4 رد (ردود) على هذا الموضوع

[dandana]

بما اننا عايشين في مصر فمن الطبيعي جدا ان نسبه كبيره من المصريين عندهم اكتئاب  انا بعمل بحث مبسط عن ارائكم في الاكتئاب ويا ريت يا جماعه ما تبخلوش برايكم  الاسئله هي: 1-ما هو الاكتئاب من وجههه نظرك؟  2-لو كان للاكتئاب انواع  ما هي؟    3-هل الاكتئاب مرض مزمن  ولا مؤقت؟ 4-ليه فيه اشخاص بيمروا بنفس الظروف بعضهم بيكتئب والبعض التاني عادي؟ 5-  انت  شايف ان من احد اهم  اسباب الاكتئاب الحكومه؟    5- انت شايف ان نسبه الاكتئاب في مصر كتيره ولا عادي؟   6- مين اكتر فئه في مصر بتعاني من الاكتئاب؟   6- هو فيه سن معين بيزيد فيه نسبه التعرض للاكتئاب؟        7- هل تتغير صور الاكتئاب  باختلاف العمر؟        8- ايه يتعبك نفسيا  لدرجه الاكتئاب توصلك للاكتئاب ؟  9- الاكتئاب مرض وراثي؟               10-لما بتكتئب بتعمل ايه عشان تطلع من المود ده؟                     11- لو فيه حل للاكتئاب ده لو فيه! هيكون ايه ؟   ياريت يا جماعه تجوبوا علي الاسئله دي اجابتكم مهمه جدا جدا جدا انا منتظره ردودكم  ولو عاندكم معلومات اكتر عن الاكتئاب اتكلموا اتكلموا اتكلموا .............

[dandana]

اسفه جدا  يا جماعه علي الاخطاء الاملائيه اصل الواحد مخه هنج بين الكلب بتاع بافلوف والاكتئاب فطلعت العمليه الاكتئلب

[noha_r]

السلام عليكم دندانا
هرد عليكى بوجهه نظرى بعيد عن الكلام العملى والمعقد ده
نبدا بسم الله
ما هو الاكتئاب من وجههه نظرك؟
الاكتئاب ان تكره الدنيا الناس تحاول الانعزال لو كان شديد يودى لانتحار ولكن ممكن يوفقه العامل الدينى والخوف من الله



2
-لو كان للاكتئاب انواع ما هي؟
اكتئاب الفراق
الخيانه
الضغوط النفسيه المختلفه اسره بيت مدرسه جامعه وهكذا
3-هل الاكتئاب مرض مزمن ولا مؤقت؟

على حسب الحاله ممكن يكون عارض وينتهى وممكن يستمر اذا لم يساعد لشخص
4

-ليه فيه اشخاص بيمروا بنفس الظروف بعضهم بيكتئب والبعض التاني عادي؟
حسب قوه التحمل وحسب شخصيه تربيه الواحد فى ناس مش سهل انها تنكسر فى ناس ممكن تنكسر بابسط العوامل وانا شايفه ان الدين عامل مهم برده


5- انت شايف ان من احد اهم اسباب الاكتئاب الحكومه؟
ههههههه اه اكيد الحكومه اكتر العوامل واهمها


5- انت شايف ان نسبه الاكتئاب في مصر كتيره ولا عادي؟
ممكن تكون بدات تكتر


6- مين اكتر فئه في مصر بتعاني من الاكتئاب؟
الطبقات متفرقشى اللى بعاد عن ربنا اكتر ناس بيصابوا بالاكتئاب
وبعدها مشاكل فى الاسره والكلام  ده كله
6- هو فيه سن معين بيزيد فيه نسبه التعرض للاكتئاب؟

7- هل تتغير صور الاكتئاب باختلاف العمر؟
ايوه مرحله المراهقه وكبار السن اكبر عرضه لاكتئاب
8- ايه يتعبك نفسيا لدرجه الاكتئاب توصلك للاكتئاب ؟
الفراق الخيانه الكدب الغش العوامل اللى ممكن ملقيش لها نهايه لو عددناها
9- الاكتئاب مرض وراثي؟
اوقات وراثى وممكن لا
مش شرط

10-لما بتكتئب بتعمل ايه عشان تطلع من المود ده؟
هههههه الاكتئاب كلمه مش سهله يعنى الاكتئاب صعب انك تخرج منه الا لو عندك اراده فعلا
انما فى حزن وقتى ده مش اكتئاب ولا ينفع نصفه كده بيزول على طوول لو مضايقه مثلا ومخنوقه
افكر فى شئ تانى واحاول ابعد عن الشئ اللى مضايقنى
اخرج اكلم ناس اشوف ناس كده احاول ابعد من المود ده


11- لو فيه حل للاكتئاب ده لو فيه! هيكون ايه ؟
القرب من ربنا وكل واحد يراعى ويحس بالاخر وبس
انا قلت من وجهه نظرى
ياريت دونانا اكون قدرت اقرب من الاجابه اللى عوزاها
وشكرا لكى
نها

[noha_r]

ههههههه صحيح دندنه ايه حكايه الكلب بتاع بافلوف
عندى فى الكتاب امتحان الماده الجايه
ومفمتهش حكايته هو جعان ده اللى عرفته ايه بيحصل بعدها مفهمتش حاجه

[sugar]

بصراحه الاكتئاب مشكله كبيره وعلينا ان نتصدى ليها لتاثيرها على مجتمعنا كعرب ورغبتنا فى التقدم للامام
ولكن اعتقد حله فى الامل واول طبيب لعلاجه هو الانسان نفسه وبامله
بس انا معتقدش ان مصر فيها نسبه كبيره ممكن يكون اكتئاب بسيط         لان كلنا امل بس    مع احوالنا اليومين دول استاله تكون نسبه بسيطه
بس احنا اول ناس علينا اننا نحكم نفسنا لانه بجد ممكن يضيعنا وده اللى عاوزاه الدول الاخرى


وحلو اوى الموضوع وتسلم الايادى