اولا القصه:ـ
وهي تجسد اخر 12 ساعه من حياة "السيد المسيح"

في وقت ما بحدود العام 30م, في فلسطين, أحد المقاطعات الرومانية آنذاك, بدأ نجار يهودي مغمور يدعى يسوع الناصري بالتعليم و التبشير علناً بمجيء ملكوت الله. أما الشعب اليهودي, فقد كان ينتظر لقرون عديدة, مجيء المخلص المنتظر المعروف بالمسيَا, الذي كان يتوقع أن يعيد لإسرائيل أمجادها القديمة و يخلص أرض اليهود المقدسة من الشر والهزائم. و بالنسبة للكثيرين, كان يسوع هو هذا المسيَا المنتظر. فقد تبع يسوع الذي رافقه تلاميذه الاثني عشر كثير من عامة الناس في الجليل و اليهودية, مؤمنين بكونه المسيَا و الملك المرتقب. و على النقيض من ذلك, كان ليسوع كثير من الأعداء, فقد بدأ السنهدرين, و هو المجلس اليهودي الحاكم, المؤلف من كهنة اليهود و الفريسيين, بالتآمر على يسوع للتخلص منه. تم هذا بمساعدة يهوذا الإسخريوطي, أحد تلاميذ يسوع, الذي ساعد السنهدرين في القبض على يسوع و تسليمه للسلطات الرومانية الحاكمة, متَهمينه بخيانة الدولة الرومانية. و مع أن يسوع أصرَ على أن مملكته هي روحية سماوية و ليست أرضية, إلاَ أن الحاكم الروماني بيلاطس البنطي و لخوفه من شغب اليهود, أمر بأن يؤخذ يسوع خارج القدس و يصلب كما يصلب القتلة و المجرمون

ثانيا الممثلون:ـ
يسوع المسيح
James Caviezel
مريم العذراء
Maia Morgenstern
مريم المجدلية
Monica Bellucci
الشيطان
Rosalinda Celentano






ثالثا جزء من تصوير الفيلم :ـ
Real
الام المسيح

Windows Media
الام المسيح

مشكور يا wak wak

علي الموضوع الجميل والصور الي احنا شوفناها

وهو فعلا فيلم شكلةجميل جدا من الجزء من تصوير الفيلم الي انت منزلة

وانا بشكرك علي جهدك الكبير..

هوه فعلا فيلم شكله حلو بس مش عارف انا مش متقبله مش عشان انا مسلم
لكن عشان مبحبش الانبياء والرسل يتصوروا او يتجسدوا فى صوره بشر
ولا ايه

واللة صور جميلة يا واك واك

ياريت لو عندك صور تانية نزلها

والله جميلة اوي يا واك واك

انا بصراحة شوفت الفيلم اتوهمت ان كان بالاخراج ولا التمثيل ولا الموسيقي التصويرية ولا المؤثرات ولا ولا ولا

مش عارف ااقول ايه ولا ايه

فعلا مجهود جميل يا واك واك تشكر عليه

اخوك حسام

انا علي فكره شفت الفيلم زيك بصراحه انا متاثر بيه من اول مشفته لحد وقتنا هذا
والي انت متعرفهوش ان الفيلم ده محقق لحد يوم 15/2/2004
112000000مليون دولار وده طبعا يدل علي ان الفيلم ناجح جدا
ونفسي اول ميتعرض في مصر كل الناس تشوفه

واللة انا بالنسبة ليا شوفت من الفيلم حوالي نصف ساعة فقط

ولكن احلي نصف ساعة شوفتها ... واتمني انى اشوفة كلة


مشكور يا واك واك علي مجهودك

انا مع ام 2004 يا جماعه

ومع احترامي للكل

وحبي الشديد لممثلي المفضل ميل جيبسون

بس انا مع احترام نبي الله سبحانه وتعالى عيسى عليه السلام

لان من وجوب احترامه عدم تجسيد شخصيته

لان مافيش اي حد ممكن نمثله بنبي الله عيسى عليه السلام

وفعلا مجهود رائع يا واك واك .. واتوقع الفيلم يبقى جميل ولو اني مش موافقة على فكرته

السلام عليكم ورحمة الله

فى اثناء تجولى ببعض الموقع والمنتديات قرأت بعض الفتاوى تحرم مشاهدة هذا الفيلم.
ومن اسباب حرمة مشاهدة هذا الفيلم :
(1) أن الفيلم يتعارض مع مسألة عقائدية لدى المسلمين، لا يجوز الخلاف فيها.
(2) يمثل فيه شخصية المسيح عليه السلام .
(3) فيه تفاصيل مختلقة غير صحيحة .

وأضاف الشيخ محمد الطبطباني في فتواه بهذا الشأن قوله : «لا يجوز السماح بعرضه في بلاد المسلمين أو مشاهدته لما فيه من البهتان، ومخالفته العقيدة الاسلامية الصحيحة (,,,) كما لا يجوز حضور هذا الفيلم، في البلاد التي يعرض فيها، ومن حضره عليه التوبة لله تعالى، فهذا الفيلم جرأة على الله تعالى، وانتقاص لنبي الله عيسى», وشدد على ان «تمثيل الأنبياء عموما لا يجوز شرعا».


أفتى الدكتور إبراهيم زيد الكيلاني وزير الأوقاف الأردني السابق ورئيس لجنة الفتوى في حزب جبهة العمل الإسلامي بحرمة عرض ومشاهدة فلم "آلام المسيح" في الأردن


وقال الدكتور الكيلاني "أفتي بحرمة مشاهدة وعرض هذا الفيلم لأمرين اثنين أولهما أن هذا الفلم تكذيب للقرآن الكريم الذي يقول { وما قتلوه وما صلبوه ولكن شُبّه لهم } وأضاف الدكتور الكيلاني أن في هذا الفيلم تصويرا وتجسيدا للأنبياء وهو أمر محرم شرعا معتبرا أنه فيلم تبشيري قصد به الإساءة لمشاعر المسلمين وليس التعرض لليهود كما يروج .
وقال " نحن نعلم جرائم اليهود بحق الانبياء ومحاولتهم قتل المسيح عليه السلام لكن هذا الفيلم يزرع معتقدات ومفاهيم خاطئة وليست من ديننا .. الأمر الذي يؤثر على أجيالنا الناشئة .

وتأتي هذه الفتوى بعد أيام فقط من فتوى مشابهة في الكويت اعتبرت أن عرض "آلام المسيح" غير جائز في بلاد المسلمين أطلقها عميد كلية الشريعة في الكويت الدكتور محمد الطبطبائي الذي قال أن "فيلم آلام المسيح يتعارض مع العقيدة الإسلامية " .

أكد عميد كلية الشريعة الدكتور محمد الطبطبائي أن « فيلم آلام المسيح يتعارض مع العقيدة الإسلامية»، ودعا «الجهات المسؤولة في الدول الإسلامية» إلى أن «تمنع عرض الأفلام والتمثيليات » من هذا النوع.

وأضاف: « لا يجوز السماح بعرضه في بلاد المسلمين أو مشاهدته لما فيه من البهتان، ومخالفته العقيدة الإسلامية الصحيحة (,,,) كما لا يجوز حضور هذا الفيلم، في البلاد التي يعرض فيها، ومن حضره عليه التوبة لله تعالى، فهذا الفيلم جرأة على الله تعالى، وانتقاص لنبي الله عيسى », وشدد على أن «تمثيل الأنبياء عموما لا يجوز شرعا».




يكفيك أخى المسلم ما بهذا الفيلم الكفري من تكذيب صريح لآيات الله تعالى ...

قال تعالى { وبكفرهم وقولهم على مريم بهتاناً عظيما 0 وقولهم إنّا قتلنا المسيح عيسى ابن مريم رسول الله وما قتلوه وما صلبوه ولكن شبه لهم وإن الذين اختلفوا فيه لفي شك منه ما لهم به من علم إلا اتباع الظن وما قتلوه يقينا }


فمثل هذا الفيلم إنما يراد به اجتثاث عقيدتك , فنحن نؤمن بأن الله تعالى أنقذ عيسى من مكر اليهود ولم يشعر بكل هذه الآلام المخترعة أصلاً , ونؤمن كذلك أنه ينزل آخر الزمن حكما عدلا مقسطا يحكم بشريعة محمد صلى الله عليه وسلم,

أيها المسلم :
اعلم أن من يبثون إليك مثل هذا الفيلم هم من يحتلون اليوم العراق وأفغانستان , وخلفهم من يدنسون الأقصى , ومن وراءهم من يغتصبون الشيشان , فاتق الله في نفسك , اتق الله في دينك , اتق الله في الأمانة .

في البداية بشكر واك واك على جهده في طرح الموضوع...
لإنه بالأول وبالأخير الفيلم ده موجود....

تعليقي.... الإخوة المسيحين لا مانع لديهم في تجسيد الشخصية، لإنه لديهم الصور والمجسمات
السؤال هو كيف تقبلوا إنه يكون الفيلم بالصور اللي فيه، يعني تجسيد تعذيب المسيح، وبجميع الأديان معروف أن من لديه الحق في العقاب والثواب هو رب العالمين فقط......


طبعا هذا بغض النظر عن موقفي في قبول التجسيد أو لا......

بصراحه يا جماعه ...

انا كمان معترض على الفيلم بشكل قاطع ..

و طبعآ الأسباب كتير جدآ جدآ .. اولها الأسباب الى قالها ايمينم .. و بعد كده الأسباب الى قالتها الحنين للحب ..

وبصراحه كده و من غير زعل ..

انا لو كنت مسيحى كنت برضو هعارضوا .. لانه مهما كان .. بيجسد صوره بنى من انبياء الله فى سوره انسان عادى جدآ بل ممكن يكون العادى احسن منه مليون مره ..

و مش بس كده ... فيه مليون سبب غيره .. و اكيد الأخوه المسيحين لو فكروا شويا هيعرفوها ..

اما انا فبعتزر انى اكمل الأسباب حرصآ على شعور الأخوه المسيحين فى هذا المكان ..


----

و اتمنى ان مفيش حد يزعل من الكلام ده .. لانه مجرد رأى ..

كلامكم جميل جدا يا ايمنم وحنين ومورفي

وانا بأيدكم فيه 100% لان اعتقد من اعظم اثم في جميع الاديان هو تمثيل او تجسيد شخصية نبي ايا كانت الاسباب


واحنا كتير شوفنا تمثيل لمواقف من حياة الرسول عليه الصلاة والسلام والصحابة


او حتى في المسلسل اللي عرض حياة سيدنا موسى عليه السلام وبني اسرائيل


وماحصلش فيه اي عرض او تجسيد او تمثيل لاي من الانبياء او حتى الصحابة رضوان الله عليهم


لانهم اعظم من ان يتم تمثيلهم من ممثلين عاديين

واضح ان مفيش حد هنا فاهم ولا عارف المسيح يكون اى بالنسبة لينا...... زى مورفيوس مثلا بيقول انة نبي اللة ...


للاسف ياخواني المسيح لا عمرة كان نبي ولا رسول ولا هيكون


المسيح هو مخلص البشرية .... لولا قيامة السيد المسيح من الاموات كانت هتكون حياة الانسان ومماتة زى الحيوان ....


بمعني لو المسيح مكنش نزل وانصلب مكنش هيكون في حاجة اسمها (قيامة الاموات )دلالة علي قيامة المسيح ...

ولولا نزول المسيح وصلبة وقيامتة من الاموات مكنش هيكون في حساب الباني ادم .. ولا جنة ولا نار

هي دى الحقيقة ولازم تعرفوها كويس ....... وانا مكنتش عايز اقول كلام زى دة في المنتدي لانة يعتبر منتدي عام بس للاسف هو مش منتدي عام ....

ولو عايزين ايمان بدنا اكتر واثباتات اكتر انا مستعد ......... لان في ناس بتقول ان في علماء مسيحين اسلموا

اما انا بقول ان في شيوخ بقوا مسيحين وبيتكلموا وبيقولو في قنوات فضائية مسيحية

والمواقع كتيرة والي عايز يطلب مني شخصياااااااا

يا أخ قيصر......

الظاهر إنه في سوء فهم بسبب إختلاف المعتقدات.

على كل الأحوال، المنتدى يحفضل عند حسن ظن الجميع، وهو منتدى عام بأمر من الأدمن نفسه.

رجاء من الجميع عدم التجريح بأي حد.......


ويا سيدي ماتكنش حمقي كده.... إيه إحنا بحرب ولاإيه
إيه الدلائل والحجات الغريبة اللي عاوز تجيبهالنا ده..... كل واحد يدورله على شجرة في الجزيرة ويقعد تحتها ويسكت

وفعلا بحيادية تامة... كل واحد قال وجهة نظره التحليلي أو العقيدي... بدون التجريح بأي أحد...





أختك كلبوزة

بصراحه اما مش هقول حاجه على رد قيصر علشان مغلطش علشان انا شايط

كل اللى هقولو لكم دينكم و لى دينى

و يا جماعه انا بقول ان اى موضوع هيتفتح فى المنتد دة بعد كدا انا هرد و بعنف جدا

يا سيسو اتصرف بقى علشان انا لو رديت الموقع ده هيتقفل

بلاااااااااااااااااااااااش موضيع من دى تانى احسن للكل

يا جماعة انا مش عايز افتح مواضيع زى دى بالمرة ... بس من اخرة زهقي من

الي بيفتحوها وانا مش بتكلم وبعمل نفسي مش واخد بالي من اى حاجة

بس مش هفضل عامل نفسي مش واخد بالي كتير ... علي العموم الغرفة اسمها بحب السيما ... والمفروض يكون النقاش في المواضيع الي فيها ميكونش كدة ...

ياعني الموضوع مش مستاهل ...

وانا بحترم راى galaxy_mood جداا

ومحترم اراء الجميع بس الراىء في الحاجات الي زى دى لازم يكون معمول حسابها كويس جدا

اخوكم القيصـــــــر

مساء الخير يا شباب

طبعا انا فى الاول ... ساعه لما شوفت الموضوع عن الفيلم اتبسط جدا لان الفيلم جميل ... وصاحب تكاليف عاليه جدا وحقق ايرادات هايله جدا .....

والفيلم ان كان بيوضح فيبوضح جباروت اليهود على مسوتر العصور ومراحل الحياه ... وتعزيبهم للنفس البشريه بدون رحمه ..... كانت مسلمه او مسيحيه ..... فان كنا سنتحدث او سنناقش فلا تتحدثون عن اي شي اكر من جباروت هولاء اليهود ....

واللي انا شايفه ان مافيش اي فرق بنا يا شباب كنا مسلمين او مسحيين ... لاننا كلنا اخوه ... ولو فى وجه اختلاف فى المناقشه فالاختلاف مقبول ... لاننا نختلف من فرد الى اخر ...

ومن العيب اننا نحدت على بعضنا البعض او نختلف لاننا كلنا فى بلد وفى مكان .. وفى مركب وحده .... ولا عمر ما كان في بينا اختلاف ....

وبالنسبه للبيقول ان حرام عرض الفيلم ... وان فى بعض الشيوخ قالوا هذا ... فاللى انا بقوله ان الفيلم ان كان عرض فمن اجل شئ واحد لكي يبين للجميع مدي ظلم وجباروت اليهود على مر العصور والاديان

ولكل فرد لينا له وجهة نظر والاختلاف فى الرئي لا يفسد للود قضية مش كده ولا ايه

بلاكي

طبعا مشكور يا سيسو علي رايك لانة بيدل علي فكرك وتفكيرك


وطبعا اليهود هيفضلوا اليهود بالنسبة للمسيحي او المسلم ....

وادينا بندعي ليهم ان ربنا يسمحهم ويهديهم ...


وشكراا

اتخانق زي ناس!؟؟!؟!؟ ..... و الا اسايس ..... زي ناس ؟؟!؟!؟!؟؟!

و الا اطبطب زي ناس؟!؟!؟!؟!؟ ... والا اسكت زي ناس؟!؟؟؟ّ؟ّّ؟؟ّ؟؟؟؟

للأسف انا هسكت ....... بس مش هتفرج على الفيلم مع اني متأكد انه عبقري و رائع و لوذعي ...... و في رأيي الشخصي الي لا يمثل رأي الموقع .... و انما تعبير عن الرأي الشخصي لكاتبه ... ان اللي يشوف الفيلم دا يبقى غلطان ....

و ممكن اكون غلطان .... عشان الدنيا مفيش فيها حاجه 100% ... وعشان ساعات البيبسي بيبقى طعمه وحش ... مع ان الصودت كويسه .. وعشان .... عشان .....

ما علينا اللي فهمني فهمني ... واللي مفهمنيش مش مشكله ... مظنش اساسا ان الكلام مفهوم

واضح ان دكتر اون لاين عايز يوضح لينا حاجة .... بس انا مش فاهما

ياريت يكون واضح اكتر ويدخل في الموضوع علي طول من غير لا بيبسي ولا شيبسي

قيصر اظن انك قلت ان الموضوع فى سينيما

خلى التفسيرات دى بينك و بين دك اون لاين

و نتكلم فى اليسما و النقد بس

يعنى انا عجبنى الفلم انا لا كدا يعنى و بلاش تفتح ببان مش هتتقفل

اظن انت المرادى اللى بتفتح الموضوع تانى بعد ما سيسو افلو

علي العموم يا جلاكسي .. انا احب الي يتكلم يتكلم بكل صراحة

من غير ألغاز ... تكون الكلمة طالعة منة صريحة غير كدة ... يبقا الكلام بالنسبة ليا ولا في الدماغ ..

علي العموم زى مقولت وانت قولت في الاول ..... الموضوع موجود والردود تكون في ايطار الموضوع ...

بدون الدخول في اى مواضيع اخري ....... القيصـــــر

كلامك وصل يا دكتور اون لاين

بس يا جماعة يا ريت نتكلم على الفيلم وبس

ونتكلم عليه كفيلم سنيمائى "تمثيل"

اعتقد ان احنا هنا في غرفه اسمها بحب السيما....

يعني بالنسبه للفيلم كأخراج...تحفه

تمثيل........تحفه

انتاج.........كويس

ماكياج...........تحفه

بس بقي لو جينا نتكلم في العقيده......فبكده هندخل في نفق مظلم و انا بناشد كل الشباب

المســـــــــــــــــلم اللي ربنا يهديه ويزيده ايمان...يا ريت يا جماعه نقول كلمه واحده



اعتقد ان بكده الموضوع خلص

ومتزعلوش مني ...بعد كده اللي هيغلط في المسلمين والاسلام...او المسيحيين والمسيحيه....انا هكون السبب في سجنه...

وانا كمان بضم صوتى لصوتك يا فارس

وياريت يمون فى واقفة جامدة للى يخالف الكلام ده

[

يجماعه من فضلكم المنتدي ده مش لمسلمين بس ولا المسيحيين بس فبلاش حد يجرح في مشاعر التاني عشان محدش يشيل من حد
احنا هنا في المنتدي لهدف واحد وهو تبادل الاراء مش تبادل الاتهمات
وكمان متنسوش مصر علطول عيشه مسحيين مع مسلمين كلنا بنحب بعض وبنخاف علي بعض
واظن ان النبي محمد قال لقوم المسلمين ان اقرب ناس لكم هم النصاري
اما بالنسبه لموضع تجسيد صور النبياء علي شكل ممثلين والله مفيش حاجه وردت بالانجيل تقول ان كده حرام
واحنا مش قصدنا في الفيلم ده اننا نشوه صور الانبياء ده بالعكس ده احنا بنبين اه الحصل في الوقت ده
وكما يجماعه لو كان الفيلم ده فاشل مكنش يحقق الاردات ديه كلها ولا انا غلطان!!!!!!!!!!
بس هو ده كل الي كنت عاوز اقوله

علي العموم بالنسبة للموضوع كفيلم من ناحية الانتاج والاخراج والتمثيل ... خلاص خد كفاية من الاراء

وخد حقة وزيادة

انما بالنسبة لموضوع الاديان والدخول فيها ... انا بوافق راى فارس فيها ...

وياريت بالنسبة لاي موضوع بالنسبة في بحب السيما او ميوزيكانا

اى رد يخرج عن الموضوع ........ هيكون مصيرة الحزف

شكرااااااا

وانا اوافق راي القيصر علي كده وبيتهيالي محدش يزعل من كده

خلينا فو موضوعنا احسن وبلاش نخرج عنه

خلاااااااااااااااااااااااااااااص

كفايا كلام فى الموضوع دا

انا مع فارس و دك اونلاين فى كللللللللللللللل كلامه

و يارب تكوفو فهمتو بقى

و يا قيصر خلاص الموضوع خلص

و يا ريت الكلام يبقى فى المزيكا ز السيما

شكرا

واللة انا اتمني كدة يا جلاكسي


وانا قولت 100 مرة الردود تكون عن الموضوع وبس وغير كدة مرفوض

ياريت ياقيصر يكون ده اخر الموضوع عشان فيه ناس بتدخل تكلم كده وخلاص من غير مبتفكر هما بيقولوا ايه اكيد هما عرفين نفسهم

بعد ازنك يا نوذا لو عاوز تتكلم عن الفيلم يبأه ده ملوش دعوة انك مسلم ولا مسيحى

ولا حتى يهودى بمعنى انك تتكلم عن الفيلم كاخراج وتمثيل .....الخ يعنى من النحية

الفنية

واللة يا انسان دة الي انا بقولة من زماان

مشكور لردك