ايوة يا خالد ده جزء من اللي زاد في فساد الشباب .. بس خلينا نرجع شوية للاصل ... الافلام الغربية الحديثة .. المليييئة بلقطات العري والخلاعة .. واللي كتير جدا من الشباب بيميلو لانهم يشاهدوها وبالذات في سن المراهقة .. دي كانت البداية ... خلينا نشوف كده شبابيك السينما بتجني دخل اد ايه من عرض افلام اجنبية ... ده بيغري المنتجين المصرين يقدمو حاجة زي كده .. مع الاسف مالاقوش التقنية ولا القصة اللي تشد زي ما بيكون موجود في الافلام الاجنبية (وده واقع السينما المصرية حاليا.. كل القصص واحد حب واحدة وابوها مش راضي .. او العكس .. وهو فقير وهي غنية او العكس ... بقت الحكاية حب في حب ) ... فقالو نعمل اييييه؟؟؟ نجذب الشباب انهم يشوفو افلامنا ويدخلوها .. ازااااي؟؟؟ نحط لقطات خليعة على اد ما نقدر .. واحنا عارفين شبابنا دلوقتي بقو على طول على النت وبيشوفو وبيسمعو نديلهم قدام عينيهم !!!

ونتفاجئ .. بوجود وجوه غريبة جدا .. غير قادرة حتى على تمثيل لقطة واحدة بس ... ورغم كده محطوطة في التترات بالخط العريض .. فيلم بطولة فلانة وفلان ... وتدخل الفيلم .. تلاقي لا فيلم ولا مضمون ولا قصة ولا حوار ولا تمثيل ... مجرد خلاعة وعري .. والفيلم الانجح .. اللي قادر على ايصال اكبر كمية من التواصل (((((((الجسدي))))))) مع المشاهد .. وليس التواصل الفكري او العاطفي!!!

وبالتالي .. ناس على ادها .. مالهاش ميزانية انها تنتج فيلم ولا تجيب قصة ... كانت بتغني في الحمام وتقول (حط النقط على الحروف .. قبل ما نطلع سوى عا الروف ) ...يااااااااااااااااااااه .. هاهاهاهاهاه .. انا عملت اغنية .. وبالطبلة .. وواحدة تتعرى ... وتتنطط .. بقى عندك فيديو كليب .. نسخة مصغرة من افلام السينما في الوقت الحالي !!!!


يبقى البداية منين يا خالد؟؟

دلوقتي بقى موجود يا خالد .. بس مش 2 مليار ونص يعني دي مصر كلها 72 مليون يمكن ...

بس لو رجعنا للكلام اللي فوق .. والغزو الفكري لثقافة الناس اللي عايشين دلوقتي ... هنلاقي ان الولد بيحب جدا اللبس ده .. وبيشده جدا الاغارء (وده الهدف ورا كل اللي بيحصل) ... وبالتالي .. وتحت تأثير نقص العقل والجري وراء عاطفة هبلة جدا (مش هقول حب لان الحب رائع) بس ده هوى وهبل في الوقت نفسه وكمان جري ورا الغريزة .. وبالذات في فترة المراهقة .. وبالتالي .. هتتعود الكم يبقى 3/4 كم .. يبقى نص كم ... طب بودي .. والبودي بقى يقصر يقصر يقصر لغاية لما عرى نص البططن .. وربنا يستر ومايطلعش شبر كمان فوق ولو نهم مش مقصرين من فتحة البلوزات ... بصراحة انا ذهلت جدا جدا من واقع الشارع المصري والمشاهد اللي بشوفها وبقيت بدعي بجد ان ربنا يحمي شبابنا لان اللي بقى الخوف عليه دلوقتي بقى الولد وليس البنت ... فالحكاية برده .. انبهار واقتداء بناس مافيهاش اي حاجة تستاهل الانبهار الا انها اتخلت عن حشمتها وحيائها !!

لذيييييييييييذ جدا تصوير ماسورة الرقص دي .. بس على فكرة الرقص في مصر موجود ومن زمان جدا جدا ... بس كان ليه ناس معينة وفي اماكن معينة .. اما البنات .. فبيكون بينهم وبين بعضهم او حتى في الافراح والمناسبات فقط !! .. وماعتقدش ان فيه بنت دلوقتي ممكن تقف في الشارع زي ما الاخت روبي عملت وترقص كده!!!! هيقولو عليها مجنونة يعني من الاخر .. ففيديو كليب روبي .. كان مجرد دعوة للتخلي عن العادة القديمة البالية جدا اللي اسمها (الحياء) ونمشي حياتنا (خليك fresh احنا في رحلة)

واكيد يا خالد الاصل في البلد عمره ما كان كده ... وعلى مر العصور مصر كانت منارة فكرية واخلاقية ... يعني زي ماكان فيه سلطانة الطرب .. كان فيه ام كلثوم ... ايوة كانت الاولى بتتدلع شوية (ولو في حدود المعقول) بس برده كان فيه الاحترام جدا والدلع (برده بحدود) ... وكانت الممثلة ممكن تلبس عريان في فيلم .. بس مش هتطلع على الفضائيات وتفضحنا وتقول ايوة دي هدية من ربنا يبقى اخبيها ليه!!؟؟؟ جاتها خيبة

وزي ما فيه بنات بجينز (دهان ولزق) .. فيه بنات كتير كمان بخمار وحجاب محترم!!! ومافيش وجه للتعميم بين النوعين !!

بالنسبة للاحتكاك بين الاصدقاء وتأثيره .. ليه مش واقعي؟؟ ده من كلام رسول الله صلى الله عليه وسلم (المرء على دين خليله) ... ايوة ممكن تصاحب واحد مش اوي .. بس مش هتكون مصاحبة انبهار وجري ورا تقليد اللي بيعمله بحجة انه عاجب كل الناس وكووووول وروش والكلام ده .. وانما بداعي الاصلاح .. وممكن ربنا يكتب هدايته على ايدك .. بس نصيحة .. اذا مش متأكد من دينك ماتعملهاش لانه هو هيأثر عليك اضعاف ما انت هتأثر عليه ... فلما واحدة من اخواتنا الكاسيات العاريات تمشي مع واحدة كويسة وان كانت مش ملتزمة جدا .. ممكن تغريها بده جدا جدا .. وكذلك الحال بالنسبة للاولاد مش للبنات بس .. فدي بداية الدمار!!

ايوة موهوبة وامورة ماشي وتكون زيها ماشي لو انت بنت (او حتى ولد ده الولاد بقو بيرقصو احسن من البنات دلوقتي)

وممكن تحب مكياج فلانة او لبس فلانة .. بس هنا بقى هيجي دور عامل مهم .. اللي هو العقل والاقتناع بصحة اللي انت بتعمله .. واولا واخيرا .. الدين

الرسول عليه الصلاة والسلام قال (ان يكون الله ورسوله احب اليه مما سواهما) ... وبالتالي لو حبك لدينك ولربك كبير .. مش ممكن تتخيل انك تعمل حاجة تغضبهم خاصة التجرد من الحياء والادب .. واحنا عارفين ان الرسول عليه الصلاة والسلام قال (كل امتي معافى الا المجاهرون) ... وده لانهم بيرتكبو المعصية والفحش قدام كل الناس .. بيخسرو احترامهم لنفسهم واحترام الناس ليهم وبالتالي الطريق انقطع للعودة لاحترام الذات .. وده بيحصل كتير في اللي بيتعرو ويمثلو افلام خلاعية !! مش هنقول كلهم اولاد ستين في سبعين ..(ان الله يهدي من يشاء) بس برده القاعدة العامة غالبة

وبالتالي .. عاجباكي فلانة .. حطي نفسك مكانها .. بس مش في الموقف ده بس .. تخيليها وهي متزوجة ومع زوجها وتيجي لقطة في فيلم او مشهد من كليب وهي بين احضان راجل تاني .. يا ترى هتستنضفي نفسك لو كنتي مكانها؟؟

حطي نفسك مكانها وشوفي لما بنتك تيجي ولابسة لبس خليع وفاضح ... هتقدري تقوليلها لأ؟؟ ابسط رد هترده يا ماما انتي كنتي بتلبسي كده!! وقدام الناس


معجبة بفلانة او بجسمها او برقصها او اي حاجة .. اعملي اللي انتي عايزاه .. شوفي هي بتعمل ايه .. وخلي نفسك حلوة .. ايوة .. لازم تبقي حلوة في نظرك وفي نظر الناس بس في حدود الادب والاحترام !! اتعلمي الرقص وارقصي .. بس مش قدام الناس .. خليها قدام نفسك او اخواتك .. وبعدين قدام جوزك .. مش بتعرفي ترقصي ماتخليش فرح الا لما تفرجي الناس عليكي؟؟!!!

عايزة تحطي مكياج اوكي حطي ... بس برده لما تكوني بين اخواتك وصاحباتك .. بس مش تمشي في الشارع وتبقي حاسة ان عيون الناس عليكي كلها .. طيب عايزة تلفتي النظر؟؟؟ فكرتي انك ممكن واحد يعاكسك بطريقة مش محترمة؟؟ هتقولي هو مش محترم .. بس هقولك ان احترامك بيفرض احترام الناس ليكي حتى لو كانو مش محترمين .. فيمكن في المكياج او طريقة وضعه او لونه او اي حاجة خلت الناس تفكر انك مش مؤدبة او ممكن تقبلي بوضع زي ده !!! .. طيب ليه ماتجنبيش نفسك موقف زي ده وتفكير زي ده؟؟

وانا معاك ان الاحتكاك مش بيفرض رأيه .. بس الزن على الودان بيخليك تلين .. ومرة في مرة .. مع اختلاف المواقف والاغراءات .. هتلاقي نفسك ميلت عن الحق .. ممكن تقدر ترجع .. وممكن تنسى وتغرق وتلاقي نفسك مش قادر تطلع من دوامة كبيرة جدا


ياترى تقدر تتحمل العواقب وتغامر؟؟!!!


وسوري على الاطالة

واكيد مستنية تعليقك