حاضر يا امير

اشكرك على المجاملة الرقيقة يا احمد

وانا بدعي ربنا يقدرني اجاوب عن جميع الاسئلة

حبيبتي الصغنونة صافي

ميرسي يا سكرة

وانا في انتظار اسئلتك كلها ان شاء الله في اقرب وقت

خليه (مؤقتاً) Without Fear

21 سنة وشوية (تخيلو بقالي اكتر من خمس قرن عايشة)

اممم .. حاليا انا طالبة جامعية في كلية هندسة

كهربا - communication & Electronics

امم .. فير وهي صغيرة كانت دلوووعة جدا .. بنوتة وحيدة طبعا في وسط ولاد ... ... بس رغم كده انا دايما معتدلة (يعني مش دلع سخيف زي اللي بشوفه حواليا ) .. ورغم الدلع كنت بتعامل دايما كانسانة مسؤولة سواء عني او عن اخواني على اعتبار اني (أمهم التانية) .. فالدلع كان ليه مقابل كبير جدا وهو التزام كبير جدا ناحية واجبات ومسؤوليات كتير .. وفي حالة الاخلال باي حاجة من دي اكيد كنت بتحاسب حساب شخص عاقل وناضج مش مجرد طفلة بس برده بالعقل

ولما كبر كان التعامل بنفس الطريقة برغم ان المسؤوليات زادت والخلافات زادت بسبب وجود عامل مهم وهو تكون شخصية خاصة بيا بعيد تماما عن اللي حواليا وده برده بيخلق اختلافات كتير في وجهات النظر .. ومشاكل كتير .. بس برده مقارنه بغيري .. انا برده اعتبر نفسي لسة متدلعه

علاقتي مع اخواتي .. امم .. زمان كانت متينة جدا .. بحكم الطفولة يعني واحساسهم اني مسؤولة عنهم (برغم من اني مش اكبر واحدة) .. ولكن بعد ما كبرو بدأو في الابتعاد .. اقدر اقول ان (هو) شاف انه كبير وراجل .. وان (هي) ضعيفة جددا عن انه يعتمد عليها ا ويشاركها في مشكلااته .. ومن ناحية تانية انا كمان يمكن اعتبر منعزلة شوية .. فمتخذة مبدأ حسن الجوار بس انا دايما بكون موجودة جنبهم في حالة اي مشكلة عندهم ... وهم كذلك .. بغض النظر عن التدخل اللي بيفرضه كينونة (هو) على انه (هي) ضعيفة وانه حكمه افضل على الامور .. و و و .. ماتقولوش متحيزة .. انا بقول اللي شايفاه


صداقاتي بشكل عام .. حتى فترة قريبة جدا ماكونتش بحب اتصادق مع اي حد نهائيا وكان صديقي هو كتابي فقط .. دخلت في عدة تجارب صداقة وانا طفلة وفي مرحلة الشباب .. وكان نتيجتها مش حلوة .. فامتنعت عن الصداقة لفترة وبعدين ربنا رزقني باصحاب رائعين جدا على جزيرة الاحلام ... وادعي ربنا انه يديم الحب والاوة والصداقة بيننا


علاقاتي مع الناس :

كوني عشت في مجتمع منعزل ومنفصل .. ماشجعش كتير على بناء علاقات مع اللي حواليا .. وبالتالي العلاقات بشكل عام انحصرت في زملاء الدراسة واصدقاء وزملاء ماما وبابا فقط ..

دراستي

اممم .. ليه الاحراج بقى يا سمسمة

اقولك يا ستي .. في الدباية كنت عادية .. مش عادية عادية!! بس مش متميزة يعني .. يمكن كان السبب اني كنت لسة طفلة فكان الوقت مقضيينه كله فسح وخروج فقط .. ومابدأتش التفوق الا من وانا عندي 8 سنين (قبل كده كنت بطلع ال6 وال7 على صفي ) ..

مرحلة اعدادي كانت ضمن التفوق ولكن انا كنت حاسة بخمول فيها بشكل عام وعدم رغبة في النجاح .. واستمرت في اول سنة من ثانوي .. وانقلبت في الجزء الاخير من السنة

وبدأت مرحلة انحدار تانية من سنة تانية جامعة تقريبا او تالتة جامعة .. فربنا يستر ويسهل وافوق تاني ان شاء الله

امم .. بصراحة .. علشان امير مايزعلش

انا بعتبر مميزاتي :

- الصبر.. انا صبورة جدا جدا

- اني الحمد لله والشكر لله مش بقدر اضمر اي شر او حقد لاي انسان مهما اذاني او جرحني ..

- الوفاء .. حتى لو مش بقدر اعبر عنه بس فعلا اللي بحبه في الله بفضل دايما فاكراه وعمري ما بنساه

- الاخلاص.. بشرط يكون لانسان يستحقه .. والا فانا بعتبره من اهم عيوبي

- الثقة في الله سبحانه وتعالى : الحمد والشكر لله ودي نعمة من ربي بحمده عليها بجد .. لاني عمر ما ثقتي اتهزت في ربي وخالقي ولو شعره .. ودايما عارفة انه بيحب كل عباده وعبيده وكاتبلنا الخير دايما حتى لو كان في الاول باين عكس كده

اما عيوبي بقى:

- العناد : عنيدة جدا جدا .. وعنادي بيقلب عليا في 90% من الامور .. ولكن في ال10% من الامور بعتبره ميزة وهي في حالة رفض الفشل

- الشك: انا شكاكة جدا وعندي برانويا من ناحية اي حاجة .. وكتير جدا شكي بيخسرني كتير اوي .. وقليل لما بثق فعلا في حد .. (حتى ولو ظهر عكس ذلك)

- الغيرة : غيورة جدا جدا وبدجة امتياز مع مرتبة الشرف الاولى

- الصمت: انا اتعبر في الحقيقة صامتة جدا .. ومنطوية جدا غالبا .. وده بيسبب طبعا مشاكل كتير

مقدرش اقول عليها انها هوايات يا سمسمة .. لسبب .. اني بحب اعمل كل حاجة واجرب كل حاجة ..

فمن وانا طفلة جربت حاجات كتير وكانت ليا (هوايات) كتير ولكن مؤقتة ..

اولا جربت الباليه .. ثم الرسم .. والاشغال اليدوية بعد كده .. مثلت مسرحيات (مدرسية طبعا) باللغة العربية والانجليزية .. لعبت العاب قوى (رمي جلّة) .. حبيت العزف فترة وبعدين غنيت كمان فترة في ابتدائي.. جت عليا فترة كنت بموت في المطبخ .. وكتبت قصة وكتبت خواطر .. وصممت جرافيكس .. وهويت الprogramming .. وكنت بموت في السباحة .. ولفترة في المدرسة لعبت سلة وطايرة .. والقراءة .. وبحب جدا الافلام الاجنبية (بستمتع بيها جدا بشرط انها تكون جيدة مش رديئة).. وبحب العاب الكمبيوتر الاستراتيجية جدا جدا ..


فماقدرش اقولك ان لياه واية انا بمارسها دايما

يعني حاجات كتير

بس يمكن اللي حاليا انا مستقرة عليه هو اللي في مجال الكمبيوتر .. والقراءة مرافقاني من وانا صغيرة جدا .. برغم اني دلوقتي مش بقرا كتير زي زمان

يا جماعة حد موافق عالكلام ده؟؟؟؟

ده دي اكتر,,,,, هادية في الكون ده


سؤال...

امتى فرحتي اكتر مة في عمرك؟

امتى حزتني اكتر مرة؟؟

امتى احرجتي اكتر مرة؟

مين اقرب اصدقائك عالنت وبره النت وبكل صراحة؟

زاي انواع الورد بتحبي؟؟

وانهي لون؟

وانهي اغنية تعتبر اغنيتك المفضلة

دي الاسئلة تبقى حضرتك تجاوبي عليها بعد ما سمسومتي الجميلة تخلص اسئلتها.. معلش استعجلت وسالتهم لاني عارفه اني نسايه

وربنا معاكي

على فكرة هو كان والله سؤال واحد وبقوا شوية اسئلة

يعني ايه بالعقل يا فير!!

ايوة فعلا ده صحيح يا فير

بس احنا نعرف ان فير ديبلوماسية جدا .. فهل بتقدري تحتوي الموقف؟؟

ينهار ابيض ... حسن الجوار مع اخواتك؟؟ مش شايفة ده صعب شوية؟؟؟ خاصة ان علاقة الاخوة المفروض تكون اعمق من كده بكتير؟؟

بالاضافة لكده .. انا حاسة ان حكمك عليهم جاي من ناحية نظرتك الشخصية للموقف .. طيب يا ترى .. ماحطيتيش في بالك احتمال لانك انتي اللي بعيدة عنهم؟؟؟ ويمكن تكوني انتي السبب في الموقف اللي انتي حاساه ده؟؟

طيب نتيجة سلبية من ناحية ايه؟؟ (إذا مافيهاش تطفل يعني !!) وليه اعتقدتي ان الناس كلها على نفس النمط اللي انتي قابلتيه .. ده حتى بيقولو (صوابعك مش زي بعضها) .. ولا انتي رايك ايه؟؟

انا اقصد بيه اثرت الدراسة على حياتك اد ايه؟؟ هل كنتي (موس) زي ما بيقول الشباب .. ومافيش حاجة ف حياتك غير الدراسة؟ ولا كان الوضع ايه بالظبط؟؟

انا كمان زي سلمى تماما .. معتقدة ان الكلام ده صعب اوي .. لان احنا شايفين بنوتة قمة في الاجتماعية والمرح مع كل فئات الناس .. سواء بنات او اولاد ومن جميع الاعمار .. فليه انتي بتبصي لنفسك بالطريقة دي؟؟

طيب ليه ماحاولتيش تقعدي مع نفسك وتعرفي السبب لكل اللي بيحصل ده؟؟ بحيث تلاقي حل ليه؟

مش فاهمة ايه المقصود بالتعبير عن الوفاء!!

تاااني؟؟ طيب قوليلنا حتى ايه نوعية المشاكل اللي بيسببها ليكي؟؟

واااااو

كل ده؟ .. طيب ليه مش بتقولي عليها انها هوايات يا فير؟؟؟

ليه بس كده يا سلمى ليه الصدمة بس

ايييه ؟؟ مش قد المقام ولا مش قد المقام؟؟

وانتي كمان ليكي ف قلبي معزة كبييييرة اوي .. وجدي كمان واعتقد سمسومة كمان لان اللي ربنا بيحبه بيحبب فيه خلقه كلهم

خييييييييييييير ... شكله كده فيه حاجات كتير اوي

اااه اانا هادية جدا جدا جدا يا سلمى على فكرة .. ومش بتعود على الناس بسهولة (في الحقيقة) بس على النت ده مش بيظهر لاننا مجرد كلمات وحروف وجمل ... بس مش اكتر

فبيسهل علينا نتكلم عادي بدون مشكلة

اممم .. لما بحقق نجاح لما كتير بيكون متوقعين فشلي
مواقف منها : لما عملت test لجسر اسباكيتي كنت عملته .. وكان جسر رائع واثار اعجاب وانبهار كل اللي كانو حاضرين

- لما بقيت بدخل حلمنا الاقي عدد المشاركات كتير جدا .. برغم انه كله كان بيقولي ده فاشل ومش هينجح ولا هيكمل وانتي كل اللي بتعمليه ده في الهوا

وغيرها مواقف كتير بس دي اكتر فرحة ليا حسيتها وفاكراها

يووووووه .. متعديش يا سلمى ..

بس يمكن انا حاليا في تالت اكبر فترة حزن في حياتي .. بس المرة الاولى كانت صعبة جدا فعلا .. وكانت لما فقدت شخص عزيز جدا عليا ... وحسيت ان بقى صعب جدا نبقى زي الاول!

ههههههههههههههههههه ... ينهاري .. انا هقولك على تاني اكبر احراج ليا لان الاول صعب اوي .. بس انا ككنت طالعة رحلة مع اسرتي واسرة خالتي اللي كانت جايالنا زيارة هي واولادها وزوجها .. وانا ماكونتش اعرف مع الاسف حقيقة اللون الابيض لما بيتبل (مابشوفش هدوم بيضة مبلولة الا على حبل الغسيل) .. فاللي حصل اني عملت نفسي انيقة .. واخدت طقم السباحة كله ابيض×ابيض .. ونزلت المية .. ولما جيت اطلع اتفاجئت بمصيبة

وهي ان كل هدومي بقت شفافة جدا .. وشحتت من اخواني بلوزات .. بس برده كانت بيضة .. فيييين في الاخر شحتت بلوزة خالتي (كانت كحلي الحمد لله) فالموضوع عدى بسلام .. بس لكِ ان تتخيلي شكلي لو كنت طلعت من المية بين اولاد خالتي من غير ما اخد بالي

على النت يائوتة ... سلمى .. روز .. بس يائوتة اقرب واحدة معرفش ليه مع انها على طول بتبقى عايزة تضربني .. بس يمكن لاني اخدت كمان فرصة اني اقعد معاها على الطبيعة فترة مش قليلة وكان فيه مجال نقرب اكتر ..

بره النت .. صديقة عزيزة عليا اسمها وفاء .. واختين بحبهم جدا اسماءهم دانية واسماء

انا اعشق الورد البلدي (الجورري) .. بحس ان فيه خجل ورقة وجمال امير ملفوفة في الحرير .. وكل اللي بعمله لما بمسك وردة بلدي اني اتحسس ورقها ومخمليته .. واتاملها .. بجد بحس بجمال غريب بيتنفس فيها ..

اما بقى الحب الطياري .. فهو للفل .. فانا مدمنة فل جدا .. وبحب خفة دمه ولذته وقوة حضوره في اي مكان .. وانه صغننون وحرك .. واني من وانا صغيرة متربية عليه

اللون الوردي والرصاصي الغامق (خاصة في اللبس) .. واللون الابيض الناصح .. والاسود الحالك .. والكحلي الغااامق جدا القريب من الاسود ..

ولكن ملك فؤادي هو اللون الاصفر .. عندي هوس غريب باللون الاصفر (الهادي مش الفاقع) .. لدرجة اني احيانا بشتري حاجة لونها اصفر .. وكمان شوية الاقي نفس الحاجة بتصميم قريب .. وبالوان كتير .. وبقول هشتري لو كذا .. اتفاجئ بالاصفر مختفي ف ركن وبيغمزلي .. وجرري بدون وعي الاقيني جريت عليه

امم .. اغاني كتير .. منها (ممنوعة انت) .. و (كان صديقي :اعشقها) .. و(انا وليلى : كانت محبوبتي قبل كان صديقي) .. ومقطع من حافية القدمين (قولي لي كيف سانقذ نفسي من اشواقي واحزاني) ..

بس اللي بتهزني .. انشودة اسمها (هز الرحيل ) وعلى فكرة انا لاقيتها هنا في ركن اسلاميات على ما اذكر ..

وعلى فكرة انا في انتظار اي سؤال تاني يخطر على بالك

هههههههههههههه شوفتي بقى يا عسل

انا على فكرة جاية وبقول انتو هتحوشو عني .. هترجعو ف كلامكو ولا ايه؟؟؟

اوكي يا جميل

اممم .. بفكر في (هو) يعني كان يعتبر شخص عزيز جدا عليا وفعلا كنت بحس بامان معاه .. او حتى في التفكير في انه ممكن يكون جنبي في موقف زي ده



- لو حصلك موقف محرج في السكشن في أي محاضرة قدام الدكتور والزملاء والزميلات( والمواقف دي بتحصل كتيييير) وحدث ولا حرج حتحاولي تبرري ولا حتسكتي ولا حتعملي ايه ؟؟

والله انا بتجنب اي حاجة لاني نيلة خالص وبتكسف من ضلّي .. بس اكيد هحاول ابرر ولو اني هبقى عايزة الارض تنشق وتبلعني .. وده حصل فعلا السنة اللي فاتت في محاضرة كان الدكتور بيديلنا معلومات خارجية عن الفكرة ورا طيارات الشبح (الفانتوم) ..
وبيقولنا
طبعا انتو عارفين ان الرادار مابيقدرش يلتقط الطيارات دي .. ليــــــــــــــه ؟؟ ..

فكله طبعا قاعد فاتح بقه فانا لاقيت نفسي بقول:

قول انت بقىىىى

طبعا انا كنت بكلم نفسي .. بصوت واطييي .. فالمشكلة ان كان فيه بنت قاعدة قدامي بمسافة مش بعيدة وNostolfia To Love (يا ترى لسة فاكرينها؟) جنبي بفرق كرسيين تقريبا .. فلاقيت واحدة وقعت على الارض .. والتانية صوتها جاب اخر السيكشن من كتر الدحك .. انا بصيتلهم وبقول ايه الهبل دول لغاية لما لاقيتهم بيبصولي وبيحاول يكتمو الدحك ويقولولي ربنا يسامحك .. طبعا الدكتور عسل وبيموت في التنكيت والهزار ففضل نفسه يعرف ايه اللي حصل وليه دحكنا طيب دحكونا معاكو .. وانا لاقيتهم منظرهم كده مابقيتش قادرة امسك نفسي من الضحك لغاية لما عينيا دمعت .. بس حاولت اني اقول للدكتور الموقف ماقدرتش طبعا .. اخدتهم بعد المحاضرة قولتلهم لازم نعتذر منه .. فطبعا حكوله وانا كنت واقفة عايزة المبنى يقع على دماغي من كتر الاحراج .. بس هم كمان لاقيت منه نفس الموقف وانفجرمن الضحك فالموضوع عدى الحمد لله بسلام

امم .. بصراحة انا مش فاكرة اني حاولت اعمل اي مقالب بحيث انه يبقى شرير يعني وينقلب عليا .. بس انا بعمل مقالب .. ايوة كتير .. بس حتى الان ماحصل وانقلب عليا

والله يمكن تكون السنة اللي اتولدت فيها يعني لان الوضع بينحدر يوم عن يوم وسنة عن سنة وكل سنة بتبقى اسوأ من اللي قبلها يعني

بس علشان ابقى عادلة .. كل سنة على الاقل بيكون فيها يوم او حتى ساعه سعيدة وانا منكرش اني عديت بلحظات سعادة حقيقية كتير ولو انها كانت لحظات فقط

اممم .. يعني بالتفاهم .. لان فيه كتير من الاباء بيعتقدو ان العنف بيقوم الابناء او حتى العقاب ..لكن انا كان من مبدا فهم ان الشيء ده غلط وبالتالي انتي كانسانة عاقلة مش هتكرريه

لا خالص يا سمسمة بالعكس .. انا بحس انه كتير بيبقى ممنوع المناقشة .. وبينمي جوايا حب الدفاع عن مبدا انا فعلا مقتنعة بيه .. فبيكبر المشكلة كتير لغاية لما اتبع سياسة الصمت واللي عايز يقول حاجة يقولها

بشتري دماغي من الاخر

ايوة علاقة الاخوة فعلا لازم تكون اكبر من كده انا عارفة .. بس انا موجودة واللي محتاجني اهلا وسهلا .. بس يمكن بتضايق وببعد لان حتى اني اتكلم مع حد فيهم في مشكلة الاقيهم كبروها ورفعوها لبابا وماما برغم اني بكون بتكلم من ناحية فضفضة

فالحكاية ثقة كمان

ومن ناحية اني بعيدة .. ايوة انا بقولك مش بحب اشارك مشاكلي الا مع حد انا بثق انه مهتم .. او حتى ببقى عارفة انه انا هتكلم وخلاص والكلام معاه مش هيضر يعني .. ففي البيت مش متوفر العامل ده بس مش اكتر

امم .. بشكل عام .. يمكن عديت في فترة وانا طفلة في ابتدائي بصداقة لبنت علمتني خصلة رهيبة وهي الكذب .. والحمد لله قدرت اتخلص من الخصلة دي الى حد كبير جدا بس احتاج مني مجهود كبير ..

ومن ناحية تانية .. وجود صداقات او علاقات المصلحة .. بشكل عام بتاثر سلبيا على ثقة الانسان في اللي حواليه وان فلان او فلانة بيحبوه لشخصه وليس لمركزه او لانه يقدر يديله حاجة

انا هجاوب على بقية الاسئلة اكيد .. بس بكرة ان شاء الله

واتمنى يكون كلامي قدرت اوصله للجميع بشكل صحيح

عنده حق

انتى شكلك عايزه توقعينى فى مشاكل مع مملكة هى ولا ايه يا سمسومه

الصراحه انى توقعت الضيفه من اول كلمتين عنها لكن لما شوفت كلمة "مانخوفهاش"
ابتديت اشك اذا كانت هى فير ولا لا
احنا حنخوفها برده يا سمسومه دا انتى المفروض تخافى على الجماهير منها

على العموم ابتدى اسأل سؤالين على الماشى كده
- ايه اول منتدى اشتركتى فيه ؟
- ايه شعورك-بصراحه-تجاه حلمنا فى البدايه وايه شعورك تجاهه حاليا؟
- الناس زى ما انتى شايفه حاسين بتناقض بين انك بتقولى انك بتحبى الصمت وانطوائيه
وبين اللى هم شايفنه لكن انا مش حاسس بالتناقض لان زى ما قلت قبل كده الانسان
له شخصيه على الانترنت غير شخصيته هو
فهل ممكن نقول ان فشلك فى اقامة علاقات ناجحه فى الحياه الطبيعيه هو سبب
وجودك المكثف على النت او فشلك فى التكيف مع الحياة الخارجيه هو اللى خلاكى
تقولى انك بديتى تحسى بصداقات مع اعضاء الجزيره على الرغم ان المفروض
ان علاقات العالم الخارجى اكثر عمقا من مثيلاتها فى العالم الافتراضى "النت"
وان كان كلامى صح لحد دلوقتى
فهل انتى حاسه ان فشلك فى التكيف واقامة علاقات بسببك ام بسببهم عايزين الصراحه

كفايه كده النهارده ونعتبر ده هو الهدوء الذى يسبق العاصفه
وعايزين نكثف الهجوم شويه يا جماعه ولا انت رأيك ايه ياجى
امسك ان الوينج اليمين وانا الوينج الشمال

سـ1ــ : طيب ممكن نعرف انتى تعتبري محترفه ايه فى الكمبيوتر وبتعملي ايه وايه البرامج اللى بتعتبري نفسكمتميزه جدا فيها على الكمبيوتر ؟؟؟

سـ2ــ : ليه بطلتي تقرأي ؟؟ ولما كنتى بتحبي القرايه او بتقري كتير زى مانتى بتقولي ايه نوعيه الكتب اللى كنتى بقرئيها ؟؟ وايه الكتاب اللى لو شوفتيه هتيسبي كل حاجه فى ايدك وتقرائيه ؟؟؟

سـ3ــ : ايه سبب حزنك ..؟؟

سـ4ـ : يعنى نفهم من المقوله دي ان مافيش حد ؟؟ او يعنى كا في واختفي في ظروف غامضه ؟؟

بجد عايزن نعرف ...

ايه معنى الحب عند فير ؟؟






سؤال خاص جدا لي يا فير ....



بما ان فير من اهم الاعضاء الموجودين فى جزيره الاحلام ... وانها بترد على كل المواضيع اللى موجوده على الجزيرة .... وبوجه الخصوص مواضيع التهنئه والاعياد ...



لي موضوع خاص جدا بي انا شخصيا .... اسمه .. كل عام وانتى حبيبتي واللينك بتاعه

http://www.7lmena.com/ib/forum/index.php?showtopic=7937

... في باب التهنه .. ده موضوع خاص بي انا وكنت مهديه لحبيبتي ... وخطيبتي ..

وكنت متوقع انك من اوال الناس تردي عليا في الموضوع ده وتهني حبيبتي بأحساسي لها ... وبوجه الخصوص انك كنتى الوحيده اون لاين فى الموقع .. والموضوع نزل وانتى موجوده وكان كمان من المواضيع الهامه والنشطه يوميها يعنى مافيش اى غلط فى انك لا تعقبي ...

فانتى لم تعقبي او تردي على الموضوع ... لماذا .؟؟؟؟؟؟؟؟؟؟؟؟


بس خلاص وكفايه كده عليكى النهارده ونتقابل بعد الرد ان شاء الله

سيسو بلاك كات
أدمن جزيرة الاحلام

على فكرة .. انا ملاحظة ان كل اللي قولتيه (فيما عدى الاخيرة ) اغاني لكاظم الساهر .. وبالذات ققصائد .. وحزينة !! يا ترى :
- لماذا كاظم الساهر؟
- لماذا قصائد فقط؟؟
- ولماذا الحزين فقد هو ما يعجبك برغم وجود اغاني جميلة جدا لكاظم سعيدة!!

طيب بمناسبة المقالب الشريرة .. ايه اكتر مقلب شرير عملتيه او فكرتي فيه؟؟

هههههههههه .. سيسو انضم لقافلة اللي مش مصدقين

بدينا بقى الاخطاء الاملائية يا جي

انا حابة قبل ما تجاوبي على السؤال ده يا فير ... تجاوبي على سؤال قبله
انتي تعتبري اول واحدة جريئة في جزيرة الاحلام .. قدرت تواجه نفسها . وتنشر اعترافاتها .. يا ترى ايه السبب؟؟ وهل كنتي مترددة ان الناس تعرف اللي جواكي؟؟

لا يا مامي حاشا لله .. احنا جايين نهدي النفوس

هههههههههههههههههه .. حرام عليك البنت اليفة خالص اهي

اممم .. اسمحلي كمان يا مامي اسأل فير سؤال عام قبل السؤال ده .. وهو :

- بدايتك مع النت .. كان شكلها ايه؟؟
- وايه سبب اتجاهك للمنتديات؟؟

وانا تحت امرك

وده صحيح تماما ..

هو انا من فترةطويلة كنت طلبت من الاخ تيسير انه يكون الضيف .. ولكن حلمنا كان نايم جدا فماحبيتش اجيبه .. وفي الاخر ادخل في الحوار وماحدش من الاعضاء يشاركنا ويحس بالاحراج .. ولما حلمنا نشط شوية .. اتفاجئنا بظروف تيسير وانه مش بيقدر يدخل زي زمان على النت .. فالاحتمال القادم اما يكون تيسير .. او مورفيوس بعد عودتته دلوقتي معانا خاصة ان عندي اسئلة كتير ليه واكيد الناس كلها عندها اسئلة برده .. واحتمال اعمل مفاجأة تانية .. اللله اعلم

هو مش صدمة يعني صدمة.. مفاجة بس حلوووووووة اوي ومكنتش عالبال

هههههههههههههههههههههه .. لا لا خالص يا سمسمة .. انا بالعكس بكرررره حاجة اسمها مذاكرة واني افضل على كتاب بالذات اذا فيه حفظ بس انا كنت بحب اتطلع بشكل عام على المنهج .. فتلاقيني في اول فصل في الكتاب وماسكة 5 فصل بقرأه .. المهم انها حاجة لسة مادرستهاش .. فكان اعتمادي الوحيد على مدرساتي في المدرسة وفعلا كان عندي مدرسات رائعين في كتير من المواد .. فالحمد لله كنت بقدر اركز تماما في الفصل وحتى بدون مذاكرة اقدر ادخل امتحان واجيب درجة عالية جدا على الشرح في الفصل

امممم .. مش عارفة اشرحها ازاي .. بس انا قولت اني كنت وحيدة واتربيت كطفلة وحيدة .. انتو عرفين لما بيبقو اخوان اولاد او حتى ولد واحد مش بتفرق معاه .. ولكن بنت وحيدة .. بتبقى صعبة لانها مابيبقاش ليها الحرية انها تخرج او تلعب او تروح عن صاحباتها او حاجة .. فده اعتقد انه اثر جامد على احساسي بحب الناس والتعامل معاهم بشكل عام .. انا ممكن تلاقيني في وسط مجموعة بهزر وبدحك واتعرف وحاجات كتير .. بس بياخد ده مني فترة مش قليلة على اساس اتاقلم على الوضع .. واشوف اللي حواليا دول طبعهم ايه

ممكن اقابل ناس احبها جدا .. وبتعلق بيها جدا كمان .. وبيكونو فعلا اصدقاء ليا .. وده جواب لسؤال مامي ليا وهو ايه سبب فشلي في علاقاتي

لا انا مش فاشلة اوي كده .. انا بس مش اي حد ممكن يشوف فير اللي انتو بتتكلمو معاها دلوقتي .. اللي هي شخصيتي الحقيقية .. انا مازلت بختلف مع مامي في النقطة دي .. لان عند الانسان الجيد .. لو اتحط في اي قالب هيبان جوهره ... وده المهم .. ولكن وجود اشخاص بتكذب على النت ده موجود وكتير جدا كمان .. بس برده اكيد هتيجي لحظة ويبان فيها الكذب ..

فانا شخصيتي الحقيقية هي اللي موجودة اون لاين .. لاني يمكن اسهل واقرب طريقة للتعبير عن نفسي كانت دايما قلمي .. فالقلم بدلناه بالكيبورد .. والحال ماشي .. لكن في الواقع .. فيه ناس بتشوف جوهر شخصيتي .. ده صحيح .. بس مش بكشفه الا بعد عشرة طويلة وثقة كبيرة .. لان تعاملك على النت مهما كان .. تعامل كلامي فقط .. وحتى اذا اتكلمت مع حد .. صعب انه يئذيك بمعرفة اللي جواك .. علشان كده بعتبر الفضفضة حتى لو مع حد ماتعرفهوش .. مش هيضر .. بس ممكن بيطلع من جواك شحنات .. انت مش لاقي حد تثق فيه حواليك تشركه فيها

فاحيانا بلاقي فعلا ناس بتقدر تستحوذ على ثقتي وحبي .. وبتكون ليها مكانة خاصة جدا عندي .. ودول اللي بيشوفوني فعلا زي ما انا .. نفس الشخصية بكل كلاكيعها يعني

على فكرة انا دايما بيقولو عليا اني ذكية بس كسلانة .. فعندنا النظام بيعتمد على انك تاخدي واجب .. مادرستيش عنه حاجة .. وتتحرق اعصابك وفي الاخر تروحي للمعيد المسؤول عنك .. وتتناقشي معاه في الواجب .. وده اللي انا فعلا بكرهه .. ومن ساعه ما دخلت الكلية ما روحتش لاستاذ او معيد علشان اسأله الا بالظبط بالظبط 3 مرات

وكنت بعصر على نفسي لمون .. هو غلط وانا عارفة ده بس برده هعتبرها من النواحي السلبية فيا

وده اكيد بياثر على درجاتي جدا في الواجب خاصة ان بيبقى عليه من 10 ل20 درجة .. واحيانا بكون في حالة نفسية سيئة جدا .. وكتير بتاثر عليا وعلى تركيزي .. او بالاحرى على رغبتي في اني انجح او اكون متميزة زي ما كنت دايما ..

وحاجات كتير وضغوط كتير زي احساسك بانك في مكان اقل منك .. وان كتير بياخدو درجات بالغش والنقل والكوبي والبيست .. وانتي بيطلع عينك وفي الاخر ماتخديش علامة جيدة !!

حاجات كتير .. فاتمنى اني فعلا اقدر اتجاوز كل ده وارجع للقمة زي ما كنت


ربنا يسهل

معلش بقى يا سمسومة انا العربي بتاعي خرب خالص .. مش عارفة اقولها ازاي .. بس فيه ناس بتعتقد انك طالما مش موجود فانت نسيت او مش مهتم .. بس في الحقيقة .. انت بتكون لسة فاكرهم بس يمكن مش قادر او مش عارف تتصل بيهم . وممكن تكون حسيت انك بقيت ضيف تقيل عليهم .. بسبب مواقف بتحصل .. فبتقلل من الاحتكاك .. وفيه ناس ممكن تكون كسلانة زيي مش بتحب تتصل باي حد او تتكلم مع صديقاتها الا وجها لوجه (شوفتو الثقة بتعمل ايه ؟ ) .. بس انا بعترف اني كتير بقصر في حق اصدقائي بس بيكون غصب عني فعلا

مشاكل كتير جدا .. خاصة مع الاشخاص المقربين مني يا سمسمة .. لاني احتمال في حالة لعلاج نفسي يعني .. بس على اد ما الشخصية بتكون مقربة مني .. على اد ما بكون عنيفة جدا معاها لما تحاول تقرب مني وتخفف عني في وجود مشكلة .. ده حصل من كام سنة (تقريبا 4 الا شوية) .. وكانت الشخصية دي مدرستي .. ورغم اني كنت اساسا في ححالة نفسي سيئة جدا لانها كانت غالية بجد عليا .. وكانت في مثابة ام ليا .. ولما لاقتني كده حاولت تتصرف بحنان ورقة معايا ورغم ان ده انا كنت بتمناه فعلا .. لكن لاقيت نفسي رافضة حتى انها تقرب مني لاقرب من مترين

فيمكن تقدري تقولي عليا زي ما قال مامي (اني شرسة) .. مش عارفة

بس عايزة حد متخصص في علم النفس يحللي الوضع ده

اممم .. انتي على فكرة هتخلي الناس يطفشو من كتر مانا برغي يا سمسمة ..

ماقدرش اقول عليها هوايات لان الهواية اعتقد ان تعريفها حبك لحاجة معينة ومواظبتك عليها .. دايما او بشكل شبه دائم .. علشان كده بيقولو عليها عادة يعني ..

لكن انا ميولي بتتغير حسب المكان والظروف اللي انا عايشة فيهم .. فلاني انسانة نشيطة ومش بحب اقعد بدون ما اعمل حاجة .. اذا كنت قاعدة كده يا بفكر كتير وينتهي بيا الموضوع لضحك او عياط مني لنفسي كده (جنون يعني ) او بفش غلي في الاكل .. فتلاقيني بقيت بطة يعني

فبشوف المكان اللي حواليا .. اقدر اعمل ايه ؟ اقدر اتعلم ايه؟؟ انا بحب اتعلم اي حاجة غريبة او جديدة عليا وعندي قناعة تامة بان الانسان يقدر يتعلم اي حاجة لو هو عايز يتعلمها وعنده ارادة .. فاذا اتوفر كل ده واتوفر حد يشجعني اكيد بكمل فيها

بس لما بمشي من المكان او يبقى صعب اكمل فيه .. وانتقل لمكان تاني النشاطات اللي اقدر امارسها فيه مختلفة .. بضطر طبعا اني ابعد عن النشاط ده لان مافيش مجال امارسه وحتى اذا فيه مجال نادرا لما تلاقي تشجيع

يا ترى ايه السبب يا سيسو؟؟

وعلى العموم انا اتمنى انها تكون مفاجأة حلوة

ههههههههههههه والله ما بيكون قصدي يا جي

ايه ده ؟؟؟ انتو هتقلبوها تسونامي كمان هنا ولا ايه

لا لا لا بالراحة عليا لاحسن اعيط انا عيوووطة جدا

هههههههههه .. كله سال السؤال ده .. في الحقيقة كان صعب جدا اني اوافق .. لاني خاصة في الوقت ده انا مش في مود حلو اني امل اي حاجة او اتكلم في اي حاجة .. وفي وضع مش بيسمحلي اكون متواجدة بطريقة كبيرة بحيث اني اتابع .. بس اولا سمسمة مايغلاش عليها يعني الوقت خاصة ان الهدف كان اننا ننشط واحة بتناااام خالص وماحدش بيدخلها

وفعلا كان لاخر لحظة يوم السبت قبل ما هي تعلن عن الضيف .. انا في حالة تردد .. هل اقبل او لا ... بس ماحبيتش انها تحط الاعلان عن مفاجأة تحت المجهر .. والناس تتحمس في الاول .. وبعدين يتاخر الموضوع او انا ماوافقش ومايكونش فيه حد تاني .. فيحصل اللي حصل مع بداية برنامج مغمور .. بسبب انشغال جي والظروف اللي كانت عنده فالناس كانت فقدت الحماس

فاتمنى يرجعلنا بضيف جديد .. وبحوار ممتع من حواراته الجميلة

انت شكلك ناوي يا جي على سجني كده

امم .. اولا انا حزينة على عدم وجود المشرفين حاليا .. وعلى انهم بيدخلو كل نص قرن .. كانهم زوار عاديين مش مسؤولين عن مكان كامل بجميع اعضاؤه ومشاكله مواضيعه وردوده .. فلما قسم يكون زي لعب× لعب بدون اي مشرف ده شيء رهيب

المهم يعني

اني بالنسبة للقصر والتهاني هخليهم في هعدة العسل

تحت المجهر .. جي ام .. وسمومة اذا حابة ومستعدة تكمل تحت المجهر (الشغل شغل )

الواحة العامة .. مش عارفة بصراحة بس كانت انشط واحة دلوقتي بقت نايمة جدا .. بس لو كانت روز موجودة كنت هرشحها ليها لانها كانت فعلا متحمسة جدا ونشيطة جدا معانا

الواحات الاسلامية هخليها في عهدة نادر ودكتور ايمن العطار و سناك ايجبت .. لانهم مهتمين جدا بالمواضيع والاركان كلها وبيحاولو يدخلو الناس هناك باي طريقة

عين على الاحداث .. احتمال دكتور اون لاين لانه برده بيحب المناقشان في القضايا المستجدة على ساحاتنا

رسالة الى فلسطين .. جوجو او تيسير ... اولا بسبب نشاطهم .. ثانيا بسبب اننا ممكن نعتبرهم مراسلين لينا وان ده امتداد لبيتهم عندنا على جزيرة الاحلام

القرية السياحية .. كنت اتمنى جماعة السياحة والفندقة يكونو معانا هناك ..(قيصر وسكريمر) .. بس مش عارفة هم ليه مطنشينها .. بس انا شايفة الامير فيه امل منه

الواحات الفنية كالعادة في عهدة المتالق قيصر

العلم نور مع دكتور ايمن

ما وراء الطبيعة مع مازن لانه اول واحد يدخل الركن الانعاش من سنة تقريبا

الفرنجة والاناقة وللبنات فقط مع سلمى وكذلك لمسات فنية

احلام ابلة نظيرة مع صافي (على فكرة البنت دي قنبلة نشاط وليها طابع لذيذ جدا في اسلوبها وبرائتها .. انا فعلا بحبها جدا رغم اني كلامي معاها كان مجرد رسالتين خاصتين)

واحات البرمجة مع مامي

(هبعتلك الواجب والله بس اول ما اعرف اخلص شوية من العكة اللي انا معكوكاها دي )

واكيد الكرافيكس في يد فناننا الموهوب جي ام

والساحة الرياضية مع شاشو

والواحة الطبية مع دكتور اون لاين ودكتور ايمن

لعب × لعب في ايد اعصار وتيسير


طبعا التوزيع يعتبر مش منصف .. لان الناس النشيطة اغلبها جديدة وحديثة جدا .. ومحتاجين شوية كمان معانا على جزيرتنا علشان ممكن يدخلو في دائرة ترشيحي لمشرفين ..

بس على العموم انا اتمنى الكل فعلا يكون مهتم .. واتمنى اكتر (بغض النظر عن الاقتراحات لاني حكمت من مجرد المشاركات والاهتمام وليس بمراعاه جميع قواعد الاشراف يعني) ان سيسو ينزل مجموعة المشرفين الجديدة باسرع وقت علشان احنا كده تمام .. بس عايزين شخص معانا في كل واحة يصحصحها يوميا او بشكل شبه يومي

اخ.. جيت على الصعب يا جي


طيب دانا دافعة لسمسومة فلوس علشان تتجاهل ركن الاعترافات وكل ما يمت ليا بصلة هناك .. اكيد هي اللي حرضتك .. انا عارفة انها غاوية نكش ورا الخلق


( أ ) ايه الكأبة دي اللي كانت في الموضوع سببها ايه بالظبط ؟؟؟؟ ده سؤال عام

اممم .. الكآبة موجودة جوانا بشكل عام يا جي .. بنمر بلحظات كتير سعيدة ولحظات اكتر من الكآبة .. بس المشكلة اني مابقدرش اعبر عن نفسي في حالات السعادة نهائيا .. مابقدرش امسك ورقة وقلم واعبر عن سعادتي معرفش ليه .. واذا حاولت بحس الكلام طالع مهزوز .. ومش مترابط كاني مش حاسة السعادة دي .. وكده برده بالنسبة لحالات الاكتئاب القوية اذا مريت بيها .. ببقى مش عارفة اقول ايه ولا ايه .. الكلام كله بيتلخبط ومن كتره مابيبقاش ليه معنى برده (على فكرة انا اتضحلي ان مامي كمان زيي بالظبط)

فالمذكرات او الاعترافات دي اتكتبت وانا في مود عادي .. اقل بكتير من اني اوصفه باني حزينة .. انا بس افتركت مواقف مريت بيها .. احلام يقظة .. كتبتها على الورق .. صورة في المرآة واعترافات مدمنة ويوميات شبح بالاضافة لكمان اعترافين (سندريلا والحذاء) و ( ملح ... وجليد) .. كانو اتكتبو في يوم واحد .. في ليلة واحدة .. وفي قعدة واحدة .. لغاية الساعة 3 ونص الفجر وانا بكتب بدون وعي .. بس ماكونتش اقدر تماما اني اقول اني كنت حزينة ايامها او مكتئبة .. كنت في مود عادي .. مش سعيدة .. بس قانعة .. بس هو كلام .. نزل على ورق وخلاص

اما بالنسبة ل (مشاعر محرمة) الجزء الاخير من الاعترافات .. فاعتقد انك هتستغرب جدا لما تعرف اني كتبته في مود سعادة .. بس زي ماقولت هناك .. سعادة .. محرمة .. فكان اللي طلع الاعتراف حبة سعادة .. على حبتين ادمان .. وكومة كبيرة من الخوف والفزع .. وتل من اليأس (برغم السعادة) ... ركب المشاعر دي كلها على بعض وشوف هتطلع ايه

هو مش انا بالظبط ... انا اقتبست الكلام من شخصية لذيذة جدا وصفت الحب بالطريقة دي .. ولاقيته فعلا صحييح 100%

تعالى كده نسمع كاظم وهو بيقول وبيشجيني بجد بكلامه وبلهفة صوته وبادمانه

قولي لي
كيف سانقذ نفسي
من اشواقي واحزاني
قولي لي
ماذا افعل فيكي
انا في حالة ادمان
قولي لي
قولي ما الحل ؟؟
فاشواقي وصلت لحدود الهذيان

الكلام اكتر من رائع وبيوصف الحالة بالظبط ..

انا هكمل الكلام في الموضوع ده في ردي على سؤال لبلاك كات

الليل بجميع حالاته .. والنهار فقط لما يكون غائم او ماطر (بدون عواصف طبعا )

الشغل اذا كان في مجال كله عملي وممتع ... غير كده البيت اذا كان فيه مجال لاني اعمل اي حاجة .. غير كده افضل الف في الشارع بقى

اممم .. اذا بفكر .. يبقى المشي .. ولساعات طويلة بدون ما بحس بالوقت
ولكن انا اعشق الجري ولو اني ماجريتش بقالي تقريبا 4 سنين ونص

الكلام المفيد طبعا .. وخاصة اذا موضوع للنقاش
الكلام على الفاضي عمره ما بيودي ولا بيجيب .. بس بيعمل صداع

الرياضيات قطعا وابدا .. انا بكره وبمقت الحفظ

امم ... الطايرة (على فكرة انا مازال عندي اثر لجرح في ايدي من 1 ثانوي في مباراة كرة طايرة .. زميلتي في الفريق نطت تصد الكورة وانا في نفس الوقت .. انا صديت الكورة .. وهي ضفرها اتغرس في ايدي )

ههههههههههه .. نص ضغطاية ( يا اما بطلع معرفش انزل او انزل ماعرفش اطلع )

وبصراحة جربتها مرة واحدة فوقعت على مناخيري فقولت لا الطيب احسن

بقدر اقعد دقيقة تقريبا بس اتوقع لو كنت مش باذلة مجهود ممكن اتعدى الفترة دي كمان

ايوة ده صحيح فعلا .. يمكن كان زمان لسبب .. بس دلوقتي لسبب تاني ... وهو ان اللي عاش بره صعب جدا يتاقلم على مصر .. وبصراحة .. وضع المعيشة هناك عايز واحد قاعد على بنك .. مش ناس في مستوى عادي .. والا هنضطر نتنازل عن حاجات كتير احنا معتبرينها اساسيات جدا .. بس الله اعلم الخير فين

وبالنسبة لحكاية شريك حياة او غيره .. فانا قولتلك زمان في موضوع تقدر تحب اتنين .. انك المفروض عايز تتاكد من حبك .. حط اللي بتحبه في كفة .. وكل الدنيا في كفة تانية .. واذا مارجحتش كفة حبك يبقى راجع نفسك مرة تانية .. فاعتقد انه لو كان عايش في الانترتيكا (القارة القطبية الجنوبية) .. فانا اكيد هسيب الدنيا علشان حتى لحظة اقضيها معاه قبل ما اتجمد

كفاية عليك الجرنال ده تقرا فيه لبكرة

اممم .. سمسومة طلبت اني اولا ارد على بداية دخولي للنت .. بس طالما مافيش وقت دلوقتي لاني اكمل الردود كلها .. فبلييييييز يا سمسومة .. بلاش اسئلة لبكرة

لاني يادوب ممكن مقدرش اوصل لاسئلتك

فعلى العموم هرد سريعا كده

انا اول منتدى اشتركت فيه كان ************* لمدة عدة اشهر .. وبعدين انقطعت لمدة سنة وشوية .. واشتركت في دقدق بدعوة واصرار من اخ ليا .. وكان لمدة عدة اشهر قبل اغلاقه .. والان انا في حلمنا

اممم .. من اول يوم لاخر يوم انا بعشقه جدا

وجي بيدحك عليا لما بقوله يا جي انا عاملة زي الداية لما بتشوف بيبي بيتولد على ايديها وتحس انه ربنا خرجه للدنيا على ايدها فانا فعلا بعتبر حلمنا ابني العزيز لاني تابعته في طفولته ووقوعه الكتير وكنت معاه وحاولت امد ايدي وامسكه علشان مايقعش .. واديه الحمد لله بيكبر قدامي وانا اكيد سعيدة جدا بيه وباهله

انا رديت تقريبا على الكلام في ردي على سمسمة

يياااااااااااااه .. محترفة مرة واحدة؟؟؟ انا اعتبر نفسي نونو في عالم الكمبيوتر يا سيسو.. خاصة ان احتكاكي الواقعي بيه (بعيدا عن الالعاب والرسم) كان من 3 سنين ونص .. ومافيش مجال للتعلم زي الاولاد لانهم بيشجعو بعض فانا مافيش مجال الا اني اقرا (وكنت بطلت قراءة لفترة طويلة) ومن الحاجات الاقل من البسيطة اللي درسناها في الكلية وماكملناش فيها بحيث يبقى عندي قاعدة قوية ابني عليها الباقي .. ومن اني بشوف فلان بيعمل حاجة اتلصص واشوف بيعمل ايه وتاثير اللي بيعمله وارجع اجرب على جهازي ... او اني مني لنفسي اقعد اعك كده .. بنظرية تعليم القرود (الصواب والخطأ) .. فاتعلم حاجة جديدة صدفة يعني

بس انا بحب البرمجة جدا جدا وابتمنى اني تتاح ليا الفرصة اني اتعلمها ولو اساسيتها بشكل قوي

والصور والتصميم برغم اني برده بفتقد للاساسيات .. واللي بحاوله حاجات بسيطة بعيدة عن التميز .. بالاضافة لاني مش بقدر اركز على تصميم او ابدع الا على الورق .. وبعدين انقله على الكمبيوتر .. بس على الكمبيوتر مباشرة مش بقدر ابدا

امم .. بطلت اقرأ من قرفي من كتر القراءة في ثانوية عامة .. كانت عينيا وجعتني كتير لفترة مش قليلة .. وكتير كنت حاسة اني مش عايزة اقرا وبحاول اجبر نفسي اقرا .. بس مش بقدر لا اشوف ولا استوعب لاني مش واخداها من رغبة جوايا اني اقرأ .. ولما بحب اقرأ .. بحب جدا كتابات يوسف السباعي .. (كان بداية تعارفنا خناقات وحروب وكراهية) .. بس دلوقتي فعلا هو كاتب من المفضلين عندي .. توفيق الحكيم .. مصططفى لطفي المنفلوطي .. واكيد دكتور نبيل فاروق وسلسلة رجل المستحيل واي قصة تقع في ايدي من سلسلة رجل المستحيل كنت بنسى الدنيا واقعد معاها .. حتى لو قارآها مليون مرة قبل كده .. بس انا فعلا بحبها

اممم . لاني واقفة في قاعة محمكمة .. الوضع فيها كالتالي:

6 اركان من اركان المحكمة موجودين ..

الدفاع
الادعاء
المتهم
المجني عليه
الشهود
القاضي

وربنا شاء اني اكون الستة في وقت واحد .. فالموقف صعب


انا هاجل الرد على السؤالين اللي بعد كده لبكرة .. وهرد على اخر سؤال لاني شايفة انك طالب الاجابة .. ليك بشكل خاص

خلينا نروح على موضوع

http://www.7lmena.com/ib/forum/index.php?showtopic=7935&hl=

وهو (قصة عيد الحب)

انت قمت بانزال رد عليه .. فيه اصل عيد الحب وحكم التهنئة بيه او الايمان بيه

الرد كان

تاريخ المشاركة: Feb 13 2005, 10:53 PM

ثم:

تاريخ المشاركة: Feb 14 2005, 01:51 AM
كل عام وانتي حبيبتي


ياترى مش شايف انه من الاساس انت نزلت موضوع اتركبت فيه شيء انت لسة جايب فتوى عليه انه حرام؟؟؟

تاني حاجة ..

اكيد سمسومة هتيجي تعمل محامي وتدافع

بس هقولها اللي هي هتقول (كنت تعبت وكتبت الموضوع وتعبت فيه)

طيب المهم دلوقتي

ان انا مش شايفة ايه سبب الاستياء؟؟

لان الموضوع كان موجه لشخص واحد فقط .. والشخص اللي موجه ليه الموضوع دخل ورد على كلامك ..

طيب انا ايه لازمتي في الموضوع وليه الزعل على اني مادخلتش ابارك واهني .. خاصة اني فعلا كنت في ظروف صعبة اياميها .. بس علشان الصراحة برده .. كان ممكن ادخل واقول ربنا يهنيكو ببعض .. ويتمم على خير .. حتى برغم اني في وقت مش مبسوطة فيه .. بس انا قرأت كلمة ما عجبتنيش .. فمشجعتنيش اني اكتب رد عليه .. بس مش اكتر .. والكلمة اكيد احب احتفظ بيها لنفسي !!

اكيد هكمل الردود بكرة لاني اتاخرت جدا

وللحديث بقية

فعلا السؤال ده عجبني .....

وبقية اسئلته برده جميله فعلاا

والكورة مني لسيسو اللي شاااااط أهوه وشكله هيجيب أول جون


ويا سمسومه ممكن تقعدي ع دكة الاحطياتي عشان اعتقد ان الجماهير ابتديت تسخن مع الموضوع وانت ثروه

أحسن بعدين تاخدي طوبه في عينك


وواا كفايه كده هكتفي باني اشوف ردك ع اسئلة سيسو طابور الناس اللي قبلي

امممم ... نقدر نقول ان فيه جميلة شعرية بتنطبق على الوضع وهي:
تصور انك قبال عيني .. وبين ايديّ .. وماعرفتك!!

فانت وانت بتتكلم عن ظروف فامضة محسسني انه كان في سريلانكا والبحر كله
بس عمر ما كان البعد معناه بعد المكان ... ممكن تبقى بينك وبين الشخص مسافة قليلة جدا .. ورغم كده بتحس ان بينك وبينه نص الكورة الارضية ..

فحتى اذا كان موجود .. فهو زي ما بيقولو far & away ..

اممم .. انا عرفت الحب يا سيسو ليك ولجي في صفيح ساخن ... بس يمكن ساعتها كنت وائقة اكتر شوية من تعريفي .. بس على العموم هرجع اعرفه تاني حسب التعريف اللي كنت معتقداه زمان

وهو ان الحب مشاركة .. احساس راقي وعالي بيتجاوز كل الظروف والمساافات .. الحب صدق .. واخلاص .. ووفاء .. توحد .. ودفء .. وحنان .. امان ...
الحب بيخلي القلب طاهر ورقيق وبريء .. وبيخلي حبيبك اجمل انسان في عينك .. لدرجة انك مش بتشوف اي حد تاني الا هو ..

واهم حاجة وهي الحاجة الوحيدة اللي انا متاكدة منها حاليا قول نزار :

قصص الهوى قد جننتك فكلها********** غيبوبة وخرافة وخيال
الحب ليس رواية يا حلــــوتي********** بختامها يتزوج الابطال
هو ان نثور لأي شيءٍ تافــــهٍ********** هو يأسنا هو شكنا القتّال
هو هذه الكف التي تغتـــــــالنا********* فنقبل الكف التي تغتال

زي ما قولتلك يا سمسومة .. كنت محطوطة في موقف صعب جدا .. ومطلوب مني اهاجم وادافع واشهد على متهم واحد جنى على قلبي وهو قلبي .. وفي الاخر اسمع حكم القاضي الوحيد وهو برده قلبي ..

والاهم من ده ان الحكم صادر في القضية من زمان .. وماعدش فيه مجال للاستئناف .. اظن انك فاهماني بما انك محامية يعني

اممم .. لا مافيهوش تناقض للدرجادي يعني .. لان احنا من قبل لقاءنا فاحنا اصحاب جدا جدا ... الموضوع اخد شكل اكبر لما اتقابلنا .. وبقى فيه مجال نقعد ونشرب شاي مع بعض (بس انا مشربتش ) .. بس الاساس كان النت