سمسومة
Feb 17 2004, 03:55 PM
السلام عليكم ورحمة الله وبركاته
الحلقة الجديدة من برنامجنا .. هتكون مع ضيف مثير للجدل في حاجات كتير جدا ....
اللي مايعرفوش ممكن يقول عليه شخص عصبي جدا .... عدواني في بعض الاحيان ... وممكن مايحبوش ...
واللي يقرب منه ... ويتعرف عليه عن قرب .. اكيد هيلاقي فيه شخصية ممكن تكون معقدة شوية ... مش اي حد يفهمها ... بس اكيد شخصية طيبة .. ولذيذة ... وبرضه عصبية شوية ... ده حسب حكمي الشخصي عليها .... معلش اوعى تزعل مني يا ضيفنا العزيز ... علشان انت عارف .. تحت المجهر .. برنامج الصراحة ومن غير لف أو دوران ... الا مني كمذيعة طبعاً 
...
علشان كده كان لازم يكون من اوائل ضيوف البرنامج .. علشان نتعرف عليه اكتر واكتر .. وعلى فكرة .. انا وهو اتراهننا من زمان انني هعرف ازنقه بالاسئلة ... فاوعو تكسفوني وساعدوني علشان نخليه يجاوب من اي فرصة للتهرب من الجواب ... وهو وعد بالصراحة في كل الاسئلة...
ضيف حلقتنا الجديدة .... احد أبرز أعضاء منتدانا .. ومن انشط عشرة أعضاء في المنتدى ....
كان مشرف سابقاً ... وحصلت مفاجأة صدمتنا كلنا .. واكيد صدمته هو كمان يمكن واحدة من اكبر الصدمات في حياته على جزيرتنا ....
المفاجأة كانت عزله من فريق الشرطة .... في تكتيك لذيذ ومقلب لطيف من سيسو بلاك كات
وانتقاله طبعاً لفريق المهام الخاصة في جزيرتنا ...
بالتأكيد عرفنا مشرف واحة لعب×لعب ... وآخر من انضم لفريق الام اي بي مؤخراً
فارس جزيرتنا جزيرة الاحلام ... فارس الظلام .... نورت تحت المجهر .... في اسبوع او 10 ايام جايين .. كل اللي في جزيرتنا .. هيحاصروك اكيد بأسئلتهم علشان يتعرفوا عليك اكتر ... ويقربو من عالمك اكتر ... ويتعرفو على فارس الاحلام من الداخل 
سمسومة
Feb 17 2004, 03:57 PM
ضيفنا العزيز .... هنبتدي بشوية أسئلة تعرفنا بيك ...
• اسمك؟
• عمرك؟
• دراستك وتخصصك؟
• مهنتك الحالية؟
• هواياتك؟
• عرفنا انك بطل رياضي .... حابين تعرف اخواني واخواتي .. انت بتمارس أي رياضة ؟
• اللون المفضل عندك؟
• وجبتك المفضلة ...
• عدد اخوانك وأخواتك ...
بعد ماعرفتنا على المعلومات العامة عنك .... هنتعمق اكتر ونتعرف على فارس الظلام الحقيقي...
• كلمنا عن فارس في مراحل حياته المختلفة ... وعرفنا على فارس وهو لسة صغنون ...
- كان تعامله ازاي مع اخوانه ... ومع والدته ووالده .... مع اصحابه .. ومع جيرانه ...
- صفة كانت فيه وهو صغير ... وكبرت معاه ...
- وصفة كانت فيه وماكنش بيحبها .. وقدر يتخلص منها بمرور الزمن
- كان فارس في المدرسة عامل ايه؟؟ وكان مشاغب ولا لأ..
- فارس في مرحلة المراهقة ... كان تفكيره ازاي؟؟ ومتجه اكتر حاجة ناحية ايه..
- ايه اللي وجه تفكيرك ناحية الرياضة .. وامتى بدى اهتمامك بيها؟؟
- مين اللي ترجعله الفضل في المرتبة اللي انت وصلتلها ...بعد الله سبحانه وتعالى ...
- مين اللي اكتشف موهبة فارس ... وشجعه عليها..
- فارس في الجامعه ... دراسته عامله ايه ... خاصة انه في كلية عملية محتاجة مجهود كبير ...
- هل بتحس ان فيه ضغط عليك من ناحية الدراسة والتوفيق بينها وبين حياتك العملية التانية ...؟
• اذا قولنالك .. اوصفلنا فارس الظلام بكلمة واحدة .. ايه اول كلمة هتخطر على بالك؟؟
• صفات بتعتبرها ميزة فيك ؟
• وصفات بتعتبرها عيب فيك تتمنى انك تتخلص منه؟
• صفات بتتمنى اللي حواليك يتصفو بيها
• وصفات بتدعي ربنا يزيلها من نفوس وقلوب اللي انت عايش بينهم؟
• هل قابلت حد اعتبر فارس مغرور او متكبر؟
• كل الناس بتعتبر فارس من اكتر الناس عصبية ... وانه مابيقرش يتحكم في اعصابه .. انت شايف ان كلامهم ده صحيح؟؟؟ واذا كان ايوة .. ماحاولتش تتخلص من الصفة دي فيك؟؟
• من خلال اجوبتك على اسئلة العسل في قصر الضيافة ... لاحظت اجابة غريبة جدا جدا ... على واحد من الاسئلة ... اللي هو "هل تشعر انك شخص محبوب او مرغوب فيه؟" وكان ردك عليه "لأ خالص .. بس عادي" ... الاجابة فعلا غريبة جدا جدا .. لان حتى اللي بيبقى دمهم تقيل على قلوب اللي حواليهم بيقولو اه احنا محبوبين ... ليه قررت الكلام ده وانت شايف ان حواليك اصدقاء كتير جدا بيحبوك وبيعزوك جداً؟؟
كفاية عليك الاسئلة دي في البداية ... وان شاء الله بكرة نتقابل بأسئلة جديدة ومناقشات للاسئلة القديمة ...
فارس الظلام
Feb 18 2004, 03:36 PM
أولا أحب اشكر حبوبة الجزيره سمسومه المذيعه الشقيه علي المقدمه الجميله دي....
ثانيا : أحب أشكر الظروف اللي هتخلي الناس تتعرف بيا اكتر وتقربني من كل السكان
فارس الظلام
Feb 18 2004, 03:49 PM
محمد ابراهيم محمد صالح
24 سنه و 6 شهور
انا بدرس في كلية الهندسه قسم الهندسه المدنيه و الانشائيه يعني المهندسين المختصين بمجال البناء و التشييد و التعمير و الطرق و الكباري .......الخ
طــــــــــــــــــــالب في البكالوريوس
كرة اليد و كتابة الشعر ( مبتدىء) و عزف الجيتار ( مبتدىء برضو )
| إقتباس |
| • عرفنا انك بطل رياضي .... حابين تعرف اخواني واخواتي .. انت بتمارس أي رياضة ؟ |
يا ستي ولا بطل ولا حاجه كل الحكايه ان انا بلعب كرة يد في نادي الزمالك اللي انا واحد من المتعصبين له بشده
| إقتباس |
| • اللون المفضل عندك؟ |
الأزرق بدرجاته و الابيض و الرمادي الغامق
| إقتباس |
| • وجبتك المفضلة ... |
المكرونه بالبشاميل و الفراخ و المأكولات البحريه زي السيبيا و الجمبري ....الخ
| إقتباس |
| • عدد اخوانك وأخواتك ... |
تصدقي عهمري ما عديتهم قبل كده؟؟ بس بجد معرفش هما كتير بس كام بالظبط محددش...
فارس الظلام
Feb 18 2004, 04:35 PM
| إقتباس |
| - كان تعامله ازاي مع اخوانه ... ومع والدته ووالده .... مع اصحابه .. ومع جيرانه ... |
تعاملي كان هادىء جدا يشوبه فترات من الغضب و النرفزه الفجائيه يعني بمعني اصح كنت متقلب المزاج
يعني بالتفصيل أكتر : مع أختي كنت دايما أحب أشوفها مبسوطه كنت بعتبر أن هي مسؤله مني وان انا بما أني اخوها الكبير كانت هي برضو معتبراني زي بابا بتحكيلي كل حاجه و تستشيرني في كل حاجهمع والدتي - الله يرحمها - كنت ببقي زي الكتاب المفتوح قدامها كل أسراري معاها كانت الله يرحمها بتفهمني من عينيا بمعني أصح محدش غيرها كان بيفهمني صح...
مع والدي كنت الصراحه الصراحه بخاف منه جدااا لانه كان دايما ناشف معايا و انا ورثت عنه العصبيه لانه عصبي جدااااااا و ميعرفش اخوه في الحقمع أصحابي كنت دايما متفاعل معاهم بشده و كان معايا أسرارهم كلهم معايا ... والحمد لله كانوا معتبريني زعيم العصابه اللي بتخبط علي أبواب البيوت وتجري
مع جيراني كنت مبهدل الدنيا خالص كانوا دايما يشتكوني لبابا وماما و يقولوا ابنكوا عمل و ابنكوا سوي...| إقتباس |
| • كلمنا عن فارس في مراحل حياته المختلفة ... وعرفنا على فارس وهو لسة صغنون ... |
فارس وهو صغنون كان طفل شقي جدااااااااااااااا و متدلع جدااااااااااااااا مكنتش احب اتعرف علي الولاد كنت أحب اتعرف علي البنات اللي قدي وبس
ولما كبرت هديت شويه لكن برضو كنت شقي...
| إقتباس |
| - صفة كانت فيه وهو صغير ... وكبرت معاه ... |
الشقاوه و حب المشاغبه
| إقتباس |
| - وصفة كانت فيه وماكنش بيحبها .. وقدر يتخلص منها بمرور الزمن |
حب السيطره و العصبيه الزياده جدا اللي بدأت اتخلص منها-
| إقتباس |
| كان فارس في المدرسة عامل ايه؟؟ وكان مشاغب ولا لأ.. |
كان مشاغب جدااااااااااااااااا و كان في نفس الوقت شاطر جداااااااااااااااا و أفتكر ان انا من كتر ما كنت مشاغب أخدت فصل 3 ايام في اول يوم في الدراسه في 3 ثانوي
| إقتباس |
| فارس في مرحلة المراهقة ... كان تفكيره ازاي؟؟ ومتجه اكتر حاجة ناحية ايه.. |
فارس في مرحلة المراهقه كان متجه أكتر للرياضه و الهتمام بها و كان مهتك اوي بالاغني الاجنبيه و البنات.....!!
| إقتباس |
| - ايه اللي وجه تفكيرك ناحية الرياضة .. وامتى بدى اهتمامك بيها؟؟ |
والدي هو اللي وداني النادي وانا عندي 13 سنه و قال للمدرب خليه يلعب يد راح المدري رد عليه و قاله ده جسمه كويس وهينفعنا...و بدأ اهتمامي بيها بعد لما لعبت بسنه و حسيت ان مستوايا بقي كويس و انضميت لمنتخب بورسعيد..
| إقتباس |
| - مين اللي ترجعله الفضل في المرتبة اللي انت وصلتلها ...بعد الله سبحانه وتعالى ... |
أمي الله يرحمها
| إقتباس |
| - مين اللي اكتشف موهبة فارس ... وشجعه عليها.. |
اللي اكتشف موهبة كورة اليد هو بابايا لان لما كنا بنبقي علي البحر كنت باخد القواقع و ارميها لمسافات بعيده جدا عن واحد في سني ..ففكر بابا يوديني العب العاب قوي بس لقي ان مصر مش متفوقه فيها فوداني العب يد
| إقتباس |
| - فارس في الجامعه ... دراسته عامله ايه ... خاصة انه في كلية عملية محتاجة مجهود كبير ... |
والله انا تعثرت في الكليه سنتين لاهتمامي بكرة اليد لكن الحمد لله وصلت بكالوريوس و ربنا بيوفقني بأقل مجهود الحمد لله لاني من النوع اللي بذاكر في الاخر ... مع انه مينفعش في كليتنا بس أهي ماشيه...
| إقتباس |
| - هل بتحس ان فيه ضغط عليك من ناحية الدراسة والتوفيق بينها وبين حياتك العملية التانية ...؟ |
جداااااااااا... بس الحمد لله مش عارف ازاي ربنا بيفرجها ...بلاقي الوقت اللي اعمل فيه كل حاجه
| إقتباس |
| • اذا قولنالك .. اوصفلنا فارس الظلام بكلمة واحدة .. ايه اول كلمة هتخطر على بالك؟؟ |
الغـــــــــــــــــــموووووووووووض
| إقتباس |
| • صفات بتعتبرها ميزة فيك ؟ |
طيبة القلب و حب الاصدقاء
• وصفات بتعتبرها عيب فيك تتمنى انك تتخلص منه؟
العصبيه و حب السيطره
| إقتباس |
| • صفات بتتمنى اللي حواليك يتصفو بيها |
الأيثاااااااااااار
| إقتباس |
| • وصفات بتدعي ربنا يزيلها من نفوس وقلوب اللي انت عايش بينهم؟ |
الحــــــــــــقـــــــــــــــد
| إقتباس |
| • هل قابلت حد اعتبر فارس مغرور او متكبر؟ |
كتييييير بس اسمحيلي اعرف سألتي السؤال ده ليه؟؟
| إقتباس |
| • كل الناس بتعتبر فارس من اكتر الناس عصبية ... وانه مابيقرش يتحكم في اعصابه .. انت شايف ان كلامهم ده صحيح؟؟؟ واذا كان ايوة .. ماحاولتش تتخلص من الصفة دي فيك؟؟ |
اه طبعا شايف ان انا عصبي جدااااااا...وحاولت اتخلص منها و اديني ماشي في السكه اهو
| إقتباس |
| • من خلال اجوبتك على اسئلة العسل في قصر الضيافة ... لاحظت اجابة غريبة جدا جدا ... على واحد من الاسئلة ... اللي هو "هل تشعر انك شخص محبوب او مرغوب فيه؟" وكان ردك عليه "لأ خالص .. بس عادي" ... الاجابة فعلا غريبة جدا جدا .. لان حتى اللي بيبقى دمهم تقيل على قلوب اللي حواليهم بيقولو اه احنا محبوبين ... ليه قررت الكلام ده وانت شايف ان حواليك اصدقاء كتير جدا بيحبوك وبيعزوك جداً؟؟ |
لا انا فعلا حاسس اني مش محبوب من الكل ...بس برضو عادي لأن مش كل الناس يهمني رأيهم فيا...انا كفايه عليا ان اللي بيقرب مني بيفهمني وبيحبني
| إقتباس |
| كفاية عليك الاسئلة دي في البداية ... وان شاء الله بكرة نتقابل بأسئلة جديدة ومناقشات للاسئلة القديمة ... |
مستنيكي بكره يا شقيه
Buffe
Feb 18 2004, 05:05 PM
السلام عليكم
| إقتباس |
| والدي هو اللي وداني النادي وانا عندي 13 سنه و قال للمدرب خليه يلعب يد راح المدري رد عليه و قاله ده جسمه كويس وهينفعنا...و بدأ اهتمامي بيها بعد لما لعبت بسنه و حسيت ان مستوايا بقي كويس و انضميت لمنتخب بورسعيد.. |
هنة قلت انو باباك هوة الى وداك النادي
طيب انت كانت بتحب كرة اليد {الطائرة} قبل متلعب ؟
وازا كانت مش رغبتك انك تلعب او مش في بالك
هل ادى ده انك تكسل عن التمرين او انك تتهرب من التمرين
واكيد العصبية بتوقع في مشاكل كتير اوي
بدام بادئ تبطل عصبية ابقى قلنا الوصفة علشان نجربها
ايه بتمثل كلمة الصداقة ليك يا فارس
وايه الى جاب على بالك اسم فارس الظلام
وانت قلت انو الايثار والحقد همة الصفتين الى انت عايز الناس يتصفو فيهم ويبعدو
عنهم هل انت بتحاول انه تزرع الصفات ده في قلوب الناس
وبس على كده اليوم
سلام
سمسومة
Feb 18 2004, 06:12 PM
السلام عليكم ورحمة الله وبركاته
هنكمل مع اسئلة النهاردة ان شاء الله ...
1. نعرف عن فارس انه عنيد جدا ... يا ترى بتعتبر ده ميزة ولا عيب فيك؟؟؟2. احكيلنا عن موقف انقذك فيه عنادك ... وحققلك اللي بتحلم بيه ... وموقف تاني .. وقّعك عنادك في مقلب محترم ... 3. ايه هي اهم مبادئك في الحياة؟؟؟ ولأي درجة انت مستعد تتمسك بيها .. بمعنى .. هل ممكن تتغير المبادئ دي لو اتعرضت لموقف هزّك او طعنك في احد المبادئ دي؟؟ ولا هتفضل متمسك بيه على اعتبار انه " لا يصح الا الصحيح"؟4. الصداقة .. مفهومها ايه عند محمد صالح ؟5. لاي درجة ممكن توصل محبتك لصديقك؟؟6. هل مريت بتجارب خيانة من صديق قبل كده؟؟ وأثرت اد ايه عليك وعلى ايمانك بالصداقة؟7. هل سبق وخذلت صديق ليك؟؟ او شخص عزيز عليك؟؟؟ وكان احساسك ايه ساعتها؟8. الحب ... معناه ايه عند فارس؟9. سبق وقولت قبل كده ان اول حب في حياتك كان من 6 سنوات ... هل بتعتبره حب او مجرد اعجاب ؟؟؟ وكان احساسك ايه لما انتهى الحب ده؟؟10. من خلال رد ليك عن سؤال عن مواصفات شريكة حياتك ... اتمنيت انها تكون متدينة وبتحبك بجنون ... وعلى قدر لا بأس به من الجمال ... عندي أسئلة كتير على الرد ده .. معلش طول بالك عليا بقى انت عارفني
- أولا ... على حكاية الحب بجنون .. هل انت من اللي بيؤمنو ان الحب بتكون بالعشرة؟؟؟ ولا بتحلم انك ترتبط بانسانة تحبها وتحبك فعلا ...
- ثانياً... هل بتؤمن بالمظاهر في الحب؟؟؟ على اعتبار انك حطيت ان من شروطك في شريكة حياتك تكون على قدر من الجمال... ؟ يعني هل بتعتقد ان للجمال اهمية في التأثير على عاطفة الانسان وميل قلبه ناحية شخص معين؟
- ثالثاً ... لو حصل وصادفت انسانة متدينة ... وبتحبك ... وعلى قدر من الجمال ... من الاخر .. بنفس مواصفات فتاة احلامك زي ما بيقولو ... هل تعتقد انك ممكن في ساعتها تبادلها نفس المشاعر دي؟؟؟ وبنسبة اد ايه تعتبر انك فعلا هتحبها؟؟
- رايعاً ... لو حصل وقابلت انسانة .. اخلت باحد المواصفات دي ... ورغم كده ... دخلت قلبك فعلا .. واتمنيتها تكون شريكة حياتك كلها .. يا ترى .. هل هتصرّ على الشروط وترفض الحب ده .. وتحاربه وتدور على شخص تاني بتتوفر فيه كل ده ؟؟
11. هل ممكن تتغير نظرتك للحب في يوم من الايام؟؟؟ وليه؟
remy
Feb 18 2004, 07:16 PM
اية دة وانا اقول تحت المجهر منور لية يا ولاد اتارى فارس الاحلام موجودة هنا
ازيك يا فارس عامل اية يارب تكون كدة كويس وبخير وربنا معاك تحت المجهر
انت عارف يا فارس عجبتنى فيك حاجة صراحتك
في موضوع البنات
فارس وهو صغنون كان طفل شقي جدااااااااااااااا و متدلع جدااااااااااااااا مكنتش احب اتعرف علي الولاد كنت أحب اتعرف علي البنات اللي قدي وبس
فارس في مرحلة المراهقه كان متجه أكتر للرياضه و الهتمام بها و كان مهتك اوي بالاغني الاجنبيه و البنات.....!!
اقدر كدة انى اقول ان فارس من يومة بتاع بنات
؟
طيب يعنى انتى ضحكيت بقي علي بنات ؟
وضحكت علي كام بنت يا فارس ؟
هرجع اكمل اسالتى لسة مخلصتش بس جاوب علي دول وانا اتعود اقرى الصراحة في اجابات فارس
نور الدين
Feb 18 2004, 07:21 PM
السلام عليكم ممكن اشترك معاكم
اولا انا اسمى نور الدين كنت مشترك قديم فى منتدى دقدق وكنت باتابع تحت المجهر بس كان المقدم رجل واسمه على ما افتكر مختلف
على العموم كلنا اخوات سمسومه اللى ماعرفهاش واحب اتعرف او مختلف كله واحد
من الواضح انى اشتركت متاخر لان فيه اكتر من عضو سبق واتعمل معاهم البرنامج يعنى حظهم كويس جدا انى ما اشتركتش معاهم لانى ما قلتلكمش انى حاصل على ليسانس اداب قسم علم نفس
يعنى بدون فخر اقدر احلل الشخصيه اللى قدامى كويس جدا فا ممكن يا فارس الظلام انك تعتبرنى اخ وماتاخدش كلامى بمحمل سيئ دا بعد اذنك
على العموم انت منور المكان واستنى اسئلتى
سمسومة
Feb 18 2004, 08:12 PM
نورتنا يا نور الدين ونورت حلمنا
وانا مع الاسف ماحضرتش ايام اخويا مختلف في تحت المجهر
بس اعتبرني مذيعة صغنونة على اد حالي
ومستنيين اسئلتك ومشاركتك معانا وتعليقك ...
وتحليلك لشخصية فارس
اكيد طبعا في حدود تحت المجهر وشروطه
تحياتي ليك واهلا بيك مرة تانية
نور الدين
Feb 18 2004, 08:37 PM
اهلا بيكى ياسيدتى ...
انتى بتقولى انى اعتبرك مزيعه صغنونة انا متاسف انا مش هاعتبرك كدا اسمحيلى اعتبرك احلى مزيعه صغنونة فى الدنيا كلها
بجد يا بخت الضيف على العموم انا هادعى ربنا اكون ضيفك فى المستقبل القريب بازن الله
اسمحيلى احيكى سيدتى على اختيارك لكلامك واعتزر لانى ماكنتش عارفك واتمنى انى اتعرف عليكى بجد
مع تحياتى نور
نور الدين
Feb 18 2004, 09:52 PM
يا اخى فارس الظلام انت سبق وقلت
تصدقي عهمري ما عديتهم قبل كده؟؟ بس بجد معرفش هما كتير بس كام بالظبط محددش...
وفى نفس الوقت اتكلمت فى سؤال تانى بالتفصيل وذكرت والدك ووالدتك (الله يرحمها) واختك
افهم من كدا انك بتعذ اختك دى بس عن باقى اخواتك ؟ لانك ما ذكرتش اى اخوات اخرين
ولما كبرت هديت شويه لكن برضو كنت شقي... الثلاث نقط دول نفهم منهم انك مازلت شقى وبتحب تتعرف على البنات
السؤال هنا اى نوع من البنات بتلفت نظرك اكتر
* البنت الشقيه والمؤدبه فى نفس الوقت
*البنت الهاديه والمؤدبه
*البنت الذكيه
*البنت الجميله
حب السيطره و العصبيه الزياده جدا اللي بدأت اتخلص منها-
ليه حاسس انك لسه ماتخلصتش منها على العموم هانعرف فى الاخر
فارس في مرحلة المراهقه كان متجه أكتر للرياضه و الهتمام بها و كان مهتك اوي بالاغني الاجنبيه و البنات.....!!
بتلف تلف وترجع تتكلم عن البنات بالرغم انى قريت لك رد فى موضوع لفت نظرى جدا وهو تعملو ايه لو ان المنتدى بيت كبير ولقيت رايك انك رافض تماما المبدا دة وزى ما بيقولوا داخل فى البنات شمال
ممكن اعرف هو دا رايك فعلا .. اشك فى ذلك او انه مجرد جذب انتباه البنات المشتركات فى المنتدى
انا بسأل السؤال ده لان معظم الرجال بيتصرفوا نفس تصرفك وانا منهم ومش هانكر ارجو منك الاجابه بصراحه
وعايز اسأل سؤال كمان لو انت فى الام اس ان ودخل ولد صديق لك يعنى وفى نفس الوقت دخلت بنت وبرضه نقول زميله لك هاتدى الاهتمام بمين زميلك ولا زميلتك
انا احبك ...
كلمه بنرددها كتير احنا الاولاد للبنات هل تحترم البنت..
*اللى تبادلك نفس الشعور فى اسرع وقت
*اللى تقولك نبقى اصحاب
*اللى تقولك تعالى اخطبنى
*اللى تقولك كدا مش صح وانا مش هاكلمك تانى
ايه رأيك فى ...
عندما تغير تفكيرك ، فأنت تغير عالمك بأكمله .
هناك طريقة عندما تكون هناك رغبة .
دا كان تعقيبى على كلامك يافارس الظلام وياريت تتقبل اسئلتى ليك واتمنى اننا نكون اصدقاء فى وقت قريب بأذن الله
مع تحياتى نورالدين
فارس الظلام
Feb 19 2004, 01:50 AM
| إقتباس |
هنة قلت انو باباك هوة الى وداك النادي
طيب انت كانت بتحب كرة اليد {الطائرة} قبل متلعب ؟
وازا كانت مش رغبتك انك تلعب او مش في بالك
هل ادى ده انك تكسل عن التمرين او انك تتهرب من التمرين |
علي فكره كرة اليد غير الكرة الطائرة الاختلاف شاااااااسع... و الصدفه العجيبه ان انا عمري ما غبت عن التمرين لان الموضوع بصراحه عجبني جدا ولقيت نفسي في اللعبه دي ومستوايا كان بيتقدم بسرعه
| إقتباس |
| بدام بادئ تبطل عصبية ابقى قلنا الوصفة علشان نجربها |
الصلاه وقراءة القراّن
| إقتباس |
| ايه بتمثل كلمة الصداقة ليك يا فارس |
الصداقه = المشاركه الوجدانيه في كل شيء
| إقتباس |
| وايه الى جاب على بالك اسم فارس الظلام |
فارس : من عشقي لركوب الخيل
الظلام: من حالة الكاّبة اللي كنت عايش فيها لما دخلت المنتدي ( دقدق)
| إقتباس |
وانت قلت انو الايثار والحقد همة الصفتين الى انت عايز الناس يتصفو فيهم ويبعدو
عنهم هل انت بتحاول انه تزرع الصفات ده في قلوب الناس
وبس على كده اليوم |
اه طبعا بحاول بقدر الامكان بالنصيحه بأتباع الاسلام
العسل
Feb 19 2004, 12:29 PM
اييييييييه ده يادي النور يادي النور
منورنا يافارس حقيقي وجتلنا تحت المجهر بقى وربنا معاك دي سمسومة
بدئت الشغل واحنا لسه بنقول ياهادي بأسئلة تطحن أي مواطن غلباااان
ربنا يعينك يابني دي سمسومة دي مفترية
ربنا يستر
وليا كام سؤال كده عالماشي
**هل فارس الظلام مر بحالة إحباط في حياته؟؟ وياترى ايه سببه؟؟
** هل تعتقد أن حياة فارس محتاجة تغيير يعني من الآخر كده الروتين مكانه ايه في حياتك ؟؟
** عمرك اشتكيت وفضفضت لحد على حاجة خنقتك وندمت على الشكوى والفضفضة دي ؟؟؟ وياترى ايه السبب ؟؟
** طبعا كلنا بنحب الأغاني ....ياترى فارس الأغاني دي بتمثل ايه في حياته؟؟ولو قلتله أحسن أغنية بتحب تسمعها في وقت السعادة ....وأغنية لوقت الزعل والخنقة .؟؟؟
** هل عمرك فكرت أنك تنتقم من حد ظلمك أو كان في بينكم سوء تفاهم وكنت بريء بس وقّع عليك عقاب وأنت مظلوم؟؟ هل حصل ده بالفعل ؟؟
** من هو أعز صديق عرفته أو قابلته أو حتى كلمته؟؟
طولت عليك يا كابتن فارس معلش سامحني اهو مرة بقى مش كل يوم حنلاقيك تحت الميكروسكووب
ربنا يوفقك إنشاء الله في الإجابات
اختك العسل
remy
Feb 19 2004, 02:11 PM
اولا قبل اي حاجة انت منور يا نور اسم علي مسمى والله بس عايزاك تنورنى في صفيح ساخن برضة واوعى تسيب تحت المجهر برضة لحسن سمسومة تضربنى
نيجى بقي لفارس الجزيرة
انت بتقول انك خد اسم فارس من حبك لركوب الخيل هل ياترى مارست الرياضة دى ولا لأ
نيجى بقي لكلام اخونا الجديد نور انا فهمت من كلامة سؤال نسي اسؤالة انا هقولة بصراحة غير المواقف اللي نور ذكرها
هل يا ترى انت لسة اهتمامك ناحية البنات دة اذا مكانتش اهتمامك الوحيد
يلا بقي رد علي اسالتى هزعل بجد لو مردتش
دة اساس كلمة نور
ايفانهو(الفارس الاسود)
Feb 19 2004, 07:08 PM
انا هقول بقا اللى نفسى فيه
هل تعتقد ان بك صفات الفرسان ام انت تحب صفة ولقب الفارس لذلك اخترت اسمك ان يكون هكذا
ام هناك شىء اخر
ومعليش احنا فرسان زى بعضنا
ايفانهو(الفارس الاسود)
فارس الظلام
Feb 20 2004, 02:45 AM
| إقتباس |
| اقدر كدة انى اقول ان فارس من يومة بتاع بنات ؟ |
اّه...كنت
| إقتباس |
| طيب يعنى انتى ضحكيت بقي علي بنات ؟ |
اّه للاسف
| إقتباس |
| وضحكت علي كام بنت يا فارس ؟ |
كتير ... ليه؟...تعرفي حد فيهم؟
| إقتباس |
| افهم من كدا انك بتعذ اختك دى بس عن باقى اخواتك ؟ |
معنديش أخوات تانيين يا نور
| إقتباس |
بتلف تلف وترجع تتكلم عن البنات بالرغم انى قريت لك رد فى موضوع لفت نظرى جدا وهو تعملو ايه لو ان المنتدى بيت كبير ولقيت رايك انك رافض تماما المبدا دة وزى ما بيقولوا داخل فى البنات شمال
ممكن اعرف هو دا رايك فعلا .. اشك فى ذلك او انه مجرد جذب انتباه البنات المشتركات فى المنتدى |
اللي بيعمل كده عشان يجب انتباه البنات وبس انا بسميه محدث نت....
| إقتباس |
* البنت الشقيه والمؤدبه فى نفس الوقت
*البنت الهاديه والمؤدبه
*البنت الذكيه
*البنت الجميله |
وليه ميكونش فيها كل المواصفات دي؟؟
| إقتباس |
| *اللى تقولك تعالى اخطبنى |
هي دي اللي احترمها
| إقتباس |
| **هل فارس الظلام مر بحالة إحباط في حياته؟؟ وياترى ايه سببه؟؟ |
اكبر حالة احباط حاسس بيها هي الفتره الحاليه يا عسل ..و المصيبه الكبيره قوي اني مش عارف سبب الاحباط ده ايه...بس تعرفي؟؟ انا بحمد ربنا لان الاحباط ده خلاني اقرب من ربنا اكتر واعرف ان كل انسان ملوش في الاخر غير ربنا..
| إقتباس |
| ** هل تعتقد أن حياة فارس محتاجة تغيير يعني من الآخر كده الروتين مكانه ايه في حياتك ؟؟ |
اكيد يا عسل...ومين فينا مش عايز يتغير..
| إقتباس |
| ** عمرك اشتكيت وفضفضت لحد على حاجة خنقتك وندمت على الشكوى والفضفضة دي ؟؟؟ وياترى ايه السبب ؟؟ |
اه اكيد...السبب انه راح وطلع الكلام اللي قولتهوله بره ووضعني في مأزق حقيقي
| إقتباس |
| ** طبعا كلنا بنحب الأغاني ....ياترى فارس الأغاني دي بتمثل ايه في حياته؟؟ولو قلتله أحسن أغنية بتحب تسمعها في وقت السعادة ....وأغنية لوقت الزعل والخنقة .؟؟؟ |
الاغنيه بتمثل احساس ... في وقت السعاده بحب اسمع اغنية شو بعملك ... ديانا كرزون...وأغنية محمد حماقي مقدش انساك...واغنية روح قلبي طمن عليك قلبي لمحمد حماقي...و في وقت الحزن بحب اسمع يا هلتري و حرام وهتمثل لمحمد فؤاد..و كان صديقي وانا وليلي لكاظم الساهر
| إقتباس |
| ** من هو أعز صديق عرفته أو قابلته أو حتى كلمته؟؟ |
أسير الاحلام و فنكوش و تكتك المتكتك و مورفيوس ومحمد جبر بس بصراحه محدش فيهم وصل بالنسبالي لدجة الاخ ...أينعم كلهم زي اخزاتي لكن انا محدش عند أخ...
| إقتباس |
| طولت عليك يا كابتن فارس معلش سامحني اهو مرة بقى مش كل يوم حنلاقيك تحت الميكروسكووب |
ولا يهمك يا عسل ... والله انا فرحان جدا انك معانا هنا
نيجي بقي لاسئلة الانسه ريمي
| إقتباس |
| انت بتقول انك خد اسم فارس من حبك لركوب الخيل هل ياترى مارست الرياضة دى ولا لأ |
لا ممارستهاش ..انا كنت مجرد هاوي
| إقتباس |
| هل يا ترى انت لسة اهتمامك ناحية البنات دة اذا مكانتش اهتمامك الوحيد |
لا طبعا البنات دلوقتي مش من اهتماماتي ..وبعدين يا ريت تسألي بصيغه احسن من كده..و بعدين انتي متأكده كده ليه انه لسه اهتمامي؟؟....
| إقتباس |
في مقولة بتقول كما تدين دان
مخوفتش علي اختك في يوم من الايام من اللي انت بتعملة في البنات
دة علي اساس الكلمة اللي نور قالها |
أولا اختي متدينه وعارفه ربنا ومش ساذجه يعني مش من النوع اللي كنت بضحك عليه يا ريمي
| إقتباس |
| هل تعتقد ان بك صفات الفرسان ام انت تحب صفة ولقب الفارس لذلك اخترت اسمك ان يكون هكذا |
أعتقد ان انا فيا صفة الشهامه وحب المساعده...وبحب برضو لقب الفارس
| إقتباس |
| ومعليش احنا فرسان زى بعضنا |
أكيد طبعا صح
فارس الظلام
Feb 20 2004, 03:10 AM
و نيجي بقي لأسئلة الشقيه سمسومه
| إقتباس |
| 1. نعرف عن فارس انه عنيد جدا ... يا ترى بتعتبر ده ميزة ولا عيب فيك؟؟؟ |
ميزه والحمد لله...
| إقتباس |
| 2. احكيلنا عن موقف انقذك فيه عنادك ... وحققلك اللي بتحلم بيه ... وموقف تاني .. وقّعك عنادك في مقلب محترم ... |
الموقف اللي انقذني فيه عنادي مثلا يا ستي عندك ان انا كنت مصر ان انا العب وانا مصاب مع منتخب بورسعيد والحمد لله تألقت..والمتش ده هو اللي خلي الزمالك يطلبني..
اما الموقف التاني هو موقف مع دكتور ليا في الكليه كان عايز يبنزني و يخليني اجيبله هديه عشان انجح ...والمقلب هو اني عدت السنه..
| إقتباس |
| 3. ايه هي اهم مبادئك في الحياة؟؟؟ ولأي درجة انت مستعد تتمسك بيها .. بمعنى .. هل ممكن تتغير المبادئ دي لو اتعرضت لموقف هزّك او طعنك في احد المبادئ دي؟؟ ولا هتفضل متمسك بيه على اعتبار انه " لا يصح الا الصحيح"؟ |
أهم مبدأ ليا ... أذا القمت كل كلب عوي حجراّ...لصار مثقال الحجر بدينار...
لا طبعا يا سمسمه لا يمكن أغير مبدأ ليا مهما كانت الظروف ... انا عنيد جدااا زي مانتي عارفه... وطبعا انا حاني جدا ومؤمن بأن كل فردلازم ياخد حجمه في الحياه ومبديش حد اكتر من حجمه...
| إقتباس |
| 4. الصداقة .. مفهومها ايه عند محمد صالح ؟ |
السؤال مكرر يا سمسمه ...
| إقتباس |
| 5. لاي درجة ممكن توصل محبتك لصديقك؟؟ |
توصل اني ممكن اضحي بسعادتي عشانه بالرغم اني ملقيتش حد يعتبر أخ بجد
| إقتباس |
| 6. هل مريت بتجارب خيانة من صديق قبل كده؟؟ وأثرت اد ايه عليك وعلى ايمانك بالصداقة؟ |
لا الحمد لله محصلش..
| إقتباس |
| 7. هل سبق وخذلت صديق ليك؟؟ او شخص عزيز عليك؟؟؟ وكان احساسك ايه ساعتها؟ |
برضو الحمد لله محصلش
| إقتباس |
| 8. الحب ... معناه ايه عند فارس؟ |
الحب معناه الحياه...لان الانسان ميقدرش يعيش من غير حب
| إقتباس |
| - أولا ... على حكاية الحب بجنون .. هل انت من اللي بيؤمنو ان الحب بتكون بالعشرة؟؟؟ ولا بتحلم انك ترتبط بانسانة تحبها وتحبك فعلا ... |
لازم الاتنين يكونوا موجودين لانهم بيكملوا بعض ... 80% حب قبل العشره..و 20 % حب بعد العشره
| إقتباس |
| - ثانياً... هل بتؤمن بالمظاهر في الحب؟؟؟ على اعتبار انك حطيت ان من شروطك في شريكة حياتك تكون على قدر من الجمال... ؟ يعني هل بتعتقد ان للجمال اهمية في التأثير على عاطفة الانسان وميل قلبه ناحية شخص معين؟ |
طبعا الجمال الخاجه له تأثير بس معايا انا مش كبير.. ده ميمنعش انه لازم يكون موجود فيه قدر من الجمال في البنت اللي هتجوزها يعني تكون اكتر من مقبوله بشويه صغنطتيييين...
| إقتباس |
| ثالثاً ... لو حصل وصادفت انسانة متدينة ... وبتحبك ... وعلى قدر من الجمال ... من الاخر .. بنفس مواصفات فتاة احلامك زي ما بيقولو ... هل تعتقد انك ممكن في ساعتها تبادلها نفس المشاعر دي؟؟؟ وبنسبة اد ايه تعتبر انك فعلا هتحبها؟؟ |
ممكن طبعا احتمال 90% أحبها...لكن العشره في الميه الباقيه ترجع لناحية القبول ...لان القبول شىء مهم...
| إقتباس |
| - رايعاً ... لو حصل وقابلت انسانة .. اخلت باحد المواصفات دي ... ورغم كده ... دخلت قلبك فعلا .. واتمنيتها تكون شريكة حياتك كلها .. يا ترى .. هل هتصرّ على الشروط وترفض الحب ده .. وتحاربه وتدور على شخص تاني بتتوفر فيه كل ده ؟؟ |
فيه بعض الشروط ممكن الاخلال بها لو دخلت قلبي ..لكن شرط زي التدين مش ممكن الاخلال به ابداّ..لان انا لو أخليت بيه يبقي 90% من جمال البنت ذهب مع الريح..ولانها لو مش متدينه مش هتراعي ربنا فيا ولا في بيتها ولا في اولادها ويبقي كده فتحت ابواب جهنم علي نفسي...
| إقتباس |
| 11. هل ممكن تتغير نظرتك للحب في يوم من الايام؟؟؟ وليه؟ |
ممكن في حاله واحده بس..هي الخيانه الخيانه الخيانه
remy
Feb 20 2004, 03:28 AM
| إقتباس |
| لا طبعا البنات دلوقتي مش من اهتماماتي ..وبعدين يا ريت تسألي بصيغه احسن من كده..و بعدين انتي متأكده كده ليه انه لسه اهتمامي؟؟.... |
معلش من صيغة السؤال
بس انا اللي في قلبي علي لسانى مبعرفش الف وادور في السؤال او يعنى اذوق الكلام زى ما بيقولوا
وبعدين انا مقولتش انتى متاكدة انا بقول هل يا ترى
وبعدين يا فارس انا مقصدش ان اختك مش متدينة ولا حاجة
بس معنى انك تضحك علي بنت انك بتجرحها ومخوفتش ان اختك تنجرح مش لازم بنفس الطريقة و
وبعدين ربنا بيمهل ولا يهمل لازم يورى اى انسان بيعمل حاجة غلط وهو عارف انها غلط الحاجة دى بتحصل في اعز الناس لية واقرب الناس لقلبة
انا اسمع الناس الكبار بيقولوا كدة
فارس الظلام
Feb 20 2004, 03:37 AM
| إقتباس |
معنى انك تضحك علي بنت انك بتجرحها ومخوفتش ان اختك تنجرح مش لازم بنفس الطريقة و
وبعدين ربنا بيمهل ولا يهمل لازم يورى اى انسان بيعمل حاجة غلط وهو عارف انها غلط الحاجة دى بتحصل في اعز الناس لية واقرب الناس لقلبة
انا اسمع الناس الكبار بيقولوا كدة |
فعلا حسيت ان كده فيه خطر علي اختي برغم كل التدين اللي هيا فيه ده وده اللي خلاني ابعد عن الموضوع ده...
وربنا غفور رحيم
سمسومة
Feb 20 2004, 06:51 PM
* العصبية .. وفارس .... انت شايف انك عصبي ... واحنا كمان ف احيان كتير بنحس انك سهل الواحد يثيرك ... واكيد بتعتبر ده عيب ... ايه اكتر حاجة ممكن تفقدك اعصابك ؟؟ وتخليك تتنرفز؟؟
* هل سبق ووقعتك عصبيتك في مشاكل؟؟ ياترى من اي نوع .. ومع مين؟؟
* لاحظنا في الفترة الأخيرة .... تواجد فارس بشكل ملحوظ في ركن خواطر وأشعار ... وقرأناله خواطر رقيقة وعميقة ... وحزينة ...انا بصراحة كنت من زوار خواطر بكثرة .. ورغم كده ماكونتش بلاحظ اهتمامك بكتابة الخواطر ... وفجأة لاقيت مشاعر متميزة فعلاً ... يا ترى ايه اللي فجر كل ده في نفس فارس؟
* اكبر حلم في حياة فارس .. كان ايه ؟؟ وياترى قدرت تحقق منه اد ايه؟
* كلمة شكر وتقدير ... تحب تهديها لمين؟
* شخص و موقف .. كان ليهم اكبر أثر في تغيير مسار حياتك .... احكيلنا عنهم
* كلمة لوم وعتاب لشخص عزيز عليك ... تقولها لمين؟؟ وتقوله ايه؟؟
* "آسف.. ظلمتك" ... اعتذار .. تهديه لمين؟؟
* أصعب موقف مر عليك في حياتك ... كان ايه؟؟ وهل قدرت تتجاوزه ولا لسة مازال عايش جواك؟
m2004
Feb 20 2004, 06:57 PM
اولا انا بحب اشكر سمسومه اللى قدمتلى الدعوه عشان اشوف مطحنه الاسئله ديه
وانا بقول باعلى صوتى ربنا معاك يا فارس
وعاوزه يستحملنى شويه عشان انا بحب المجازر الحيه
س1
فارس جاب مجموع كام فى الثانويه العامه
س2
فارس بيحب كليه الهندسه والقسم اللى هوه فيه
س3
لما فارس بيصحى من النوم
اول واحد بيحب يشوفه مين؟
س4
فارس راح الكليه
يوم النتيجه ولقى نفسه طالع الاول فى الكليه
ايه شعوره اواحساسه
لو كان الاول من قدام او من وراه
س5
فارس ماشى مره فى الشارع
بيطلع الفلوس عشان يشترى حاجه
الفلوس طارت
يعمل ايه
يجرى يلمها
ولا يقول خلاص طارت
ولا يقول للناس تساعده
كفايه كده عليك دلوقتى
وحكمل بعدين الاسئله اصلى كاتبهم فى3صفحات فلوسكاب
وخطى صغير
واى سؤال مش عايز تجاوب عليه
مش لازم
شكرا ليكوا
أنسان
Feb 21 2004, 01:26 AM
السلام عليكم
انا اول مرة هشارك فى تحت المجهر
حظك كده يا عم فارس معلش استحملنى
انا يا عم علشان مطولش عليك انا هسأل على طول
سؤالى الاول : اوصفلى محمد ابراهيم محمد صالح وصف كامل ؟
وسؤالى التانى : بتحب محمد ابراهيم ولا بتكره ؟
وسؤالى التالت : محمد ابراهيم هو فارس الظلام ولا فى اختلاف ؟
بمعنى انك بتحاول تغير نفسك وانت على المنتدى ولا فارس هو محمد؟
انا كده خلصت ويارب مكنش طولت عليك او ضيقتك
فارس الظلام
Feb 21 2004, 04:47 PM
ب
| إقتباس |
| العصبية .. وفارس .... انت شايف انك عصبي ... واحنا كمان ف احيان كتير بنحس انك سهل الواحد يثيرك ... واكيد بتعتبر ده عيب ... ايه اكتر حاجة ممكن تفقدك اعصابك ؟؟ وتخليك تتنرفز؟؟ |
علي فكره يا سمسومه...انا بتعصب بمزاجي يعني عارف امتي اتعصب وامتي لا..وبالنسبه لاكتر حاجه ممكن تعصبني اللي يقول حاجه ويرجع في كلامه يعني اللي يوعد ويخلف الوعد او اللي يديني ميعاد وميجيش خاصة اذا كان شخص انا بهتم بيه...
| إقتباس |
| 2. هل سبق ووقعتك عصبيتك في مشاكل؟؟ ياترى من اي نوع .. ومع مين؟؟ |
أكيد عصبيتي وقعتني في مشاكل كتير خاصة مع والدي لان هو كمان عصبي جداااا..فلك يا سمسومه ان تتخيلي بقي اتنين من نوعيتيب في بيت واحد ...
| إقتباس |
| 3. لاحظنا في الفترة الأخيرة .... تواجد فارس بشكل ملحوظ في ركن خواطر وأشعار ... وقرأناله خواطر رقيقة وعميقة ... وحزينة ...انا بصراحة كنت من زوار خواطر بكثرة .. ورغم كده ماكونتش بلاحظ اهتمامك بكتابة الخواطر ... وفجأة لاقيت مشاعر متميزة فعلاً ... يا ترى ايه اللي فجر كل ده في نفس فارس؟ |
والله يا سمسمه انا بكتب من زمان .. لكن مكنتش بحب حد يطلع علي اللي انا بكتبه..بس اللي شجعني علي اني انزل الحاجات دي هو اسير الاحلام ..لانه كان معجب قوي بيهم وقاللي دول لازم ينزلوا في المنتدي ... وعلي فكه يا سمسمة معظم الاشعار والخواطر دي بتعبر بجد عن اللي جوايا ..و تلاحظي حاجه غريبه قوي..
ان انا مبكتبش غير حزين وبس.. وده فعلا لان النوع ده من الشعر هو اللي بلاقي نفسي فيه ....
| إقتباس |
| 4. اكبر حلم في حياة فارس .. كان ايه ؟؟ وياترى قدرت تحقق منه اد ايه؟ |
أكبر حلم في حياتي اني احب بجد ... وللاسف مقدرتش احقق منه غير 20%..وكفايه لحد كده..
| إقتباس |
| 5. كلمة شكر وتقدير ... تحب تهديها لمين؟ |
أمي الحبيبه....
| إقتباس |
| 6. شخص و موقف .. كان ليهم اكبر أثر في تغيير مسار حياتك .... احكيلنا عنهم |
الشخص هو ابي لانه بجد هو اللي وجهني للصح و هو اللي كان دايما مهتم بيا لاقصي الحدود... وكان مصر علي انه يخليني في احسن صوره وشخص ناجح لابعد الحدود...
أما الموقف هو موقف رحيل امي عن دنيانا ... الموقف ده بجد خلاني ابقي اكتر مسئوليه وتواجد في البيت و خلاني ابدأ اهتم بالبيت واختي اللي بحاول أعوضها عن بعض حنان الام.. لكن طبعا انا عارف دون جدوي لان حنان الام لا يعوض....
| إقتباس |
| 7. كلمة لوم وعتاب لشخص عزيز عليك ... تقولها لمين؟؟ وتقوله ايه؟؟ |
أقولها لعاشق الساهر...أقوله الصداقه والعيش والملح أعتقد ان لهم حق عليك..علي الاقل ترفع سماعة التليفون وتسأل..مش حتي تعدي ولا سلام ولا كلام...ولا عشان المصلحه انقضت يبقي خلاص؟؟
| إقتباس |
| 8. "آسف.. ظلمتك" ... اعتذار .. تهديه لمين؟؟ |
أهديه لنفسي...لان انا فعلا ظلمت نفسي في حاجات كتير ...ومش هقول ايه هي ..افضل احتفظ بيها لنفسي...
| إقتباس |
| 9. أصعب موقف مر عليك في حياتك ... كان ايه؟؟ وهل قدرت تتجاوزه ولا لسة مازال عايش جواك؟ |
اصعب موقف موقف فراق والدتي... وعلي فكره الموقف عايش جوايا..مع ان الموضوع عدي عليه حوالي 6 شهور...
فارس الظلام
Feb 21 2004, 05:02 PM
س1
| إقتباس |
| فارس جاب مجموع كام في الثانويه العامه؟ |
94.7%....خمسه وخميسه
فا
| إقتباس |
| رس بيحب كليه الهندسه والقسم اللى هوه فيه |
طبعا بحبه جدا ومقتنع بيه جدا جدا...
| إقتباس |
س3
لما فارس بيصحى من النوم
اول واحد بيحب يشوفه مين؟ |
أختي...
| إقتباس |
س4
فارس راح الكليه
يوم النتيجه ولقى نفسه طالع الاول فى الكليه
ايه شعوره اواحساسه
لو كان الاول من قدام او من وراه |
لو الاول من قدام .... هيغمي عليا..
لو الاول من ورا.... قدر الله وماشاء فعل و شد حيلك السنه الجايه ....الخ
| إقتباس |
س5
فارس ماشى مره فى الشارع
بيطلع الفلوس عشان يشترى حاجه
الفلوس طارت
يعمل ايه
يجرى يلمها
ولا يقول خلاص طارت
ولا يقول للناس تساعده |
أجري المها طبعا...دي نعمة ربنا
فارس الظلام
Feb 21 2004, 05:09 PM
| إقتباس |
| سؤالى الاول : اوصفلى محمد ابراهيم محمد صالح وصف كامل ؟ |
معلش مش فاهم السؤال..
| إقتباس |
| وسؤالى التانى : بتحب محمد ابراهيم ولا بتكره ؟ |
بحبه في طيبته وشهامته ..وبكرهه في عصبيته و وقت زعله...
وسؤا
| إقتباس |
| لى التالت : محمد ابراهيم هو فارس الظلام ولا فى اختلاف ؟ |
هو هواه والله انا بكتب اللي في قلبي في المنتدي ... ومبحبش اخبي حاجه...لان انا دخلت المنتدي اقول اللي جوايا مش عشان امثل..
| إقتباس |
| انا كده خلصت ويارب مكنش طولت عليك او ضيقتك |
يا باشا انت تنور....مع انك اهلاوي
سمسومة
Feb 21 2004, 06:38 PM
طبعاً انا مش قادرة اتابع الموضوع الرهيب ده اليومين دول
ومش عارفة اناقش فارس في اجاباته بس شايفة انكم مش مخلينله مجال
على العموم انا هنزل الجزء الجديد من الاسئلة ... وبكرة نبتدي النقاش
ورينا همتكم يا جماعة
* لو صحيت في يوم ... ولاقيت كل حاجة بنيتها في حياتك اتهدت في لحظة .. هيكون ايه شعورك ... وهتتصرف ازاي؟
* محمد صالح ... هل حس بالخوف في يوم؟؟؟ ايه اكتر حاجة ممكن تخليك تخاف؟ وازاي بتقدر تتغلب على الخوف جواك ...
* كلمنا عن موقف اترعبت فيه بجد ... من اي حاجة .. عفريت .. كلب .. قطة ... ... كان احساسك ايه ساعتها .. وايه اللي حصل؟
* احكيلنا عن موقف محرج وقعت فيه في حياتك العامة يعني ...
* على النت ... كتير بنقع في مقالب ... ومواقف محرجة برضه .. وبما اننا كلنا من مرتادي الشبكة العنكبوتية ... اكيد كلنا دوقنا مقالب كتييير .. ووقعنا في مواقف تسبب احراج اكتر ... ايه رأيك تكلمنا عن واحد من اظرف المقالب اللي اتعملت فيك .. او عملتها في حد ... وموقف محرج برضه حصلك عن طريق النت كمان ...
* هل بتعتبر نفسك من محبي القراءة؟؟؟ انا اعرف ان كتييير جدا من الرياضيين بيكرهوا حاجة اسمها قراءة او مذاكرة... هل بتتصنف نفسك منهم ...؟؟ .. واذا كنت من محنبي القراءة ... ايه اكتر حاجة بتشدك لقراءتها؟؟
* في الوقت الحالي .. معظم الشباب اهتمامهم بيتجه ناحية الكمبيوتر .. وبالذات مجال الhacking والgraphics لانهم مش محتاجيين نوع خاص من الدراسة واي واحد ممكن بالقراءة والتمرين يتقنهم ... وانا من خلال متابعتي لمشاركاتك ... لاحظت ان مالكش ميول كمبيوترية ... هل كلامي صحيح .. واذا كان ايوة ... ممكن تعرفنا ايه السبب؟؟
* عرفنا انك مشترك في فريق الزمالك لكرة اليد ... واكيد كلنا نعرف ان المباريات والتمارين موال لا ينتهي ... ازاي بتقدر ترتب وقتك بين الكلية والشغل والتدريب والحياة الاجتماعيه؟؟
* اعتقد ان كورة اليد بتعتبر من الرياضات اللي فيها احتكاك مش قليل ... هل اتعرضت لاصابات قبل كده خلال المباريات او التدريب .. بالعربي كده .. اتضربت قبل كده ؟ ولاي مدى كانت الاصابة؟؟؟
* علاقتك بزملاءك في الفريق ... تقدر توصفها بايه؟؟؟ فيها غيرة ؟؟ ممكن يحصل مقالب بينكم ؟؟ هل وقعت في مطب بسبب واحد من زملاءك في الفريق؟؟ احكيلنا عن بعض الحاجات دي ..
فارس الظلام
Feb 21 2004, 08:52 PM
| إقتباس |
| * لو صحيت في يوم ... ولاقيت كل حاجة بنيتها في حياتك اتهدت في لحظة .. هيكون ايه شعورك ... وهتتصرف ازاي؟ |
طبعا مش هيأس .. هبنيه من جديد بشكل احسن واجمل...مع الاخذ في الاعتبار اني هنتقم من اللي ضيع كل حاجه ده ... وطبعا الم الاحساس بضياع المجهود هيكون موجود..بس هقتله جوايا...عشان ميأثرش عليا...
| إقتباس |
| * محمد صالح ... هل حس بالخوف في يوم؟؟؟ ايه اكتر حاجة ممكن تخليك تخاف؟ وازاي بتقدر تتغلب على الخوف جواك ... |
مفيش انسان محسش بالخوف لان الخوف شىء اتولد مع الانسان .. وشىء فطري خلقه ربنا فينا كلنا...
حسيت بالخوف كتير طبعا... واكتر شىء يخليني اخاف هو الظلم دايما بخاف اني اتظلم...ودايما بنتصر والحمد لله علي الخوف ده بالايمان بربنا و بالثقه في النفس و بأني دايما ببقي عارف حدودي ايه وازاي اقدر اتحرك من خلالها بأحسن شكل ممكن..
| إقتباس |
| * كلمنا عن موقف اترعبت فيه بجد ... من اي حاجة .. عفريت .. كلب .. قطة ... ... كان احساسك ايه ساعتها .. وايه اللي حصل؟ |
أحكيلك يا ستي...
مره كنا قاعدين في النادي الساعه 2 بالليل ... كنا فاتحين موضوع الجن واللي بيحصل منهم والاشباح والارواح اللي بتطلع للناس و التجارب اللي بعض الناس اللي نعرفهم شافوها...بس يا ستي سبتهم ومشيت الساعه 3 وربع بالظبط ..وصلت بيتنا اللي في القاهره الساعه 4...وانا طالع بقي علي السلم الاقيلك قطه نازله بتجري بسرعه وراحت خابطه فيا...لكي ان تتخيلي الباقي...
| إقتباس |
| * احكيلنا عن موقف محرج وقعت فيه في حياتك العامة يعني ... |
كان فيه مره السنه اللي فاتت كنت ماشي مع واحد صاحبي في الشارع ..وعدت بنت بسم الله ما شاء الله ...قمه في الجمال والرقه والشياكه والاستايل...بصيت عليها وقلت لصاحبي البنت دي حلوه قوي ..زي القمر يالا...راح بصلي قوي كده وقاللي علي فكره دي أختي...طبعا وشي ضرب الوان وقلتله انا اسف مكنتش اعرف..طبعا مردش عليا وراح سايبني ومشي...
| إقتباس |
| * على النت ... كتير بنقع في مقالب ... ومواقف محرجة برضه .. وبما اننا كلنا من مرتادي الشبكة العنكبوتية ... اكيد كلنا دوقنا مقالب كتييير .. ووقعنا في مواقف تسبب احراج اكتر ... ايه رأيك تكلمنا عن واحد من اظرف المقالب اللي اتعملت فيك .. او عملتها في حد ... وموقف محرج برضه حصلك عن طريق النت كمان |
واحد من أظرف المقالب كان الاخ فنكوش المنكوش الله ينتقم منه ضافني علي المسنجر بايميل بنت وقعد يشتغلني ..كنت حاسس انها خدعه بس قلت اشوف اخره ايه..المشكله بقي اني معرفتش انه فنكوش الا بعد شهر من الكلام علي المسنجر..والبت تقولي بحبك و معجبه بيك .. وانا اقولها انتي تعرفيني .؟؟ تقوم قايلالي تاريخي كله...وانا هتهبل اعرف مين دي ..طلع فنكوش
اما الموقف المحرج فهو ان انا كنت بكلم واحد صاحبي وواحده صاحبتي علي المسنجر المهم كنت متغاظ منه ع الاخر...وعمال اشتم فيه و ابهدله ومسحت بكرامته الارض...المهم اكتشفت بعد 15 دقيقه من التهزىء اني بكلم البنت مش الولد..وعينك متشوف الا النور طبعا عملنلي بلوك ديليت...ومعرفتش اصلحها الا بمعجزه..
| إقتباس |
| * هل بتعتبر نفسك من محبي القراءة؟؟؟ انا اعرف ان كتييير جدا من الرياضيين بيكرهوا حاجة اسمها قراءة او مذاكرة... هل بتتصنف نفسك منهم ...؟؟ .. واذا كنت من محنبي القراءة ... ايه اكتر حاجة بتشدك لقراءتها؟؟ |
فعلا انا بكره المذاكره التقليديه يعني لازم يكون مزاجي حلو عشان اذاكر ولازم وانا بذاكر يكون جنبي كاسيت شغال و مولع الفواحه ومضلم الدنيا ومفيش الا نور الاباجوره...ولازم يبقي جنبي بيبسي ومشتقاته وشيبسي ...غير كده معرفش اذاكر..
اما القراءه كهوايه فانا بعشقها ...وبعشق قراءة الادب الانجليزي والروايات العالميه و العربيه..وكمان بحب قوي...احم احم احم رجل المستحيل وفلاش وميكي..
| إقتباس |
| * في الوقت الحالي .. معظم الشباب اهتمامهم بيتجه ناحية الكمبيوتر .. وبالذات مجال الhacking والgraphics لانهم مش محتاجيين نوع خاص من الدراسة واي واحد ممكن بالقراءة والتمرين يتقنهم ... وانا من خلال متابعتي لمشاركاتك ... لاحظت ان مالكش ميول كمبيوترية ... هل كلامي صحيح .. واذا كان ايوة ... ممكن تعرفنا ايه السبب؟؟ |
فعلا يا سمسومه انا مليش ميول كمبيوتريه...بس انا حطيت في دماغي اني اتعلم جرافيكس..مش لازم اكون بحبه بس عشان هيفيدني ويصقل مهاراتي و مؤهلاتي يبقي خلاص...ليه لا مخدوش..و اعتقد ان اللي يعرفو جرافيكس مش احسن مني ربنا خلقلهم مخ وخلقلي مخ خلقلهم عقل وخلقلي عقل...صح؟؟؟
| إقتباس |
| * عرفنا انك مشترك في فريق الزمالك لكرة اليد ... واكيد كلنا نعرف ان المباريات والتمارين موال لا ينتهي ... ازاي بتقدر ترتب وقتك بين الكلية والشغل والتدريب والحياة الاجتماعيه؟؟ |
والله يا سمسمه التوفيق بينهم درب من دروب المستحيل...بس اهو الواحد بيحاول يمشي في الدوامه دي ...وانا عارف كويس ان انا مقصر جدا في التمرين...بس اهو الواحد بيحاول يرجع تاني لمستواه...
| إقتباس |
| * اعتقد ان كورة اليد بتعتبر من الرياضات اللي فيها احتكاك مش قليل ... هل اتعرضت لاصابات قبل كده خلال المباريات او التدريب .. بالعربي كده .. اتضربت قبل كده ؟ ولاي مدى كانت الاصابة؟؟؟ |
طبعا يا سمسومه الواحد ياما اتصاب و ياما اتضرب وخاصة ان انا بلعب مركزي علي الدايره يعني striker يعني اللي بيجيب الاجوان ... وطبعا الواحد مبيسلمش من المدافعين وغتاتتهم..بس الحمد لله بتيجي سليمه يعني اقصي اصابه بتبقي التواء او شرخ او تمزق في الاربطه والحمد لله لسه مجاليش الاصابه اللي تخليني ابطل لعب...
| إقتباس |
| * علاقتك بزملاءك في الفريق ... تقدر توصفها بايه؟؟؟ فيها غيرة ؟؟ ممكن يحصل مقالب بينكم ؟؟ هل وقعت في مطب بسبب واحد من زملاءك في الفريق؟؟ احكيلنا عن بعض الحاجات دي .. |
عارفه يا سمسومه؟؟....من اكبر المميزات واللي خلتني عاشق لفريقي هو الروح الحلوه اللي بيننا والاخوه اللي فيها لاعبي الزمالك ...والحمد لله كلنا يد واحده مع بعض مفيش فرق بين كبير وصغير ...مفيش فرق بين لاعب قديم ولاعب جديد ..كله بيحترم بعضه وبيحب بعضه وبيساعد بعضه..
طبعا الامر ما يسلمش من بعض المقالب اللي بتبقي بهزار طبعا بينا وبين بعض..يعني افتكر ان مره واحد زميلي خبي مني الكوتشي بتاعي وانا بصلي ..وفضلت قاعد في الجامع بتاع النادي 45 دقيقه مستنيه يجيبه..بس الحمد لله الموضوع عدي علي خير ومتفضحتش في النادي...
Rose
Feb 22 2004, 03:51 PM
السلام عليكم ورحمه الله وبركاته
اولا ارحب بالضيف الجديد0000واهني سمسمه على حسن اختيارها000000وأسألتك الرائعه
حاليا انا معنديش نقطه معينه عايزه اعرفك منها0000لاني مش قريت الحوار كله0000بس هوا ممكن سؤال احد بس دلوقت وماعرفش اذا كان حد سألهولك ولا لأ
هل بتعتبر غموضك سر من عوامل جذب الناس ليك؟؟؟
على فكره في اسأله عندي بس مش عارفه اصوغها ازاي 00000المهم المره الجايه ان شاء الله هايكون عندي غيرها
Rose
Rose
Feb 22 2004, 03:52 PM
معلش حاجه جت على بالي
بتنسى الاساءه يوم؟؟؟يعني لو حد اساء اليك او اذاك0000هل بيجي يوم بتسامحه وبتنسى ولا بتفضل فاكر الاذيه؟؟؟؟؟ويا ترى لو من صديق عزيز00ايه بيكون رد فعلك تجاهه؟؟؟
بس وشكرا
فارس الظلام
Feb 22 2004, 04:14 PM
| إقتباس |
| هل بتعتبر غموضك سر من عوامل جذب الناس ليك؟؟؟ |
الانسان فضولي بطبيعته يا روز ..فطبيعي جدا لما يلاقي انسان غامض يحب يقرب ليه عشان يكتشفه...فنتيجه طبيعيه اني الاقي نفسي مصدر جذب
| إقتباس |
| بتنسى الاساءه يوم؟؟؟يعني لو حد اساء اليك او اذاك0000هل بيجي يوم بتسامحه وبتنسى ولا بتفضل فاكر الاذيه؟؟؟؟؟ويا ترى لو من صديق عزيز00ايه بيكون رد فعلك تجاهه؟؟؟ |
انا من النوع اللي بسامح بس مش بنسي ...ولو من صديق عزيز عليا ممكن انسي نهائيا بس بعد مده طويله....لاني اعتقد ان...قلبي اسود شويه
أنسان
Feb 23 2004, 11:31 PM
"سؤالى الاول : اوصفلى محمد ابراهيم محمد صالح وصف كامل ؟"
انا قصدى انك تحاول توصف نفسك طبيعتك واخلاقك وعقلك
كده يعنى
اصل فى ناس كتير مش بتعرف توصف نفسها
وفى ناس لما بتعمل ده يا اما بتبالغ فى وصف نفسها او بتقلل من نفسها
وفى ناس نادر جدا اللى بيعرف هو مين بالظبط يعنى عارف نفسه كويس
فهمتنى؟؟؟؟؟؟؟؟؟؟
وبلاش حكاية اهلاوى دى
بلاش عنصرية
كلنا مصريين 
نور الدين
Feb 23 2004, 11:45 PM
أسئله زكيه واٍجابات اذكى من شخص يتحكم فى اعصابه الى ابعد الحدود اسمحلى يافارس اعلق على بعض اٍجاباتك ..
| إقتباس |
| وليه ميكونش فيها كل المواصفات دي؟؟ |
اكيد اى رجل منا بيحب البنت تكون فيها كل المواصفات دى .. بس هل لقيت البنت اللى بتتمتع بكل الصفات دى
مع انى اشك فى كدا بس ياريت لو كنت لقيتها ابقى كلملى اختها علشان بدور على عروسه
| إقتباس |
| اكيد يا عسل...ومين فينا مش عايز يتغير.. |
كلنا اكيد يافارس بس ممكن تقولنا ايه الصفات اللى انت عايز تغيرها فى نفسك وهل حاسس انك محتاج مجهود كبير علشان توصل الى درجة الرضا النفسى ؟ وهل تغيرك لنفسك بناء على رغبتك ولا بناء عن رأى المحيطين بيك فيك؟
| إقتباس |
توصل اني ممكن اضحي بسعادتي عشانه بالرغم اني ملقيتش حد يعتبر أخ بجد
أسير الاحلام و فنكوش و تكتك المتكتك و مورفيوس ومحمد جبر بس بصراحه محدش فيهم وصل بالنسبالي لدجة الاخ ...أينعم كلهم زي اخزاتي لكن انا محدش عند أخ... |
هل كلامك دا تأثير بالموقف ده ....اه اكيد...السبب انه راح وطلع الكلام اللي قولتهوله بره ووضعني في مأزق حقيقى
ولا انت من طبيعتك كتوم ومابتقدرش تثق فى الناس بسرعه ومن الناس اللى بيؤمنوا ان السر لو طلع بره نفسك مايبقاش سر ؟
طبعا كلنا بنحب الأغاني ....ياترى فارس الأغاني دي بتمثل ايه في حياته؟؟ولو قلتله أحسن أغنية بتحب تسمعها في وقت السعادة ....وأغنية لوقت الزعل والخنقة
طيب خلينا نسألك عن اغنيه بتحب تسمعها بصفه عامه وكمان بتحب تسمع لمين وايه رايك فى مطربات اليومين دول زى الانسه روبى اطال الله فى عمرها
وياريت نعرف اغنيه غاليه عليك اوى يعنى شخص عزيز اهداها ليك وانت كل ما بتسمعها بتفتكره
أعتقد ان انا فيا صفة الشهامه وحب المساعده...وبحب برضو لقب الفارس
ممكن تذكر موقف سمعت فيه انت جدع يافارس
| إقتباس |
| الحب معناه الحياه...لان الانسان ميقدرش يعيش من غير حب |
يم ان فارس عايش وسطنا الحمد الله
اذن فارس يحب ... هـ - ط - ث
هل برهانى على اسس صحيحه ولا خاطئه؟
كفايه كدا عليك النهاردة معلش استحمل غلاسة اخوك - نور
فارس الظلام
Feb 24 2004, 01:06 PM
| إقتباس |
| "سؤالى الاول : اوصفلى محمد ابراهيم محمد صالح وصف كامل ؟" |
والله يا انسان الاجابه عن الموضوع ده صعبه جدااااااااااااااااا...وانا اعثقد ان انا من النوع اللي مش هيعرف يوصف نفسه ...فانا هسيب الناس هي اللي تحكم في اّخر الحلقه ان شاء الله....
| إقتباس |
كلنا اكيد يافارس بس ممكن تقولنا ايه الصفات اللى انت عايز تغيرها فى نفسك وهل حاسس انك محتاج مجهود كبير علشان توصل الى درجة الرضا النفسى ؟ وهل تغيرك لنفسك بناء على رغبتك ولا بناء عن رأى المحيطين بيك فيك؟ |
من الصفات اللي عايز أغيرها فيا ..صفة الزعل بسرعه من أي موقف .. ورد الفعل العنيف لاي تصرف غلط حد بيعمله معايا...وأعتقد ان انا مش محتاج مجهود كبير للدرجه عشان اوصل لدرجة الرضا عن نفسي..و تغيري اللي انا بدأت فيه كان بناء علي رغبة من نفسي...لان الواحد فعلا محتاج التغيير ... ولا زم يطور نفسه لقدام...عشان يحس انه بيعمل حاجه...
| إقتباس |
| طيب خلينا نسألك عن اغنيه بتحب تسمعها بصفه عامه وكمان بتحب تسمع لمين |
بحب اسمع اغنية عنقود العنب..لمحمد منير يا ريت تسمعوها...اما مطربي المفضل فهو كاظم الساهر..وعبد الحليم حافظ..لكن ده ميمنعش ان انا بسمع لكله ... زي ما تقول كده باخد الاغاني الحلوه لكل مطرب..
| إقتباس |
| وايه رايك فى مطربات اليومين دول زى الانسه روبى اطال الله فى عمرها |
طبعا رأيي مش هيضيف جديد للي اتقال قبل كده...
روبي وهيفاء وهبي وغيرهم كتير لا يرقوا الي مستوي المؤديين للاغنيه..يعني مفيش صوت ولا أداء...ولا موهبه كمان..
بس تقول ايه للزمن الاغبر اللي احنا فيه وعلي راي المثل...
الحظ لما يهاتي ..يخلي الاعمي ساعاتي
لكن والله بجد عندهم حق يعملوا فينا كده مادام لاقيين اللي يسمعلهم ويشجعهم ويحييهم..ولاقيين اللي يشتريلهم شرايط ويقعد يستني الفيديو كليب بتاعهم بفارغ الصبر...ومش لاقيين جهه توجههم او تمنعهم من الابتذال ده...
هقول ايه بقي ...مفيش غير حاجه واحده...
ان الله لا يغير ما بقوم حتي يغيروا ما بأنفسهم
يعني لازم التغيير يبدا من البيت وكل اسره تربي ولادها وبناتها صح...ويعلموهم الايجابيه...كفايه بقي سلبيه وعدم مطالبه بحقوقنا .. كفايه شايفين الاف الشباب بيضيع ومحدش بيتحرك..لامتي هنفضل نقول يا رب نفسي...ليه منكونش ايد واحده؟؟..ليه اللي يقع مننا بندوس عليه ومبنحاولش نساعده يقف علي رجليه؟؟..
| إقتباس |
| وياريت نعرف اغنيه غاليه عليك اوى يعنى شخص عزيز اهداها ليك وانت كل ما بتسمعها بتفتكره |
أغنية ميرام فارس..انا والشوق..
| إقتباس |
| ممكن تذكر موقف سمعت فيه انت جدع يافارس |
طبعا انا اذكر مواقف كتيره..لكن من اصول الرجوله والشهامه انك متقلهاش..ولا ايه رأيك؟؟
| إقتباس |
| اذن فارس يحب ... هـ - ط - ث |
الاجابه تونس...يا عم والنبي فوازير رمضان دي؟.وضح شويه ...
| إقتباس |
| هل برهانى على اسس صحيحه ولا خاطئه؟ |
برهان ايه؟؟؟...انا ايه اللي جابني هنا؟؟؟
سمسومة
Feb 24 2004, 05:55 PM
إيه رأيك في جزيرة الاحلام؟؟ كتير جدا من الاعضاء كانو شايفين ان دقدق كان الذ من حلمنا ... إيه رأيك في الكلام ده .. بتأيد ولا بتعارض؟بالنسبة لوظيفتك سابقا كضابط امن على ركن لعب × لعب ... احنا كلنا شايفين ان ده ابسط ركن في المنتدى .... ويعتبر من الاركان اللي مافيهاش مناقشة خالص ... بس لما نيجي ونشوف اللي بيحصل وراء الكواليس ... نلاقي ان يمكن ده اصعب ركن في المنتدى ... بالنسبة للمشرف عليه .. هل انت بتوافقني في كلامي ولا لأ؟؟ وليه؟؟لو رجعت مشرف تاني زيينا ... وقالولك اختار الواحة اللي انت حابب تمسكها ... هتختار اي ركن؟؟ وليه؟احكلينا بالتفصيل الممل عن اليوم اللي دخلت فيه المنتدى .. وبتفتح على الصفحة الرئيسة .. لاقيت عنوان بالخط العريض " تم عزل فارس الظلام من شرطة الأحلام لأسباب هامة " ... كان احساسك ايه اول ما قرأت العنوان ... ولما دخلت الموضوع .. وقرأت خبر الترقية .. حسيت بايه ؟؟هل ممكن وظيفتك في الموقع .. تعمل بينك وبين السكان اي حواجز ؟؟ حذف المواضيع واغلاقها.. هل بيتم وفقا لحكمك الشخصي على الموضوع ... ولا من الضروري استشارة بقية فريق العمل في رأيهم في الموضوع ... واذا كان يستحق الحذف او الإغلاق ؟باعتبارك مشرف على جميع الواحات ... مابتلاقيش صعوبة في انك تدخل كل الاركان يوميا .. وتدور على المواضيع الجديدة والردود الجديدة وتتابعها؟؟؟إيه اكتر ركن بتشدك مواضيعه .. وبتلاقي نفسك اول مادخلت فتحت تشوف جديد الركن والردود على مواضيعه؟؟مين هي اكتر شخصية بتشدك وبتعجبك في شخصيات حلمنا ... وايه اكتر حاجة بتحبها في صفات الشخصية دي؟صديق مقرب ليك .. اتعرفت عليه عن طريق جزيرة الاحلام.. مين هو؟
نور الدين
Feb 24 2004, 06:14 PM
وليه ميكونش فيها كل المواصفات دي؟؟
اكيد اى رجل منا بيحب البنت تكون فيها كل المواصفات دى .. بس هل لقيت البنت اللى بتتمتع بكل الصفات دى
مع انى اشك فى كدا بس ياريت لو كنت لقيتها ابقى كلملى اختها علشان بدور على عروسه
فين اجابتك؟؟؟؟؟؟؟
الحب معناه الحياه...لان الانسان ميقدرش يعيش من غير حب
يم ان فارس عايش وسطنا الحمد الله
اذن فارس يحب ... انا اقصد انك بتقول ان الانسان ميقدرش يعيش من غير حب وانت اهه عايش معانا يبقى افهم من كدا انك بتحب؟
وه ط ث يعنى وهو المطلوب اثباته ودى كنا بنكتبها لما نحل اى مساله هندسه
ياريت تجاوب
فارس الظلام
Feb 24 2004, 10:26 PM
| إقتباس |
وليه ميكونش فيها كل المواصفات دي؟؟
اكيد اى رجل منا بيحب البنت تكون فيها كل المواصفات دى .. بس هل لقيت البنت اللى بتتمتع بكل الصفات دى
مع انى اشك فى كدا بس ياريت لو كنت لقيتها ابقى كلملى اختها علشان بدور على عروسه
فين اجابتك؟؟؟؟؟؟؟ |
| إقتباس |
الحب معناه الحياه...لان الانسان ميقدرش يعيش من غير حب
يم ان فارس عايش وسطنا الحمد الله
اذن فارس يحب ... انا اقصد انك بتقول ان الانسان ميقدرش يعيش من غير حب وانت اهه عايش معانا يبقى افهم من كدا انك بتحب؟
وه ط ث يعنى وهو المطلوب اثباته ودى كنا بنكتبها لما نحل اى مساله هندسه
ياريت تجاوب |
بحب انسانه قمه في كل شىء...قمه في الهدوء..قمه في الاخلاق...قمه في العطاء...قمه في حبي لها...قمه في الحنان..قمه في الاخلاص ...قمه في الوفاء..قمة التربيه....يبقي الواحد محتاج ايه تاني؟؟؟...فطبعا انا بحب وبحبها جداااااااااا جداااااااااا & جداااااااااااا
اما بالنسبه ل ه - ط -ث....فمعلش انا مبكتبهاش غير r.t.p
required to proof=وهو المطلوب اثباته...
Nono_1987
Feb 25 2004, 12:24 AM
allah
7elwa 2awy 7ekayet ta7t elmeghar de
bas me 3arfah 2as2al 2akool eah a2sl 7'ayfah aza3l 7ad
Buffe
Feb 25 2004, 04:05 PM
السلام عليكم
رجعت تاني
عايزة اسئل سؤال
هوة بايخ شوية
ومحرج 3 شويات
هقولة اديني
طيب طيب اه هقوله
انت قلت انك كنت مهتم بالبنات
هل في مرة كنت ماشي وبتعاكس بت
قام اخوها شافك {قلبي معاك سعتها
}
وقام اداك علقة
فارس الظلام
Feb 25 2004, 09:36 PM
| إقتباس |
| إيه رأيك في جزيرة الاحلام؟؟ كتير جدا من الاعضاء كانو شايفين ان دقدق كان الذ من حلمنا ... إيه رأيك في الكلام ده .. بتأيد ولا بتعارض؟ |
بأيد طبعا ان دقدق كان احسن من حلمنا...من حيث عدد الاعضاء و كيف وليس كم المواضيع والمناقشات الساخنه...
| إقتباس |
| بالنسبة لوظيفتك سابقا كضابط امن على ركن لعب × لعب ... احنا كلنا شايفين ان ده ابسط ركن في المنتدى .... ويعتبر من الاركان اللي مافيهاش مناقشة خالص ... بس لما نيجي ونشوف اللي بيحصل وراء الكواليس ... نلاقي ان يمكن ده اصعب ركن في المنتدى ... بالنسبة للمشرف عليه .. هل انت بتوافقني في كلامي ولا لأ؟؟ وليه؟؟ |
لا طبعا ركن لعب في لعب ركن صعب جداااااااا في ادارته والاشراف عليه...لان كل يوم كان بيدخلي حوالي 30 ساكن بيعملوا 500 رد...وكان لازم اراجع كل الردود دي... وطبعا معروف ان لعب فب لعب كله هزار تقريبا...لكن انا عارف انه بيستغل لتلقيح الكلام ...واهو كله بهزار...فطبعا المهمه مكانتش سهله...
| إقتباس |
| لو رجعت مشرف تاني زيينا ... وقالولك اختار الواحة اللي انت حابب تمسكها ... هتختار اي ركن؟؟ وليه؟ |
لعب في لعب برضو...لانه بصراحه بيخليني اتعرف علي اكبر عدد من السكان ..وكمان بحس انه ركن بيشيع روح المحبه بين الاعضاء بغض النظر عن تلقيح الكلام...
| إقتباس |
| احكلينا بالتفصيل الممل عن اليوم اللي دخلت فيه المنتدى .. وبتفتح على الصفحة الرئيسة .. لاقيت عنوان بالخط العريض " تم عزل فارس الظلام من شرطة الأحلام لأسباب هامة " ... كان احساسك ايه اول ما قرأت العنوان ... ولما دخلت الموضوع .. وقرأت خبر الترقية .. حسيت بايه ؟؟ |
بصي يا ستي ... قمت من النوم الصبح فطرت ..وصليت ...ولبست هدومي وانا نازل في الاسانسير لقيت امير ( مورفيوس ) بيرنلي كتير...قلت اكيد حصل حاجه في المنتدي...دخلت اون لاين لقيت مكتوب " عزل فارس الظلام من شرطة الاحلام"...خير اللهم اجعله خير ..دخلت علي الموضوع لقيت جبر كاتب كلام ملوش لازمه في اول الموضوع ... لسه بطلع نمرته من الموبيل و هبدأ ممارسة هوايتي في الخناق...وبقرأ الموضوع لقيته معيني ام اّي بي... تنفست الصعداء ..وحمدت ربنا ان انا متصلتش بيه...بس الحمد لله ..طلع مقلب لذيذ...
| إقتباس |
| هل ممكن وظيفتك في الموقع .. تعمل بينك وبين السكان اي حواجز ؟؟ |
اه طبعا ممكن ...لان فيه سكان ممكن يحسوا ان ممارسة عملنا الاشرافي نوع مكن التحكم والتكبر عليهم....وده طبعا مش صحيح...
| إقتباس |
| حذف المواضيع واغلاقها.. هل بيتم وفقا لحكمك الشخصي على الموضوع ... ولا من الضروري استشارة بقية فريق العمل في رأيهم في الموضوع ... واذا كان يستحق الحذف او الإغلاق ؟ |
والله يا سمسومه الصح معروف والغلط معروف والقوانين محدده وواضحه وصريحه..اما بقي اي اختلاف في وجهة النظر مبيمثلش اي مشكله نهائي...لان هو ده الهدف من النقاش...لكن اهم حاجه النقاش بدون اي قلة ادب او تلميح او تصريح بالغلط...
| إقتباس |
| باعتبارك مشرف على جميع الواحات ... مابتلاقيش صعوبة في انك تدخل كل الاركان يوميا .. وتدور على المواضيع الجديدة والردود الجديدة وتتابعها؟؟؟ |
اه طبعا بنلاقي صعوبه كبيره جدااااااااا...بس انا ببدأ بالواحات اللي ملهاش مشرفين...وبعدين اللي ليها مشرفين عشان طبعا وقتي محدود...
| إقتباس |
| ايه اكتر ركن بتشدك مواضيعه .. وبتلاقي نفسك اول مادخلت فتحت تشوف جديد الركن والردود على مواضيعه؟؟ |
الـــــــــــــواحـــــــــــــــه الــــــــعامــــــــــــه
| إقتباس |
| مين هي اكتر شخصية بتشدك وبتعجبك في شخصيات حلمنا ... وايه اكتر حاجة بتحبها في صفات الشخصية دي؟ |
والله يا سمسومه الواحد محتار ... لان كل واحد اكيد فيه جانب كويس...طيبة فنكوش..ذكاء يائوته...شهامة مورفيوس...كياسة اوك سيكريت...هدوء كعبول..خفة دم عمر...حنان العسل...براءة سلمي...استرتيجية اسير الاحلام..جدعنة سمسومه وخوفها علينا..سرعة بديهة اسكريمر....والله خايف اكون نسيت حد كلكم زي السكر...
| إقتباس |
| صديق مقرب ليك .. اتعرفت عليه عن طريق جزيرة الاحلام.. مين هو؟ |
اسير الاحلام....morfus...يائوته....سلمي...سكريمر
نور الدين
Feb 27 2004, 03:46 PM
اولا احب اشكرك على اهتمامك بالاجابه على اسئلتى .... اسمحلى اكمل باقى الاسئله وارجو الا تكون مكررة
هل انت من النوع ....
الكتوم
المتحدث
تتكلم بحساب
اذا وثقت فى شخص ما ....
تقوله كل اسرارك
تسمع منه بس من غير ما تخليه يشاركك اسرارك
لاتثق بحد ابدا
لو حبيت بنت وحسيت انها بتتقل عليك يتدلع يعنى تعمل ايه
كل ما تشوفها تفكرها بحبك ليها
تغير الموضوع وتكلمها كلام عادى
ماتكلمهاش خالص
ياريت تذكر سبب اختيارك
قولى رايك فى .....
الكدب
الحب
الاسره
الملل
النجاح
المرأة
الخيانه
الظلم
ايه ريك فى الانترنت وطريقه استخدامنا ليه وخصوصا البنت ؟
لكن انا عارف انه بيستغل لتلقيح الكلام ...واهو كله بهزار...فطبعا المهمه مكانتش سهله
هل سبق واتعرضت لتلقيح كلام فى المنتدى؟ وايه كان تصرفك قبل ماتكون مشرف وبعد ما بقيت مشرف؟
هل سبق و قلت لنفسك يافارس انت فاشل ؟ وعملت ايه علشان تخرج من هذا الشعور؟
هل مرة قلت توبه انى احب تانى؟ وهل رجعت فى كلامك وحبيت برضه؟
ازاى اتعرفت على المنتدى دقدق؟ ومين اول الاشخاص اللى اتعرفت عليهم ؟
اكيد فى كل منتدى بيحصل بعض المشاكل واكيد كل لما العضو بيكون بقاله فتره فى المنتدى كل ما يحصل فيه خلافات
تقدر تتذكر اول خلاف حصل بينك وبين عضو من الاعضاء ؟ وهل لازلت تتعامل مع هذا العضو؟
وهل بياثر الخلافات اللى على الانترنت على حالتك المزاجيه فى حياتك العاديه ولا لو عملت ديسكونيكت بتنسى كل حاجة ؟
هل انت من النوع اللى بيؤمن بالحب او الصداقه على الانترنت ؟
يبقى اكمل اسئلتى مرة تانيه - نورالدين
سر الحياة؟
Feb 28 2004, 02:17 AM
هاى عليكو يجماعة دى اول مشركة لية فى المنتدى العسل دة
وحبب اسئل محمد شوية اسئلة خفيفة كدة
اولا : منتديات حلمنا يمثل اية بالنسبة لك
ثانيا : اية افضل الاقسام الى انت بتحبها فى المنتدى وليك اقبل عليها اكتر
ثالثا : مين احسن شخصية عجبتك فى المنتدى
رابعا : ومين الصديق ليك فى المنتدى
وشكرا اوى يجماعة
فارس الظلام
Feb 28 2004, 11:27 PM
| إقتباس |
هل انت من النوع ....
الكتوم
المتحدث
تتكلم بحساب |
اتكلم بحساب طبعا ... لان كل كلمه بنقولها محسوبه علينا...
| إقتباس |
اذا وثقت فى شخص ما ....
تقوله كل اسرارك
تسمع منه بس من غير ما تخليه يشاركك اسرارك
لاتثق بحد ابدا |
الصراحه ولا اختيار من دول...
لان انا بحكيله بعض اسراري مش كلها...
| إقتباس |
لو حبيت بنت وحسيت انها بتتقل عليك يتدلع يعنى تعمل ايه
كل ما تشوفها تفكرها بحبك ليها
تغير الموضوع وتكلمها كلام عادى
ماتكلمهاش خالص |
اغير الموضوع وأكلمها عادي...لان الحب مش بالعافيه...كفايه ان انا وصلتلها حبي لها..
وهي حرة تقبله او ترفضه..
انا مش هتذللها...او اضربها علي ايدها...
تتقل لنفسها..متتقلش لنفسها برضو..
كفايه اني اقولك انه حرام ومن الكبائر...
موجود بس قليل والحب ذات نفسه احساس جميل...
طوق النجاه للانسان من امواج الزمن...
من اسوأ الاحاسيس اللي ممكن نمر بيها
شىء عظيم جداااااا....بيخلي الانسان ينسي طعم التعب اللي شافه عشان يوصل لهدفه...
طبعا انت بتسألني عن حاجه مقدرش احكم عليها...
المرأه هي الام والاخت والزوجه والحبيبه...والمرأه برضو هي الانسانه اللي ممكن تكسر قلب راجل ...وممكن تخونه وممكن تخلي حياته جحيم...فطبعا مقدرش احكم علي المرأه ككل يا نور....صوابع ايدك مش زي بعضها...
لكن منقدرش نقول غير ان المرأه نصف المجتمع وتلد النصف الاخر...
أسوأ شىء في الوجود...وطبعا انا مش قصدي علي الخيانه في الحب وبس...اقصد كمان الخيانه بين الاصدقاء والاخوات وخيانة الوطن...
احنا اللي بنجيبه لنفسنا بالسلبيه اللي عايشين فيها....لو كل واحد دافع عن حقه وقال لا...هنلاقي الظلم اختفي من حياتنا...
| إقتباس |
| ايه ريك فى الانترنت وطريقه استخدامنا ليه وخصوصا البنت ؟ |
انا معرفش انتو بتستخدموه ازاي ...بس انا عن نفسي بكتسب بيه صداقات جديده وبستفاد منه معلومات كتيره جدا...وبطلع علي كل جديد حواليا...
وبرضو انا معرفش البنات بيستعملوه ازاي....معتقدش ان كلهم زي بعض...يعني فيه اللي بتستفيد وتفيد...وفيه اللي بتضرنفسها وتضر غيرها وتسىء لنفسها كبنت مسلمه المفروض تكون عارفه ربنا...
| إقتباس |
| هل سبق واتعرضت لتلقيح كلام فى المنتدى؟ وايه كان تصرفك قبل ماتكون مشرف وبعد ما بقيت مشرف؟ |
اه طبعا كتير....بس زي ما قلتلك مبديش حد اكتر من حجمه الطبيعي ...يعني بقوم باتباع حكمه بتعجبني قوي..
اذا كل كلب عوي القمته حجرا لصار مثقال الحجر بدينار
| إقتباس |
| هل سبق و قلت لنفسك يافارس انت فاشل ؟ وعملت ايه علشان تخرج من هذا الشعور؟ |
لا محصلش الحمد لله...
| إقتباس |
| هل مرة قلت توبه انى احب تانى؟ وهل رجعت فى كلامك وحبيت برضه؟ |
لا الحمد لله محصلش ..لان انا مش من النوع اللي بندم علي اللبن المسكوب...
بس بحاول استفاد من غلطتي...
| إقتباس |
| ازاى اتعرفت على المنتدى دقدق؟ ومين اول الاشخاص اللى اتعرفت عليهم |
عن طريق العضو الغائب عاشق الساهر...واول شخص اتعرفت بيه هو أسير الاحلام....
| إقتباس |
تقدر تتذكر اول خلاف حصل بينك وبين عضو من الاعضاء ؟ وهل لازلت تتعامل مع هذا العضو؟
وهل بياثر الخلافات اللى على الانترنت على حالتك المزاجيه فى حياتك العاديه ولا لو عملت ديسكونيكت بتنسى كل حاجة ؟ |
اه طبعا فاكر الخلاف ...وعلي فكره العضو ده من اعز اصدقائي دلوقتي...
والله للمره المليون بكررها حسب العضو اللي عامل معاه خلاف...يعني لو عضو يهمني ببقي متضايق ولو ميهمنيش ولا في دماغي لانه ميستاهلش اني افكر فيه اساسا...
| إقتباس |
| هل انت من النوع اللى بيؤمن بالحب او الصداقه على الانترنت ؟ |
اولا بالنسبه للصداقه علي النت ممكن جدااااا لان انا اكتسبت اصدقاء هايلين من علي النت....
ثانيا بالنسبه للحب...انا مقتنع ان النت بدايه للحب ولكن مش ممكن يكمل الحب علي النت بس...لازم الطرفين يقعدوا مع بعض ويتعاملوا مع بعض وجها لوجه ويشوف تصرفاتها واخلاقها وتعاملاتها علي الطبيعه...
فارس الظلام
Feb 28 2004, 11:36 PM
| إقتباس |
| اولا : منتديات حلمنا يمثل اية بالنسبة لك |
بيتي الثاني....
| إقتباس |
| ثانيا : اية افضل الاقسام الى انت بتحبها فى المنتدى وليك اقبل عليها اكتر |
والله يا سر الحياه كل قسم وله حلاوته وطعمه....يعني مقدرش اقولك بس عامة ...انا بحب لعب في لعب والواحه العامه وخواطر واشعار والنكت...
| إقتباس |
| ثالثا : مين احسن شخصية عجبتك فى المنتدى |
السؤال مكرر...
| إقتباس |
| رابعا : ومين الصديق ليك فى المنتدى |
برضو مكرر صحصح يا حلاوه...
نور الدين
Feb 29 2004, 06:14 PM
متشكر يافارس على اجاباتك الرائعه وارجوا انك متكونش زهقت من اخوك لانى لسه مازهقتش من انى اسألك
| إقتباس |
الصراحه ولا اختيار من دول..
لان انا بحكيله بعض اسراري مش كلها... |
كويس اوى الكلام ده .. وعلى كدا بقى انت لقيت الشخص اللى فعلا بتحكيله اسرارك او على الاقل جذء منها (يكون افضل لو ذكرت الاسم ) وياريت نعرف اذا كان من الانترنت او صديق من اصدقاء الدراسه او من اعضاء فرقتك
| إقتباس |
اغير الموضوع وأكلمها عادي...لان الحب مش بالعافيه...كفايه ان انا وصلتلها حبي لها..
وهي حرة تقبله او ترفضه.. |
كلام جميل وعاقل جدا وفى نفس الوقت بيحسسنى انك بتعز كرامتك لابعد الحدود ..... وسؤالى هنا هل سبق وقولت لبنت بحبك وهى رفضتك ولا مافيش بنت قدرت تقوم بالموقف دا ؟
| إقتباس |
| كفايه اني اقولك انه حرام ومن الكبائر... |
صح كلامك يا فارس .... هل فى يوم اضطريت انك تلجأ للكدب لانقاذ نفسك من موقف ما (زى ما بيقولوا كدبه بيضه يعنى)؟؟؟
| إقتباس |
| طوق النجاه للانسان من امواج الزمن... |
الى اى مدى ممكن اسرتك تعتمد عليك بمعنى اصح هل دايما تنزل تجيب متطلبات البيت زى العيش تجيب العشاء و لو ناقص اى حاجة فى البيت انت اللى بتتصرف ؟
| إقتباس |
| من اسوأ الاحاسيس اللي ممكن نمر بيها |
يتحسه كتير ولا يومك على طول مشغول؟؟؟
| إقتباس |
| لو كل واحد دافع عن حقه وقال لا |
انت من النوع ....
اللى بياخد حقه بدراعه
بياخد حقه بالتفاهم
تكتفى بقول حسبي الله ونعم الوكيل
| إقتباس |
| انا معرفش انتو بتستخدموه ازاي ...بس انا عن نفسي بكتسب بيه صداقات جديده وبستفاد منه معلومات كتيره جدا...وبطلع علي كل جديد حواليا... |
مافيش مرة اتخنقت وقلت لنفسك ايه اللى خلانى ادخل على الانترنت ؟
| إقتباس |
| اذا كل كلب عوي القمته حجرا لصار مثقال الحجر بدينار |
بعد اذنك يافارس ممكن تفهمهالى لان اخوك بطيخه فى اللغه العربيه
| إقتباس |
| لا محصلش الحمد لله... |
انا بجد مستغرب جدا جدا من ردك ازاى عمرك ماحسيت بالفشل لازم يكون فى حياتنا اى نوع من انواع الفشل ودا اللى بيدفعنا للنجاح ... فكر كدا يافارس يمكن فيه جذء من حياتك انت ناسيه
| إقتباس |
| اه طبعا فاكر الخلاف ...وعلي فكره العضو ده من اعز اصدقائي دلوقتي... |
لو مافيهاش اى تطفل منى ممكن تذكر اسم العضو والخلاف (غلس اوى مش كدا)
| إقتباس |
| انا بحب لعب في لعب |
طيب ممكن تقولنا اكتر لعبه بتفضل انك تشارك فيها
اذكر احلى بيت شعر انت كتبته وحسيت انه بيمس مشاعرك بجد ... وايه هى اكتر قصيدة انت كتبتها وحسيت انها قريبه من قلبك
فكرتنى قصيدة الى حائرة فى منتهى الرقه ...
يلا سمعنا نكته انت كل ماتسمعها بتفطس من الضحك
كلنا اكيد عندنا موبيلات....
انت ايه ريك فى الموبيل هل حاسس فعلا انه مهم جدا فى حياتنا ولا ممكن اننا نستغنى عنه
موبيلك ايه نوعه
ايه هى النغمه اللى انت حاططها فى موبيلك
ايه اجمل رساله جاتلك ومحتفظ بيها لحد الوقت
وشكرا لطول بالك معايا... نور الدين
Johnny Depp
Mar 2 2004, 08:26 AM
السلام عليكم ورحمه الله وبركاته
دي المشاركه رقم 5 لي هنا يعني جديد نوفي
بس عجبني الموضوع وبصراحه قريته من اوله وبالتفصيل الممل
وعندى فكره عن شخصيه فارس الظلام
اولا واضح انك شخص متدين ماشاالله ,مرتبط باسرتك جدا,صريح,معتد جدا بنفسك,مثابر, محب للسيطره و ماتقبلش تكون رقم اتنين يعني باختصار انسان قيادي جدا
واثق من نفسك , انا حاسس انه زياده عن اللزم حبتين صغيرين
بس في نفس الوقت قلب كبير وطيب0000بس انت مش بتثق في اي حد بسهوله وحنيتك وطيبتك في الغالب مع افراد اسرتك-وبالذات اختك- غير كده بتكون صديق كويس
وبالنسبه لنقطه الغرور والتكبر ,فأعتقد ان اي انسان فيه حته الغموض دي بتتفهم في اغلب الاحيان على انها تكبر وغرور على الناس
مع اني برضه اسمحلي مش شايف غموض في الموضوع ولا حاجه
حته الغموض دي جت من ان الشباب هما اللي بيبدوا الخطوه الاولى في علاقتهم بالبنات حتى ولو صداقه فلما يلاقوا واحد في حاله ومش سائل في حد طبيعي ان الكل عايز يعرف مين اللي في حاله ده واعتقد انك عادي مع اصحابك-الاولاد- بس برضه مابتحكيش اسرارك لحد ولا حتى لاقرب صديق ليك,اعتقد انك بتحتفظ بكل مشاعرك وافكارك لنفسك وبتشارك اصحابك بالاخبار والمواضيع السطحيه بس مش لعدم ثقه ولكن لطبيعه فيك
بس عندي تعليق صغير يا فارس الظلام
انت قلت ان الصداقه = المشاركه الوجدانيه في كل شيء
افهم من كده ان انت ماجربتش الصداقه بجد؟
نقطه تانيه بس ماتضيقش
تفتكر ان من الشهامه انك تضحك على اي بنت؟مهما كانت ؟
مش عايز تعليق000لان الله غفور رحيم
انا لسه ماقريتش خواطرك او ايا كانت مشاركاتك في باب الاشعار والخواطر
بس كنت عايز اقول ان الكتابه هي لغه تعبير يستخدمها الانسان لوصف حاله شعوريه يمر بها وفي الغالب تكون اما حزن او فرح, علشان كده في غالبيه الاحيان بتلاقي ان الكتابات بتكون في حالات الحزن او الغدر او الخيانه لان في الحاله دي الانسان بيبتعد عن الانسان ويفضل الانعزال لوحده فبيخرج تعبيره عن المه في شكل كلام .اما في حالات السعاده ففي الغالب بنكون مشغولين بفرحتنا ومش بنفتكر نخلدها بكتابتها بدل ما تضيع في زحام حياتنا ومشاكلنا اليوميه .
في تعليقك على
إقتباس
* محمد صالح ... هل حس بالخوف في يوم؟؟؟ ايه اكتر حاجة ممكن تخليك تخاف؟ وازاي بتقدر تتغلب على الخوف جواك ...
وانك بتخاف من الظلم
بتخاف من مين اكتر انك تتظلم ولا انك تظلم؟
وبمناسبه رجل المستحيل, تفتكر مين هيا الزعيمه المجهوله؟؟دكتور نبيل بيوحيلنا انها سونيا بس بصراحه يبقى الموضوع وسع منه مش كل شويه يموت حد وبعدين يطلع عايش . لدرجه اني تصورت ان علاء-الضابط- بعد مامات افتكرناه هايرجع تاني
ماهي زاطت
لا بجد تفتكر ايه شخصيه الزعيمه؟ولا Mr.X تفتكره موشي دزرائيلي؟؟
وبتحب تقرا لمين من الادب الانجليزي؟وايه احسن روايات العالميه والعربيه اللي قريتها؟
وكمان عايز اعلق على ردك
إقتباس
الاسره
طوق النجاه للانسان من امواج الزمن...
بجد رد اكثر من رائع
وانا مع الاخ نور الدين انا كمان مش فاهم بيت الشعر ده
ارجو اني ماكنش طولت عليك انا باحاول اندمج معاكو في الحوار بس
اخوك
جوني
فارس الظلام
Mar 2 2004, 04:22 PM
| إقتباس |
| كويس اوى الكلام ده .. وعلى كدا بقى انت لقيت الشخص اللى فعلا بتحكيله اسرارك او على الاقل جذء منها (يكون افضل لو ذكرت الاسم ) وياريت نعرف اذا كان من الانترنت او صديق من اصدقاء الدراسه او من اعضاء فرقتك |
من الانترنت : يائوته وسلمي و مورفيوس ...
من الدراسه ليا واحد صاحبي بحكيله..ومن النادي : سامح يوسف ومحمد ابو العلا ( كرة قدم) و مودي ( كرة السله) لكن في فريق كرة اليد مفيش حد مش عارف ليه..
| إقتباس |
| كلام جميل وعاقل جدا وفى نفس الوقت بيحسسنى انك بتعز كرامتك لابعد الحدود ..... وسؤالى هنا هل سبق وقولت لبنت بحبك وهى رفضتك ولا مافيش بنت قدرت تقوم بالموقف دا ؟ |
محصلش ... وبرضو مش عارف ليه
| إقتباس |
| صح كلامك يا فارس .... هل فى يوم اضطريت انك تلجأ للكدب لانقاذ نفسك من موقف ما (زى ما بيقولوا كدبه بيضه يعنى)؟؟؟ |
بتحصل بس لما بحب اصالح بين اتنين متخاصمين..
| إقتباس |
| الى اى مدى ممكن اسرتك تعتمد عل |