بسم الله
طبعا يا جماعة كل سنة وانتوا طيبيين ...رمضان اهو على الابواب
طيب نعمل اية لغاية ما رمضان يجى؟؟؟؟
اولا:
محدش يغير اى حاجة من اللى بيعملها ...بس امشى وأنت فى ايدك ميزان الحلال والحرام
وشوف انت بتعمل اية من المعاصى وأحصرها فى ورقة
مثلا:
بصلى فرض اة وفرضين لأ
بطلق بصرى
بسمع اغانى
بشتم صحابى
.
.
.
الخ
وأول ما يجى رمضان
اتحدى نفسك وشوف انت انسان عندة عزيمة ولا لأ وامتنع تماما عن الذنوب دى
ثانيا:
كل واحد فينا يدبق شوية فلوس يا جماعة
علشان اول ما يجى رمضان نشترى شوية زينة ونعلقها جوة البيت وبرة البيت مع الجيران
ونرجع بقى شوية للعلاقات الاجتماعية الجميلة والجيرة اللى نسينها
لازم يا جماعة نحسس انفسنا ببهجة رمضان
ثالثا:
لازم تحسس اولادك او اخواتك الصغار بأننا اليومين دول مستنين ضيف مهم وهو رمضان
علشان لما يكبروا يتعودوا على كدة..... انتظار رمضان
رابعا:
الاعداد النفسى >>>>>>>>
ودة مهم جدااااااااا لازم تعد نفسك نفسيا على ترك الذنوب
يعنى انا اقوى من انى اخضع لعادة مثل التدخين اول ما يجى رمضان هقلع تماما
انا اكبر واعقل من ان الشيطان يضحك عليا ويلهينى عن الصلاة
اعداد يا جماعة يعنى تعيش نفسك فى لحظات خيالية علشان لما يجى الواقع تعملة
يعنى مثلا تتخيل انك فى وسط زحمة الشغل ومزنوق ومش فاضى والظهر ادن وتتخيل انك تركت كل هذا لأجل الله .......لتلبى نداء الله عليك...حى على الصلاة
الله الله الله الله
شعور جميل قوى قوووووووووووى لو تتخيلة والاجمل انك تنفذة فعلا
خامسا:
اعمل تجربة بسيطة كدة او تجربتين قبل رمضان بأسبوع
يعنى تخيل انك فى رمضان النهاردة وشوف هتقدر تنفذ اللى خططتلة ولا لأ
ولو مش قدرت شوف اية اللى حصل علشان مش تقع فى الخطأ مرة تانية
بس