السلام عليكم ورحمة الله وبركاته

أولاً أحب أرحب بيكم في برنامج "تحت المجهر" .... وألخصلكم في البداية الهدف منه قبل ما ننتقل للشروط

البرنامج هيكون مقابلة اسبوعية ... مع احد سكان الجزيرة ... هنستضيفه ونحطه تحت المجهر ... وهنسأله أسئلة في اي حاجة .. سواء عن نفسه .. عن حياته العلمية او العملية ... عن المنتدى بشكل عام .. توقعو أي نوع او شكل من الاسئلة ... وان شاء الله مش هيبقى فيه احراج لاي حد...

البرنامج هيكون لمدة اسبوع ( By Default) ... وإذا لقينا زيادة في الاسئلة .. من قبل السكان .. ان شاء الله هنمدها ...

نيجي بقى للشروط ... اللي اتمنى انكم تقروووها كويس... واكيد أي حد يخل بأي من الشروط دي .... من غير اي تحذير .. هيتم حذف مشاركته

أولاً .... العضو اللي هتتم استضافته ... هيتم ابلاغه برسالة خاصة قبلها بأسبوع .. إذا كان يقدر يجي .. يبقى خير وبركة .. إذا ماكنش يقدر ... ياريت لو انه يبعت يعتذر .. وبرده اذا وافق .. يبعت يقولي علشان اتأكد ...

ثانياً .... يتم الاجابة على الاسئلة كلللللللها ... لاني هحاول قدر الامكان تكون بعيدة عن اي احراج للضيف ... وإذا حس انه يحب يحتفظ بالاجابة لنفسه ... فده من حقه ... )بس انا هزعل) ..

ثالثاً ... زي ما قولنا .. مدة الاستضافة لكل شخص .. هتكون اسبوع كامل (7 ايام) ... إذا حسيت اننا لسة ماشفناش شخصية الضيف .. واتعرفنا عليه تماما .. ولاقيت اقبال كبير من السكان على الأسئلة .. هنمدّها إن شاء الله...

رابعاً ... الأسئلة هتتحط بشكل يومي .. هحاول احط قدر مش كتير ومش قليل .. في اليوم الواحد .. بحيث انه بنهاية المدة .. اكون قلت كوووولّ اللي في نفسي ... فياريت الضيف .. يكون عنده القدرة .. انه يدخل المنتدى يومياً خلال الفترة اللي هتتم استضافته خلالها ... علشان أعرف انه لسة موجود ... وعلشان ماتتراكمش الأسئلة عليه..

خامساً ... اذا الضيف كان وافق على الحضور ... وتخلف عن الاجابة او الدخول ومتابعة الموضوع لمدة يومين او تلاتة متتاليين ... هضطر اني اشيل الموضوع ... لأني مش هقدر اسيبه وماحدش دخل وشارك .. فياريت الالتزام ... من الضيف بالحضور يومياً ... واذا حصلت لا قدر الله اي ظروف .. ياريت يبلغني .. او يخلي اي حد يبلغني انه مش هيقدر

سادساً .. استقبال الاسئلة هيكون مفتوح للجميع في اي وقت.. لكن التعليق على الاجوبة او شخصية الضيف هيكون في اخر يوم من الاستضافة فقط .. واعتذر اذا اضطريت اشيل اي تعليق خارج الاسئلة قبل نهاية المدة


سابعاً..... رجاء حار ... من كل اللي هيشرفونا بمشاركاتهم واسئلتهم ... الالتزام بالاحترام للشخصية اللي هنستضيفها .. وعدم تجاوز حدود الادب في اي سؤال او تعليق .. واي كلمة خارجة .. او سؤال مش في مكانه .. اكيد هشيله بدون اي مقدمات ..

ثامناً .... بتمنى من كل السكان .. عدم احراج الضيف بأي شكل من الأشكال ... وبأي نوع من الاسئلة اللي ممكن تسببله حرج .. او تخوض في امور شخصية او امور هو مايحبش يتكلم عنها .. في الحالة دي كمان .. هضطر آسفة اني اشيل السؤال ..

تاسعاً وهو الأهم ... الركن ده مخصص للاستضافات فقط ... ولا يحق لاي ساكن يضيف اي مواضيع فيه باستثناء المذيع المسؤول ... او الادمن ... او أي من افراد فريق الشرطة او MIB

اتمنى ربنا يعني على الموضوع ده .. واقدر افيدكم كلكم .. وده اكيد مش هيتحقق الا اذا انتو ساعدتوني ...

بس كفاية كده

يا عينى يا عينى على الكلام الجميل دة
رائعه يا سمسمه
مبروك علينا الواحه الجديدة وكمان المشرفه الجميله الجديدة سمسمه
يلا يا باشا ورينا الهمه
اختك يائوتة

كلام جميل ومنسق تماما


ومبروك علينا برنامج تحت المجهر .. والمذيعه الشقيه ... سمسومه

والف مبروك لسمسومه لانضممها فريق العمل بحلمنا دوت كوم

مبروك ياسمسومه ويلا ورينا الهمه والنشاط وضيوفك وطريقه حواراتك ..

مبروك يا سمسومه

والرجاء من جميع الضيوف والسكان الالتزم بالقوانين

Siso BLack Cat
Site Administrator

السلام عليكم ورحمة اله وبركاته

ميرسي جدا جدا ... على ذوقكم وعلى ثقتكم بيا

ويارب يقدرني واكون عند حسن ظنكم


يائوتة.. شكراً يا سكر .. وان شاء الله اقدر ادوشكم .. وافصص كل ساكن من سكان الجزيرة

سيسو.. ربنا يخليك .. وحضر نفسك للاستضافة قريب ان شاء الله

كل الناس مستنية عدو المرأة ... علشان عندها اسئلة واستفسارات كتير

الف الف الف الف الف مليييييييييييون مبروووووك مبروك علينا الواحة الجديدة المشرفة اللي زي العسل بتاعتها ومبروك عليكى الاشراف يا سمسومتى يا عسل ويلا بقي ورينا همتك وربنا يستر علي اللي هيتحط تحت المجهر احنا نبدأها بسيسو

الف مبروك علينا و عليكم عودة برنامجنا المميز تحت المجهر الذى ازداد تألق بمشرفته الجميله و الرقيقه سمسومه
ربنا يوفقك يا اختى العزيزه

ميرسي يا ريمي .. انتي والله اللي زي العسل

واخويا العزيز ابو الفناكيش ...

يارب اكون على قد المسؤولية ... واقدر اطلع حاجة كويسة

وافيدكم كلكم


ربنا يخليكم ليا يا اجمل اخوة في الدنيا

مبروك يا سمسومة



وربنا يوفقك على المسئولية التقيلة دي

والله كلام ليس بعده كلام

و انا شايف بجد انك احسن واحده تمسكي الركن ده

و ان شاء الله تبقي واحه مزدهره بيكي علي طول

اخوكي

فارس

مبروووووووك سمسومه
عسل والله وانتى عامله فيها مذيعه

برافو يا سمسمومه
وان كانت ليا اضافه صغيوره

لا ضغينه

مبروك يا سمسومه

و نعم الشروط... من نعم المذيعه

هممممممم.....

مش بطالة يا سمسومة

بس شدي انتي حيلك


هههههههه

نايس يا سمسمة و بالتوفيق ان شاء اللة

ربنا يخليك يا ديفيل وربنا يعيني فعلا على السؤوليه دي

فارس .. ميرسي اوي اوي .. ده بس من ذوقك

طمطومة الحلوة ... ادينا بنتدرب .. انتي عارفة بقى .. 3 قنوات فضائية واتنين محليتين بيتخانقو عليا ... بس حلمنا احسن

ياسر.. اضافة جميلة جدا جدا .. فعلا ... لا ضغينة للضيف او لاي حد في المنتدى ....

دكتور اون لاين.... ميرسي اوي اوي .... واشكرك على المجاملة الرقيقة ويارب ابقى عند حسن ظنكم

اوستراليان ... معلش بقى انا كتكوتة على اول الطريق ... حبة حبة عليا ميرسي اوي اوي . وان شاء الله اقدر اخرج البرنامج وادير الحوار بطريقة ترضيكم كلكم وتفيدكم

كلام جميل قوي يا مذيعتنا الجميلة
وربنا يعينك ويقدرك على تحمل المسؤولية دي
وياللا بقى مش حوصيكي على سيسووووو أنا عاوزة المجهر نفسه
يزهق من كتر ما تفصصيلنا أستاذنا سييييييييييسووووووو
وأخيرا ياسيسو حشوفك تحت المجهر ......وجالك يوم يا زعيم عذبها مترحمهاش
ربنا يوفقك ياسمسومة
العسل

الله عليكي يا سمسومه

الف مبروك ليكي

والف مبروك على الكل عوده برنامج تحت المجهر

وربنا يوفقنا كلنا ياااااااااااااااارب

ميرسي اوي اوي يا جماعه على التشجيع الكبير ده

احرجتوني بجد

ان شاء الله تحت المجهر هيبتدي النهاردة

وروني همتكم بقى

احنا معاكي اهو وربنا يسدد خطاك

العسل

ورينا الهمه ....

ميرووو ؟!.

ربنا يخليكم يا جماعة


بس ياريت لو لاي حد تعليقات على تحت المجهر

او اقتراحات يقولها

انا سامعة ومستنية

لاني (ومش عارفة العيب فين بالظبط)... حاسة ان اول حلقة كانت نايمة تماما لحد اخر يوم ونص

ومش قادرة احط ايدي على السبب

فياريت

لو حد عنده اي شكوى او ملاحظة على طريقة ادارتي للموضوع يقول

الف مبروك يا اخت سمسومة

وربنا يوفقك

بسم الله الرحمن الرحيم
لقد قرأت شروط المشاركه و أريد ان أكون ضيفكم ان شاء الله
من صديقكم Wolf

ان شاء الله يا اخ وولف

السلام عليكم

يريت حد يفهمني يا جماعة تحت المجهر دي انا مش فاهمها

وبس



خدعتني امراه