رمضان جاي
المفتي صرح في النشرة .. ظهر الهلال .. رمضان بكره
وبعدها بدأ الإرسال .. عرض البرامج والسهرة
الزينه زانت كل مكان .. غير الكهارب .. بالألوان
وشوادر الخير والإحسان .. تستقبل خلق الرحمن
ومقابله للبيه المسئول .. عن السلع .. وسيادته يقول
عملنا تخفيض مش معقول .. أطلب وما تخافش .. و ح تنول
وتزاحمت الناس في الشارع .. على السلع ومفيش مانع
تعمل هجوم .. وبدون دافع .. وتشتري شئ مش نافع
وياميش وقمر الدين وخشاف .. وحاجات غريبه من العلاف
وفول وعيش .. غير الأصناف .. إللي عددها وصل للآلاف
والشيف بيشرح للستتات .. أزاي تخللي "فسيخ" "شربات"
وأعوا تنسوا الحلويات .. رمضان كريم يا أهل الأكلات
يرحم عالمنا الشعراوي .. والنقشبندي وكحلاوي
يرحم كمان المنشاوي .. وجاهين .. وسيد مكاوي
قبل السحور "قال الراوي" .. وحديث وأسئله وفتاوي
فوازير كتير ويا مسابقات .. نكت ومنلوج وغناوي
وتنتقل أحدث كاميرات .. دهب .. دهب .. وسبع لفات
كاميرا خفيه بدون فلاشات .. جوائزها من أكبر شركات
ومن الحسين حلقات "الذكر" .. تنور الأذهان والفكر
ياريت نصادف "ليلة القدر" .. ونحمده ونزيد "الشكر"
رمضان لا سهره في تليفزيون .. ولا أكل .. ولا مطبخ وصحون
دا شهر فيه الخير مضمون .. ليه نضيعه في "سباق مجنون"
تعالوا بينا يا أهل الدار .. نبدأ صيامنا بأستغفار
ونستعيذ من شر "النار" .. يمكن نكون يوم م "الأبرار"
المفتي صرح في النشرة .. ظهر الهلال .. رمضان بكره
وبعدها بدأ الإرسال .. عرض البرامج والسهرة
الزينه زانت كل مكان .. غير الكهارب .. بالألوان
وشوادر الخير والإحسان .. تستقبل خلق الرحمن
ومقابله للبيه المسئول .. عن السلع .. وسيادته يقول
عملنا تخفيض مش معقول .. أطلب وما تخافش .. و ح تنول
وتزاحمت الناس في الشارع .. على السلع ومفيش مانع
تعمل هجوم .. وبدون دافع .. وتشتري شئ مش نافع
وياميش وقمر الدين وخشاف .. وحاجات غريبه من العلاف
وفول وعيش .. غير الأصناف .. إللي عددها وصل للآلاف
والشيف بيشرح للستتات .. أزاي تخللي "فسيخ" "شربات"
وأعوا تنسوا الحلويات .. رمضان كريم يا أهل الأكلات
يرحم عالمنا الشعراوي .. والنقشبندي وكحلاوي
يرحم كمان المنشاوي .. وجاهين .. وسيد مكاوي
قبل السحور "قال الراوي" .. وحديث وأسئله وفتاوي
فوازير كتير ويا مسابقات .. نكت ومنلوج وغناوي
وتنتقل أحدث كاميرات .. دهب .. دهب .. وسبع لفات
كاميرا خفيه بدون فلاشات .. جوائزها من أكبر شركات
ومن الحسين حلقات "الذكر" .. تنور الأذهان والفكر
ياريت نصادف "ليلة القدر" .. ونحمده ونزيد "الشكر"
رمضان لا سهره في تليفزيون .. ولا أكل .. ولا مطبخ وصحون
دا شهر فيه الخير مضمون .. ليه نضيعه في "سباق مجنون"
تعالوا بينا يا أهل الدار .. نبدأ صيامنا بأستغفار
ونستعيذ من شر "النار" .. يمكن نكون يوم م "الأبرار"
هنستناك ياشهر الخير والبركات