ام بهيه
الست امنه ام بهيه .. واخده الميوعه ياناس غيه
تنزل ساعه العصريه .. علشان تدور ع الشبان
عجوزه ماشيه بمنافيلا .. تشبه تمام قعر الحله
ايه بس قصدك يا غوريلا .. ياللي الخروف جنبك انسان
تمشي تحزق ملايتها .. ياباي ياناس من خلقتها
القرد لو مره راح شافها .. يقعد 100 سنه قرفان
كام سنه عنها مش فاكرين .. عمرها اكتر من السنين
تمشي تبص شمال ويمين .. وعامله روحها غصن لبان
وليه من عهد عرابي .. لابسه المحزق ياخرابي
لولا الملامه يا اصحابي .. هاقول عليها اكبر حيوان
في الحاره تحصل دوامه .. لو تمشي فيها يا ندامه
دي صفره لون الشمامه .. ووش مهبب قطران
مولوده اول اكتوبر .. وتحب تقلد جاري كوبر
وابوها كان اسمه شحيبر .. ومات من الحسره يا جدعان
عليها حته دين شفه .. وودان كمان زي القفه
قرفتنا الله يقرفها .. عليها دم ولا الاكلان
وليه هابله ومهبوله .. بين الغجر طالعه الاولي
وعامله روحها مسئوله .. والخير يشوفها يطير طيران
يا ولاد هاتوا لها الندابه .. وليه للموت جذابه
زي الغوريلا في الغابه .. وش مصايب ووش لومان
زي الحمار اما ينهق .. والعيشه وياها لابد تطهق
احلف بجد هي تزهق .. اللي ماعمروش كان زهقان
حتي كمان لابسه جونله .. وبلوزه حتي بتنتله
دي عايزه ضرب الفرقله .. صح ياناس ولا انا غلطان
كلام صحيح مش متفنن .. قصتها تهبل وتجنن
لكن كفايه الله يحنن .. مش هاكتب تاني عن انسان

******
profisinail@hotmail.com

ههههههههههههههه لا يا حبيبي profisinail أكتب عن كل الناس

بس ايه الكلام الجميل ده يا راجل ارحم بقي دنتا شرحت بهيه ومخليتش فيه اي نية

لا وحشة ولا سليمة

ايه القرف ده
بدل كل التعب اللى انت تعبته فى الوصف والكتابه كنت اختصر وقول شمبنزى

دي أم بهية؟؟؟

أمال بهية عاملة ازاي؟؟

Iهاهاها

أم بهية دي إيه؟؟
شفتها فين طيب؟؟

ههاهاهاههاهاهاهااهاهاهاهاهاهاهههاى
ياسلام عليك يابروف عليك شعر حلمانتيشى انما اية
وصحيح مين الولية ام بهية دى

ههههههههههه


الله يجازيك يا شيخ ...

والله كلامك زي السكر ...

ايه المواهب الجامده دي بس ...


ربنا يرحم الناس من أمثالك ( يا أم بهيه ) ..

مشكور حبيبي .