القيصر
Oct 4 2004, 01:04 PM
عمرو دياب يرتدي جلباب «طارق بن زياد»
يستعد الفنان عمرو دياب لاهم الادوار السينمائية في حياته بتمثيله لشخصية القائد التاريخي «طارق بن زياد» فقد وقع اخيرا مذكرة تفاهم لانتاج الفيلم السينمائي مع مجموعة (العدل جروب) وسيكون الاخراج لشريف عرفة والسيناريو والحوار لـ د, مدحت العدل.
وبفيلم «طارق بن زياد» يعود الفنان عمرو دياب الى ساحات الفن السابع ويعود الفيلم بالمشاهد الى الفترة الزمنية الماضية ليصور امجاد العرب في الاندلس وانتصاراتهم المتتالية في ذلك الزمن الزاخر بالبطولات ومن المتوقع ان يتم تصويره في المغرب واسبانيا.
وسيبدأ عرض الفيلم متزامنا مع طرح الالبوم الجديد للفنان عمرو دياب في شهر يوليو من عام 2005م والذي ستنتجه وتوزعه شركة روتانا
خالد باشا
Oct 16 2004, 01:18 PM
مينفعش؟؟؟
ازاي طارق بن زياد مينفعش يغني؟؟؟
والعدل جروب حتنتج فيلم حروب وقتال؟؟؟
مش عارف ليه مش راكبة؟؟؟؟
القيصر
Oct 17 2004, 03:50 AM
انا استغربت انا كمان جداا لما قريت الخبر
شكرا لمشاركتك يا خالد
ابن فلسطين
Oct 17 2004, 10:14 AM
لالالا ما بتركبش خالص
عمرو ديات يعمل كده
يلبس جلباب طارق بن زياد
هوه فين وطارق بن زياد فين ؟؟؟؟؟؟؟؟؟
Without Fear
Oct 18 2004, 10:13 AM
| إقتباس (خالد باشا @ Oct 16 2004, 02:18 PM) |
مينفعش؟؟؟
ازاي طارق بن زياد مينفعش يغني؟؟؟
والعدل جروب حتنتج فيلم حروب وقتال؟؟؟
مش عارف ليه مش راكبة؟؟؟؟ |
وانا معاك تماما يا خالد
مش لايقة خالص خالص
يعني احب نور الشريف .. احمد عبد العزيز ... اي واحد من دول
بس عمرو؟؟؟؟!!!!!
لله في خلقه شؤون
مش ناقص الا انهم يقولو (سيشاركه البطولة ... الفنانة القديرة روبي)
خالد باشا
Oct 18 2004, 05:27 PM
بس روبي صغيرة عليه؟؟؟؟
ده تهريج طب المفروض ان طارق بن زياد مقاتل (يعني واخد بشلة في وشه)
والكابتن عمرو لسه عامل عملية تجميل؟؟؟؟؟
خالد باشا
Oct 18 2004, 05:29 PM
مين أحمد عبد العزيز ده صحيح؟؟؟؟
القيصر
Oct 19 2004, 07:30 AM
متعرفش احمد عبد العزيز يا خالد ؟ ؟
بتاع المال والبانون .. وذئاب الجبل .. ومين ميحبش فاطمة
ولا متعرفش المسلسلات دي كمان ؟
Without Fear
Oct 19 2004, 07:44 AM
واللي كان قايم بدور الظاهر قطز كمان
Without Fear
Oct 19 2004, 07:48 AM
| إقتباس (خالد باشا @ Oct 18 2004, 06:27 PM) |
ده تهريج طب المفروض ان طارق بن زياد مقاتل (يعني واخد بشلة في وشه)
والكابتن عمرو لسه عامل عملية تجميل؟؟؟؟؟ |
يا سلاااام
وهو لازم علشان مقاتل يبقى شكله شوارعي يعني
؟
طب ما الصحابة كانو كلهم مقاتلين
وخااالد بن الوليد (فتى احلامي ده على فكرة)
كان زي القمر .. وكان مقاتل لا يشق له غبار
الفكرة مش في كده
الفكرة في ان ازاي تتخيل سيف اللي عامل ايس كريم في جليم
يبقى طااااارق بن زياد مرة واحدة!!!
gogo
Oct 19 2004, 11:03 AM
هوانتوا ليه حكمتوا قبل ما تشوفوا الفيلم؟؟؟؟؟
صحيييييح .... هو هيغني ايه في الفيلم!!!!!!!
Without Fear
Oct 19 2004, 11:32 AM
ايوة ده صحيح يا جوجو وده احد اسباب التساؤل
منعرفش ان طارق بن زياد كان بيغني خالص
ثانيا سر الحكم على الفيلم ... ان اللي بينتج افلام نص كم واحيانا كت كمان ... مش ممكن ينتج افلام بخمار ونقاب مرة واحدة
يعني المفروض ينتج فيلم 3/4 كم .. وبعدين بكم .. وبعدين يبقى حجاب .. وبعدين خمار
بس يبقى صعب اوي ان فيلمين منتجين .. واحد منهم فيلم تاريخي اسلامي
والاخر فيلم مش ولا بد
الحكم جه من كتر المعاشرة ومعرفة انواع الافلام والسيناريوهات بتاعه الافلام دي
خالد باشا
Oct 19 2004, 02:08 PM
يا جماعة أفلام الحروب محتاجة فلوس كتير أوي
مش حيقدر عليها العدل جروب....
تاني حاجة
خالد بن الوليد كان مقاتل زي الفل بس كان واخد ضربات سيوف في كل حتة في جسمه ( زي ما هو بيقول)
والسيوف مش سهلة زي منتي فهمه....
وأكيد عمرو دياب مش حيليق عليه الدور...
خبرة الحياة بتبان على وش الأنسان وخصوصا اذا كان محارب..
تعابير الوش بتتغير
خبير..
مش عمرو دياب
الحاجات دي ليها أصول يا جماعة
Bassam
Oct 19 2004, 04:25 PM
الموضوع ده فرقعه ودعايه بس
خالد باشا
Oct 19 2004, 10:12 PM
يعني هو عمرو دياب ناقص دعاية؟
happy_jerusalem_2000
Oct 20 2004, 01:07 AM
يا عالم فضوا هالسيرة انا بجيني إحباط لما بسمع إسم الواد ده
لما انتوا تنقاشوا موضوعاته وتلاحقوا اخباره بتعملوله قيمة
معلش يا قيصر علي الرد بتاعي علي موضوعك غصب عني
ما بتحملشي اسمع سيرته
تحياتي
تيسير جابر
سمسومة
Oct 20 2004, 08:49 AM
ايوة يا خالد ... بس المكياج والاقنعة والتجميل وكل ده بيخلي القرد يبقى حمار
بس هو مش راكب عليه خالص يعني ادوار زي كده
وبالنسبة لتيسير .. والله مش من حبنا فيه يعني بنناقش الموضوع ... بس لانه صعب نلاقي حاجة تاريخيه ومن اسلامنا بتتشوه من ناس غير متخصصة في انتاج او تصوير حاجات زي كده
اديكو شوفتو مذكرات الشيخ متولى الشعراوي الله يرحمه كان فيه اعتراض عليها اد ايه!!
وايام السادات .. حصلت فيه غلطة تاريخيه رهيييبة جدا جدا رغم الاستعدادات اللي كانت فيه .. وهي انهم قالو فيه ان اللي قطع البترول عن الدول الغربية واستخدم سلاح النفط بجانب الجيش المصري هو الملك عبد العزيز .. في حين ان اللي عمل ده هو الشيخ زايد !!!
يعني الحكاية مش قصة واحد مألفها .. الحكاية لازملها رجوع لكل مراجع التاريخ والتأكد من كل كلمة وكل معلومة هتتقال!!! ... دي صورة ديننا وتاريخنا يا جمماعة !!
ahmedmummy
Nov 27 2004, 12:53 AM
سمسومه قالت المفيد
على الرغم انى حبيت مذكرات الشيخ متولى الشعراوي
سمسومة
Nov 27 2004, 11:32 AM
ممممم
انا بصراحة ماتفرجتش عليها يا مامي
بس شوفت فيه لقاءات بعدها وانتقادات كتير جدا جدا ليها
ووصلت لدرجة محاولة رفع دعاوي قضائية وكلام غريب