بتمر الايام 000والكل بيتقدم
واحنا محلك سر
حاولنا نفهم ابعاد المشكله ونحاول نحلها
علشان نرجع الحياه لبلادنا
لحياتنا 00لحضارتنا
فكرنا كتير واتكلمنا اكتر000من غير مانوصل لحل
اسمحولي ان اشارككم بأفكاري
من فتره اسبوعين شوفت حلقه جميله جدا لبرنامج اوبرا ويفري00وكانت بتستضيف فيها شخصيه بارزه في المجتمع الامريكي وهي الملياردير "دونالد ترامب" 000اعتقد انه فيه ناس تعرفه منكم او على الاقل سمعت عنه
طيب اكيد ملياردير ومعروف جدا في مجال اعمال العقارات والبيزنس000اكيد اجريت معاه عده لقاءات
ايه سبب استضافه اوبرا ليه المره دي؟
The Apprentice
ده اسم البرنامج اللي مستر دونالد بيقدمه على احدى القنوات هناك0000وانا هاشرحلكم فكره الموضوع
هدف البرنامج هو تخريج مدراء اكفاء لاداره الشركات000تقدم للبرنامج اكتر من 350000 من الشباب الطموح000و بعد اجراء اختبارات اوليه لهم تم اختيار 16 مشترك فقط منهم !!!
سعداء الحظ اللي اترشحوا 0000بيعملوا كمساعدين لدونالد ترامب شخصيا وكل اسبوع بيتم اخراج مشترك منهم لقله كفائته او لاخفاقه او اخفاقها في مهمه معينه000حتى يتبقى شخص واحد وهو الفائز000نجم جديد000قريبا سيلمع في عالم الاعمال
ها ؟؟؟؟بتفكروا في اللي بأفكر فيه؟؟بيفكركوا بحاجه مش كده؟؟؟ايوه فعلا الفكره واحده بس مع اختلاف الاهداف
سوبر ستار00 ستار اكاديمي00 ستار مايكر00 كلها اسماء لبرامج بتدور حول نفس الفكره000بس النجوم اللي بتخرجهم مش نجوم في عالم الحسابات والاعمال والتوقعات والارقام000لأ نجوم في عالم الغناء والفن
هل معنى كلامي اني ضد الفن او صقل المواهب والعنايه بهم؟ هل معنى كلامي اني مش بأسمع موسيقي او مش من هواه الفن؟
ابدا0000بس مين فيهم اهم حاليا؟هل الاهم عندنا هوا تخريج نجوم غناء بدل صنع قاده للتقدم بوطنا ودينا ومجتمعنا؟
هل وصلنا لحد من الرفاهيه والتفوق ان اصبح شغلنا الشاغل البحث عن المواهب الفنيه واظهاراها؟
هل من الاولى صرف ميزانيه الدوله على برامج اخبار النجوم في اوروبا او برامج ستار اكاديمي وستار ميكر وغيرها بدل مايتم صرفها في انشاء مدارس او معامل علميه او مكتبات او حتى تعمير الارض الصحراويه؟
ممكن حد يسألني هنا ويقولي "طيب الحفلات اللي بتقام حاليا وبيتم دعوه مغنيين عالمين لاحيائها00ايه الغرض منها؟وايه لزمتها؟"
ان شايفه ان الحفلات دي لها فايده000تنشيط السياحه لمصر000حفله انريكو اجلاسيوس ونانسي عجرم000كام عربي جه مصر مخصوص علشان الحفله دي؟ مش ده تنشيط لسياحه بلدنا؟مش هاقول ان الموضوع مفيد بالكامل بس على الاقل ليه فايده
قبل ماكمل كلامي000احب اديكم فكره عن اسلوب حياه الملياردير ترامب
يبدأ يوم مستر ترامب الساعه 5 صباحا-قام يصلي الفجر ويتوكل على الله-
!!! و كانت كاميرات البرنامج عنده الساعه 8 ونص صباحا بعد ان استعد للتوجه لشركته000وبمجرد وصوله دخل على مكتب ابنه000واللي فعلا اذهلني ان لقيت ابنه الشاب قاعد على المكتب بيراجع اوراق!!!! ابن صاحب الشركه ووريثها 00ملتزم زيه زي بقيه الموظفين؟؟؟؟
مش عندنا يبقى الاب في وظيفه حكوميه وجايب لابنه وظيفه معاه000تلاقيه بيروح بمزاجه او مايروحش مش فارقه يعني000ويابخت من كان الوزير خاله
وبرضه مش بأقول ان الوضع عام000بس فعلا الحاله دلوقت صعبه جدا وسيئه
ابنه الملياردير التي تبلغ من العمر 22 ربيعا 000على وشك انها تتخرج من الجامعه هذا العام000 قالت انها متطلعه الى اليوم الذي ستتولى فيه مسؤولياتها في الحفاظ على مملكه والدها وتطويرها
دي افكار بنت في عز شبابها يا جماعه!!!!البنت دي كانت موديل من سن 14 سنه
مش معنى ان والدها غني 000يبقى مافيش داعي تشتغل وتتعب نفسها؟
بالعكس000العمل اثبات لذات الانسان00ولاصراره 00العمل استمرار للانسان
دونالد ترامب يملك طائره بوينج 727 وعددا ضخما من العقارات الفخمه ويملك عددا كبيرا من الشركات والمؤسسات الكبيره 0000وبيصحى الساعه 5 صباحا!!!!!
يا جماعه احنا عايزين اعاده تفكير في اسلوب حياتنا 000جميعا
اسلوب حياتنا 00اولوياتنا00 مبادئنا
مانطلبش من غيرنا انه يحترمنا او يعملنا اعتبار00من غير مانكون نستحق الاحترام فعلا او لينا اعتبار بجد
مانحلمش ان احنا هانوصل لاعلى المكانات ونحقق اعظم الانجازات واحنا قاعدين قلقانين على نتيجه تحكيم ستار ميكر ولا مين هايطلع بره الستار اكاديمي ومين هايفضل
الموضوع مهم000ولسه فيه نقاش000ومنتظره اراء الجميع ان شاء الله
Rose
الملاك البريء