ميمون
مخلوق من ضمن المخلوقات .. يحب كتير يقلد حركات
ضل طريقه عن الغابه .. كان عايز يغير جو .. ملل ورتابه
وقع في ايد القرداتي .. علمه يغني كتاب حياتي
مع الليل الليل .. يبداء يرقص .. حركات سريعه تهوس .. تهد الحيل
يقدر كمان يعمل عجين الفلاحه .. ويقلد اي حركات متاحه
الناس كلها بتتفرج عليه .. ويسلم عليهم كمان بايديه
علي انغام البيانولا ... يشيل فوق راسه القله .. ويضحكوا عليه
القرد كان بيقلد .. عايز يسيب القروديه .. بقي ويجدد
القرداتي كان للحبل مشدد .. لو تاه بين المخاليق .. مش هايعرف مين قرده ويحدد
صبره في التقليد فاق الحدود .. جات له دعوه فيلم كوكب القرود
اعتذر علشان اساسا هو عايش هناك موجود

*********************************
شنكل شناكل