. حفاظا على اوقات الشباب اللى كانوا بيضيعوها فى حفظ وتحفيظ القران ...
فالمسجد مغلق .. يعنى الناس تصلى جماعة اولى وبالكتير يسيبوا الجماعة الثانية .... واغلق الجامع يا عموناااا !!! (( طبعا عشان يعودوا الناس على الالتزام بمواعيد الصلاة ))
طيب لو قلنا ان الاجراء دا عادى فى غير شهر رمضان ... طيب فى رمضان ازاى هيكون الوضع بالشكل دا !!
الكلام دا كلوا ... واجراءات اخرى جميلة وظريفة بسيط
الاهم .. راح فين امام الجامع ؟؟؟.. طيب ومين اللى هيصلى بينا ؟؟؟
.. طيب ومين الناس اللى مش بيعرفوا يقرأوا الفاتحه اللى بيصلوا بالعافية دلوقتى ؟؟؟
هو اصلااا على كدا هيبقى فى صلاة تراويح ... (( التهجد انسى طبعا )) ..؟؟؟؟؟؟
الاستعدادات الجميلة دى مش فى الحصرى وبس ... دى فى كل المساجد
لاستقبال شهر رمضان الكريم
طبعا عشان نحسن الظن (( المجهود الخرافى دا لقوات الامن ... من اجل ايقاظ قلوب المسلمين فى رمضان والنهوض بهم ))
فرسالة شكر وتقدير لابناء امن الدولة العظماء
ربنا يعوض علينا
وحسبنا الله ونعم الوكيل
