profisinail
Dec 2 2003, 08:23 PM
هو ده شنكل شناكل ... ليل نهار عامل مشاكل
الخير واخد لطبعه شاكل .. صاحب نجابه .. يقع بيها دايما في المشاكل
رد الجميل عنده طابع .. لو فيه سؤال .. يرفع قوام كل الصوابع
ويحب كل الناس .. وكتير كتب عن الاحساس .. مؤلفات لسه في المطابع
شنكل قال هايرجع ... اصل الفراق بيوجع .. لو كان بس سيسو يسمع
شنكل بيحب تملي يلمع .. مع صاحبه الجلاله .. بيقول قواله .. القلم يخلص ويقطع
عمره ما كان محفوظ عجب .. يكتب كلام ل 100 سنه لقدام .. بكل ادب
وتحيه لكل اصحابي .. اخواتي واحبابي .. اشكركم ع السؤال .. حبي ليكم لا يقدر بمال
في اول رساله ليا .. مني لكم خالص التحيه
وفيه تحيه لسيسو .. واصله من ابو خليفه
شنكل شناكل
BLACK~EAGLE
Dec 2 2003, 08:33 PM
لولولولولولولولولولولولولولولولى
الف الف الف حمدلله على السلامة
الف مبروك رجوعك يا شنكل ....وبعدين مشاكل ايه بس الاخوات يا ما بيعملو فى بعض
وعلى فكرة كل الناس بتحبكم
انا عن نفسى بموووووووووووووووووووت فيك والله
مبروك رجوعك يا مان
عاشق الليل
Dec 2 2003, 08:53 PM
شنكل شناكل اهو جيه لينا.... رجع تانى ينور ليالينا
شنكل شناكل عمره ..........مكان بتاع مشاكل
مرحبا بيك
اخ و صديق يارب تكمل معانا الطريق
اوعى فى يوم تسيبنا وتسيب لوعه الفراق تعتم الدنيا علينا
ده احنا بنقول انتا كفايه علينا وتسلم ايديك لينا
................................................
من صديق يارب تكمل معاه الطريق
يائوتة زعيمة الغلابه
Dec 2 2003, 09:01 PM
شنكل ابن بلد اصيل قال كلمته وصدق فيها
ميرسى ليك ياشنكل
والف حمدالله على السلامه
المنتدى منور برجوعك
اختك يائوتة زعيمة الغلابه
سمسومة
Dec 2 2003, 10:01 PM
حمد لله على السلامة يا شنكل يابن شناكل
نورت حلمنا مرة تانية
ويارب تبقى اخر سوء تفاهم ممكن يحصل بيننا
فنكوش المنكوش
Dec 2 2003, 10:45 PM
اهلا بيك يا شنكل يا حبيب الكل نورت بيتك بين اهلك و ناسك و تفكرش تسيبنا تانى عشان متتطخش لحسن الطار و لا العار يا صميده
الا بالحق مش جعيدى راح اطاليه
DK_DEVIL
Dec 3 2003, 12:46 AM
نورت يا باشا فين مواضيعك اللي في الصميم
وحشتنا ووحشتني مواضيعك
Salma
Dec 3 2003, 05:17 PM
حمدالله على السلامه يا بروف
نورت الكفر يا عمدةةةةةةةة
العسل
Dec 4 2003, 01:09 AM
الف مبرووووووووووووووك رجوع شنكل منورنا جدا بس اعتب عليه في عدم الرد
عليا عشان أعرف السبب في غيابه بس مش مهم المهم انه رجع لاخواته
ونور كفره و بقى عمدتها
العسل
profisinail
Dec 4 2003, 04:45 PM
ولاعمري انا هانسي الخير
بعد هذا الكلام .. عايز ااقول لكم كتير
نزلت في الجزيره احلم .. لقيته حلم كبير
اكتفيت بالمشاركه في المنتدي .. وقعدت هناك مع شنكل
لو عندي هوايه يبقي لازم انميها .. ولو فكره جميله احب ااقوم بيها
يبقي انا لازم اظهر بشكل جيد ... بتبقي حاجات بسيطه بس بتسعد
فكرت اعمل منتدي بشكل شخصي .. وحاجات كتير ان شاء الله هاقوم بيها
الاستمرار معاكم كان منايا .. سيسو مش بيسأل ايه الحكايه
يبقي انا لما اكتب .. هاكتب في منتدايا
خاص بيا ... لكل الناس ... ويكون مني ليهم هديه
يطلع اسمه جحا المصري ... او حتي ايه
احب الناس والعمل .. والنشاط جدا واكره الكسل
اشكرك علي رسايلك يا عسل ... ارسلت لك رسايل ..بس الارسال في المنتدي معايا فصل
جعيدي يا فنكوش راح اطاليه .. اكل بيف كان للقطط .. ودخل هناك الاسبتاليه
اشكركم جدا علي اخلاقكم العاليه
اخوكم الفقير الي الله
profisinail
AHMED FOX
Dec 7 2003, 06:16 PM
مبروك رجوعك لينا يا PROFESSIONAL
أخوك
AHMED FOX
Siso BLack Cat
Jan 13 2004, 04:49 AM
اخي العزيز .. بروفيشنل الشهير بشنكل
انا مش هقولك انى فعلا كنت زعلان جدا جدا منك ... طبعا مش هقول ليه لان انت عارف والناس كلها عارفه
بس فى الفتره الاخيره وفى الوقعه الاخيره لينا لقيتك من الشباب اللى توجدوا سريعا على الموقع .. وكمان مش تواجدت سريعا لاء بدائت فى المشاركه والمشاركه الفعاله للنهوض بالجزء الخاص جدا جدا جدا .. كفر الهنادوه .. اللى هو فى الاصل الجزء الخاص بيك انت وبتاعك انت ومبنى علشانك انت ...
اهلا بيك في وسطنا وفى عائله حلنا دوت كوم
اخي العزيز ...
لا تزعل مني انى قطعت الاتصال بيك الفتره اللى فاتت ولكن انا فعلا كنت زعلان .. حتى انت مبعتليش ... بس كفايا وجودك معانا الفتره دي ومنها تكون افضل واكثر اعتذار ....
شكرا ليك يا بروف ...
ويلا انا منتظر كفر الهنادوه فى زيه الجديد .. وفي قمته ...
يلا يا عمدة كفر الهنادوه
اخوك سيسو بلاك كات
يائوتة زعيمة الغلابه
Jan 31 2004, 06:44 PM
يا سلام عليك يا سيسو وعلى طيبتك
باموت انا فى النهايات السعيدة
وكل سنه وانتوا طيبين
MoRphEuS
Feb 14 2005, 08:37 AM
و انا بقول ان مش سيسو بس هوا الى كان زعلان ... دا كلنا تقريبآ ..
لكن دلوقتى خلااااااااااااااااص .. و ربنا يعمل ما فيه الخير .. و نستمر كلنا مع بعض ..
و محدش يزعل من التانى مره تانيه ...