بسم الله الرحمن الرحيم
| إقتباس |
قريت كتاب جميل جداً بيتكلم عن اللهجة العامية وجذورها المصرية , وبصراحة لقيت حاجات كتير جميلة جدا وطريفة جدا جدا , وحاجات مكنتش فاهم معناها أصلا وحاجات استغربت لما عرفت معناها .. المهم انشاء الله أنا هأقسم الكتاب ده على كام جزء , وانشاء الله يعجبكم هأنشر إن شاء الله كل جزء يوم الخميس من كل أسبوع .. اتفقنا مبقاش غير إنى أقول أن مؤلف الكتاب هو المهندس / سامح مقار ناروز , له العديد من المؤلفات باللغة العربية والإنجليزية ، فمن مؤلفاته العلمية باللغة الإنجليزية Mathematics of Finance, Excel Solution ومن المؤلفات العربية "اللهجة العامية وجذورها المصرية" ، "عبقرية اللغة العربية" |
الحلقه السادسة
حلقة الأفراح والليالي الملاح
حلقة الأفراح والليالي الملاح
شوبش يا أهل العروسة
نرى بعض معازيم الفرح ولاسيما النساء فى المناطق الشعبية عندما يدخلون الفرح المقام لأحد أقاربهم أو جيرانهم ، فإنهم يفقعون زغرودة محترمة ويتبعونا بالتهليل بصوت عالى قائلين "شوبش يا اهل العروسة , شوبش يا أهل العريس" وهم يمدون فى كلمة "شوبش".
ومن تربى فى حى شعبى فهو يألف هذه العبارات والكلمات وربما دون أن يعرف ما هو معناها. ترى ما معنى هذه الكلمة اللطيفة؟ حقيقة الأمر أن كلمة "شوبش" هى كلمة قبطية soubas "شوباش" وهى تعنى (ميت هنا) فيكون المعنى (ميت هنا لأهل العروسة وميت هنا لأهل العريس).
وكلمة "شوباش" مركبة من sou "شو" بمعنى (مئة) من الهيروغليفية "شت" ، و bas "باش" بمعنى (فرج ، سعادة) فيكون المعنى (مئة سعادة أو مئة هنا). ومن الأمثال التى جائت بها اللفظة المثل التالى: "شوبش على اللى طبخ لحمة لقاها بصار .. وراح يجيب الضيوف تاه عن الدار".
يا ليلى .. يا عينى
نسمع كثيراً فى الأفراح والحفلات المغنى وهو يبدأ غناءه بعبارة "يا ليلى يا عينى" ويتفنن فى ترديدها وترجيعها على مختلف الوجوه بعد أن يصوغها فى مختلف الألحان ويلبث فى شدوه وترجيعه وقتاً قد يتجاوز ثلث الحفلة أو الوقت المعد للغناء.
فهل فكر أحد فى المقصود بهذه العبارة التى تتكرر مئات المرات. يقول الكثيرون منا وفيم التفكير والأمر بسيط لا يستحق كل هذا العناء. فياليلى لفظة واضحة لا تحتاج إلى تأويل ولا إلى أعمال فكر ، فإن المغنى ينادى بداهة على الليل. ولكننا نقول : ولم إختار المغنى الليل بالذات ليناديه ، ولماذا أردف لفظة الليل بالعين. وهل هو إذا كان ينادى الليل فلماذا هو ينادى عينه بالذات وما هى العلاقة بين الليل وعين حضرة المحترم؟ .. كل هذه أشياء اذا نحن تناولناها بالتفكير لإتضح لنا أن المغنى لا يقصد ليلاً يناديه وإنما اللفظ ينصرف إلى معنى آخر هو الذى سنفسره الآن.
فلفظة "ليلى" وردت فى اللغة القبطية بهذا اللفظ والنطق leli "ليلى" نفسه بمعنى إنشراح أو فرح أو إبتهاج الصدر. وقد وردت فى أنشودة العذراء هذا مطلعها "ليلى أودى برتينوس" ومعناها (إفرحى أيتها العذراء) فيكون معنى "ليلى" فى هذا المقام هو إفرحى أو إنشرحى ، وهذا يتسق تماماً مع اللفظة التى تليها وهى "يا عينى" إذ يكون معنى العبارة كلها "إفرحى أو إبتهجى (ليلى) يا عينى".
عند بيت أم فاروق آى آى
وهذه العبارة هى مطلع الأغنية الشعبية التى تقول "عند بيت أم فاروق آىأى .. والشجرة طرحت برقوق آىآى .. وإللى بحبه طلع مجنون" ثم يقال القرار "إدلع يا عريس يا بو لاثة نايلون" ثم يقال البيت الثانى "عند بيت أم صلاح آىأى .. والشجرة طرحت تفاح آىآى .. وإللى بحبه طلع فلاح" ثم تقال اللازمة ...الخ.
وهى أغنية شعبية قديمة تُغنى فى الأفراح فى المناطق الشعبية ، ودعنا نتسائل لماذا هنا كلمة "آى آى" هى اللازمة التى تستخدم ..
حقيقة الأمر أن الكلمة قديمة من اللغة القبطية aiai "آى آى" وتعنى ( نمى , زاد) كما تعنى (نجح أو ترقى) ، فيكون المعنى (عند بيت أم فاروق يكون السعادة والفلاح والترقى) وبمعنى آخر (يالسعادة بيت العريس)
وواضح أن الست "أم فاروق" والست "أم صلاح" هم أقرباء أول عريس غنيت له الأغنية ثم ثبتت بعد ذلك. والكلمة القبطية ai "آى" مأخوذة من الكلمة الهيروغليفية "عا" بمعنى (يعظم ، يكبر). فإذا رجعنا إلى أيام الفراعنة ظنى أنهم كانوا سيقولون فى أفراحهم الشعبية "عند بيت أم خوفو عاعا.. والهرم وإللى فى جوفه عاعا.. وإدلع يا عريس وهرمك أكبر".
فى الحلقة القادمة
فلان عنده حَوَل فى عينه
إلحق يا واد أبوك جاتله الأزمة
دماغى إتأورت من الشمس
دايماَ أكح يا دكتور وعندى بلغم على صدرى
ههههههههههههههههههههههههههههه
هههههههههههههههههههههههه
جااااااااااااااااااااااااااااااااميله جداا الحلقه دي يا احموووده
شووووبش
وعند بيت ام فاااااااااااااارووق
ههههههههههههههههههههههه
حلوه فعلااااا
هههههههههههههههههههههههه
جااااااااااااااااااااااااااااااااميله جداا الحلقه دي يا احموووده
شووووبش
وعند بيت ام فاااااااااااااارووق
ههههههههههههههههههههههه
حلوه فعلااااا
شوووووووووووووووووووووووبش عليكم
موضوع اكثر من رائع و فى انتظار المزيد من الحلقات الهامه
موضوع اكثر من رائع و فى انتظار المزيد من الحلقات الهامه
انت مضوخنى وراك ومواضيعك متوهانى
يا ريت تحاول تكون اقل نظاما حتى نتفاهم
المهم حلو جدا الجزء بتاع "امان امان"
قصدى ياليلى يا عين
انا من زمان كان اعرف هما ليه بيقولوها وايه علاقة الليل بالعين
يا ريت تحاول تكون اقل نظاما حتى نتفاهم
المهم حلو جدا الجزء بتاع "امان امان"
قصدى ياليلى يا عين
انا من زمان كان اعرف هما ليه بيقولوها وايه علاقة الليل بالعين
| إقتباس |
| . فإذا رجعنا إلى أيام الفراعنة ظنى أنهم كانوا سيقولون فى أفراحهم الشعبية "عند بيت أم خوفو عاعا.. والهرم وإللى فى جوفه عاعا.. وإدلع يا عريس وهرمك أكبر". |
ههههههههههه
حلوه قوى الحته دى
| إقتباس |
| إلحق يا واد أبوك جاتله الأزمة |
ودى فيها ايه يا احمد
بجد مشكله يا مامي ...
الحلقه دي مشكله فعلااا
الحلقه دي مشكله فعلااا
| إقتباس |
| عند بيت أم فاروق آى آى وهذه العبارة هى مطلع الأغنية الشعبية التى تقول "عند بيت أم فاروق آىأى .. والشجرة طرحت برقوق آىآى .. وإللى بحبه طلع مجنون" ثم يقال القرار "إدلع يا عريس يا بو لاثة نايلون" ثم يقال البيت الثانى "عند بيت أم صلاح آىأى .. والشجرة طرحت تفاح آىآى .. وإللى بحبه طلع فلاح" ثم تقال اللازمة ...الخ. |
والله أول مرة اعرف بقيتها يا أحمودا ههههههه فلكلور محصلش لو فرح عندنا
هحفظها كويس وأديها غنا للصبح
| إقتباس |
| وهى أغنية شعبية قديمة تُغنى فى الأفراح فى المناطق الشعبية ، ودعنا نتسائل لماذا هنا كلمة "آى آى" هى اللازمة التى تستخدم .. حقيقة الأمر أن الكلمة قديمة من اللغة القبطية aiai "آى آى" وتعنى ( نمى , زاد) كما تعنى (نجح أو ترقى) ، فيكون المعنى (عند بيت أم فاروق يكون السعادة والفلاح والترقى) وبمعنى آخر (يالسعادة بيت العريس) |
والله كنت فاكراها انهم بيتألموا ياحرام
| إقتباس |
| وواضح أن الست "أم فاروق" والست "أم صلاح" هم أقرباء أول عريس غنيت له الأغنية ثم ثبتت بعد ذلك. والكلمة القبطية ai "آى" مأخوذة من الكلمة الهيروغليفية "عا" بمعنى (يعظم ، يكبر). فإذا رجعنا إلى أيام الفراعنة ظنى أنهم كانوا سيقولون فى أفراحهم الشعبية "عند بيت أم خوفو عاعا.. والهرم وإللى فى جوفه عاعا.. وإدلع يا عريس وهرمك أكبر". |
هههههههههههههههههههههههههه تحفة تحفة تحفة
بجد حلوة اوى يا أحمودا فظيييييييييييييييييعة كاتب هايل فعلا
تسلم ايدك وايديه يارب
ومستنية الباقي بفارغ الصبر
| إقتباس |
| دماغى إتأورت من الشمس |
على طول بقولها دي ههههههههه تقليد أعمى بقى
العسل
| إقتباس |
| جااااااااااااااااااااااااااااااااميله جداا الحلقه دي يا احموووده |
شكراً يااااااااااااااااااااااااااااااااااااااااااا GM
| إقتباس |
| شوووووووووووووووووووووووبش عليكم موضوع اكثر من رائع و فى انتظار المزيد من الحلقات الهامه |
شكراً يا فنكوش .. و احنا اللي في انتظار المزيد من حضورك
| إقتباس |
| انت مضوخنى وراك ومواضيعك متوهانى |
مدوخني با لدال مش بالضاد
| إقتباس |
| يا ريت تحاول تكون اقل نظاما حتى نتفاهم |
مانا قلتلك قبل كده .. أحب يكون ارتجالي منظم تنظيم عشوائي
| إقتباس |
| المهم حلو جدا الجزء بتاع "امان امان" قصدى ياليلى يا عين انا من زمان كان اعرف هما ليه بيقولوها وايه علاقة الليل بالعين |
كويس .. علشان لما يسألوك في الفرح وانت بتغني تبقى تعرف ترد عليهم
| إقتباس |
| والله أول مرة اعرف بقيتها يا أحمودا ههههههه فلكلور محصلش لو فرح عندنا هحفظها كويس وأديها غنا للصبح |
هههههه ... هو إنتي بتغني في الأفراح
ربنا يستر عليكي وعلى الكراسي اللي بتتحدف عليكي
| إقتباس |
| والله كنت فاكراها انهم بيتألموا ياحرام |
شفتي بقا .. كانوا بيضحكوا علينا
| إقتباس |
| إقتباس دماغى إتأورت من الشمس على طول بقولها دي ههههههههه تقليد أعمى بقى |
لما تعرفي معناها الحلقة الجايه .. هيبقا تقليد شايف ولابس نضاره
