Without Fear
Sep 3 2005, 11:26 AM
السلام عليكم ورحمة الله وبركاته
رجعنا ليكم بحلقة جديدة في تحت المجهر
واتمنى يكون رجوع جميل ونشيط وانا متأكدة ان عندنا سكان كتييير اوي جداد ومتحمسين للتعرف على كل الناس الموجودة
وان شاء الله هيكون رجوع تحت المجهر بشكل جديد ... في وقت استضافة اقل من اللي كان الحال عليه زمان لاني لاقيت الناس بقت بتنام مني :D
فاتمنى للجميع مشاهدة ومشاركة طيبة مع ضيفنا الجديد النهاردة ولمدة اسبوعين ان شاء الله
shasho_219
Sep 3 2005, 11:32 AM
عزيزتي فير
طبعا انا سعيد ان انا معاكوا جدا في الحلقه دي :)
و ربنا يقدرني و اكون قدها ان شاء الله :D
Without Fear
Sep 3 2005, 11:40 AM
طبعا ضيف الحلقة دي عضو متميز ... بمعنى اصح عضو متفووووق جدا على ساحات جزيرة الاحلام
وبردو غامض جدا (يعني انا هكون زيي زيكم معرفش عنه اي حاجة) وهتكون الحلقة دي تعرف على الشخصية المختفية خلف اسمه
طبعا اسمه تألق في الواحات الرياضية ... (اقدر اقولكو المواضيع باسمه بنسبة 95%)
متربع على قائمة انشط الاعضاء في حلمنا ... وصاحب اكبر عدد من المواضيع
شاعر كمان .. وشاعر رقيق جدا
واسمه shasho او شادي
انا هسيبكم ترحبو بيه على ما اجيب الاسئلة اللي هنتعرف بيها على ضيفنا العزيز
يللا الحلقة بدت يا جماعة وعايزين اسئلة كتييييييييييييييييييير على اد ما تقدرو
akrm-nagy
Sep 3 2005, 01:18 PM
الله عليكى يا فير
انا نفسى اسأل شادىمن زمان
اولا: اية سر اهتمامك بالكورة
ثانيا :
معلش انا مبحبش الكورة خالص ولا بطيق اسمع عنها حاجة
علشان كدة اعذرنى انى مبدخلش على مواضيعك
فهل انت ممكن تزعل من التجاهل لمواضيعك
مش منى انا بس يعنى
بس اعتقد فى ناس مبتحبش الكورة زيى
ثالثا:
بجد بجد انا بشكرك على جهدك والله
انا حاسس انى لو مهتم بالكورة كنت هلاقى فى مواضيعك احسن مرجع
بسسسسسسسس
شكرااااااااااااااا
shasho_219
Sep 3 2005, 01:41 PM
بسم الله الرحمن الرحيم
-----------------------
طبعا انا سعيد جدا زي ما قولت ان اتيحت ليا الفرصة الجميلة دي و ان شاء الله اكون عند حسن ظنكم
و اكرم كان سأل اسئلة احب اني اجاوب عليها
QUOTE
اولا: اية سر اهتمامك بالكورة
اعتقد ان النشأه كان ليها عامل مهم اوي في ارتباطي بالكرة .. حيث ان والدي رحمه الله كان يعمل اداري في جهاز في كرة القدم بالنادي الاهلي و كنت في صغري اتردد باستمرار علي النادي و الحمد لله تربطني حتي الان علاقه جيده بالعديد من لاعبي الاهلي و الجهاز الفني و الاداري و خصوصا اللاعبين القدامي....
-------------------------------------------------------------------------------------------------------
QUOTE
ثانيا :
معلش انا مبحبش الكورة خالص ولا بطيق اسمع عنها حاجة
علشان كدة اعذرنى انى مبدخلش على مواضيعك
فهل انت ممكن تزعل من التجاهل لمواضيعك
منكرش طبعا ان في الكثير من الاوقات اصاب بحاله من الضيق تخيل انك تبذل مجهود و الحمد لله لا بأس به من وجهة نظري الشخصية و لا تجد له مقابل بالطبع شيء يحزني و لكن ما باليد حيلة !!..
------------------------------------------------------------------------------------------------------
QUOTE
ثالثا:
بجد بجد انا بشكرك على جهدك والله
انا حاسس انى لو مهتم بالكورة كنت هلاقى فى مواضيعك احسن مرجع
ربنا يخليك يا اكرم و الف شكر علي الاسئلة الجميلة .....
-------------------------------------------------------------------------------------------------------
sh@dy
nor_el7ob
Sep 3 2005, 02:05 PM
عندك حق يافير فى كل كلمة قولتيها
(طبعا ضيف الحلقة دا عضو متميز ... بمعنى اصح عضو متفووووق جدا على ساحات جزيرة الاحلام )
وكل الاسئلة اللى اكرم سئلها هى الاسئلة اللى كنت هسالها لية بس لو فى اسئلة جديدة جت فى دماغى هاجى بسرعة قولها
MATRIX
Sep 3 2005, 02:21 PM
صديقى العذيذ : شاشو
ايه هى اهدافك فى الحياه .... ؟
وايه هى احلامك اللى نفسك تحققها ...؟
سواء على المستوى الشخصى او على مستوى المنتدى .....؟
shasho_219
Sep 3 2005, 02:21 PM
QUOTE
عندك حق يافير فى كل كلمة قولتيها
(طبعا ضيف الحلقة دا عضو متميز ... بمعنى اصح عضو متفووووق جدا على ساحات جزيرة الاحلام )
وكل الاسئلة اللى اكرم سئلها هى الاسئلة اللى كنت هسالها لية بس لو فى اسئلة جديدة جت فى دماغى هاجى بسرعة قولها
شكرا علي ردك يا نور الحب و في انتظار مشاركتك
shasho_219
Sep 3 2005, 02:28 PM
QUOTE
صديقى العذيذ : شاشو
ايه هى اهدافك فى الحياه .... ؟
وايه هى احلامك اللى نفسك تحققها ...؟
سواء على المستوى الشخصى او على مستوى المنتدى .....؟
اخي العزيز ماتريكس ( العزيز بال(ز) و متفضحناااش) :lol:
طبعا كما نعلم فالحياة تجارب يمر بها الانسان لابد من الاستفاده من هذه التجارب و بالطبع اتمني تحقيق طموحاتي في اكون انسانا صالحا يرعي ربه و ان اكون يقظ الضمير حتي لا اغضب ربي
وبالطبع اتمني تحقيق طموحي العلمي بإنهاء دراستي للهندسة و العمل في وظيفة مرموقه ....
و ان اكون محبوبا بين الجميع و ربنا يقدرنا ان شاء الله
اما علي مستوي المنتدي فاتمني له التوفيق و الازدهار ان شاء الله بفضل الله و فضلكم .....
Siso BLack Cat
Sep 3 2005, 02:30 PM
انا مبسوط جدا من ان فير بقت موجوده تانى معانا ورجعت بقوه وان ضيفها هذا الاسبوع الشاكن الشقي شاشو
اللى انا حاسس انه مولود وفى ايده كوره من كتر اهتمامه بالكوره والملاعب
على العموم الحال من بعضه انا برده شكلي كده مولود ونازل وفي ايدي فلوبي
نيجي بقى للمهم
انا عايز اسئل ليك سؤال يا شاشو
اذا اتاحت الفرصه وبقيت عضو مهم فى جزريتنا وتوليت منصب .. مثلا لو قولنا :
شرطه - MIB - ولو مسكت مكاني وبقيت الادمن مثلا مثلا يعنى
فما هي خططك واهدافك اللى انت هتعملها .. وتوفرها .. وما هي خطواتك اللى هتمشي بيها لتنفيذ اهدافك وخططك
( ولو انت شرطه فحدد المكان اللى انت هتمسكه ) طبعا الـ MIB كنترول على المنتدي - الادمن على الموقع بالكامل
واى خدمه
محمد جبر
سيسو بلاك كات
أدمن جزيرة الاحلام
shasho_219
Sep 3 2005, 02:39 PM
QUOTE
انا مبسوط جدا من ان فير بقت موجوده تانى معانا ورجعت بقوه وان ضيفها هذا الاسبوع الشاكن الشقي شاشو
اللى انا حاسس انه مولود وفى ايده كوره من كتر اهتمامه بالكوره والملاعب
على العموم الحال من بعضه انا برده شكلي كده مولود ونازل وفي ايدي فلوبي
نيجي بقى للمهم
انا عايز اسئل ليك سؤال يا شاشو
اذا اتاحت الفرصه وبقيت عضو مهم فى جزريتنا وتوليت منصب .. مثلا لو قولنا :
شرطه - MIB - ولو مسكت مكاني وبقيت الادمن مثلا مثلا يعنى
فما هي خططك واهدافك اللى انت هتعملها .. وتوفرها .. وما هي خطواتك اللى هتمشي بيها لتنفيذ اهدافك وخططك
( ولو انت شرطه فحدد المكان اللى انت هتمسكه ) طبعا الـ MIB كنترول على المنتدي - الادمن على الموقع بالكامل
واى خدمه
محمد جبر
سيسو بلاك كات
أدمن جزيرة الاحلام
عزيزي سيسو باشا
طبعا انا سعيد جدا بمدخلتك و سؤالك الذكي ..
طبعا لو انا شرطة يبقي انت عارف اكيد انا عايز امسك ايه طبعا الركن الرياضي ان شاء الله هعمل نظام الصحف يمعني صحيفة شهرية للاهلي مثلا و
صحفية شهرية للزمالك و اخري للمنتخب و هكذا ...
حتي لا يكون هناك موضوعات متكررة و هحاول اكمل اللي بعمله الوقتي و هو امكانية تحميل الاهداف المحلية و هضيف لها ان شاء الله اهداف
افريقية و ازود يعني من المالتي ميديا و هحاول انشط المسابقات في الركن الرياضي و عمل مسابقات رياضية عن تاريخ اللاعبين و زي ما عملت قبل
كده مسابقة الصور المشوهة ده غير مفاجأه كنت قولت عليها لصديقي العزيز مشرف خواطر و اشعار ( كعبول) عليها ان شاء الله هبقي اقولكوا عليها
في وقتها ......
انا بالنسبة ل MIB هحاول بحكم اني بدخل كتير علي السايت ان يكون فيه كنترول علي السايت و بالبرغم ان غالبية الاعضاء محترمين و لا اعتقد
وجود مشاكل ...
اما الادمن يا عم خليهولك انا مش عايزه :D
Siso BLack Cat
Sep 3 2005, 07:51 PM
ردك جميل يا شاشو .. وعلشان كده انا هسئل كام سؤال كده صغننين على الماشي ونقول :
1. ايه اكتر حاجه بتخليك عصبي ؟
2. اعرب العصبيه من حياتك ؟
3. ايه اكتر موقف وصلك لدرجه العصبيه وانت في عز عصبيتك ضحكت والموقف اتقلب من عصبيه لضحك ؟
4. كفايا كده عليك اشوفك قريبا ...
akrm-nagy
Sep 3 2005, 08:29 PM
شاشو
افتكرت سؤالين كدة على الماشى
ما احنا طول الاسبوعين هنفضل ننفض فيك اسئلة.....
انت لو مش كنت بتحب الكورة كنت هتشوف نفسك فى اية تانى
وبعدين اللى اعرفة ان اللى بيحب الكورة بيلعب كورة
مش بينزل اخبار الكورة
لية مبتلعبش كورة
انا حاسس انك هتطلع شادى محمد بتاع الاهلى ومتنكر وبتضحك علينا
shasho_219
Sep 4 2005, 12:56 AM
QUOTE
ردك جميل يا شاشو .. وعلشان كده انا هسئل كام سؤال كده صغننين على الماشي ونقول :
1. ايه اكتر حاجه بتخليك عصبي ؟
2. اعرب العصبيه من حياتك ؟
3. ايه اكتر موقف وصلك لدرجه العصبيه وانت في عز عصبيتك ضحكت والموقف اتقلب من عصبيه لضحك ؟
4. كفايا كده عليك اشوفك قريبا ...
شكرا سيسو باشا علي المجاملة و دي مش غريبة عليك ما انت ابو الذوق كله يا عمدتنا
و بالنسبة لأكتر حاجه بتعصبني و الله مقدرش اقولك دلوقتي بس برده هي بترجع لمود الواحد يعني ممكن الواحد يكون موده كويس يقدر يستحمل اي حاجه و ممكن اكون مش تمام اتعصب من اي حاجه
اعراب العصبية في حياتي : حال مرتبط بالحاله المزاجية
هي بتحصل لما يكون الشخص اللي اتعصبت عليه من اعز اصدقائي و مش مسألة كده دي بتوصل اني اكون اللي اتعصبت و ارجه برده في نفس المكالمة او المقابلة و اصالحة !
مستني بقيت الاسئلة يا باشا
shasho_219
Sep 4 2005, 01:03 AM
QUOTE
شاشو
افتكرت سؤالين كدة على الماشى
ما احنا طول الاسبوعين هنفضل ننفض فيك اسئلة.....
انت لو مش كنت بتحب الكورة كنت هتشوف نفسك فى اية تانى
وبعدين اللى اعرفة ان اللى بيحب الكورة بيلعب كورة
مش بينزل اخبار الكورة
لية مبتلعبش كورة
انا حاسس انك هتطلع شادى محمد بتاع الاهلى ومتنكر وبتضحك علينا
انا تحت امررك يا باشا افتكر اسئلة براحتك
بجد مش عارف بس انا برده ليا اهتمامات تانية اكيد بس طبعا لا اخفي عليك سرا ان كرة القدم هي عشقي الاول
اما للجزء الخاص بلعب الكرة انا زي اي حد بلعب مع اصحابي لكن مش احتراف
و لكن الحمد لله و بشهاده الاصدقاء املك موهبة تحليل المباريات و قراءة خطط اللعب و هي ميزة تأتي بالمتابعة
المستمرة و الاحتكاك المباشر الذي توافر لي منذ الصغر بالاجهزة الفنية في النادي الاهلي بحكم عمل والدي
رحمه الله .....
لا علي فكرة انا مش شادي محمد بس احب اقولك ان شادي محمد من الشخصيات الطيبة جدا و اللذيذه جدا و
المهرجة جدا جدا و هو متزوج و عنده ولد اسمه فارس ربنا يخليهوله ...
Siso BLack Cat
Sep 4 2005, 02:59 AM
حقيقي يا شباب الكلام مع شاشو جميل جدا
بس انا ملاحظ ان الشباب كلهم بيسئلوا اسئله كده بسيطه عايزن اسئله مولعه نار .. عايزن الحديث يبقى مشعلل كده
تعالى هنا بقى ونتكلم عن الحب ايه رئيك
1. ايه هو الحب فى حياة شاشو ؟
2. معنى الحب من وجهة نظرك ؟
3. هل احببت فى مره ومن احببته لم يكن يحبك او يبادلك نفس الشعور ( نقول كده حب من طرف واحد ) ؟
4. احكلنا عن اول حب فى حياتك ؟
5. هل تعيش حالة حب فى الوقت الحاضر ؟ من امتى ؟ وعرفتها من فين وازي ؟ ( انا غلس مش كده - بس برده هكمل غلاسه عليك مليش دعوه اشمعنى اتعمل فيا انا كده وانا تحت المجهر )
6. حبيت كام مره فى حياتك ؟
7. ما هو موقف شاشو من البنات ؟ ومن الحب ؟
8. موقف كوميدي وانت مع الحبيب ؟ او مع من تعجب بها ؟
9. موقف غلس جدا وانت مع حبيبتك ؟ او من تعجب بها ؟
10. كلمنا عن البنات والجامعه وشاشو ؟
11. هل للبنات اثر فى حياة شاشو ؟
نكتفي بهذا القدر واكيد هرجعلك تانى
ياريت يا شاشو ترد على سؤال سؤال مش زي المره اللى فاتت تضحك عليا وتاكل الاجابت والاسئله مره وحده من غير مناخد بالنا من عدد الاسئله وعدد الاجابات يارت سؤال سؤال اصل انا بحب كل شئ حده وحده
shasho_219
Sep 4 2005, 09:22 AM
جري ايه يا عم سيسو هي المفرمة اشتغلت و لا ايه ؟!!!
و لو اني مش بحب اتكلم في هذا الموضوع بس حاضر يا عم عشان متقولش اني بتهرب
الحب في حياة شاشو مثله مثل الحب في حياة سيسو مثله مثل الحب في حياة كل انسان شيء لا غني عنه
و ليس بشرط ان يكون الحب هو الحب بين شاب و فتاه الحب لابد من ان يتواجد في كل شيء في حياتنا
معني الحب اعتقد انك تقصد الحب الحب !! : هو احساس يجعلك تحلق هائما في سماء العشق و يجعلك تشعر
انك تمتلك العالم كله في لحظات
الحب من طرف واحد ده انا بسميه هبل مش حب لأنه قد يدفع الي الجنون و الحمد لله اني لم اتعرض لمثل هذا
الموقف ..
هل تصدقني لو قلت لك انا اول حب في حياتي هو الاول و الاخير بإذن الله و ربنا يدمها نعمة علي الجميع
موقف شاشو من البنات موقف جيد فالبنات هي الاخت و الام و الصديقة و الحبيبة إذن فهو موقف محترم و كما
ان الفتاه لا يمكنها العيش بدون رجل فالعكس صحيح .......
و كفاية كده بقه عشان تعبت !!
Without Fear
Sep 4 2005, 10:16 AM
ههههههههههههههههههههههههههههههههههه
سبحان الله انا عارفة ان ده هيكون ردك يا شادي :D :D :D :D
Without Fear
Sep 4 2005, 10:19 AM
انا جيت لاقيت تحت المجهر منور بكل المشاهدين اللي انا حاسة انهم هيعصرو شاشو خلال الفترة دي من كتر الاسئلة
(اولا عذرا على عدم وضع الاسئلة امبارح .. كان عندي شوية مشاكل ومقابلات وحاجات مالهاش لازمة كده)
طبعا انا شايفة اننا لسة ماتعرفناش على شادي في بداية اللقاء ...
فاحنا عارفين ان االاسم شادي .. والعمر (20 سنة) لكن عايزين نتعرف عليك بعيد شوية عن الانترنت وحلمنا ...
- خلينا نرجع بالزمن لورا شوية ... واديلنا نبذة عن بيت شادي وهو صغير كان عامل ازاي؟ وازاي اثر على شخصية شاشو ... وكونلنا انسان محترم جدا وناضج جدا (على فكرة ده اكيد مش رايي انا لوحدي طبعا)..
- شاشو في المدرسة ... كنت تعتبره تلميذ بليد وكسلان ولا شاطر ومتفوق .. ولا متوسط؟؟ وهل كنت شقي ومشاغب ولا هادي (زي مانت هنا في حلمنا)
- ايه هو تخصصك دراسيا في الجامعة حاليا (انت قولت في احد ردودك دلوقتي انك بتدرس هندسة (زميل من المضطهدين زيي يعني :( ) لكن أي فرع في الهندسة؟)؟ وهل التخصص ده كان حلم ليك وحققته .. ولا زي كتير من الشباب اللي بيكون نفسهم في حاجة معينة وبتقف ثانوية عامة في طريق الحلم ده؟؟
- من حكمي على شاشو على حلمنا .. حسيت انه انسان نشيط و(رياضي) .. لكن كتير بحس انه قليل الاحتكاك بالناس.. هل احساسي في محله؟ واذا كان ايوة فياترى ايه السبب ف ده؟
- اعتقادي كان ان شاشو شخص عمره اكبر بكتير من عمره الحقيقي (يعني كنت بعتقد انك فوق ال24 او 25 سنة) .. كش لاي حاجة الا لاني الشباب في العشرين بيبقو مازالو في مرحلة المراهقة او اواخرها على الاقل وده بيطغى كتير على تصرفاتهم .. بس ماعتقدش ان أي حد لاحظ ده على حلمنا... من خلال مشاركاتك ال(6000 – قولو ما شاء الله يا جماعة- ) والسؤال هو: هل انت حاسس فعلا انك ناضج عن كتير من الشباب اللي ف سنك؟اذا كان الجواب ايوة .. ف ايه اللي تسبب في نضوجك بشكل اسرع؟
Without Fear
Sep 4 2005, 10:22 AM
- شاشو زي ماقولت في بداية الحلقة شاعر رقيق جدا وليه كتير جدا من المشاركات في قسم الخواطر ... والاغلب بيكون اغاني .. واعتقد انك بتفضل تكتب بالعامية اكتر .. ايه سبب قلة كتاباتك بالعربية الفصحى؟ هل بتحس انك بتعبر اسهل بالعامية؟ ولا انك في حاجة لزيادة الثروة اللغوية ولا بتحس ان الكتابة بالفصحى ليها قواعد كتير ممكن تحد من التعبير عن مشاعرك..
- من امتى بدأ تكتب اغاني او خواطر.. وهل حد ايّدك وساعدك من البداية؟
- هل بتعتبر التعبير عن مشاعرك ممكن يخلي الناس تفكر انك انسان ضعيف؟
- امتى بتلجأ لقلمك؟
انا هنتقل لمجال تاني في الاسئلة ونرجع بعدين لتكملة الاسئلة دي لانها هتنقلنا في مواضيع تانية خالص سيسو كمان سالك عنها وانا هستنى لما تجاوب على الاسئلة واكمل اسئلتي ومناقشاتي فيها
- كلمتنا عن حبك للرياضة والسبب في اهتمامك بالكورة والنادي الاهلي ... وبما انك اختلطت كتير بلاعبي الاهلي والجهاز الفني من صغرك .. ليه ما حاولتش تنمي قدراتك الكروية بدل ما تكتفي ب(اللعب مع اصدقاءك بس) ولا كان عندك اولويات تانية؟
- الى جانب كرة القدم ... ايه الرياضات التانية اللي بتستمتع بيها؟ سواء بمشاهدتها او بلعبها
- قولتلنا انك عندك موهبة في نقد المباريات وتحليلها ... هل بترجع الفضل لشخص معين في تنمية الموهبة دي؟؟ وليه مااستغلتهاش في انك تشتغل ناقد رياضي لكرة القدم؟
- شاشو (اهلاوي for ever ) .. مش كده؟ :D انا كنت سألتك بردو في الواحة الرياضية او سالت بشكل عام ... ليه الانتماء الشديد للنادي ده بحد ذاته برغم ان اللاعبين بينتقلو من نادي لنادي تاني ... فايه سر عشقك للنادي الاهلي؟ هل هي (عشرة عمر؟؟) ... ولو كان الجواب لانه نادي متفوق رياضيا جدا ... فهسأل سؤال تاني .. وهو (لو انقلب الحال وانخفض مستوى النادي الاهلي ... وسطع نجم نادي اخر هل هيستمر ولاءك بنفس الحماس للنادي الاهلي؟؟)
- لو قالولك رتب الاندية المصرية حسب مستواها في تقديرك ... قولي اول 5 اندية هتختارها على رأس القائمة ..
shasho_219
Sep 4 2005, 12:24 PM
QUOTE
فاحنا عارفين ان االاسم شادي .. والعمر (20 سنة) لكن عايزين نتعرف عليك بعيد شوية عن الانترنت وحلمنا ...
- خلينا نرجع بالزمن لورا شوية ... واديلنا نبذة عن بيت شادي وهو صغير كان عامل ازاي؟ وازاي اثر على شخصية شاشو ... وكونلنا انسان محترم جدا وناضج جدا (على فكرة ده اكيد مش رايي انا لوحدي طبعا)..
- شاشو في المدرسة ... كنت تعتبره تلميذ بليد وكسلان ولا شاطر ومتفوق .. ولا متوسط؟؟ وهل كنت شقي ومشاغب ولا هادي (زي مانت هنا في حلمنا)
- ايه هو تخصصك دراسيا في الجامعة حاليا (انت قولت في احد ردودك دلوقتي انك بتدرس هندسة (زميل من المضطهدين زيي يعني :( ) لكن أي فرع في الهندسة؟)؟ وهل التخصص ده كان حلم ليك وحققته .. ولا زي كتير من الشباب اللي بيكون نفسهم في حاجة معينة وبتقف ثانوية عامة في طريق الحلم ده؟؟
- من حكمي على شاشو على حلمنا .. حسيت انه انسان نشيط و(رياضي) .. لكن كتير بحس انه قليل الاحتكاك بالناس.. هل احساسي في محله؟ واذا كان ايوة فياترى ايه السبب ف ده؟
- اعتقادي كان ان شاشو شخص عمره اكبر بكتير من عمره الحقيقي (يعني كنت بعتقد انك فوق ال24 او 25 سنة) .. كش لاي حاجة الا لاني الشباب في العشرين بيبقو مازالو في مرحلة المراهقة او اواخرها على الاقل وده بيطغى كتير على تصرفاتهم .. بس ماعتقدش ان أي حد لاحظ ده على حلمنا... من خلال مشاركاتك ال(6000 – قولو ما شاء الله يا جماعة- ) والسؤال هو: هل انت حاسس فعلا انك ناضج عن كتير من الشباب اللي ف سنك؟اذا كان الجواب ايوة .. ف ايه اللي تسبب في نضوجك بشكل اسرع؟
طبعا شكرا ليكي يا فير علي الكلام الجميل اللي قولتيه عليا ..
طبعا الحمد لله علي كل شيء و انا نشأت و الحمد لله في اسرة ضغيرة و مستقرة جدا فأنا وحيد ليس لدي اخوة و لا اخوات فلا انكر بالطبع في مثل هذه الحاله وجود شيء من الترفيه الممزوج بالحزم و اعتقد ان الاهل بذلك حققوا المعادلة الصعبة في تكوين شخصية الابن ......
المدرسة و الحمد لله كنت ماشي كويس بشهاده المدرسين فيها و كنت احاول دائما كسب ثقة الاساتذه فيها ..
و علي فكرة انا ايام المدرسة نجحت و بفضل الله في الحصول علي المركز الثاني علي مستوي الجمهورية في القاء الشعر و علي فكرة المسابقة النهائية كانت في مدينة الاسماعيلية....
انا بطبعي ماليش في المشاكل بالعكس احب ان كل الناس تكون مش شايلة مني في اي حاجه و ربنا يقدرني و افضل كده لحد ما اموت .....
انا تخصصي هندسة حاسبات و ربنا يوفقني و اخلص علي خير ......
هذا التخصص من احلامي لأني كان نفسي قبل الهندية اني ادخل سياسة و اقتصاد بحكم عمل امي في وزارة الخارجية و كان يليه هندسة كومبيوتر و الحمد لله راح الاول و جه التاني ....
بالعكس يا فير انا بحب الناس جدا و احب الاصدقاء و زي ما قولتلك ان بحكم اني وحيد فبحب جدا يكون ليا اصحاب ....
مش عارف اذا كنت ناضج اكثر من كثير من الشباب و لا لأ بس دي الناس اللي تحكم عليها بس اللي اقدر اقولك عليه اني واخد الدنيا ببساطة ....
shasho_219
Sep 4 2005, 12:44 PM
QUOTE
شاشو زي ماقولت في بداية الحلقة شاعر رقيق جدا وليه كتير جدا من المشاركات في قسم الخواطر ... والاغلب بيكون اغاني .. واعتقد انك بتفضل تكتب بالعامية اكتر .. ايه سبب قلة كتاباتك بالعربية الفصحى؟ هل بتحس انك بتعبر اسهل بالعامية؟ ولا انك في حاجة لزيادة الثروة اللغوية ولا بتحس ان الكتابة بالفصحى ليها قواعد كتير ممكن تحد من التعبير عن مشاعرك..
- من امتى بدأ تكتب اغاني او خواطر.. وهل حد ايّدك وساعدك من البداية؟
- هل بتعتبر التعبير عن مشاعرك ممكن يخلي الناس تفكر انك انسان ضعيف؟
- امتى بتلجأ لقلمك؟
انا هنتقل لمجال تاني في الاسئلة ونرجع بعدين لتكملة الاسئلة دي لانها هتنقلنا في مواضيع تانية خالص سيسو كمان سالك عنها وانا هستنى لما تجاوب على الاسئلة واكمل اسئلتي ومناقشاتي فيها
- كلمتنا عن حبك للرياضة والسبب في اهتمامك بالكورة والنادي الاهلي ... وبما انك اختلطت كتير بلاعبي الاهلي والجهاز الفني من صغرك .. ليه ما حاولتش تنمي قدراتك الكروية بدل ما تكتفي ب(اللعب مع اصدقاءك بس) ولا كان عندك اولويات تانية؟
- الى جانب كرة القدم ... ايه الرياضات التانية اللي بتستمتع بيها؟ سواء بمشاهدتها او بلعبها
- قولتلنا انك عندك موهبة في نقد المباريات وتحليلها ... هل بترجع الفضل لشخص معين في تنمية الموهبة دي؟؟ وليه مااستغلتهاش في انك تشتغل ناقد رياضي لكرة القدم؟
- شاشو (اهلاوي for ever ) .. مش كده؟ :D انا كنت سألتك بردو في الواحة الرياضية او سالت بشكل عام ... ليه الانتماء الشديد للنادي ده بحد ذاته برغم ان اللاعبين بينتقلو من نادي لنادي تاني ... فايه سر عشقك للنادي الاهلي؟ هل هي (عشرة عمر؟؟) ... ولو كان الجواب لانه نادي متفوق رياضيا جدا ... فهسأل سؤال تاني .. وهو (لو انقلب الحال وانخفض مستوى النادي الاهلي ... وسطع نجم نادي اخر هل هيستمر ولاءك بنفس الحماس للنادي الاهلي؟؟)
- لو قالولك رتب الاندية المصرية حسب مستواها في تقديرك ... قولي اول 5 اندية هتختارها على رأس القائمة ..
قلتي كتباتي للفصحة لا اعلم سببها و لكني اعتقد من وجهة نظر شخصية بحته ان العامية اقرب للمتلقي و اسهل علي الاذان قد اكون مخطا او صحيح لكن انا مقتنع بهذا السبب ....
تصدقيني لو قلتلك اني بدأت متأخر اوي من حوالي سنتين علي الاكثر و اصدقائي شجعوني و قالوا لي ان كتاباتي ليست بالسيئة و الحمد لله ...
الكتابة بالنسبة لي هي حاله لا يمكن توقع متي ستأتي هي حاله تأتي لي و اكتب من خلالها و ليس شرط ان تكون تجربة شخصية .....
ياللا بقي ندخل في الكورة :
-------------------------
مش مسألة اولويات تانية بس : رحم الله امرء عرف قدر نفسه انا عارف انا مستواي و انا صغير لا يؤهلني للعب للأهلي و انا لم اتخيل نفسي الا في الاهلي اذن فاللعب مع الاصدقاء افضل !!
انا لعبت كرة يد في النادي الاهلي بس للأسف مكملتش بسبب مقصلة الثانوية العامة و كنت حارس مرمي الحمد لله مش بطال .......
انا بحب اتابع اي رياضة حتي لو ( بلي ) طالما الاهلي طرف فيها !!!
يعود الفضل في موهبة تحليل المباريات الي احتكاكي المباشر بالجميع في النادي الاهلي و بالطبع الي والدي رحمه الله كما قلت من قبل و اعتقد ان موضوع العمل في مجال التحليل الرياضي يحتاج الي ان اكون لاعب سابق و بعدين الموضوع انا بعمله لنفسي و يكفي ان تشعر انك تفهم الاخرين فهذا قمة الاحساس بالمتعة ....
سبب عشقي للاهلي كما قولتي ( عشرة عمر ) و لابد من الوقوف بجانب الفريق في الاوقات الصعبة قبل الجيدة و دي اهم صفات الانتماء فأنا لا اشجع لاعب او مدرب بل اشجع تلك القلعة الرياضية الكبري ....
افضل 5 فرق في الوقت الحالي و اكرر في الوقت الحالي :
------------------------------------------------------
الاهلي ( مش محتاجة كلام و مش مجاملة )
الاسماعيلي ( بداية رائعة هذا الموسم محليو و افريقية)
انبي ( ثبات متميز في المستوي )
الزمالك ( و العودة الي مستواه القديم سيحتاج المزيد من الوقت و لكنه قادم لا محالة )
احجب الفريق الخامس لأن الدوري لسه في اوله و بعد الاربع فرق دول الكل لسه مش باين .......
almaskar
Sep 4 2005, 02:49 PM
حبيب قلبي شادي
انا سعيد جدا انك هنا
بقولك ايه يا مان
ما رأيك في الاعتماد على النفس ؟
يا تري بتحب المغامرات ؟
ممكن تحكيلنا
شادي ممكن تكلمنا عن الحياة البسيطة !
معلش يا شادي لو الاسئلة رذيلة شوية
ربنا معاك
shasho_219
Sep 4 2005, 03:42 PM
QUOTE
حبيب قلبي شادي
انا سعيد جدا انك هنا
بقولك ايه يا مان
ما رأيك في الاعتماد على النفس ؟
يا تري بتحب المغامرات ؟
ممكن تحكيلنا
شادي ممكن تكلمنا عن الحياة البسيطة !
معلش يا شادي لو الاسئلة رذيلة شوية
ربنا معاك
اعتقد ان الموضوع الاعتماد علي النفس ده متوفر فيا بحكم اني وحيد و الحمد لله بشهاده عائلتي اني اجيد اتخاذ
القرارت ....
لا مش بحب المغامرات لانها مش من طبعي
الحياة البسيطة ان الانسان يعشها زي ما هي من غير تكلفة و انه يسعي لينول رضا ربه و ان يراعي حقوقه
دون المساس بحقوق الاخرين و الحمد لله ده اللي بحاول اعمله دون التجريح في احد ....
akrm-nagy
Sep 4 2005, 10:44 PM
شادى انا شايفك حاطط فى الصورة الرمزية صورة الرئيس حسنى مبارك
فممكن تشرحلنا وجه نظرك فى الانتخابات وهترشح مين ولية؟
وبالنسبة لموضوع الكورة انا مش بقولك تلعب مع صحابك
انا بقولك لية ملعبتش فى نادى من الاندية
وشكرا
وما تشمش نفسك ......هفكر فى اسئلة وارجعلك تانى
دا انا ههريك اسئلة :D
shasho_219
Sep 4 2005, 11:43 PM
QUOTE
شادى انا شايفك حاطط فى الصورة الرمزية صورة الرئيس حسنى مبارك
فممكن تشرحلنا وجه نظرك فى الانتخابات وهترشح مين ولية؟
وبالنسبة لموضوع الكورة انا مش بقولك تلعب مع صحابك
انا بقولك لية ملعبتش فى نادى من الاندية
وشكرا
وما تشمش نفسك ......هفكر فى اسئلة وارجعلك تانى
دا انا ههريك اسئلة
انا شايف ان الرئيس مبارك هو الانسب في المرحلة القادمة لعدة اسباب اهمها خبرته العريضة في مجال السياسة
الداخلية و الخارجية و دي وجهة نظر شخصية
و انا جاوبت علي سؤال الكرة قبل كده اني متخيلتش نفسي العب في اي حته غير الاهلي و طالما مش هينفع
خلاص خلينا هواه احسن ....
و انا مستعد لجميع الاسئلة .....
Siso BLack Cat
Sep 5 2005, 02:56 AM
انا مش عارف يا شادي ليه انت بتجاوب اجابات قصريه كده .. وخاصه فى اسئلتى لان انا كنت متوقع اجابه طويله عريضه وكلام كتير وحكايات ... ولكن انا اتفاجئت ان كلامك كان قليل جدا وخاصه فى اخر اسئله ..
على اعموم انا هستمتع بالمشاهده والمتابعه .. ومش هزنقك تانى لحسن باين عليك بتتزنق من اول سؤال ..
Without Fear
Sep 5 2005, 06:09 AM
ده اتزنقت يا شادي اكييييد :D
القائد الاعلى عايز اجابات مفسرة :D :P
Without Fear
Sep 5 2005, 06:14 AM
شوية أسئلة خفيفة بقى:
- لونك المفضل؟
- اغنية مفضلة عندك (انجليزي او عربي او الاتنين)
- مطرب بتحترمه
- فيلم مفضل (عربي / انجليزي)
- صفة بتعتبرها ميزة فيك؟
- صفة بتعتبرها عيب فيك؟
- اكبر مقلب اخدته ف حياتك كان ايه؟
- موقف صعب جدا عليك كان ايه هو؟
- مكانك المفضل .. فين؟ وتحب تروحه مع مين؟
- صفة تحب تلاقيها في اصحابك
- حلم حلمته وماقدرتش تحققه لغاية دلوقتي
- نقطة تحول ف حياتك كانت امتى؟
Without Fear
Sep 5 2005, 06:17 AM
نسأل شوية بقى عن حلمنا ووجودك على حلمنا و طبعا سيسو بدأ باسئلة جميلة كنت عايزة اسألها عنك وعن حلمنا ... بس بردو لازم انا كمان اسأل ..
- قبل أي سؤال من امبارح وانا بكتب التقديم وايدي بتاكلني على كتابة سؤال غريب شوية ... shasho_219 .. ده الnick name بتاعك على حلمنا ... فلو قولنا شاشو فهو من شادي .. لكن ايه سبب اختيار الرقم 219؟؟ انا اتوقع لما حد يحط رقم في اسمه يا اما يكون تاريخ ميلاده (وهو مش تاريخ ميلادك اكيد) يا اما بيكون ليه دلالة مميزة عنده .. فايه سر الرقم 219؟؟
- شاشو صاحب ال6000 مشاركة ... تعتبر طبعا من الاعضاء القدامى في حلمنا ... مين اللي عرفك على حلمنا؟
- مرت بحلمنا فترات عصيبة جدا .. وناس كتير من اهله اتخلو عنه ... لكن كان شاشو من احد الاسماء القليلة (اللي اقدر اعدها على صوابع ايديا) اللي فضلت لغاية النهاية موجودة ف حلمنا .. بنفس النشاط والاصرار.. ياترى كان ايه السبب؟
- هل انت مشارك في منتديات تانية او شاركت قبل وجودك في حلمنا (بدون ذكر اسماء)؟ وايه تقديرك لحلمنا مقارنة ببقية المنتديات العربية؟
- اكتر حاجة حبيتها في جزيرة الاحلام كانت ايه؟
- واحتك المفضلة ... ايه هي؟
- واحة بتحب مناقشاتها جدا؟
- عضو بتحترمه جدا . وليه؟
- ايه سر اختفاءك من كتير من واحات جزيرة الاحلام؟
- هو وهي على صفيح ساخن .. واحة مليانة مواضيع ساخنه جدا .. بس برغم كده مش بنشوف شاشو كتير فيها ... ليه؟
- عضو بتحب تتابع مشاركاته..
- لو لم تكن شاشو ... فمن من اعضاء جزيرة الاحلام تود ان تكون؟
- شاشو من اكتر الناس اللي انا من زمان توقعت تكون من شرطة الاحلام .. وبرغم كده تأخرت ترقيته جدا جدا ... هل ده احيانا بيحسسك بانك (مش واخد حقك) او انك مظلوم او ماحدش بيقدر مجهودك؟ (انا كده دخّلت الحكومة في الموضوع :P .. بس اكيد احنا عارفين ومقدرين مجهودك معانا ف حلمنا)
- بنشوف معظم الشباب دلوقتي اهتماماتهم بتميل اكتر حاجة ناحية الكمبيوتر سواء صيانة او هاكيج او جرافيكس ... لكن مافتكرش اني شوفت شاشو في واحات الكمبيوتر ... ياترى ليه؟
انا عارفة تقلت عليك بالاسئلة ... فهسيبك تجاوب ونكمل بعد ما ترد على الاسئلة واسئلة الضيوف :lol:
shasho_219
Sep 5 2005, 09:59 AM
QUOTE
انا مش عارف يا شادي ليه انت بتجاوب اجابات قصريه كده .. وخاصه فى اسئلتى لان انا كنت متوقع اجابه طويله عريضه وكلام كتير وحكايات ... ولكن انا اتفاجئت ان كلامك كان قليل جدا وخاصه فى اخر اسئله ..
على اعموم انا هستمتع بالمشاهده والمتابعه .. ومش هزنقك تانى لحسن باين عليك بتتزنق من اول سؤال ..
و الله يا سيسو للأسف انا بطبعي مش بحب اللت و العجن او بمعني اصح بحب مقولة خير الكلام ما قل و دل ..
و ده ممكن ميعجبكش بس اعمل ايه ؟ طبعي و مش هعرف اغيره
shasho_219
Sep 5 2005, 10:08 AM
QUOTE
شوية أسئلة خفيفة بقى:
- لونك المفضل؟
- اغنية مفضلة عندك (انجليزي او عربي او الاتنين)
- مطرب بتحترمه
- فيلم مفضل (عربي / انجليزي)
- صفة بتعتبرها ميزة فيك؟
- صفة بتعتبرها عيب فيك؟
- اكبر مقلب اخدته ف حياتك كان ايه؟
- موقف صعب جدا عليك كان ايه هو؟
- مكانك المفضل .. فين؟ وتحب تروحه مع مين؟
- صفة تحب تلاقيها في اصحابك
- حلم حلمته وماقدرتش تحققه لغاية دلوقتي
- نقطة تحول ف حياتك كانت امتى؟
لوني المفضل : احمر
اغنية مفضلة : عاللي جري - A NEW DAY HAS COME
مطرب بحترمه : صابر الرباعي
فيلم مفضل :جاءنا البيان التالي
صفة : الطيبة
عيب : برده الطيبة !!!
اكبر مقلب : الحمد لله مفيش حاجه تستاهل انها تكون اكبر مقلب بس لما تنخدع في شخص ما اعتقد ان دا بيبقي مقلب سخيف
اوي
موقف صعب جدا عليا : وفاة والدي 7/1/2003
مكاني المفضل : اي مكان طالما انا فيه مع ناس بحبهم
صفة احب الاقيها في اصحابي : الامانه و الطيبة
حلم حلمته و لسه محققتوش : اكيد كتير طالما الواحد عايش اكيد بيحلم ......
نقطة تحول في حياتي : دخولي الجامعه ....
shasho_219
Sep 5 2005, 10:24 AM
QUOTE
- قبل أي سؤال من امبارح وانا بكتب التقديم وايدي بتاكلني على كتابة سؤال غريب شوية ... shasho_219 .. ده الnick name بتاعك على حلمنا ... فلو قولنا شاشو فهو من شادي .. لكن ايه سبب اختيار الرقم 219؟؟ انا اتوقع لما حد يحط رقم في اسمه يا اما يكون تاريخ ميلاده (وهو مش تاريخ ميلادك اكيد) يا اما بيكون ليه دلالة مميزة عنده .. فايه سر الرقم 219؟؟
- شاشو صاحب ال6000 مشاركة ... تعتبر طبعا من الاعضاء القدامى في حلمنا ... مين اللي عرفك على حلمنا؟
- مرت بحلمنا فترات عصيبة جدا .. وناس كتير من اهله اتخلو عنه ... لكن كان شاشو من احد الاسماء القليلة (اللي اقدر اعدها على صوابع ايديا) اللي فضلت لغاية النهاية موجودة ف حلمنا .. بنفس النشاط والاصرار.. ياترى كان ايه السبب؟
- هل انت مشارك في منتديات تانية او شاركت قبل وجودك في حلمنا (بدون ذكر اسماء)؟ وايه تقديرك لحلمنا مقارنة ببقية المنتديات العربية؟
- اكتر حاجة حبيتها في جزيرة الاحلام كانت ايه؟
- واحتك المفضلة ... ايه هي؟
- واحة بتحب مناقشاتها جدا؟
- عضو بتحترمه جدا . وليه؟
- ايه سر اختفاءك من كتير من واحات جزيرة الاحلام؟
- هو وهي على صفيح ساخن .. واحة مليانة مواضيع ساخنه جدا .. بس برغم كده مش بنشوف شاشو كتير فيها ... ليه؟
- عضو بتحب تتابع مشاركاته..
- لو لم تكن شاشو ... فمن من اعضاء جزيرة الاحلام تود ان تكون؟
- شاشو من اكتر الناس اللي انا من زمان توقعت تكون من شرطة الاحلام .. وبرغم كده تأخرت ترقيته جدا جدا ... هل ده احيانا بيحسسك بانك (مش واخد حقك) او انك مظلوم او ماحدش بيقدر مجهودك؟ (انا كده دخّلت الحكومة في الموضوع :P .. بس اكيد احنا عارفين ومقدرين مجهودك معانا ف حلمنا)
- بنشوف معظم الشباب دلوقتي اهتماماتهم بتميل اكتر حاجة ناحية الكمبيوتر سواء صيانة او هاكيج او جرافيكس ... لكن مافتكرش اني شوفت شاشو في واحات الكمبيوتر ... ياترى ليه؟
انا عارفة تقلت عليك بالاسئلة ... فهسيبك تجاوب ونكمل بعد ما ترد على الاسئلة واسئلة الضيوف :lol:
- فعلا يا فير shasho من اسمي و لكن تصدقيني لو قولتلك انا نفسي معرفش 219 بتاعة ايه !!!
حاجه جت علي بالي و كتبتها ولاقيت الاسم ماشي علي بعضه !!
- تعرفت علي حلمنا من اصدقائي في الجامعه موني و كعبول و اسامة
- هو الواحد لما يدخل المكان اللي بيحبه لازم يكون فيه سبب ؟
- بعد حلمنا اشتركت في منتديات تانية بس مش لغرض المشاركة انما لتحميل اغاني او كده يعني .....
- عضو بحترمه : اكيد بحترم كل الاعضاء لأنهم فعلا محترمين .....
- فيه حاجه لاقيتها في حلمنا حلوة اوي انه كله بحس انه اسرة واحده ....
- هو و هي علي صفيح ساخن علي فكرة بشوف فيها مناقشات حلوة جدا بس بحب اتابع من بعيد لبعيد
- عضو بحب تتبع مشاركاته : سيسو لأنه بالرغم ان بينزل بمشاركات قليلة جدا بس بيكون فيها مناقشات حلوة
- انا عمري ما تمنيت اني اكون حد تاني ...
- موضوع الترقية ده يا فير ان هحكيلك علي حاجه :
في كرة القدم المدرب لازم يختار 11 لاعب فقط عشان يلعب و 7 يكونوا احتياطي فلما بيسألوا الاحتياطي انت ليه مبتلعبش بيكون رده : عشان دي وجهة نظر المدير الفني للفريق ...
و انا بعتبر ان سيسو بلاك كات هو المدير الفني لحلمنا و ده رأيه و لازم احترمه هو شايف ناس اجدر مني خلاص مفيش مشاكل هعمل ايه يعني ؟......
- يعني مش عارف بس ان شاء الله اكيد في وقت من الاوقات هتشوفوني في هذه الواحة ....
ahmoda
Sep 5 2005, 11:04 AM
شادي ..
1 – لماذا لا تحاول تقديم بعض الخواطر النثرية ؟
2- أين شادي من المناقشات الجادة و الهادفة و الطويلة .. هل لانشغاله ؟؟ .. أم لترك انطباع بالغموض ؟ .. أم لعدم ترحيبه بنشر رأيه الخاص في المنتدى ؟
3 – من الكاتب الذي تقرأ له موضوعاً في منتديات الخواطر والشعر بمجرد رؤية اسمه , ومن يترك داخلك الأثر بكتاباته .. ( يُرجى عدم ذكر اسمي لضمان حيادية الإجابة .. مع العلم بأن الإجابة يجب أن تكون لاسم واحد فقط )
4- لمن يقرأ شادي في الحياة العامة .. عامود في الجريدة .. مقالات متنوعه .. قصائد شعرية .. روايات ؟
5- ما هي القصيدة أو المقالة أو الرواية التي أثرت في شادي .. ولم تُمحى من ذاكرته حتى الآن ؟
6- هل يعتقد شادي أن المنتديات وسيلة للارتقاء بالمستوى الفكري أو الأدبي .. أم هي وسيلة لإقامة صداقات .. أم هي وسيلة لتضييع الوقت .. ؟
7- هل شعر شادي بتطور في مستواه الأدبي أو الفكري من خلال المنتدى ؟
8- لماذا تتميز أجوبة التعليقات الخفيفة غير متعمقة ؟
9-هل أنت راض على مستوى الأندية المصرية ة مستوى الكرة المصرية بغض النظر عن الانتماءات ؟
و لك كل تقدير ..
أحمد
Without Fear
Sep 5 2005, 11:37 AM
انت خطير يا احمودا والاسئلة رهيييبة بجد
شادي اتزنق كده فعلا
وانا هناقش شوية بقى الاجوبة الكتير لاننا هنطلع منها اسئلة كتييير اوي
يللا يا شاشو الواجب تقيل
shasho_219
Sep 5 2005, 03:48 PM
QUOTE
– لماذا لا تحاول تقديم بعض الخواطر النثرية ؟
2- أين شادي من المناقشات الجادة و الهادفة و الطويلة .. هل لانشغاله ؟؟ .. أم لترك انطباع بالغموض ؟ .. أم لعدم ترحيبه بنشر رأيه الخاص في المنتدى ؟
3 – من الكاتب الذي تقرأ له موضوعاً في منتديات الخواطر والشعر بمجرد رؤية اسمه , ومن يترك داخلك الأثر بكتاباته .. ( يُرجى عدم ذكر اسمي لضمان حيادية الإجابة .. مع العلم بأن الإجابة يجب أن تكون لاسم واحد فقط )
4- لمن يقرأ شادي في الحياة العامة .. عامود في الجريدة .. مقالات متنوعه .. قصائد شعرية .. روايات ؟
5- ما هي القصيدة أو المقالة أو الرواية التي أثرت في شادي .. ولم تُمحى من ذاكرته حتى الآن ؟
6- هل يعتقد شادي أن المنتديات وسيلة للارتقاء بالمستوى الفكري أو الأدبي .. أم هي وسيلة لإقامة صداقات .. أم هي وسيلة لتضييع الوقت .. ؟
7- هل شعر شادي بتطور في مستواه الأدبي أو الفكري من خلال المنتدى ؟
8- لماذا تتميز أجوبة التعليقات الخفيفة غير متعمقة ؟
9-هل أنت راض على مستوى الأندية المصرية ة مستوى الكرة المصرية بغض النظر عن الانتماءات ؟
و لك كل تقدير ..
أحمد
اخي العزيز احمد ....
لك جزيل الشكر علي هذه الاسئلة المتيمزة بالفعل
- بصراحة محاولتش اكتب خواطر نثرية قبل كده و مش عارف ده عيب فيا و لا قله خبرة او كسل يعني فعلا مش
عارف
و اكيد لو جربت هنشرها في حلمنا ........
- انا موجود بس فعلا انا معترف اني مقصر في العديد من المناقشات بس فعلا انا مبسوط من تحت المجهر لأني
خلاني اأخد بالي ان فيه حاجات انا مقصر فيها و ان شاء الله احاول اصلح هذه الاخطاء .
- بلاش اسمك بس بجد انت من الناس اللي بيكتبوا بصدق شديد بس فيه واحد كمان كتاباته ملهاش حل و مش
عارف هو فين علي علي المنتدي بالرغم انه مشرف خواطر و اشعار و صديقي العزيز ( كعبوول) بس بجد لو
قرأت كتاباته فعلا رائعة ..
- انا بطبعي احب كل يوم اقرأ الجرايد و خصوصا الاهرام و فيه مقالات كثيرة تستحق القراءة اهمها مواقف
انيس منصور فعلا الراجل ده ملوش حل ...
- من الكتب التي قرأتها و مازالت عالقة في ذهني : ( مقص الرقيب ) يوميات مذيع مصري في الاراضي المحتلة
- المنتدي بالنسبه لي وسيلة جيدة لمعرفة الاحدث دائما فمثلا في مجال الرياضة ابحث بشكل مستمر عن الاخبار
الجديدة لإقدمها فبالتالي استفيد و افيد الاخرين و هكذا .....
- حدث تطور و لكن اتمني ان يزداد في المستقبل ...
- بالنسبة للأندية المصرية هناك رضا نوعا ما في هذه الايام خصوصا بعد التقدم الجميل في مستوي الاسماعيلي
و الثبات ( نوعا ما ) في مستوي الاهلي و تحسن الزمالك ( نوعا ما ) و ظهور فرسان جدد قادرين علي
المنافسة مثل انبي و لكن اتمني عودة حرس الحدود و المصري لمستواهما المعهود و ان تتسع دائرة المنافسة
اكثر و اكثر ...
و شكرا علي اسئلتك يا احمد .....
abo_gooda
Sep 5 2005, 04:00 PM
حبيبى شاشو
ايه اخبارك؟
ما هى اهدافك فى الحباة؟
وماذا فعلت لتحققها؟
وجزاك الله خيرا
akrm-nagy
Sep 5 2005, 05:07 PM
شادى
اية اللى انت شايفة ناقص فى حياتك؟؟
ما هى العيوب اللى شايفها فى نفسك؟؟
بصفتك ولد وحيد مش حاسس انك متدلع؟؟
ما هى اكتر حاجة بتكرها فى منتدى حلمنا؟؟
ومش عايز اجابات دبلوماسية
عايز اجبات صريحة
shasho_219
Sep 5 2005, 06:11 PM
QUOTE
حبيبى شاشو
ايه اخبارك؟
ما هى اهدافك فى الحباة؟
وماذا فعلت لتحققها؟
وجزاك الله خيرا
عزيزي ابو جودة
انا جاوبت علي سؤال مشابه قبل كده و زي ما قولت هقول تاني ان الحياة ما هي الا تجارب بنمر بيها و انا عن نفسي اكيد ليا اهدافي اللي نفسي احققها علي جميع الاصعدة .
اسعي دائما ان اكون انسان صالح يرعي ربه و يراعي ضميره في تصرفاته حتي يعطيني الله علي قد نوايايا
اسعي لأنهاء دراستي بنجاح و ايجاد عمل مناسب و ذلك يأتي بالاجتهاد و المثابرة
اسعي ان انال رضا الجميع بالسلوك الحسن
اعتقد دي اجزاء من اهدافي في الحياة تلك الحياة التي ما هي الا خطوة الي الجنه ان شاء الله في الاخرة .....
shasho_219
Sep 5 2005, 06:16 PM
QUOTE
شادى
اية اللى انت شايفة ناقص فى حياتك؟؟
ما هى العيوب اللى شايفها فى نفسك؟؟
بصفتك ولد وحيد مش حاسس انك متدلع؟؟
ما هى اكتر حاجة بتكرها فى منتدى حلمنا؟؟
ومش عايز اجابات دبلوماسية
عايز اجبات صريحة
الحمد لله انا عايش حياة سعيدة و مش حاسس ان فيه اي حاجه نقصاني بس صراحة ساعات بحس ان كنت اتمني وجود اخوات ليا و لكني و الحمد لله بعوضها بالاصدقاء المقربين.......
عيوبي زي ما قولت قبل كده اني ساعات بكون طيب بس بالزياده شوية و دي مشكلة و منكرش اني ساعات برده بكون عصبي لما يكون مودي مش تمام
بس يا اكرم فيه فرق كبير ما بين الدلع و الترفيه المتداخل مع الحزم و اعتقد ان ده اللي انا عشته في طفولتي ..
اكتر حاجه بكرها في حلمنا تنفيض الناس في اوقات كثيرة و لكن لكل واحد اسباب غيابه و يجب ان نحترمها .
akrm-nagy
Sep 5 2005, 06:30 PM
طيب
هل فعلا صحابك بيعوضوك عن اخواتك؟؟
كنت تتمنى اخوات ولاد ولا بنات؟؟
لما تتجوز (عن قريب ان شاء الله) تتمنى تخلف ولاد ولا بنات؟
عارف هتقولى كل اللى يجيبة ربنا كويس
ماشى انا كمان مؤمن بقضاء الله بس انا نفسى فى بنات
اية حاجة بتكرها فى حلمنا؟
يعنى مثلا واحة معينة
شخص معين
بلاش شخص دى اصلك عمرك ما هتقول علية
بس فعلا فى حد بتكرهة او بتستهيفة؟
بس
جايلك تانى مش تقلق
shasho_219
Sep 5 2005, 06:58 PM
QUOTE
طيب
هل فعلا صحابك بيعوضوك عن اخواتك؟؟
كنت تتمنى اخوات ولاد ولا بنات؟؟
لما تتجوز (عن قريب ان شاء الله) تتمنى تخلف ولاد ولا بنات؟
عارف هتقولى كل اللى يجيبة ربنا كويس
ماشى انا كمان مؤمن بقضاء الله بس انا نفسى فى بنات
اية حاجة بتكرها فى حلمنا؟
يعنى مثلا واحة معينة
شخص معين
بلاش شخص دى اصلك عمرك ما هتقول علية
بس فعلا فى حد بتكرهة او بتستهيفة؟
بس
جايلك تانى مش تقلق
طبعا مش بيعوضوني بنفس القدر و لكن الحمد لله لدرجة لا بأس بها
كان نفسي يكون ليا اخت بنت
فعلا لما اتجوز و الله مش ديبلوماسية بس فعلا كل اللي يجيبه ربنا كويس
واحة المال و الاقتصاد بحس انها تقيلة علي قلبي !!
اكتر اعضاء بتخنق منهم اللي عاملين اكونتات في حلمنا و مشاركاتهم صفر و للأسف كتييير اوووي
akrm-nagy
Sep 5 2005, 07:27 PM
بس خلاص يا شاشو
انت كدة حطمت فؤادى
وا حسرتاة عليك يا شادى
كدة خلاص انا حطيتك فى البلاك لست بتاعتى
بقى اكتر واحة بتكرهها المال والاقتصاد؟؟؟؟؟!!!!! :o
وبتقولها بكل صراحة وافتخار
وبتفسر فى وشى كمان
انت مش عارف انى قسم اقتصاد وبمووووووووووووت فية
جهز نفسك بقى علشان انا هبعتك فى رحلة للأخرة
وودع اصحابك وأصدقائك وكل اللى بيحبوك
:P :P :P
انا عارف انك هتقولى ما انت كمان مبتحبش الكورة وانا ما قولتلكش حاجة
بس انا حر يا اخى ...دى حرية شخصية؟؟؟
انما انت لازم تحب الاقتصاد بالعافية
كدة تناحة
يا اما قول على نفسك يا رحمن يا رحيم
shasho_219
Sep 5 2005, 08:17 PM
هاهاهاهاهاهاها
معلش جت فيك اكرم
بس قولت عايز رأيي بصراحة
Without Fear
Sep 6 2005, 03:05 PM
QUOTE
طبعا كما نعلم فالحياة تجارب يمر بها الانسان لابد من الاستفاده من هذه التجارب و بالطبع اتمني تحقيق طموحاتي في اكون انسانا صالحا يرعي ربه و ان اكون يقظ الضمير حتي لا اغضب ربي
احكيلنا عن تجربة مريت بيها وغيرت وجهة نظرك للناس والدنيا
QUOTE
كده مسابقة الصور المشوهة ده غير مفاجأه كنت قولت عليها لصديقي العزيز مشرف خواطر و اشعار ( كعبول) عليها ان شاء الله هبقي اقولكوا عليها
في وقتها ......
واحنا في الانتظار
QUOTE
اما الادمن يا عم خليهولك انا مش عايزه
:D :D :D
امممم .. يعني هل شاشو بحكم ارتباطه بالحاسبات واكيد الانترنت .. مش ممكن في يوم تفكر انك تعمل منتدى خاص بيك؟؟ كتير جدا من الشباب في البداية بيكونو في منتديات وبعدين بيعملو منتديات خاصة بيهم ... فهل الفكرة خطرت على بالك؟؟
- اتكلمت انت وسيسو عن العصبية وامتى بتكون عصبي وكل ده ... وعرفنا انك عصبي (بمزاج) .. وعصبيتك كتير بتبقى مؤقتة .... طيب انا عايزة اسألك .. لما بتحس انك متضايق او عصبي .. بتعمل ايه علشان تنفس عن اللي جواك او تخرج من المود ده؟
QUOTE
موقف شاشو من البنات موقف جيد فالبنات هي الاخت و الام و الصديقة و الحبيبة إذن فهو موقف محترم و كما ان الفتاه لا يمكنها العيش بدون رجل فالعكس صحيح .......
كلام جميل جدا وبيدل على عقلية ناضجة يا شادي .. ارفعلك القبعة على الاجابة الجميلة جدا دي واتمنى كتير من مملكة (هو) يكونو زيك وليهم وجهة نظرك
Without Fear
Sep 6 2005, 03:12 PM
QUOTE
هذا التخصص من احلامي لأني كان نفسي قبل الهندية اني ادخل سياسة و اقتصاد بحكم عمل امي في وزارة الخارجية و كان يليه هندسة كومبيوتر و الحمد لله راح الاول و جه التاني ....
ده غريب شوية .. لاني اعرف ان الهندسة من كليات القمة .. فمعنى انك في هندسة ان كان بسهولة تقدر تدخل سياسة واقتصاد ... فازاي بتقول كده؟
QUOTE
الكتابة بالنسبة لي هي حاله لا يمكن توقع متي ستأتي هي حاله تأتي لي و اكتب من خلالها و ليس شرط ان تكون تجربة شخصية .....
امممم ... طيب هل حاولت تكتب قصة قصيرة؟ ولا كتابتك منحصرة بس على الاغاني؟؟
QUOTE
لا مش بحب المغامرات لانها مش من طبعي
:D اول مرة اشوف شاب مش بيحب المغامرات ... انا فعلا اندهشت
QUOTE
- هو و هي علي صفيح ساخن علي فكرة بشوف فيها مناقشات حلوة جدا بس بحب اتابع من بعيد لبعيد
ممكن تقولي ايه السبب؟؟؟ بتحس ان البنات والولاد بيزودوها ويعملوها حرب بين (هو) و(هي)؟؟ ولا ايه بالظبط؟
QUOTE
في كرة القدم المدرب لازم يختار 11 لاعب فقط عشان يلعب و 7 يكونوا احتياطي فلما بيسألوا الاحتياطي انت ليه مبتلعبش بيكون رده : عشان دي وجهة نظر المدير الفني للفريق ...
و انا بعتبر ان سيسو بلاك كات هو المدير الفني لحلمنا و ده رأيه و لازم احترمه هو شايف ناس اجدر مني خلاص مفيش مشاكل هعمل ايه يعني ؟......
انت فعلا كان لازم تكون سياسي!! :lol:
شاشوووو ...
مش معقوله ويلكموووو . سوري مكنتش موجود من الاول..
ع فكره قبل ما ابتدي رغي..
أنا االمشاركة رقم ألف في تحت المجهر...
المهم نيجي.. للمهم انا مقدرتش كل الردود لان ماشاء الله .. الردود كتيرة...
سؤالي ... ليكي رومانسي شويه ..
لو بتحب واحده جداا موووت ومش هتقدر تعيش مع واحده غيرها واهلها رفضينك ايه ممكن يكون تصرفك للعلم هيه برده متعلقه بيك اكتر من منك ..
ده سؤال التاني بقه يا سيدي
لو حصلت معاك .. مشكله عاطفيه .. ممكن ترجع لمين؟؟
وشكراا
shasho_219
Sep 6 2005, 11:27 PM
QUOTE
ده غريب شوية .. لاني اعرف ان الهندسة من كليات القمة .. فمعنى انك في هندسة ان كان بسهولة تقدر تدخل سياسة واقتصاد ... فازاي بتقول كده؟
انا في هندسة اكاديمية اخبار اليوم QUOTE
امممم ... طيب هل حاولت تكتب قصة قصيرة؟ ولا كتابتك منحصرة بس على الاغاني؟؟
فعلا انا كتاباتي مقتصرة علي الاغاني و ماحاولتش اكتب غيرهاQUOTE
ممكن تقولي ايه السبب؟؟؟ بتحس ان البنات والولاد بيزودوها ويعملوها حرب بين (هو) و(هي)؟؟ ولا ايه بالظبط؟
مش مسألة كده بس اخشي ان اقول رأي يزعل حد مني QUOTE
انت فعلا كان لازم تكون سياسي!! :lol:
مش قولتلك !!QUOTE
احكيلنا عن تجربة مريت بيها وغيرت وجهة نظرك للناس والدنيا
اعتقد ان مفيش تجربة اقسي من وفاة والدي اللي غيرت من جوايا حاجات كتيرQUOTE
امممم .. يعني هل شاشو بحكم ارتباطه بالحاسبات واكيد الانترنت .. مش ممكن في يوم تفكر انك تعمل منتدى خاص بيك؟؟ كتير جدا من الشباب في البداية بيكونو في منتديات وبعدين بيعملو منتديات خاصة بيهم ... فهل الفكرة خطرت على بالك؟؟
الفكرة ده ماخطرتش علي بالي بس مين عالم بكرة هيجيب ايه ؟QUOTE
- اتكلمت انت وسيسو عن العصبية وامتى بتكون عصبي وكل ده ... وعرفنا انك عصبي (بمزاج) .. وعصبيتك كتير بتبقى مؤقتة .... طيب انا عايزة اسألك .. لما بتحس انك متضايق او عصبي .. بتعمل ايه علشان تنفس عن اللي جواك او تخرج من المود ده؟
اولا الجأ الي الله اصلي ركعتين و بعدين اغلق باب غرفتي علي نفسي و اغلق النور و اجلس في الظلام صديقني الموضوع ده بريحني اويQUOTE
كلام جميل جدا وبيدل على عقلية ناضجة يا شادي .. ارفعلك القبعة على الاجابة الجميلة جدا دي واتمنى كتير من مملكة (هو) يكونو زيك وليهم وجهة نظرك
شكرا لكي يا فير علي هذه المجاملة و لكن ( هو ) و ( هي ) مكملين لبعضهما و تلك حقيقة لا يختلف عليها اثنان..--------------------------
sh@dy
shasho_219
Sep 6 2005, 11:31 PM
QUOTE
لو بتحب واحده جداا موووت ومش هتقدر تعيش مع واحده غيرها واهلها رفضينك ايه ممكن يكون تصرفك للعلم هيه برده متعلقه بيك اكتر من منك ..
حبيب قلبي يا جي واحشني و الله ..
بس يا سيدي احاول اعرف ايه سبب رفض اهلها و احاول اقرب وجهات النظر .
لأن الرفض عمره ما يكون رفض مطلق اكيد فيه اسبابQUOTE
لو حصلت معاك .. مشكله عاطفيه .. ممكن ترجع لمين؟؟
اولا ربنا ما يجيب مشاكل
تصدقني لو قولتلك ان لو حصل حاجه زي كده اول حد هلجأ ليه هي امي ؟!
Without Fear
Sep 7 2005, 10:57 AM
QUOTE
- انا موجود بس فعلا انا معترف اني مقصر في العديد من المناقشات بس فعلا انا مبسوط من تحت المجهر لأني
خلاني اأخد بالي ان فيه حاجات انا مقصر فيها و ان شاء الله احاول اصلح هذه الاخطاء
وانا اتمنى فعلا وجودك معانا في المناقشات لاني اعتقد ان ليك عقلية محترمة واراء جميلة يا شادي
QUOTE
اكتر حاجه بكرها في حلمنا تنفيض الناس في اوقات كثيرة و لكن لكل واحد اسباب غيابه و يجب ان نحترمها
:D فاهماك تماما يا شادي