امرأة فى الاربعين



وجلست امام المرآة تنظر فى وجهها الذى ارهقته مساحيق التجميل فى شبابها تنظر

لترى الشقوق والاخاديد تملئه بعد ان توقفت عن استخدام "الماسكات"

تنظر الى وجه الشمع الذائب المرسوم على المرآه بحرفيه

حقا ان اربعين عاما كفيلة باذابة شمعة الانثى . رحت تنظر الى هذا الخواء..

الى نفسها امرأة فى الاربعين تعيش بمفردها بلا زوج ولا سند ولا اطفال ولا امل!

امرأة لا تحيا سوى فى الذكريات ولا تأكل سوى الذكريات .تفطر ذكريات وتتعشى

ذكريات حتى "الريجيم" ما هو الا تقليل لنسبة الذكريات على الغداء

راحت تنظر الى تلك الماسآه القابعة فى المرآه ثم راحت تجتر الذكريات اجترارا....


......... انا بحبك يا سلوى ........بلاش تكلمنى عن الحب والكلام الفارغ ده يا محمد.

حتروح معايا السينما النهارده فى فلام جنان .......................................




وانهمرت من عينيها الدموع حين تذكرت حين طلب منها الزواج لاول مرة



...............تتجوزينى يا سلوى ....... يا محمد انا لسه صغيرة وبلاش تكلمنى فى الموضوع ده دلوقتى


بعدبن بعدين يا محمد .................................................



ورحل محمد ورحلت معه السنين تلو السنين وبقيت هى بلا احد لكم كانت تتمنى ان

تنهر الاطفال الصغار الذين راحوا يعبثون فى كل شيىء وبكل شيىء يعبثون فى

ادراج المطبخ وبمفرش السفره وبأحمر الشفاه خاصتها ويكسرون اكواب الزجاج .


ثم يعود محمد من العمل او اى زوج ايا كان فتطلب من احد الاطفال ان يفتح الباب

لـ "بابا" ثم تشكو له من شيطنة الاطفال الصغار ..


او ان يقرع احدهم الباب فتجرى بلهفة الى الباب لتفتح فتجده -كما توقعت- ساعى البريد يحمل معه الرساله المعتاده كل شهر من زوجها الذى يعمل فى الكويت فتفحها وتقرأ...........


افاقت من اوهامها وذكرياتها على صوت جرس الباب فراحت تطالب تلك المرأه خلف المرآه بالاختباء


فهى لا تريد ان يرى احدا تلك الماسآه ثم قامت بعملية ابادة جماعية للدموع من على وجهها حتى تلك الدموع التى راحت تختبىء فى اخاديد وجهها قامت بتصفيتها على راحتها وبين اصابعها....


ثم خرجت وفتحت الباب ........


.......المكوه يا هانم................

فدخلت واحضرت بعض النقود واخذت منه ملابسها ثم عادت الى المرآه وجلست


وراحت تقيىء شيئا من جوف الماضى!......

قصة جميلة اوي يا احمد


اصعب حاجة .. انك تعيش على مجرد ذكريات !!

بجد صعب جدا الشعور ده

الله جميله اوى الحكايه دى
ومؤثره جدا والله

ايه ده انا اتهورت ونزلت الكلام الوحش ده ياااى

على العموم شكرا على الرد يا صادق ويا فير

ههههههههه


هأبقا أقولك ده معناه إيه في علم النفس

هو فاضل ايه فى علم النفس بتاعك مش عندى

انا بقيت مستنقعة امراض نفسيه

انا حدخل موسوعة جينيز ههههههههه

لأ انت مستعمرة


و هتدخل موسوعة أحمودا



هههههههه

ماقولتليش ده معناه ايه يا احمد

لألألألألأ .. الزهايمر اشتغل يا أحمد ..


انت متخيل إن بعد شهرين هأبقا فاكر


أن اأساسا مكنتش آخد بالي إن أحمد ده هو أنا



عموماً هأحاول افتكر أنا كنت أقصد إيه

اممممممممممممممممممم

بقولك ايه ما تجهد ذاكرتك انا مش عاوز اعرف
وبرضو نحاول نحافظ على اللى بقيلك ليطير

انا اول مرة اشوف الموضوع دة

واكيد انت مش مستنى راىى

بس انت مش موهوب انت محترف

جميييييييييييييييل ومناسبنى

شكرا على المجامله يا زهرة
بس المشكله ان المجامله مكشوفه
لان دى اول قصه قصيره -ان كانت قصيرة :D - اكتبها فى حياتى

وشكرا على الرد يا رنيم

موضوع جميييل